Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

27.01.2020
ՏՆՏԵՍՈՒԹՅՈՒՆ


Թարմ միս. շուկաների սեղաններից՝ մեր սեղաններին

ՍԱՏՄ-ն խախտումներ է հայտնաբերում եւ խոստանում շտկել վիճակը

Արմենուհի ՄԵԼՔՈՆՅԱՆ
a.melqonyan@hhpress.am


Կառավարությանը ենթակա սննդամթերքի անվտանգության տեսչական մարմինը (ՍԱՏՄ) շարունակում է թարմ մսի իրացման կետերի՝ սահմանված նորմերին համապատասխանության նկատմամբ վերահսկողությունը մեր երկրի ամբողջ տարածքում։ Ընդ որում, այցերն անակնկալ են։ Սակայն մեզ ամենաշատը հետաքրքրում է, թե ինչ վիճակում է մեր երկրի ամենամեծ անասնաշուկան, որ Գեղարքունիքի մարզի Մարտունու տարածքում է, եւ որտեղ կենդանիներ են բերվում եւ վաճառվում Հայաստանի մարզերից եւ Արցախից։ Մանավանդ որ այստեղ էլ թարմ մսի վաճառքի կետ կա։

Անասնաշուկայի հարցը՝ «պատվի հարց»

Ի դեպ, տեղեկացնենք, որ «Առեւտրի եւ ծառայությունների մասին» օրենքի 5—րդ հոդվածի համաձայն՝ կենդանիների շուկաները պետք է լինեն ցանկապատված, այցելուների եւ տրանսպորտային միջոցների համար նախատեսված առանձին մուտքերով, փոխադրամիջոցների անիվների ախտահանման համապատասխան հարմարություններով, կենդանիների բեռնման եւ բեռնաթափման հարթակով, իսկ 25 հազար եւ ավելի բնակչություն ունեցող բնակավայրերում տեղակայված շուկաները պետք է ունենան նաեւ տարբեր տեսակի եւ սեռահասակային խմբերի կենդանիների համար նախատեսված կացատեղեր՝ ճաղազատված տարածքներով, ցանցավոր հատակներով եւ ցուցատախտակով, որի վրա նշվում են կենդանու տեսակը, հասակը, սեռը, թույրը (գույնը) եւ գույքային համարը, ապահովված լինեն լվացող, ցողարկող եւ ախտահանող սարքերով, կերերի եւ ջրի մատակարարման հարմարություններով, կոյուղատար առվակներով կամ խողովակաշարերով եւ գոմաղբապահեստարաններով։ Կենդանիների շուկաները պետք է ունենան նաեւ անասնաբուժական կետեր։
Եթե հակիրճ, ապա ամենամեծ անասնաշուկան այս պահանջներին չի համապատասխանում։
Ինչեւէ, ինչպես մեզ տեղեկացրին ՍԱՏՄ տեղեկատվության եւ հասարակայնության հետ կապերի բաժնից, դեռ օգոստոսի սկզբին անասնաշուկայի վիճակին տեղում ծանոթանալու եւ խնդիրների լուծմանն ուղղված գործնական քայլեր ձեռնարկելու նպատակով՝ ՍԱՏՄ ղեկավար Գեորգի Ավետիսյանը եղել է շուկայում։ Տարածքի ուսումնասիրությունը ցույց է տվել, որ որոշակի քայլեր այս պահին էլ կարելի է ձեռնարկել (փաստաթղթային առումով ստուգումը հեշտացնելու, կենդանիների տեղաշարժն ու հիվանդությունները վերահսկելի դարձնելու համար)։
Խնդիրներ, այո, կային ու կան, բայց դրանք պետք է փուլային լուծել։ Ըստ Գեորգի Ավետիսյանի. «Նախ կփորձենք անասնաշուկայի տարածքը ցանկապատել, ապահովել վայել պայմաններ։ Դա նաեւ հնարավորություն կտա ավելի համակարգված ստուգել կենդանուն ուղեկցող փաստաթղթերը»։
Հաջորդ քայլով, ինչպես կարծում է ՍԱՏՄ ղեկավարը, տեղում կունենանք շարժական լաբորատորիա, որը թույլ կտա գնորդներին՝ անցկացնել գնվող անասունի լաբորատոր հետազոտություն եւ համոզվել, որ կենդանին առողջ է։
Եվ այո, անասնաշուկային կից թարմ մսի վաճառքի կետ կա, որտեղ արձանագրվել են սանիտարահիգիենիկ նորմերի խախտումներ։ Տրվել են հանձնարարականներ, սահմանվել են դրանց կատարման ժամկետներ։
Վիճակը պետք է շտկել։ Հրավիրվել է խորհրդակցություն, որի ժամանակ Գեղարքունիքի մարզպետը նույնիսկ ասել է, թե անասնաշուկայի խնդիրների լուծումը համարում է «պատվի հարց», եւ թե այդ շուկայում պետք է «միայն առողջ կենդանիներ վաճառվեն»։
ՍԱՏՄ ղեկավարի այցից հետո ինչ—որ բան փոխվե՞լ է, թե՞ մեր երկրի ամենամեծ անասնաշուկան իր նախկին հունով օր է մթնացնում։ ՍԱՏՄ տեղեկատվության եւ հասարակայնության հետ կապերի բաժնից տեղեկացանք, որ այդ այցից հետո հաջորդող կիրակիները (շաբաթվա ամենաեռուն օրն է շուկայում) ՍԱՏՄ Գեղարքունիքի մարզային պետն ու տեսուչը այցելում են շուկա՝ հանձնարարականների ընթացքին ծանոթանալու համար։ Դրանք մասնակի կատարված են։ Այս կիրակի էլ են գնալու։ Գործընթացը ՍԱՏՄ վերահսկողության ներքո է։
Ի միջի այլոց, թե տարվա կտրվածքով ինչքան կենդանիներ են բերվում ու վաճառվում, հնարավոր չէ ասել, քանզի գործընթացը գրեթե անվերահսկելի է։ Եվ պատճառն էլ կենդանիների համարակալման բացակայությունն է։

«Հայտնաբերվել» է լավ օրինակ

Գանք անակնկալ այցերին. վերջինը օգոստոսին եղել է Արտաշատի մսի շուկայում։ Պատկերը սա է. մսամթերքը վաճառվում է սննդամթերքի անվտանգության նորմերի կոպիտ խախտումներով. արձանագրել է ՍԱՏՄ ղեկավարը։ Մսավաճառները չեն տուգանվել, տաղավարները չեն փակվել, բայց զգուշացվել են՝ տնօրինության հետ կարճ ժամանակում լուծելու խնդիրը։ Պետք է ունենան փակ տաղավարներ, սառնարաններ, տաք եւ սառը ջուր, սանիտարահիգիենիկ պայմաններ։
Արտաշատից առաջ էլ Վանաձորի շուկայում է ստուգայց եղել (դարձյալ օգոստոսին)։ Մսի տաղավարներում թեեւ արձանագրվել են որոշ խախտումներ, սակայն, ինչպես խոստովանել է ՍԱՏՄ ղեկավարը, ինքն ավելի վատ պատկեր էր սպասում։ Բացի 2—3 իրացման կետերից, որոնք ուղղակի փակ են եղել (ամենայն հավանականությամբ՝ պաշտոնատար անձանց այցի մասին տեղեկացված լինելու պատճառով), մնացած բոլոր վաճառակետերն ունեցել են սառնարաններ, տաք եւ սառը հոսող ջուր, ուղեկցող համապատասխան փաստաթղթեր, սանիտարահիգիենիկ բարվոք պայմաններ։ Հայտնաբերված խախտումներից են եղել մսավաճառների սանիտարական անձնագրերի բացակայությունը, մսի մասնատման կոճղերի հիգիենիկ ոչ պատշաճ վիճակը, համապատասխան արտահագուստի բացակայությունը եւն։ Թերությունները վերացնելու համար սահմանվել է ժամկետ։
ՍԱՏՄ ղեկավարը վստահեցնում է՝ վերահսկողությունը լինելու է հետեւողական, շրջայցերը՝ պարբերական, արվելու է ամեն ինչ թերություններն ու խախտումները բացահայտելու եւ վերացնելու համար։ Կգործեն նաեւ իրավական ակտերով սահմանված վարչական պատասխանատվության բոլոր միջոցները։
Եվ վերջում իբրեւ հավելում. ՍԱՏՄ—ն հուլիսից լայնածավալ վերահսկողական միջոցառումներ է սկսել մեր երկրի ամբողջ տարածքում գործող թարմ մսի իրացման կետերում։ Ու լավ օրինակ էլ է «հայտնաբերվել». օրենսդրության պահանջներին ու սանիտարահիգիենիկ նորմերին համապատասխանող են եղել Կապանի թարմ մսի իրացման կետերը։

31-08-2019





25-01-2020
Ճակատամարտ, որը լավ դաս էր թշնամու համար
Քարին տակի հերոսամարտի 28-րդ տարեդարձը

Դավիթ ՄԻՔԱՅԵԼՅԱՆ
d.miqayelyan@hhpress.am


Հունվարի 26-ին ...


25-01-2020
Ադրբեջանի քաղբանտարկյալների հարցը՝ ԵԽԽՎ օրակարգում
Խոշորացույցի տակ կհայտնվի նաեւ Թուրքիան

Լուսինե ՄԽԻԹԱՐՅԱՆ
l.mkhitaryan@hhpress.am


Ստրասբուրգում հունվարի ...


 
25-01-2020
ԱՌՁԵՌՆ ԱՌԱԾԱՆԻ
«Բերնե բերան՝ կելնի գերան

Ասացվածքը պարզում է մարդկային ...


25-01-2020
Գրականագիտությունը, գրականությունը, ժամանակը
Տաղանդավոր գրողներ եւ միջակ գրականություն

Թադեւոս ԽԱՉԱՏՐՅԱՆ
t.khachatryan@hhpress.am


Հնարավոր առարկությունները ...


25-01-2020
Հայ պոեզիայի անլռելի զանգակատունը
Հունվարի 24-ը Պարույր Սեւակի ծննդյան օրն է։ «Պարույր Սեվակ ...


25-01-2020
«Ոստիկանության բարեփոխումների կարեւորագույն նպատակը պետք է լինի ոստիկանություն—քաղաքացի նոր հարաբերությունների հաստատումը»
Վարչապետ Նիկոլ Փաշինյանի մոտ երեկ տեղի ունեցած խորհրդակցության ընթացքում ...


25-01-2020
Քանդակագործի տան ճանապարհի ոդիսական պատմությունը
«Մերօրյա արտառոց իրավիճակներ» շարքից

Օրերս անվանի քանդակագործ Արամ ...



25-01-2020
Ինչպե՞ս կայացավ
32-ամյա Կոմիտասի եւ 29-ամյա Չոպանյանի ...

25-01-2020
Ցանքատարածքների վիճակը մտահոգիչ է
Անցած տարվա հոկտեմբերի վերջին Քաշաթաղի ...

25-01-2020
Կարդարանա՞ն Լիբանանում ճգնաժամը հաղթահարելու հույսերը
«Փրկության խումբը» անցավ ...

25-01-2020
Մենք զբաղված ենք մեր աշխատանքով
Ձգտելով կատարելագործել մեր մարզիկների ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO