Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

16.06.2019
ԼՂՀ


Փառատոն Հաթերքում

Այն կնպաստի էկոտուրիզմի զարգացմանը

Հաթերք գյուղի մասին ակնարկվում է գիտական ամենատարբեր աղբյուրներում։ Գյուղի հիմնադրման, փորձություններով լի անցած ճանապարհի, օտար նվաճողների դեմ բնակչության միասնական պայքարի, հին ու նոր Հաթերքի պատմական անցքերի, հոգեւոր—մշակութային հուշարձանների վերաբերյալ աղբյուրագիտական հավաստի տեղեկություններ են հաղորդում ոչ միայն հայ պատմիչները, այլեւ բազմաթիվ գրողներ ու գիտնականներ, Հայ առաքելական եկեղեցու երեւելի ներկայացուցիչներ, ինչը վկայում է հարուստ անցյալ ունեցող բնակավայրի, մարդկանց ավանդույթների եւ սովորությունների մասին։
Ավանդապահ հաթերքցիների մասին ուշագրավ զրույցներն ու պատմությունները, որոնք ժողովրդական բանահյուսության գոհարներ են, այսօր էլ փոխանցվում են սերնդեսերունդ։ Շրջանառվող զվարճախոսություններն ու սրամտությունները, հանելուկներն ու ասացվածքները, իմաստախոսությունները փոշիանալուց փրկելու լավագույն օրինակ կարելի է դիտարկել ժենգյալով հացի փառատոնի կազմակերպումը գյուղում, որը, նախաձեռնողների համոզմամբ, կնպաստի էկոտուրիզմի զարգացմանը, մշակութային ժառանգության պահպանմանը։
Միջոցառումը, որ բավական հագեցած էր ու բազմաշերտ, ընդգրկում էր ոչ միայն ավանդական ուտեստի՝ ժենգյալով հացի պատրաստման եւ մատուցման գործընթացը, այլեւ մրգերի եւ քաղցրավենիքի, մուրաբաների, տնական կաթնամթերքի հարուստ տեսականու հյուրասիրություն, երիտասարդ կանանց ձեռքով պատրաստած հարսանեկան զգեստների, նահապետական օջախներում պահպանվող կենցաղային (խոհանոցային) իրերի ցուցադրում, ժողովրդական երգեր ու պարեր՝ դպրոցականների մասնակցությամբ։
Տաղավարներում եռանդով գործի անցած կանայք չեն թաքցնում, որ հատկապես գարնան եւ աշնան ամիսներին առավել նախընտրելի է ժենգյալով հացի միջուկը, որովհետեւ այն շատ համեղ է ու «մինչեւ 20 անուն տարբեր կանաչեղեն է լինում ուտեստի մեջ»։ Միեւնույն ժամանակ նրանք կարծում են, որ տարվա բոլոր եղանակներին էլ համով ժենգյալով հաց կարելի է պատրաստել, եթե «բաղադրատոմսը եւ հյուրասիրության կանոնները պահպանելով՝ այն մատուցվի շուքով եւ ոգեւորությամբ, իհարկե, մի թաս գինու հետ ուղեկցվող աղոթքներով եւ մաղթանքներով»։
«Էկոտուրիզմն Արցախում» կառույցի ղեկավար Սամվել Միրզախանյանի հավաստմամբ, միջոցառմանը հիմնականում օգտագործվել է Հաթերքի բնակչության ներուժը, իսկ մայրաքաղաք Ստեփանակերտից, Երեւանից եւ մյուս բնակավայրերից ժամանած հյուրերը ներկայացել էին սեփական աչքով տեսնելու եւ վայելելու գյուղի մարդկանց պատրաստած բարիքները, հոգեւոր—մշակութային արժեքները։ Ուշագրավ է նաեւ այն հանգամանքը, որ «հեռվից եկած հյուրերը» ոչ միայն գյուղում գիշերելու, այլ նաեւ հինավուրց բնակավայրի տեսարժան վայրերին, հուշարձաններին ծանոթանալու հնարավորություն ունեցան։ Ոմանք նույնիսկ «գիշերավարձի եւ հյուրասիրության տոմսերի զեղչեր ստացան»։
Փառատոնի կազմակերպիչ Ս. Միրզախանյանը, ոգեւորված մասնակիցների մեծ թվով եւ համոզմունք հայտնեց, որ միջոցառումը կդառնա ավանդական եւ «էկոտուրիզմի զարգացման համար լայն հեռանկարներ կբացվեն Հաթերքում ու շրջակա մյուս գյուղերում», մանավանդ որ շատերը ցանկություն հայտնեցին մի քանի օրով ընտանիքներով վերադառնալ գողտրիկ բնության գիրկը եւ վայելել Մռով սարի հայացքի ներքո գտնվող թավշյա անտառների, սառնորակ աղբյուրների եւ Թարթառ գետի զովությունը։
Դավիթ ՄԻՔԱՅԵԼՅԱՆ
Ստեփանակերտ

18-07-2018





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO