Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

22.08.2019
ԱՌՈՂՋԱՊԱՀՈՒԹՅՈՒՆ


Ձեռքբերումներ արդեն կան, թեեւ անելիքներն էլ շատ են

Առողջապահության ոլորտում այսօր նշվում է Բուժաշխատողի օրը

Լուսինե ՆԱԶԱՐՅԱՆ
l.nazaryan@hhpress.am


Վերջին շրջանում երկրի առողջապահության ոլորտում իրականացվող բարեփոխումները միտված են էականորեն բարելավելու բուժօգնության որակը, սպասարկումը եւ որոշ ծառայությունների հասանելիության բարձրացումը։
Նկատենք, որ հայ բժշկությունն օր օրի կատարելագործվում է, եւ միջազգային փորձը հայաստանյան պրակտիկայում ներդնելու քայլերը արդյունավետ ընթացք են ստանում, եւ հայ մասնագետները կարողանում են իրենց ներուժով ու գիտելիքների մեծ պահոցով նոր թափ հաղորդել հայ բժշկագիտության զարգացմանը՝ հաջողությամբ տեղայնացնելով համաշխարհային փորձը։
Նկատենք, որ եթե նախկինում մարզային եւ սահմանային շատ բուժհիմնարկներ ի զորու չէին բուժօգնություն իրականացնելու տարբեր ուղղություններով, եւ պացիենտները ստիպված Երեւան էին գալիս այս կամ այն հետազոտության կամ նեղ մասնագիտական բուժծառայությունից օգտվելու նպատակով, ապա վերջին տարիներին պատկերն այլ է։ Ունենք այնպիսի արդիականացված եւ նորագույն տեխնոլոգիական սարքավորումներով գերհագեցած բուժհաստատություններ, որտեղ կարելի է բազմապրոֆիլ ուղղություններով բարձրակարգ բուժօգնություն ստանալ։
Իսկ անցած տարի շահագործման են հանձնվել արդեն Սեւանի, Արտաշատի եւ Վանաձորի նորակառույց արդիականացված բժշկական կենտրոնները։ Մարզերի կադրային ներուժը համալրելու նպատակով շուրջ 40 տոկոսով աճել են նպատակային կլինիկական օրդինատուրայի տեղերը՝ 35—ից հասնելով 49—ի։ Վերանայվել է ծննդատների մակարդակը, ինչը հնարավորություն կտա բարելավելու մատուցվող ծառայությունների որակը։
Եթե ամփոփենք վերջին շրջանում առողջապահական ոլորտում առկա ձեռքբերումները, ապա դրանցից պետք է մասնավորապես անդրադառնանք օնկոլոգիական վիրաբուժական ծառայությունները պետպատվերով իրականացնելու գործընթացին։ Ծրագրով նախատեսվում է նաեւ շուրջ 200 պացիենտի ճառագայթային բուժումն իրականացնել ժամանակակից գծային արագացուցիչների վրա պետպատվերի շրջանակներում, բացի այդ, պետպատվերի տակ է ընդգրկվել տարեկան կտրվածքով նաեւ 250 պացիենտի սուր իշեմիկ ինսուլտի բուժումը։ Զգալիորեն բարելավվել են շտապօգնության ծառայության աշխատանքները։ Կանչերը հասցեական կազմակերպելու նպատակով բարեփոխումներ են կատարվել։ Իջեցվել են սրտի ստենտավորման վիրահատությունների գները ավելի քան 250000 դրամի չափով։ Վերարտադրողական առողջության բարելավման նպատակով պետպատվերի շրջանակներում սկսել է աջակցություն ցուցաբերվել անպտղություն ունեցող զույգերի հետազոտման եւ բուժման գործընթացի կազմակերպմանը։
Իսկ հանրային առողջապահության ոլորտում շարունակական դարձած բուժաշխատողների մասնագիտական վերապատրաստման գործընթացը հնարավորություն է տալիս նոր որակ հաղորդելու բուժօգնության սպասարկմանը։ Քանի որ աշխարհում բժշկությունը դինամիկ զարգանում է, ուստի հայ բժիշկները լինելով միջազգային փորձի տեղայնացման առաջնագծում՝ մասնագիտական պրակիտիկայից զատ այսօր արդեն ռազմավարական կարեւորություն են տալիս նաեւ վերապատրաստումներին։ Միջազգային չափանիշներին համահունչ գործելու մղումով, շատ հայ բժիշկներ վերապատրաստումների են մեկնում յուրացնելու համաշխարհային բժշկութան ամենավերջին նորարարությունները։
Արժե շեշտել, որ հայ բժշկությունը եւս զարգանում է հենց հայ բժիշկների շնորհիվ։ Եթե նախկինում մասնավորապես տրանսպլանտոլոգիան համարվում էր թանկարժեք, միաժամանակ նաեւ պահանջարկված ուղղություն, եւ այն ի զորու էին իրականացնել միայն առողջապահական զարգացած համակարգ ունեցող երկրներում, ապա այսօր եւս մեկ փաստ ունենք հպարտանալու։
Հայաստանյան առողջապահական առկա ռեսուրսներն իրենց տեխնիկական եւ կադրային ներուժով ի վիճակի եղան բավական վերջերս իրականացնելու նաեւ լյարդի փոխպատվաստում, ինչը կարելի է հայաստանյան առողջապահության ոլորտի հեղաշրջում որակել։ Արդեն քայլեր են ձեռնարկվում զարգացնելու նաեւ տրասպլանտոլոգիայի ոլորտը Հայաստանում, ինչը շատ երկրներում, ելնելով նախավիրահատական եւ հետվիրահատական սպասվող բարդություներից, բավական ռիսկային ոլորտ է համարվում։ Հայ բժիշկների այս վերջին նվաճումը եւս մեկ անգամ փաստում է, որ հայ բժշկագիտությունը եւս զարգանում է։ Ի դեպ, Հայաստանում բավական վերջերս առաջին անգամ իրականացել է նաեւ երեխայի ոսկրածուծի փոխպատվաստում։ Փրկվել է երեք մանկան կյանք։ Ներդրվել է մեծահասակների ոսկրածուծի փոխպատվաստման պետպատվեր։
Հայ բժշկության վերջին շրջանում արձանագրված հաջողությունները նպաստում են նաեւ առողջապական տուրիզմի զարգացմանը։ Ցավոք, առ այսօր չկա պաշտոնական վիճակագրություն առ այն, թե ովքեր են Հայաստան այցելում միայն առողջապահական նպատակով, սակայն ոչ պաշտոնական թվերը բավական լավ ցուցանիշ են արձանագրում։
Բժշկական տուրիզմն այսօր դարձել է համաշխարհային տուրիզմի դինամիկ զարգացող ճյուղերից։ Բժշկական գիտության շարունակական զարգացումը նպաստում է արտասահմանում բուժման մատչելիությանը եւ բուժական տուրիզմի առաջատար երկրների ու քաղաքների ցանկի ավելացմանը։ Բուժումն արտասահմանում աստիճանաբար դառնում է հասանելի հասարակության առավել լայն շերտերին։
Ուսումնասիրությունները ցույց են տալիս, որ բժշկական տուրիզմի արդյունքում հիմնականում ակնկալվում է ստանալ կոսմետիկ վիրաբուժական, ատամնաբուժական, սիրտ—անոթային, օրթոպեդիկ, ուռուցքաբանական, կանանց վերարտադրողական եւ բուժհետազոտման ծառայություններ։
Հարկ է նշել, որ մեր երկրում բժիշկները մեծամասամբ արհեստավարժ են՝ նեղ մասնագիտական բարձր տեղեկացվածությամբ։ Հայաստանը, իրավամբ, կարող է հպարտանալ բարձր որակավորմամբ անվանի բժիշկներով, բացառիկ վիրահատություններ կատարող վիրաբույժներով, ծննդօգնության որակի տպավորիչ բարձրացմամբ։ Ժամանակ առ ժամանակ տեղեկանում ենք հայ մասնագետների կողմից իրականացվող եզակի վիրահատությունների վերաբերյալ, որոնք իրենց տեսակով նախադեպը չունեին նախկինում։
Նշենք, որ այս տարվանից 20 տոկոսով բարձրացվել է նաեւ առաջնային օղակների բուժաշխատողների աշխատավարձը։
Վստահ լինենք, որ առողջապահական ոլորտում տեղի ունեցող բարեփոխումները կլինեն շարունակական, եւ ցանկացած գործընթացի իրականացման դրական արդյունքը առաջին հերթին կզգա հենց ազգաբնակչությունը։

21-06-2019





01-08-2019
Ինչպե՞ս դառնալ ներդրող
Բնակելի շենքի կառուցապատման գործընթացից կարելի է շահույթ ստանալ ...


01-08-2019
«Աշխարհս առանց իշխանութեան չի կառավարուիր»
Մկրտիչ Ա Վանեցի Ամենայն հայոց կաթողիկոսը (1820–1907) համոզված էր, ...


01-08-2019
Հնարավոր չէ առանց պատժվելու այլասերել բառերը
Թադեւոս ԽԱՉԱՏՐՅԱՆ
t.khachatryan@hhpress.am


Կամյուին կարելի է համարել 20-րդ դարի ...


01-08-2019
Արեւայրուք ստանալ բակում «բուրդ չփխելո՞վ», թե՞ լողափին
Հանգստի ամեն տեսակ էլ կարող է լավագույնը լինել

Թամարա ...


01-08-2019
Թավշյա հեղափոխությունը բացառապես ներքին խնդիր էր
ՀՀ ԱԳ նախարար Զոհրաբ Մնացականյանի հարցազրույցը Մարշալի հիմնադրամին



01-08-2019
Թարմ մսի սպանդանոցային ծագման պահանջ՝ այսօրվանից
Տեսչական մարմինը մշտադիտարկում է սկսում հանրային սննդի կետերում

Արմենուհի ...


01-08-2019
Ժամանակ ու սերունդներ կապող մարդ-մշակույթ էր
ՀՀ ժողովրդական արտիստ, բեմադրիչ Երվանդ Ղազանչյանի վախճանը մեծ ...



01-08-2019
Եղիշե Չարենցը պաշտում էր Արեւելքը
Վաղը բանաստեղծի տուն-թանգարանում կբացվի ...

01-08-2019
Այվազովսկուց մինչեւ Սալվադոր Դալի
Ի՞նչ են սովորում ՀԱՊ-ի ամառային ...

01-08-2019
Արոտների ջրարբիացումից՝ ճանապարհների վերակառուցում
Ի՞նչ խնդիրներ են լուծվում Ամասիա ...

01-08-2019
Մեդալներն արդեն նշմարվում են
Եվրոպայի երիտասարդական առաջնությանը ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO