Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

08.12.2019
ՊՆ


Նրանց շնորհիվ է, որ չբռնեցինք գաղթի ճամփան

Հայրենական պատերազմի վետերանները դեռ շատ սերունդներ ունեն դաստիարակելու

Հայրենական մեծ պատերազմում տարած հաղթանակի 74—րդ տարեդարձի առիթով երեկ Հայաստանի վետերանների միությունը կազմակերպել էր միջոցառում—հանդիպում, որին ներկա էին ՀՀ պաշտպանության նախարար Դավիթ Տոնոյանը, ՊՆ տարբեր գերատեսչությունների աշխատակիցներ, Հայրենական պատերազմին մասնակցած վետերաններ, գեներալներ, սպաներ, այլ մարտական գործողությունների մասնակիցներ։
Նախարար Տոնոյանը շնորհավորելով վետերաններին մայիսյան տոների առթիվ՝ բարձր գնահատեց յուրաքանչյուրի վաստակը միասնական հաղթանակի կերտման գործում։ Նախարարը նշեց, որ նրանք, իրենց հայրենանվեր գործով, նվիրումով ու ապագայի հանդեպ հավատով դեռ երկար պիտի շարունակեն կրթել հայրենիքի մարտիկներին։ Զինվորի կյանքը, նրա կրած լուռ տանջանքն ու տառապանքը, պաշտպանած կամ ազատագրած ամեն թիզ հողի համար ապրած անպատմելի բերկրանքը, ըստ նախարարի, միայն զինվորը կհասկանա. «Դուք այդ կերպ ընկալեցիք արցախյան ազատամարտը, եւ նույն կերպ էլ ընկալեց ազատամարտը հաղթած սերունդը։ Վերստին առիթ ունենք շնորհավորելու ձեզ մայիսյան հերոսամարտերի առթիվ, եւ մաղթելու այն լավագույնը, որին արժանի է ամբողջ կյանքում հայրենիքի ու հայրենյաց պատվի համար պայքարած անհատը։ Ձեր հաղթանակի շնորհիվ է, որ մեր ժողովուրդը նորից չբռնեց գաղթի ճամփան, չզրկվեց իր հայրենիքից։ Չլիներ ձեր հաղթանակը, չէր լինի ձեր թոռների հաղթանակն արցախյան պատերազմում։ Դուք արցախյան պատերազմի ամբողջ ընթացքում օրինակելի դարձաք։ Ձեր սխրանքն էր, որ ոգեշնչում ու գոտեպնդում էր հայ զինվորին այդ ծանր տարիներին։ Արցախում տարած հաղթանակը, բանակաշինության տարիների բոլոր նվաճումները, նաեւ 2016թ. ապրիլյան մարտական գործողությունների ձեռքբերումները հավասարապես ձերն են։ Դրանք ճյուղեր են, որոնք աճել են հզոր արմատից, իսկ այդ արմատը դուք եք»,–ընդգծեց Տոնոյանը՝ անուրանալի համարելով վետերանների ավանդը անկախության ձեռքբերման եւ զինված ուժերի կազմավորման գործում։ Հայրենական պատերազմում ունեցած նշանակալի ավանդի համար նախարարը տասնյակ վետերանների պարգեւատրեց խրախուսական հուշամեդալներով։ Հանդիպման մասնակիցները նաեւ առիթ ունեցան բարձրաձայնել, խոսել հուզող խնդիրների շուրջ։ Լսելով հնչած հարցերն ու բողոքները՝ Տոնոյանը վետերաններին խոստացավ, որ հետեւողական կլինի։
Վետերանների միության նախագահ, գնդապետ Սիմոն Եսայանը շնորհավորեց ներկաներին հաղթանակի առիթով եւ տեղեկացրեց, որ պատրաստվում են արժանավայել ձեւով նշել պատերազմում խորհրդային ժողովրդի տարած փառապանծ հաղթանակի 74–ամյակը։ «Այսօր մենք ապրում ենք տարբեր երկրներում, բայց մեր հաղթանակը ընդհանուր է։ Մեր ժողովուրդները միասին դիմացան ծանրագույն փորձություններին եւ փրկեցին համաշխարհային քաղաքակրթությունը մարդկության չարագույն թշնամուց՝ ֆաշիզմից»,–ասաց նա։ Եսայանի խոսքով՝ ժամանակը չի կարող ջնջել հաղթանակի մասին հիշողությունները, երբեք չեն մոռացվի զինվորներն ու հրամանատարները, պարտիզաններն ու ընդհատակայինները, թիկունքի աշխատավորներն ու բոլոր այն հերոսները, ովքեր ապահովեցին հիտլերյան զավթիչների ջախջախումը։ Չեն մոռացվի այն ջանքերն ու զրկանքները, որոնց գնով ապահովվեց հաղթանակը։ Պատերազմի վետերանները արժանի են պատվի եւ խորին հարգանքի։ Նրանք ռազմաճակատի որ հատվածում էլ որ մարտնչել են, Եսայանի խոսքով, ամենուրեք բարձր են պահել հայ ժողովրդի պատիվը, հարստացրել նրա մարտական փառապանծ ավանդույթները եւ իրենց արժանի ավանդը ներդրել թշնամու դեմ տարած պատմական հաղթանակում՝ դրանով իսկ Հայաստանը փրկելով երկրորդ եղեռնից։ «Հաղթանակում իրենց ավանդը ներդրեցին նաեւ խորհրդային Հայաստանի թիկունքի աշխատավորները, որոնց հերոսական աշխատանքի շնորհիվ հանրապետությունը վերածվեց զինանոցի։ «Ամեն ինչ ռազմաճակատի համար, ամեն ինչ հաղթանակի համար» նշանաբանով ամեն օր տասնյակ գնացքներով ռազմաճակատ էին ուղարկվում անհրաժեշտ քանակությամբ օգնություններ՝ հանդերձանք, սննդամթերք, զինամթերք եւ այլն։ Այս ամենն էլ ավելի նպաստեց հաղթանակի մոտենալուն։ Այդ պատմական դեպքերից անցել է ավելի քան յոթ տասնամյակ, նոր իրադարձությունները ծնել են նաեւ անցյալի նոր գնահատականներ։ Մեր պատմության մեջ եղել են ե՛ւ ուրախալի, ե՛ւ տխուր իրադարձություններ, սակայն կարեւորն այն է, որ պահպանել ենք ազատությունն ու անկախությունը եւ հասել առաջընթացի»,–ընդգծեց վետերանների միության նախագահը։
Լիանա ՍԱՐԳՍՅԱՆ

08-05-2019





07-12-2019
Հեղափոխական նշանակության կարեւոր իրադարձություններ
Որոնք անմիջականորեն առնչվում են պատմական արդարության վերականգնման հետ



07-12-2019
Կոմիտասը՝ Թումանյանին. «Ջահել ջիվան ջանիդ ափսոսացի, էս անգամ ձեռիցս պրծար»
Լիանա ՍԱՐԳՍՅԱՆ
l.sargsyan@hhpress.am


Կոմիտասի ստեղծագործության, նրա կյանքի եւ, մասնավորապես, Թումանյանի ...


07-12-2019
Գյումրու քյալլան, ֆռռիկն ու ընկեր Ղազարյան-Ջղեր Խաչիկը
Գյումրեցին առաջ է նայում ու լիաթոք ծիծաղում

Թամարա ՄՈՒՐԱԴՅԱՆ
t.muradyan@hhpress.am




07-12-2019
Նեոօսմանականությունը Թուրքիայի գերնպատակն է
Ծավալապաշտական նկրտումներին հագուրդ տալու համար

Էմմա ԲԵԳԻՋԱՆՅԱՆ
e.begijanyan@hhpress.am


Այսօր արդեն ...


07-12-2019
Կառավարությունում շարունակվում են գերատեսչությունների բյուջետային հատկացումների հայտերի քննարկումները
Վարչապետ Նիկոլ Փաշինյանի գլխավորությամբ կառավարությունում շարունակվում են գերատեսչությունների բյուջետային ...



07-12-2019
«Միշտ ունենալու ենք ատոմակայան, անկախ այն հանգամանքից, թե ով ինչ խորհուրդ կտա»
Հարցազրույց տարածքային կառավարման եւ ...

07-12-2019
Սահմանամերձ գյուղը նոր ջրատար կունենա
Այն լիովին կհագեցնի Ուղտասարի այգիների ...

07-12-2019
Աշխարհի քարտեզը 30 տարի առաջ այսպիսին չէր, կփոխվի նաեւ առաջիկա 30 տարում
Եվրոպան կկանգնի՞ ազգային պետությունների ...

07-12-2019
Գրանցվեց ՀՖՖ նախագահի 3 թեկնածու
Ժամանակավոր կասեցման որոշում է ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO