Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.08.2019
ԱՌՈՂՋԱՊԱՀՈՒԹՅՈՒՆ


Առաջիկայում կմեկնարկեն պլանային ստուգումները

Ի՞նչ փուլում է տարեկան բուժզննման պարտադիր գործընթացը

Անցյալ տարեվերջին ՀՀ կառավարությունը որոշում է կայացրել դիմահարդարման, մատնահարդարման եւ նմանատիպ այլ հաստատությունների աշխատակիցներին տարեկան մեկ անգամ հետազոտել որոշ հիվանդությունների նկատմամբ՝ այդ կերպ նվազեցնելով վարակի ռիսկը։ Կոսմետոլոգիական կենտրոններն այն ինվազիվ բժշկական միջամտություն իրականացնող վայրերն են, որոնք խախտում են մաշկի եւ լորձաթաղանթի ամբողջականությունը, ուստի համարվելով ռիսկային խումբ, կարող են ունենալ մասնագիտական վարակում, քանի որ տեղյակ չեն, թե ինչ առողջական վիճակում գտնվող պացիենտների են սպասարկում։
Այս տարվանից հատկապես մատնահարդարները, ոտնահարդարները, դիմահարդարները եւ դաջվածք անողները պետք է պարտադիր բուժզննում անցնեն, որպեսզի պարբերական զննությունների միջոցով հայտնաբերվեն հեպատիտ B եւ C հիվանդություններ ունեցողները եւ ժամանակավորապես դադարեցնեն պացիենտների հետ գործունեությունը։ Հարկ է նշել, որ այս մասնագիտական ծառայությունները ներկայացնողները նշյալ վարակների տարածման ակտիվ աղբյուր են, քանի որ առնչվում են այնպիսի պրոցեդուրաների հետ, որոնք կարող են հիվանդ պացիենտից փոխանցվել առողջ պացիենտին՝ գործիքներից փոխանցվող արյան միջոցով։ Այս կենտրոններում վերահսկողական գործառույթները վերապահված են առողջապահական եւ աշխատանքի տեսչական մարմնին, ուստի վերոնշյալ կառույցից պարզաբանում խնդրեցինք, թե ինչ փուլում է գործընթացը։ Տեսչական մարմնի պետի տեղակալ Սամվել Սողոմոնյանի տեղեկացմամբ շուտով կմեկնարկի ստուգումների փուլը։
«Դաջվածի, դիմահարդարման եւ կոսմետոլոգիական կենտրոններում իրականացվող ինվազիվ միջամտությունները պարունակում են արյունային վարակի փոխանցման ռիսկ, մասնավորապես հեպատիտ Ց—ի փոխանցման առումով։ Ուստի այս տարի մեր ուշադրության կենտրոնում է լինելու նաեւ նման կենտրոններում վերահսկողական գործառույթների իրականացումը։ Թիրախավորված զբաղվելու ենք այս խնդրով։ Փորձելու ենք իրազեկման խորհրդատվության լայնածավալ աշխատանքներ իրականացնել, որից հետո արդեն ստուգումներով կայցելենք տնտեսավարողներին՝ հասկանալու համար ինչքանով պատշաճ են իրենց մոտ պահպանում սանիտարահիգիենիկ նորմերը, ինչքանով պատճաշ են իրականացվում գործիքների ախտահանումը եւ բուժանձնակազմի բուժզննության գործընթացի պահպանումը»,–նշեց Սամվել Սողոմոնյանը՝ հավելելով, որ տարեկան բուժզննումն ահրաժեշտ է վարակի առկայության դեպքում վարակը չտարածելու համար։ Այս ուղղությամբ տեսչական մարմինը պլանավորված աշխատանքներ ունի իրականացնելու առաջիկայում պլանավորվող ստուգումների համատեքստում։
«Առայժմ զուտ նմանատիպ բողոքների առկայության դեպքում մենք վարչական վարույթներ ենք իրականացնում, հայտնաբերում ենք խախտումները եւ պատժում ենք տնտեսավարողներին օրենքով հաստատված կարգով»,–ասաց տեսչական մարմնի ներկայացուցիչը՝ տեղեկացնելով որ նմանատիպ խախտում տեսչական մարմինն արդեն արձանագրել է հնչած ահազանգի միջոցով։ Դա վերաբերել է պատշաճ սանիտարահիգիենիկ նորմերի բացակայության եւ համապատասխան նորմերը չապահովելու դեպքերին։ Առայժմ նման վարչական վարույթների թիվը մեծ չէ, եւ հիմնական վերահսկողական գործիքակազմը իր ամբողջ ծավալով կկիրառի պլանային ստուգումների շրջանակներում։ Այն պնդմանը, թե շատ կոսմետոլոգիական եւ դիմահարդարման կենտրոնների ղեկավարներ դրական չեն արձագանքել բուժանձնակազմի տարեկան պարտադիր զննման օրենքի նախագծին, ելնելով ստվերային աշխատողների առկայությունից, առողջապահական եւ աշխատանքի տեսչական մարմնի պետի տեղակալն ասաց. «Ինձ համար անհասկանալի պնդում է, քանի որ ստվերային աշխատող ունենալ չի կարելի, եւ դա չի բխում մեր օրենսդրության շահերից։ Վաղ թե ուշ այդ ինֆորմացիան կդառնա հասանելի, եւ այս կամ այն տեսչական մարմինը կհայտնաբերի եւ պատժամիջոցներ կկիրառի տնտեսավարողի նկատմամբ։ Ես ուղղակի կոչ կանեմ մեր տնտեսավարողներին զերծ մնալ չգրանցված աշխատողներ ունենալուց եւ տնտեսական գործունեություն իրականցնել ՀՀ գործող օրենսդրության շրջանակներում։ Կոչ եմ անում նաեւ բոլոր աշխատակիցերին, որոնք կարող են ռիսկեր ստեղծել հաճախորդների առողջության համար, տարեկան պարտադիր բժշկական զննում անցնել եւ համապատասխան գրառումներ կատարել սանիտարական գրքույկներում՝ ելնելով որոշման նախագծից։ Վստահ եղեք, որ մենք հետեւողական ենք լինելու նման խախտումները հայտնաբերելու հարցում»։
Լուսինե ՆԱԶԱՐՅԱՆ

30-05-2019





01-08-2019
Ինչպե՞ս դառնալ ներդրող
Բնակելի շենքի կառուցապատման գործընթացից կարելի է շահույթ ստանալ ...


01-08-2019
«Աշխարհս առանց իշխանութեան չի կառավարուիր»
Մկրտիչ Ա Վանեցի Ամենայն հայոց կաթողիկոսը (1820–1907) համոզված էր, ...


01-08-2019
Հնարավոր չէ առանց պատժվելու այլասերել բառերը
Թադեւոս ԽԱՉԱՏՐՅԱՆ
t.khachatryan@hhpress.am


Կամյուին կարելի է համարել 20-րդ դարի ...


01-08-2019
Արեւայրուք ստանալ բակում «բուրդ չփխելո՞վ», թե՞ լողափին
Հանգստի ամեն տեսակ էլ կարող է լավագույնը լինել

Թամարա ...


01-08-2019
Թավշյա հեղափոխությունը բացառապես ներքին խնդիր էր
ՀՀ ԱԳ նախարար Զոհրաբ Մնացականյանի հարցազրույցը Մարշալի հիմնադրամին



01-08-2019
Թարմ մսի սպանդանոցային ծագման պահանջ՝ այսօրվանից
Տեսչական մարմինը մշտադիտարկում է սկսում հանրային սննդի կետերում

Արմենուհի ...


01-08-2019
Ժամանակ ու սերունդներ կապող մարդ-մշակույթ էր
ՀՀ ժողովրդական արտիստ, բեմադրիչ Երվանդ Ղազանչյանի վախճանը մեծ ...



01-08-2019
Եղիշե Չարենցը պաշտում էր Արեւելքը
Վաղը բանաստեղծի տուն-թանգարանում կբացվի ...

01-08-2019
Այվազովսկուց մինչեւ Սալվադոր Դալի
Ի՞նչ են սովորում ՀԱՊ-ի ամառային ...

01-08-2019
Արոտների ջրարբիացումից՝ ճանապարհների վերակառուցում
Ի՞նչ խնդիրներ են լուծվում Ամասիա ...

01-08-2019
Մեդալներն արդեն նշմարվում են
Եվրոպայի երիտասարդական առաջնությանը ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO