Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

28.02.2020
ՆԵՐՔԻՆ ԿՅԱՆՔ


Ներքի՞ն, թե՞ արտաքին գործոններ

ԱԱԾ-ն ու տարածքային կառավարման նախարարությունը կպարզեն վթարի պատճառները

Արմենուհի ՄԵԼՔՈՆՅԱՆ
a.melqonyan@hhpress.am

Էներգետիկ համակարգում հուլիսի 10-ին տեղի ունեցած խափանումներով պայմանավորված՝ տարածքային կառավարման եւ ենթակառուցվածքների նախարար Սուրեն Պապիկյանը երեկ առավոտյան՝ Բելառուս աշխատանքային այցից վերադառնալուց անմիջապես հետո, խորհրդակցություն է անցկացրել էներգետիկ համակարգի պատասխանատուների հետ։ Նախարարի հրամանով փոխնախարար Հակոբ Վարդանյանի ղեկավարությամբ էներգետիկ ոլորտի մասնագետների ներգրավմամբ ձեւավորվել է աշխատանքային խումբ՝ վթարի պատճառներն ուսումնասիրելու նպատակով։
Կառավարության երեկվա նիստում ազգային անվտանգության ծառայության տնօրեն Արթուր Վանեցյանը տեղեկացրեց, որ հանձնարարել է նյութեր նախապատրաստել էլեկտրաէներգիայի տատանումների եւ անջատումների մասով, որպեսզի պարզեն էներգետիկ համակարգի խափանման պատճառները։ «Թեեւ նախնական տվյալներ կան,–ասաց նա,–բայց կարծում եմ, որ պետք է խորը ուսումնասիրություն, հետաքննություն իրականացվի եւ գնահատական տրվի, թե միտում եղե՞լ է, թե՞ ոչ, կա՞ն մեղավորներ, ցուցաբերվե՞լ է անգործություն, թե՞ ոչ»։
ԱԱԾ տնօրենը կզեկուցի ուսումնասիրության արդյունքի մասին։
Վարչապետ Նիկոլ Փաշինյանն էլ շնորհակալություն հայտնեց Իրանի ու Վրաստանի գործընկերներին, որոնք օպերատիվ աջակցություն ցուցաբերեցին, եւ հնարավոր եղավ խուսափել հետեւանքներից (էներգետիկ համակարգը կոլապսի առաջ կկանգներ)։ «Երբ քննարկում էինք փոխարկիչի հետ կապված խնդիրը, մասնագետները նման իրավիճակ նկարագրում էին, որ փոխարկիչը կարող է ապահովագրել նման իրավիճակներից, որոնք էներգետիկ համակարգում լինում են։ Այնպես որ, պրակտիկ առումով այդ քննարկման ժամանակ եղած տեսական իրավիճակը երեկ տեղի ունեցավ։ Բայց, ընդհանուր առմամբ, կարող ենք արձանագրել, որ մեր էներգետիկ համակարգը ցուցաբերեց բավարար ճկունություն, կենսունակություն, ուղղակի պետք է հասկանալ վթարի պատճառները»,–ընդգծեց գործադիր իշխանության ղեկավարը՝ միաժամանակ հավելելով, որ կա արտաքին երկու վարկած, իսկ ներքին վարկածներ չկան։
Սուրեն Պապիկյանն ասաց, որ մի քանի օրվա ընթացքում իրական պատճառները պարզ կդառնան։

10 տոկոսով ավելացման համար՝ 25 մլրդ դրամ

Հուլիսի 10-ի երեկոյան կառավարությունը արտահերթ նիստով հաստատեց միջնաժամկետ ծախսերի 2020-2022թթ. ծրագիրը։ Կառավարության երեկվա նիստում վարչապետ Նիկոլ Փաշինյանը արձանագրեց, թե որոշում է կայացվել, որ 2020թ. հունվարի 1-ից ՀՀ-ում 10 տոկոսով կբարձրանա կենսաթոշակի չափը։
Գործադիրի նիստից հետո լրագրողներս ցանկացանք ֆինանսների նախարար Ատոմ Ջանջուղազյանից պարզաբանում ստանալ՝ կենսաթոշակների 10 տոկոսով ավելացումը ինչքա՞ն է արժենալու պետբյուջեին, եւ ի՞նչ միջոցներից է դա տրամադրվելու։
Ի պատասխան՝ նախարարը տեղեկացրեց, որ կենսաթոշակի ավելացման համար գնահատված չափը մոտավորապես 25 մլրդ դրամ է, եւ բյուջեն այլ աղբյուր, քան պետական բյուջեի եկամուտներն ու ներգրավվող պարտքն են, չունի։ Իրենք պարբերաբար հարկեր/ՀՆԱ հարաբերակցության աճ են ակնկալում. «Այս տարին չհաշված, որովհետեւ մենք ակնկալում ենք բարձր աճ՝ հարկեր/ՀՆԱ հարաբերակցության, հաջորդ տարիներին աճը կլինի 0.4—0.5 տոկոս միջակայքում։ Ոչ թե կանգ ենք առնելու այս թվի վրա, այլ շարունակելու ենք այդ ուղղությամբ աշխատանքները։ Մեզ համար լավագույն ուղին հավասարակշռված ուղին է, որովհետեւ, հակառակ դեպքում, եթե այդպիսի պահանջ դրվի, կարելի է գտնել ճանապարհ՝ լրացուցիչ վարչարարության միջոցով ավելի շատ հարկեր ունենալու, եւ հակառակը՝ թուլացնել վարչարարությունը։ Եթե գծից շեղվենք, բացասական կլինի հետեւանքը»։
Ի դեպ, նիստում վարչապետը նկատեց, որ սեպտեմբերի 1—ից բարձրանալու են ուսուցիչների աշխատավարձերը։
Նաեւ փորձ կարվի միանգամից մեկ ծրագրի շրջանակում լուծելու 1988թ. երկրաշարժի հետեւանքով բնակարան կորցրած այն քաղաքացիների բնակարանային խնդիրները, որոնց նկատմամբ պետության ունեցած պարտավորությունները դե յուրե այս պահին արձանագրված են։ Այդ նպատակով կհատկացվի 3 մլրդ դրամ։ «Ինչ վերաբերում է ծրագրի մանրամասներին, հարցի լուծման մեթոդաբանությանը, դրանք նաեւ հետագա քննարկումների ընթացքում կհստակեցվեն»,–եզրափակեց վարչապետը։

12-07-2019





28-02-2020
Ապացուցիր, թե կարող ես
«Ապօրինի ծագում ունեցող գույքի բռնագանձման մասին» օրենքի նախագիծը ...


28-02-2020
Հայատյացություն, որ դրսեւորվեց սումգայիթյան «սցենարով»
Հիշում է սպանդից փրկված ծերունազարդ հայը

Դավիթ ՄԻՔԱՅԵԼՅԱՆ
d.miqayelyan@hhpress.am


32 ...


28-02-2020
Հնարավոր ամեն ինչ արվում է, որպեսզի վարակի ներթափանցումը Հայաստան կանխվի
Եթե որեւէ այլ ռեժիմի անցնելու անհրաժեշտություն լինի, կառավարությունը ...


28-02-2020
Եթե ժողովուրդն է որոշում, ապա ոչինչ անօրինական չէ
«ՀՀ»-ի հյուրն է արձակագիր Արա Նազարեթյանը

-Պարոն Նազարեթյան, ...


28-02-2020
Հայաստանը նախ պետք է դիտարկի իրեն նպատակահարմար լինելու հարցը
Ինքնուրույնությունն ու ինքնիշխանությունն են պետության եւ ժողովրդի հանդեպ ...


28-02-2020
Մաքսատուրքի բարձրացումը հետաձգվեց 647 անուն ապրանքի համար
Փոփոխությունն ավտոմեքենաներին չի վերաբերում

Արմենուհի ՄԵԼՔՈՆՅԱՆ
a.melqonyan@hhpress.am


Գործադիրը երեկվա նիստում ...


28-02-2020
Տեսչական մարմնի խնդիրը ոչ այնքան պատժելն է
Որքան դաշտը կարգավորելը եւ առկա խնդիրներին լուծումներ տալը




28-02-2020
Գյուղի 120 հեկտար վարելահողից 100-ը չի մշակվում
Այստեղ հիմնականում զարգացած է ...

28-02-2020
Խրիմյան Հայրիկի սոցիալ-փիլիսոփայական դիտարկումները
1. Համակեցության հրամայականը


28-02-2020
Թերլցում եւ իրացվող վառելիքի որակական անհամապատասխանություն
ՏՄՊՊՀ-ի դիտարկումները բազմաթիվ խնդիրներ ...

28-02-2020
5 երկիր ներկայացնող հայ ըմբիշներ՝ համաշխարհային սանդղակում
Հայաստանը եւ այլ երկրներ ներկայացնող 12 ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO