Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

26.06.2019
ՏՆՏԵՍՈՒԹՅՈՒՆ


Գինու ակցիզային հարկի նվազեցումից մինչեւ այլ հարկերի կրճատում

Պատգամավորներն օրենսգրքի վերաբերյալ ներկայացնում են առաջարկներ

Հարկային օրենսգրքում փոփոխություններ եւ լրացումներ կատարելու մասին օրենքի նախագիծն արդեն մի քանի ամիս բուռն քննարկումների առիթ է դարձել մասնագիտական շրջանակներում։ ՀՀ ազգային ժողովի պատգամավորները եւս ունեն իրենց դիտարկումները՝ հարկատեսակների հնարավորինս պարզեցում, մի քանի տարի հետո կրկին անցում պրոգրեսիվ եկամտային հարկման, գինու ակցիզային հարկի նվազեցում եւ այլն։ Այս թեմայով զրուցել ենք ԱԺ երեք խմբակցությունների տնտեսագետ պատգամավորների հետ։
Նախագծով առաջարկվող եկամտային հարկի համահարթեցման վերաբերյալ ընդդիմադիր երկու խմբակցությունների՝ «Բարգավաճ Հայաստանի» անդամ Սերգեյ Բագրատյանը եւ «Լուսավոր Հայաստան» անդամ Գուրգեն Բաղդասարյանը գրեթե նույն տեսակետներն ունեն։ Բագրատյանը կողմ է համահարթեցմանը՝ նշելով, որ այս պահին կա անհրաժեշտություն, որ ստվերից դուրս գան աշխատողներ։ Սակայն կարծում է, որ համահարթեցումը պետք է կրի ժամանակավոր բնույթ։ «Կառավարությունը կորոշի՝ երկու կամ երեք տարուց հետո նորից պետք է անցում կատարվի պրոգրեսիվ հարկման։ Պրոգրեսիվության արդյունքում շատ ստացողը ավելի շատ կվճարի, քիչ ստացողը՝ քիչ»,—նշեց Բագրատյանը։
Գուրգեն Բաղդասարյանը կարծում է, որ Հայաստանում եկամտային հարկը շատ բարձր է, եւ հարկային օրենսգրքի փոփոխություններով առաջարկվող համահարթեցումը դիտարկում է հետագայում նորից ավելի ցածր դրույքաչափերով պրոգրեսիվ հարկման անցնելու միջոց։ «Համահարթեցման միջոցով եկամտային հարկը պետք է հասցնենք 20 տոկոսի, հետագայում անցնենք պրոգրեսիվի, իսկ ստորին շեմի համար պետք է սահմանվի շատ ավելի ցածր դրույքաչափ»,—նշեց պատգամավորը։
Խմբակցության կողմից նաեւ ներկայացվել է առաջարկ, որ նվազագույն աշխատավարձը չհարկվի։
Իշխող «Իմ քայլը» խմբակցության անդամ Հայկ Գեւորգյանի կարծիքով՝ եկամտային հարկի համահարթեցումն առանձին վերցրած անհաջող լուծում է, սակայն ընդհանուր կոնտեքստի մեջ՝ հոյակապ։ «Մենք արդեն գնում ենք ոչ թե եկամուտների հարկմանը, այլ հարստության հարկմանը։ Այս փոփոխություններին կհաջորդեն այլ փոփոխություններ՝ կապված գույքահարկի հետ։ Այսինքն՝ առաջիկա 3—4 տարիների ընթացքում թե եկամտային հարկը, թե շահութահարկը կնվազի, փոխարենը կլինի գույքահարկ»,—նշեց նա։
Սերգեյ Բագրատյանի մյուս առաջարկը հետեւյալն է՝ միկրոձեռնարկատիրությամբ զբաղվել ցանկացող մարդու համար օրենսգիրքը պետք է պարզ լինի։ Պատգամավորն առաջարկում է, բացի խոշորներից, մնացած բոլոր տնտեսավարողների համար կիրառել շրջանառության հարկ։
«Դա նշանակում է, որ քաղաքացին հասկանում է, որ եթե ինքը պայմանական 100 դրամի ինչ—որ ապրանք վաճառեց, ապա դրա 10 դրամը պետք է մուծի պետությանը։ Քաղաքացին, ով ցանկանում է փոքրիկ խանութ ունենալ, ինչու պետք է այդքան հարկատեսակներ իմանա, ուսումնասիրություն կատարի։ Աշխարհում ընդունված է շրջանառության հարկը կիրառելը։ Այն շատ պարզ հարկատեսակ է»,—ասաց նա։
Հայկ Գեւորգյանը կարծում է, որ հետագայում կարելի է անցում կատարել Բագրատյանի առաջարկին, սակայն այս պահին նպատակահարմար չի համարում, քանի որ խնդիր է տեսնում արտահանողների համար, նշում է՝ շրջանառության հարկ վճարողների համար արտահանումը բարդանում է։
Գուրգեն Բաղդասարյանն առաջարկվող նախագծում տեսնում է նաեւ այլ խնդրահարույց դրույթներ, որոնցից մեկն էլ նախատեսվող ակցիզային հարկի բարձրացումն է։ Նրա կարծիքով, օրինակ, ծխախոտի կամ ալկոհոլային խմիչքների գնի բարձրացումը էական ազդեցություն չի ունենալու վնասակար օգտագործելիության վրա։ Բաղդասարյանը նաեւ չի հասկանում տեղական գինու ակցիզային հարկը բարձրացնելու նպատակը։ «Ցանկացած գինեգործ՝ ընդհուպ մինչեւ տնային գինեգործ, պետք է հասկանա, որ դաշտում մնացած խաղողը վերջնական սպառող է ունենալու՝ թեկուզ գինու տեսքով։ Նա պետք է իմանա, որ այն խաղողը, որը չի կարողանում վաճառել, եթե գինի սարքի, վաճառելու խնդիր չի ունենա»,—ասաց Բաղդասարյանն ու նշեց, որ խմբակցության անունից առաջարկել են գինու ակցիզային հարկը 50 տոկոսով իջեցնել։
Այս տեսակետը, սակայն, չի կիսում Հայկ Գեւորգյանը։ «Եվ խմիչքների, եւ ծխախոտի համար ակցիզային հարկերը պետք է բարձրանան, քանի որ պետք է բյուջե ունենանք, որից կախված է նաեւ երկրի անվտանգությունը, պաշտպանվածությունը։ Այսինքն, երբ իջեցնում ենք եկամտային հարկը, միկրոբիզնեսի համար 24 մլն դրամ չհարկվող շեմ ենք դնում, առաջացած ճեղքը պետք է ինչ—որ ձեւով փակենք։ Եվ ավելի լավ է փակենք այն բաների հաշվին, որոնք առողջության համար վնասակար են»,–ասաց նա։
Գուրգեն Բաղդասարյանը ողջունում է նախագծով առաջարկվող շրջանառության հարկի շեմի բարձրացումը՝ 115 մլն դրամ։ «Լուսավոր Հայաստան» խմբակցությունը նաեւ առաջարկում է, որ գրավատների եւ փոխանակման կետերի պետական տուրքի բարձրացման հարցը չդիտարկեն Հարկային օրենսգրքի փոփոխությունների համատեքստում։ «Դա շատ լուրջ հարց է, եւ կարծում եմ, որ դրա քննարկումը պետք է մանրամասն ու առանձին լինի»,—հիմնավորեց Բաղդասարյանը։ Նա նշեց, որ ինքն ավելի լուրջ սպասելիքներ է ունեցել եւ առաջարկվողն անվանում է դրույքաչափերի փոփոխության օրենսգիրք։
Իսկ Սերգեյ Բագրատյանը չի տեսնում հիմնավորվածությունը, թե օրենսգիրքը միտված է արտահանման ճյուղերի եկամտաբերության բարձրացմանը։ «Եթե ուզում ենք թռիչքաձեւ զարգացում, պետք է դրան համարժեք օրենսդրություն ունենանք։ Պետք է առաջ գնալ ոչ թե կոսմետիկ, այլ ռիսկային փոփոխություններով»,—նշեց նա։
Աննա ԳՐԻԳՈՐՅԱՆ

18-05-2019





26-06-2019
Հայաստանը յուրաքանչյուր հայի հայրենիքը պիտի դառնա գործնականում
Հարցազրույց սփյուռքի գործերի գլխավոր հանձնակատար Զարեհ Սինանյանի հետ



26-06-2019
Պոլսո հայոց պատրիարքի ընտրություններին ընդառաջ
Թեկնածուն թուրքական իշխանությունների համար ընդունելի պետք է լինի

Թամարա ...


26-06-2019
Վիճակը նետված է վաղուց
Ողջ ազգը սեւեռվում է վիճակի վրա

Թադեւոս ԽԱՉԱՏՐՅԱՆ
t.khachatryan@hhpress.am

Մեկ-մեկ ...


26-06-2019
Այսուհետ գործելու ենք փոփոխված հարկային օրենսգրքով
Մինչեւ աշնանային նստաշրջան օրենսդիրը կներկայացնի նոր փոփոխություններ

Լուսինե ՄԽԻԹԱՐՅԱՆ
l.mkhitaryan@hhpress.am




26-06-2019
Դիվանագիտական խողովակներով կհստակեցվեն Մակրոնի՝ Հայաստան պետական այցի ժամկետները
Հարցազրույց Ֆրանսիայում ՀՀ դեսպան Հասմիկ Տոլմաջյանի հետ

Ֆրանսիայի ...


26-06-2019
Հենրիկ Բաբախանյան
Կար ժամանակ, երբ ես տարիքով կրտսեր էի իրենցից. հիմա ...


26-06-2019
Հայերը գնահատում են գիտությունն ու կրթությունը
Հանրապետության նախագահ Արմեն Սարգսյանն առաջարկել է գիտության ու ...



26-06-2019
«Խաղաղության ամենամեծ բրդուճը» կպատրաստվի Ենոքավանում
Տեղի կունենա ամենամյա «ՀայԲույս» ...

26-06-2019
Պարտադիր չէ՝ բոլորը երաժիշտ դառնան
Մայրաքաղաքի ու մարզերի երաժշտական ու ...

26-06-2019
Նոր սահմանափակումները՝ ընդդեմ կառավարման ողջ համակարգի
Էմմա ԲԵԳԻՋԱՆՅԱՆ
e.begijanyan@hhpress.am



26-06-2019
Հայաստանի ֆուտբոլի ընտրանու հաղթաթուղթը
Հարձակվող Գեւորգ Ղազարյանի կարծիքով, դա ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO