Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.01.2019
ՀԱՍԱՐԱԿՈՒԹՅՈՒՆ


Պայքարը պետք է շարունակվի

Հարգանքի տուրք եզդի ժողովրդի զոհերի հիշատակին

Հայաստանի եւ աշխարհի այլ երկրներից ժամանած եզդիներ, ինչպես նաեւ պետական պաշտոնական անձինք՝ ՀՀ Ազգային ժողովի պատգամավորներ, կառավարության անդամներ, դիվանագիտական կորպուսի ներկայացուցիչներ, գրականության, արվեստի գործիչներ եւ պատմաբաններ, երեկ Երեւանի Օղակաձեւ զբոսայգու 3—րդ հատվածում (Նալբանդյան—Իսահակյան փողոցների հատույթ) հարգանքի տուրք մատուցեցին Առաջին համաշխարհային պատերազմի եւ հետագա շրջաններում զոհված եզդի ժողովրդի անմեղ զոհերի հիշատակին։
Այստեղ տեղադրվել է հիշատակի հուշարձան, որի հեղինակն է քանդակագործ Ասլան Մխիթարյանը, եւ այդ առթիվ կայացած հանդիսավոր արարողությունը բացվեց անկախ ազգությունից ու դավանանքից բոլոր անմեղ զոհերի հիշատակը մեկ րոպեով հարգանքի լռությամբ, ապա մասնակիցների համար աղոթք կարդաց եզդիների շեյխ Ռաշիդը։
Հուշարձանը կառուցվել է բարերար Ռաշիդ Շամոյանի աջակցությամբ, ով ներկա էր եւ ելույթ ունեցավ հանդիսությանը։
Արարողակարգը ներկայացրեց «Մեդիա—Շանգալ» եզդիների ազգային միավորման ՀԿ խորհրդի նախագահ Ամո Շարոյանը։
Ըստ հռետորի, Հայոց ցեղասպանության 100—ամյա տարելիցին ընդառաջ հուշարձանի կառուցման փաստը գալիս է ասելու, որ մեր ժողովուրդների ցեղասպանությունը վաղուց մշակված պետական քաղաքականություն է եղել, եւ Հայաստանի Հանրապետությանը հավասարապես հուզում են թուրքական յաթաղանից զոհված մյուս ժողովուրդների ցեղասպանության խնդիրները։ «Ինչքան էլ ժամանակն անցնի, միեւնույն է, այս հուշարձանը մեզ թելադրելու է, որ հիշենք, պահանջենք, որ աշխարհը ճանաչի, դատապարտի հայ, եզդի եւ մյուս ժողովուրդների ցեղասպանությունը»,–ասաց ՀԿ խորհրդի նախագահը։
ՀՀ Ազգային ժողովի փոխնախագահ Էդուարդ Շարմազանովն ասաց, որ այսօր մայրաքաղաք Երեւանում տեղի է ունենում պատմական իրադարձություն. հայ ժողովուրդը, որպես ցեղասպանություն վերապրած ժողովուրդ, Հայաստանի Հանրապետության իշխանությունների օժանդակությամբ եզդի ժողովրդի հետ բացում է մի հուշակոթող, որը նվիրված է 20—րդ դարասկզբին օսմանյան Թուրքիայում եզդի անմեղ զոհերի հիշատակին։
«Մենք՝ բոլորս շատ լավ հիշում ենք, որ Հայոց ցեղասպանության տարիներին բազմաթիվ հայեր տանջանքներից ու սպանություններից փրկվեցին մեր եզդի եղբայրների շնորհիվ։ Մենք շատ լավ հիշում ենք, որ Հայոց ցեղասպանությունից երեք տարի անց մեր եզդի եղբայրները մեզ հետ միասին պայքարում էին մեր ազգային անկախության համար, եւ մեզ հետ միասին Ջհանգիր աղան գոյամարտերի հերոսներից էր։
Առաջին աշխարհամարտի շրջանում Հայոց ցեղասպանությունը միակ ողբերգությունը չէ։ Այդ ժամանակահատվածում բազմաթիվ եզդիներ դարձան անմեղ զոհեր։ Այսօր էլ Մերձավոր Արեւելքում եզդի ժողովրդի նկատմամբ բռնությունների քաղաքականություն է շարունակվում։ Եվ պատահական չէ, որ Նյու Յորքում, ՄԱԿ—ի բարձրագույն ամբիոնից Հայաստանի Հանրապետության նախագահ Սերժ Սարգսյանը խոսեց այդ բռնությունների անթույլատրելիության մասին։ Իսկ ընդամենը մի քանի օր առաջ հայոց խորհրդարանի բոլոր խմբակցությունները հանդես եկան համատեղ հայտարարությամբ, որով խիստ քննադատում էին Հյուսիսային Իրաքում «Իսլամական պետություն» կոչվող կազմակերպության կողմից եզդի մեր քույրերի ու եղբայրների նկատմամբ իրականացված բռնությունները»,–ասաց նա։
Ըստ Է. Շարմազանովի, այս հուշակոթողը եւս մեկ վկայություն է, որ ցեղասպանությունների դեմ պայքարը պիտի շարունակվի, եւս մեկ վկայություն է, որ մենք պիտի միասնաբար պայքարենք մարդու իրավունքների պաշտպանության համար։ Մեր պայքարը ընդդեմ չէ, մեր պայքարը որեւէ երկրի դեմ չէ, մեր պայքարը հանուն է, հանուն պատմական արդարության, հանուն այն բանի, որ այլեւս որեւէ ժողովուրդ չկոտորվի։
Եղան նաեւ այլ ելույթ ունեցողներ՝ Հայոց ցեղասպանության թանգարան—ինստիտուտի տնօրեն Հայկ Դեմոյանը, ՀՀ—ում Լեհաստանի Հանրապետության արտակարգ եւ լիազոր դեսպան Եժի Նովակովսկին, եզդի ժողովրդի համաշխարհային օգնության ֆոնդի ղեկավար Լուսյա Ուսոյանը, Ջամալե Չատոն (Ռուսաստան), Շանգալից Հայոց ցեղասպանության 100—ամյակի արարողություններին մասնակցելու եկած պատվիրակության ներկայացուցիչներ, ՀՀ ԱԺ պատգամավորներ եւ այլք։
Վանիկ ՍԱՆԹՐՅԱՆ

22-04-2015





19-01-2019
Բնական մեղր, սխտոր, ճարպ եւ լավաշ
Ձմեռային ժամանակահատվածում զինծառայողներին կհատկացվի լրացուցիչ սնունդ

Զինված ուժերի ...


19-01-2019
Բաքվի ջարդերը ցեղասպանություն էին
Դրանք պետք է արժանանան միջազգային հանրության հստակ գնահատականին



19-01-2019
Առջեւում բարեփոխումների երկրորդ փուլն է
ԱԺ նախագահ Արարատ Միրզոյանը երեկ ԱԺ—ում պատասխանել է լրագրողների ...


19-01-2019
Փոփոխությունների անհրաժեշտությունը կարեւոր է
Միջազգային չափանիշների համաձայն՝ պետական կառավարման համակարգում պետք է լինի ...


19-01-2019
ԱՀՀ-ն ուզում է տեր կանգնել իր իրավունքներին
Մեկնարկել է ԱՀՀ-ի խորհրդարանի երկրորդ գումարման առաջին նստաշրջանը



19-01-2019
«Մենք Աստծո ընտրյալ ժողովուրդ ենք եւ հաղթելուց բացի այլ ճանապարհ չունենք»
Նախագահ Արմեն Սարգսյանն Աբու Դաբիում հանդիպել է հայ ...


19-01-2019
ՀՀ Ազգային ժողովի յոթերորդ գումարման խորհրդի անդրանիկ նիստը
Երեկ տեղի է ունեցել ՀՀ Ազգային ժողովի յոթերորդ գումարման ...



19-01-2019
Երրորդ անգամ Դավոսում
ՀՀ վարչապետ Նիկոլ Փաշինյանը կմասնակցի ...

19-01-2019
Հեռացա, որ մնամ
Ա՜խ, ափսո՛ս, որ հիմա այսպես
Լուռ ու ...

19-01-2019
Տրամադրությունների փոփոխություն արաբական աշխարհում
Երբ 2018թ. սկզբներին ԱՄՆ-ը իրականացրեց իր ...

19-01-2019
Սկսվում է ձյուդոյիստների վարկանիշային մրցաշարը
Հայ ձյուդոյիստները մարզումային հագեցած ...
USD
EURO
RUR
GEL
Եղանակը Երևանում
գիշերը 0... -2
ցերեկը +2... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO