Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.07.2019
ՆԵՐՔԻՆ ԿՅԱՆՔ


Նիկոլ Փաշինյանը՝ Հայաստանի Հանրապետության վարչապետ

Ժողովրդին վերադարձված իշխանությունը պետք է ամրապնդվի ինստիտուցիոնալ երաշխիքներով

Հանրապետության նախագահ Արմեն Սարգսյանը երեկ նախագահական նստավայրում հանդիպում է ունեցել 2018 թվականի դեկտեմբերի 9—ի Ազգային ժողովի արտահերթ ընտրությունների արդյունքում մեծամասնություն ստացած ուժի՝ «Իմ քայլը» դաշինքի ղեկավար Նիկոլ Փաշինյանի հետ, հայտնում են ՀՀ նախագահի մամլո գրասենյակից։
Հիմք ընդունելով Սահմանադրության 149—րդ հոդվածի 1—ին մասը, հանրապետության նախագահը հրամանագիր է ստորագրել Նիկոլ Փաշինյանին վարչապետ նշանակելու մասին։
Նախագահ Արմեն Սարգսյանը մասնավորապես նշել է. «Պարո՛ն վարչապետ, կրկին առիթ ունեմ Ձեզ շնորհավորելու որպես շարժման եւ կուսակցության ղեկավարի՝ խորհրդարանական ընտրություններում հաղթանակի համար։
Ուզում եմ շնորհավորել նաեւ 7—րդ գումարման Ազգային ժողովի առաջին նիստի առիթով։
Մեր խորհրդարանը շատ մեծ անելիքներ ունի եւ, այս փուլում այդ անելիքները շատ հստակ են։ Խորհրդարանը պետք է ամեն ինչ անի, որպեսզի «թավշյա հեղափոխության» գաղափարները, հույսերը, սպասելիքներն այսօր, վաղը, մյուս օրը իրականություն դառնան։
Ստացել եմ առաջարկությունը Ազգային ժողովից եւ դրա հիման վրա ուրախությամբ կստորագրեմ Ձեզ հանրապետության վարչապետ նշանակելու հրամանագիրը։
Շնորհավորում եմ, պարո՛ն վարչապետ։ Լավագույն մաղթանքները, հաջողություն՝ ի փառս մեր հայրենիքի եւ ողջ հայ ժողովրդի»։
Շնորհակալություն հայտնելով հանրապետության նախագահ Արմեն Սարգսյանին՝ նորանշանակ վարչապետ Նիկոլ Փաշինյանն ասել է. «Հարգելի՛ պարոն նախագահ, Դուք հստակ ձեւակերպեցիք այն շրջանակը, որում մենք գործում ենք եւ պիտի գործենք։ Ես ուզում եմ ընդգծել, որ հիմնական քաղաքական փոփոխությունը, որ Հայաստանի Հանրապետությունում ակնկալվում էր, արդեն իսկ տեղի է ունեցել՝ իշխանությունը լիարժեք վերադարձված է ժողովրդին, եւ Հայաստանում հաստատված է ժողովրդավարություն։ Այլ խնդիր է, որ այդ ժողովրդավարությունը պետք է ինստիտուցիոնալ երաշխիքներով ամրապնդվի, որպեսզի ժողովրդավարությունը, օրենքի գերակայությունը, տնտեսական գործունեության համընդհանուր հասանելիությունը երաշխավորվեն ոչ թե քաղաքական իրավիճակով, ոչ թե անձերով պայմանավորված, այլ ժողովրդավարական, պետական, քաղաքական ինստիտուտների կայացմամբ։
Տնտեսական կյանքում նույնպես կարեւոր փոփոխություններ են տեղի ունեցել։ Ըստ էության, Հայաստանում մենաշնորհային տնտեսական համակարգն այլեւս գոյություն չունի առնվազն քաղաքական կամքի եւ իրողությունների մակարդակով, բայց այդտեղ էլ մենք ինստիտուցիոնալ երաշխիքների կարիք ունենք։ Եվ ես շատ կարեւոր եմ համարում արձանագրելը, որ այն փոփոխությունները, որոնք մենք ակնկալում ենք, չեն կարող տեղի ունենալ առանց քաղաքացիների այնպիսի մասնակցության, ինչպիսի մասնակցությամբ ապահովվել են մինչեւ այժմ եղած քաղաքական փոփոխությունները։ Ինչպես Հայաստանում քաղաքական, ոչ բռնի թավշյա հեղափոխությունը տեղի ունեցավ Հայաստանի քաղաքացիների եւ սփյուռքի միլիոնավոր մեր հայրենակիցների մասնակցությամբ, եւ նրանք իրենց բաժին պատասխանատվությունն ստանձնեցին, տնտեսական հեղափոխությունը նույնպիսի բանաձեւով եմ պատկերացնում՝ իհարկե, պայմանով, որ կառավարությունը պետք է ստանձնի ժողովրդի առաջ իր ունեցած բոլոր պարտավորությունները եւ այդ պարտավորությունները կատարի։ Այստեղ շատ կարեւորում եմ մեր պետական ինստիտուտների համագործակցությունը։ Ըստ էության, մենք գործ ունենք նոր իրավիճակի հետ, եւ շատ կարեւորում եմ նախագահի, վարչապետի, կառավարության, Ազգային ժողովի համագործակցությունը։ Պետք է արձանագրել, որ անցած 8 ամիսների ընթացքում որոշակի պրակտիկա կուտակել ենք, բայց, այնուամենայնիվ, սա նոր իրավիճակ է, նոր ինստիտուցիոնալ հարաբերություններ են, եւ մենք պետք է կարողանանք այստեղ նույնպես այնպիսի ավանդույթներ ստեղծել, որոնք կերաշխավորեն իշխանությունների հստակ տարանջատումը, ժողովրդավարությունը, օրենքի գերակայությունը եւ, իհարկե, փոխզսպումների եւ հակակշիռների համակարգ։
Ես ուզում եմ ասել, որ մենք՝ ես ինքս, մեր քաղաքական ուժը նվիրված են այդ տեսլականին եւ այդ գաղափարին։ Ժողովրդավարությունը, օրենքի գերակայությունը, թափանցիկությունը մեզ համար կարգախոսներ չեն, այլ արժեքների համակարգ, որոնցով մենք առաջնորդվում ենք։ Այդ ամենը պետք է անել այնպես, որ պետության կառավարելիութան մակարդակը չնվազի, մյուս կողմից՝ ավելանա կառավարման արդյունավետության, հաշվետվողականության, թափանցիկության մակարդակը։ Եվ, իհարկե, Հայաստանի Հանրապետության քաղաքացիները պետք է վստահ լինեն, որ իշխանություն ձեւավորելու իրենց իրավունքն այլեւս երբեք ոչ ոք իրենց ձեռքից ոչ միայն չի առնի, այլեւ նույնիսկ փորձ չի անի, նույնիսկ եթե այդպիսի փորձ անի, միանշանակ կձախողվի։
Շնորհակալ եմ Ձեր բարի մաղթանքների համար։ Ուզում եմ նաեւ շնորհակալություն հայտնել Ազգային ժողովի մեծամասնությանը Հայաստանի Հանրապետության վարչապետի պաշտոնում իմ թեկնածությունն առաջադրելու համար։ Համոզված եմ՝ մենք միասին, բոլորով նվիրված ենք մեր երկրի, ժողովրդի ազատ եւ երջանիկ ապագայի կառուցմանը։
Շնորհակալ եմ»։
«Շնորհակալ եմ, պարո՛ն վարչապետ,–ասել է Արմեն Սարգսյանը։–Ես էլ ուզում եմ կրկին ասել, որ նախ եւ առաջ ուրախ եմ լսելու այս խոսքերը։ Վստահ եմ, որ այս խոսքերը զուտ խոսքեր չեն, այլ խոսքեր են, որոնց Դուք ոչ միայն հավատում եք, այլեւ նվիրված եք։ Այսինքն, ինչ—որ իմաստով սա առաքելություն է Ձեր կողմից։ Այս խոսքերն ինձ ուրախացնում են, քանի որ ի վերջո մենք բոլորս այստեղ ենք մի նպատակով՝ որպեսզի այս երկիրը դարձնենք աշխարհի լավագույն երկրներից մեկը, որպեսզի մեր քաղաքացիներն իսկապես հպարտ լինեն։
Եվ ոչ միայն հպարտ լինեն զուտ զգացական իմաստով, այլեւ հպարտ լինեն ըստ էության։ Այսինքն՝ հպարտ լինեն, որովհետեւ ապրելու են այն երկրում, որտեղ օրենքն ու օրինականությունը գերակայում են, որտեղ երկիրը կառավարվում է օրենքներով եւ սահմանադրությամբ, ոչ թե ինչ—որ մեկի քմահաճությամբ։ Երկիր, որտեղ իրենց բոլոր իրավունքները ոչ միայն հարգված են, այլեւ պաշտպանված։ Մեր բոլոր քաղաքացիներն իրավունք ունեն ապրելու բարգավաճ երկրում, որտեղ նրանցից յուրաքանչյուրը, վստահ լինելով իր այսօրվա համար, վստահ է լինելու իրենց երեխաների ու թոռների ապագայի համար։
Ես ի սրտե Ձեզ հաջողություն եմ մաղթում, հաջողություն եմ մաղթում կառավարությանը, ինչպես նաեւ Ազգային ժողովին, որովհետեւ նրանք շատ մեծ անելիք ունեն։
Երբ ժամանակին խոսում էինք չորրորդ հանրապետության մասին, այն ինչ—որ իմաստով սիմվոլիկ բառախաղ էր թվում։ Բայց ըստ էության նաեւ իմաստ ունի այն, որ ոչ միայն քաղաքական նոր իրավիճակ է, այլեւ կառուցվածքային իմաստով։ Եվ ինչպես Դուք նշեցիք, շատ հստակ նորից պետք է ձեւակերպվեն իշխանության տարբեր մարմինների պարտականությունները, նրանց իրավունքները։
Շատ էական է, որ իշխանության բոլոր ճյուղերը՝ սկսած նախագահականից, կառավարությունը, Ազգային ժողովը եւ, ինչու ոչ, նաեւ չորրորդ իշխանությունը, կարողանան համագործակցել, ներդաշնակ լինել մի նպատակի համար, որը մեր երկիրն է։
Այնպես որ, կրկին շնորհավորում եմ Ձեզ, հաջողություն մաղթում։ Ձեր հաջողությունը մեր երկրի հաջողությունն է, մեր ժողովրդի, մեր բոլորի, նաեւ իմ հաջողությունն է»։

15-01-2019





13-07-2019
Կարեւոր ազդակներ Ադրբեջանին ԱՄՆ օրենսդիրներից
Ներկայացուցիչների պալատն ընդունել է հայանպաստ օրենքներ

Լուսինե ՄԽԻԹԱՐՅԱՆ
l.mkhitaryan@hhpress.am


Նախօրեին ...


13-07-2019
Ստամբուլյան կոնվենցիան պաշտոնապես քննարկման առարկա չէ կառավարությունում
Ապրիլյան պատերազմի հարցով ԱԺ հանձնաժողովի եզրակացությունը հանրության համար ...


13-07-2019
«Ամեն մի մարդ ունի կյանքի փիլիսոփայության իր վարքականոնը»
Ջոն Դեւիսոն Ռոքֆելլերը (1839 1937) պատմության մեջ է մտել ...


13-07-2019
«Գիեդանիի պորտը». հարուստի ու աղքատի մշտական հարցը
Լիանա ՍԱՐԳՍՅԱՆ
l.sargsyan@hhpress.am


«Ոսկե ծիրան» 16-րդ միջազգային կինոփառատոնի լիամետրած ֆիլմերի ...


13-07-2019
Հաղթահարելով պատերազմի արհավիրքները
«Լողլողը» ժապավենը երեւանյան մեծ էկրանին է

Լիանա ՍԱՐԳՍՅԱՆ
l.sargsyan@hhpress.am


Լենինգրադ, ...


13-07-2019
«Բժշկական ծառայությունների հասանելիության ապահովումը մեզ համար առաջնահերթություն է»
Վարչապետ Նիկոլ Փաշինյանը շնորհավորել է ԵՊԲՀ շրջանավարտներին

Վարչապետ ...


13-07-2019
Հյուրընկալել է Արմեն Սարգսյանը
Հանրապետության նախագահ Արմեն Սարգսյանը երեկ հյուրընկալել է համաշխարհային ճանաչում ...



13-07-2019
Համամարդկային Չեքիջյանը
Գիտական նստաշրջան՝ նվիրված մաեստրոյի ...

 
13-07-2019
Մշակույթը ճակատագիր է
Հատվածներ Ֆարիդ Զաքարիայի «Ազատության ապագան. ...

13-07-2019
Երեւանում կառուցվում է նոր էլեկտրակայան
Կայացել է կառույցի շինարարական փուլի ...

13-07-2019
Ունենալ տեսլական, ռազմավարություն, գործողությունների ծրագիր. սա է զարգացման ճանապարհը
Նախագահ Արմեն Սարգսյանն ընդունել է ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO