Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.11.2019
ՊՆ


Ուշադրություն՝ անվտանգության կանոններին

Այս զորակոչում էական փոփոխություններ չեն եղել

ՀՀ պաշտպանության նախարարության կենտրոնական հավաքակայանում հունվարի 8—ին մեկնարկեց ձմեռային զորակոչը։
Լրագրողների հետ զրույցում ԶՈՒ գլխավոր շտաբի պետ Արտակ Դավթյանն ասաց, որ այս զորակոչում էական փոփոխություններ չեն եղել։ Նրա խոսքով, ինչպես միշտ, հատուկ ուշադրություն է դարձվել զորակոչիկների առողջությանը։
«Քանի որ ձմեռ է, զորակոչի ընթացքում առանձնահատուկ ուշադրություն կդարձվի նաեւ անվտանգության կանոնների պահպանմանը, որպեսզի առանց որեւէ խնդրի մեքենաները զորակոչիկներին հասցնեն զորամասեր»,– ասաց Դավթյանը։
Անդրադառնալով զինվորական համազգեստի որակական փոփոխություններին՝ Դավթյանը նշեց, որ նոր ճտքավոր կոշիկների պատրաստման աշխատանքները ավարտական փուլում են։
«Ներքնաշորերը փոխվել են, եւ մենք հրաժարվել ենք մեկանգամյա ներքնաշորերից՝ դրանք այլեւս չկան։ Նաեւ համազգեստի կտորի որակի փոփոխություն է կատարվել»,–նշեց Դավթյանը։
ԶՈՒ գլխավոր շտաբի պետը տեղեկացրեց, որ «Ես եմ» ծրագրով զինվորական ծառայության անցնելու համար պաշտպանության նախարարություն է դիմել 70 մարդ, իսկ «Պատիվ ունեմ» ծրագրով՝ ավելի քան 90 մարդ։
«Պատիվ ունեմ» եւ «Ես» ծրագրերը շարունակվելու են։ Քանակային առումով դեռեւս վաղ է վերջնական եզրահանգումներ անելը, բայց այս պահի դիմելիության քանակի միտումները ցույց են տալիս, որ լինելու է նույն քանակը, ինչ նախորդ զորակոչին»,–ասաց Դավթյանը։
Նրա խոսքով՝ կան դիմումներ, որոնք հանձնաժողովներում քննարկման փուլում են, եւ վերջնական թվերը կներկայացվեն զորակոչի ավարտին։
Արտակ Դավթյանը անդրադառնալով ՊՆ վարորդների մասնակցությամբ ավտովթարների հաճախակի լինելու հարցին, ասաց, որ զինված ուժերում խստացվել է վարորդների քննությունների վերահսկումը եւ ավելի կոշտ պահանջներ են ներկայացվել զորամասերին այդ հարցում։
ԶՈՒ ԳՇ պետը չի կարծում, որ ՊՆ մեքենաների մասնակցությամբ ավտովթարները շատ են, եւ խորհուրդ է տվել դրանք համեմատել քաղաքացիական մեքենաների մասնակցությամբ պատահարների հետ։
«Իհարկե, մենք հետեւություններ անում ենք յուրաքանչյուր ցավալի դեպքից։ Ավելի են խստացվել վարորդների քննությունները եւ ստուգման որակը։ Բացի դրանից, վերապատրաստում ենք անցկացնում, ավելի կոշտ պահանջներ են ներկայացվել զորամասերին, որպեսզի հատուկ ուշադրություն դարձվի նման խնդիրներին»,–ընդգծեց Դավթյանը։
Անդրադառնալով զինված ուժերը նոր մեքենաներով համալրելու վերաբերյալ հարցին՝ նա նշեց, որ վերջին 4 տարվա ընթացքում զինված ուժերը համալրվել են 2000—ից ավելի մեքենաներով, իսկ դրան զուգընթաց հանվում են բոլոր այն մեքենաները, որոնք շահագործման ենթակա չեն անսարք լինելու պատճառով։
«Մոտ ժամանակներս նույնպես նախատեսվում է տվյալ գործընթացը շարունակել»,–ասաց Դավթյանը։
ՀՀ զինվորական կոմիսար Հենրիկ Մուրադյանը, անդրադառնալով ձմեռային զորակոչի նորամուծություններին, ասաց, որ պաշտպանության նախարարի հրամանով այս տարվա ձմեռային զորակոչի ընթացքում կանոնակարգված է, որ ժամկետային զինծառայողները կարող են ունենալ բջջային հեռախոսներ։
Նա նշեց, որ այդ բջջային հեռախոսները պետք է չունենան տեսա եւ լուսանկարահանման ու համացանց մուտք գործելու հնարավորություն։
«Մեծամասնությունն արդեն ունի նման բջջային հեռախոսներ»,–ասաց Մուրադյանը։
Հարցին, թե ինչպիսի վերահսկողական մեխանիզմներ են գործելու, որպեսզի բջջային հեռախոսն իսկապես համապատասխանի օրենքի պահանջներին, նա պատասխանեց. «Այս հարցում վերահսկողությունն իրականացնելու է զորամասերի հրամանատարական կազմը»։
Նշենք, որ ՀՀ ՊՆ ռազմական ոստիկանության աշխատակիցները, ձմեռային զորակոչի շրջանակներում, մինչեւ զորակոչի ավարտը, «Զվարթնոց» եւ «Գյումրի» օդանավակայաններում իրականացնելու են շուրջօրյա պարեկային ծառայություն՝ արտերկրից ժամանող զորակոչիկներին դիմավորելու, ըստ անհրաժեշտության զորակոչի վերաբերյալ իրավական պարզաբանումներ տրամադրելու համար։
Ռազմական ոստիկանները հետեւելու են նաեւ օդանավակայանների տարածքում զինծառայողների կողմից զինվորական համազգեստի կրման կանոնների պահպանմանը։

10-01-2019





22-11-2019
«Խաղաղության աստղը՝ Արցախի երկնակամարում»
Նկարահանվում է ֆիլմ աշխարհի միստիկ վայրերի մասին, որում ...


22-11-2019
Բյուրականի աստղազարդ երկինքն ու Արագածի ջրերը
Նոր գաղափարներ՝ զբոսաշրջության զարգացման համար

Թամարա ՄՈՒՐԱԴՅԱՆ
t.muradyan@hhpress.am


Բյուրական համայնքի ...


22-11-2019
Կշահեն արագ գործող եւ հավատարիմ դաշնակիցները
Պետք է առավելագույնի հասցնենք մեր դիվանագիտական ու ռազմաքաղաքական ...


22-11-2019
Դեպի միասնական ֆինանսական շուկա
ԵԱՏՄ երկրների օրենսդրությունն այդ ոլորտում կներդաշնակեցվի մինչեւ 2025 ...


22-11-2019
Ադրբեջանից բռնագաղթածները կապահովվեն մշտական օթեւանով
Այս փուլում 112 ընտանիքի խնդիր կլուծվի

Արմենուհի ՄԵԼՔՈՆՅԱՆ
a.melqonyan@hhpress.am


1988-1992 ...


22-11-2019
Գրքերը կզեղչվեն 40 տոկոսով
Մեկնարկում է Գրքի երեւանյան 3-րդ փառատոնը

Լիանա ՍԱՐԳՍՅԱՆ
l.sargsyan@hhpress.am


Հայ ...


22-11-2019
Հանդիպում Սենատում
Վարչապետ Նիկոլ Փաշինյանը Միլանում նախատեսված հանդիպումներից եւ միջոցառումներից հետո ...



22-11-2019
Արախիշի զարմանահրաշ խաչքարը
Այսօրվա Քաշաթաղի մայր գետի՝ Հակարիի 3 մեծ վտակի՝ ...

22-11-2019
Գրապահարանները, որպես տան կահույք, «մոդայիկ» չեն
Իսկ գրքե՞րը...

Թամարա ...

22-11-2019
«Հնարավոր չէ լուծել Լեռնային Ղարաբաղի հարցը առանց ծանր ու հետեւողական ջանքերի, առանց փոխզիջման»
Վարչապետ Նիկոլ Փաշինյանի հանդիպումներն ...

22-11-2019
ՀՖՖ նախագահն ու գործկոմը դադարեցրեցին իրենց լիազորությունները
Նախորդ նախագահի ընտրությունից 1 տարի եւ 2 ամիս անց ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO