Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

28.02.2020
ԼՂՀ


Արցախի բարեկամները՝ Ստեփանակերտում

Պետականաշինության տեսլականը եւ արտաքին քաղաքական հրամայականները

Դավիթ ՄԻՔԱՅԵԼՅԱՆ
d.miqayelyan@hhpress.am


Ստեփանակերտում հրավիրված «Համագործակցություն հանուն արդարության եւ խաղաղության» Արցախի բարեկամների համաժողովի նպատակն է ընդլայնել եւ ամրապնդել Արցախի Հանրապետության ապակենտրոնացված համագործակցությունն օտարերկրյա պետությունների տարբեր շրջանների եւ քաղաքների հետ, նոր ազդակ եւ գործնական բնույթ հաղորդել Արցախի արդեն առկա միջազգային կապերին, ինչպես նաեւ ստեղծել Արցախին աջակցող սուբյեկտներին, քաղաքական եւ հասարակական գործիչներին միավորող ցանց։
Համաժողովում, որին մասնակցում են տարբեր երկրներում գործող Արցախի հետ խորհրդարանական բարեկամության խմբերի եւ շրջանակների, ինչպես նաեւ քաղաքական եւ հասարակական կառույցների ներկայացուցիչներ, պատվիրակություններ Արցախի անկախությունը ճանաչած կամ Արցախի հետ համագործակցող վարչատարածքային միավորներից՝ շուրջ 50 երկրներից ավելի քան 150 քաղաքական—հասարակական գործիչներ եւ մտավորականներ, ելույթով հանդես է եկել ԱՀ նախագահ Բակո Սահակյանը։
Անդրադառնալով, մասնավորապես, բանակցային գործընթացին, Բ. Սահակյանը կրկին վերահաստատել է, որ Արցախի իշխանությունները կողմնակից են Ադրբեջանի հետ հարաբերությունների խաղաղ կարգավորմանը բանակցային սեղանի շուրջ, ԵԱՀԿ Մինսկի խմբի հովանու ներքո։ «Այստեղ լուրջ հաջողությունների գրանցումն անհնարին է առանց բանակցային գործընթացի լիարժեք ձեւաչափի վերականգնման՝ Արցախի լիիրավ մասնակցությամբ։ Ակնհայտ է, որ Արցախի ճակատագիրը չի կարող որոշվել առանց նրա մասնակցության, եւ մեզ համար չի կարող լինել վերադարձ անցյալին՝ լինի դա կարգավիճակի թե սահմանների առումով»,–շեշտել է Արցախի ղեկավարը։
ՀՀ փոխարտգործնախարար Շավարշ Քոչարյանն անդրադառնալով Արցախի ինքնորոշման իրավունքի իրացմանը, մասնավորապես նշել է, որ Արցախի ժողովուրդն անթերի է իրացրել իր ինքնորոշման իրավունքը, որն ամրագրված է ՄԱԿ—ի կանոնադրությամբ։ «Այդ իրավունքը գերակա է ցանկացած միջազգային փաստաթղթի նկատմամբ,–շեշտեց նա։–Այսօր խնդիր կա բոլոր քաղաքակրթական ուժերի համատեղ ջանքերը միավորել, որպեսզի հակաքաղաքակրթությունը չկարողանա գլուխ բարձրացնել»։
Համաժողովում քննարկումները ծավալվել են երկու թեմաների՝ «Արցախի ժողովրդի ինքնորոշման իրավունքը եւ խաղաղ կարգավորման գործընթացը» եւ «Արցախի Հանրապետության միջազգային կապերի ընդլայնման հնարավորությունները տնտեսական, մշակութային եւ գիտակրթական ոլորտներում՝ Արցախի մեկուսացմանն ուղղված Ադրբեջանի քաղաքականությանը դիմագրավելու նպատակով» շուրջ։
Համաժողովի առաջին նստաշրջանում հանդես գալով «Արցախի խորհրդարանական դիվանագիտության նոր հնարավորությունները» զեկույցով, խորհրդարանի նախագահ Աշոտ Ղուլյանը միջոցառման մասնակիցներին ներկայացրել է արտաքին քաղաքականության բնագավառում խորհրդարանի կողմից իրականացվող աշխատանքները ու դրանք ակտիվացնելու հնարավորությունները։
Ողջունելով համաժողովի մասնակիցներին, ԱՀ արտգործնախարար Մասիս Մայիլյանն ասել է, որ տարբեր տարիների Արցախին աջակցող բոլոր մարդկանց իր շուրջը համախմբող նմանատիպ համաժողով անցկացնելու գաղափարը ծագել է մոտ երկու տարի առաջ. «Բոլորիդ երախտապարտ ենք այն բանի համար, որ դժվարագույն փորձությունների օրերին դուք մեզ հետ եք եղել, երբ թվում էր, թե Արցախը դատապարտված է։ Երախտապարտ ենք նրա համար, որ աջակցել եք արցախահայության՝ ազատության եւ արդարության հանդեպ ձգտմանը, նրա համար, որ նպաստում եք Արցախի միջազգային կապերի զարգացմանը։ Արցախի ճակատագրում ունեցած ձեր ավանդը անգնահատելի է»։
Պատմական անդրադարձ կատարելով արցախյան գոյամարտի ակունքներին, ՀՅԴ բյուրոյի ներկայացուցիչ Հակոբ Տեր—Խաչատուրյանն ընդգծել է արցախցու ազատասիրական ոգու ուժը։ Եթե ՀՅԴ Եվրոպայի Հայ դատի գրասենյակի տնօրեն Հեղինե Էվինյանի ելույթը գլխավորապես վերաբերում էր կառույցի կողմից միջազգային տարբեր հարթակներում Հայոց ցեղասպանության եւ Արցախի ինքնորոշման ճանաչմանը, ապա ՀՅԴ բյուրոյի անդամ Կիրո Մանոյանն իր խոսքում արծարծել է «Սփյուռքի դերը Արցախի ժողովրդի շահերի պաշտպանության գործում եւ արցախահայության ինքնորոշման իրավունքը» թեման։
Միջոցառմանը ելույթներ են ունեցել ԱՀ պետնախարար Գրիգորի Մարտիրոսյանը, մշակույթի, երիտասարդության հարցերի եւ զբոսաշրջության նախարար Լեռնիկ Հովհաննիսյանը, կրթության, գիտության եւ սպորտի նախարար Նարինե Աղաբալյանը եւ այլք։
Հայ ժողովրդի բարեկամների անունից օտարազգի քաղաքական շատ գործիչներ ու դիվանագետներ իրենց ողջույնները հաղորդեցին համաժողովի մասնակիցներին, արցախցիներին։ ՌԴ Պետդումայի պատգամավոր, ԱՊՀ հարցերով կոմիտեի նախագահի առաջին տեղակալ Կոնստանտին Զատուլինը շնորհակալություն է հայտնել Արցախին սատարող բոլոր այն մարդկանց եւ կազմակերպություններին, ովքեր անկեղծորեն շահագրգռված են տարածաշրջանում կայունության եւ խաղաղության հաստատմամբ եւ ջանքեր են գործադրում Արցախի հիմնախնդրի արդարացի լուծման համար։
«Ես կարծում եմ, որ ամբողջ աշխարհը պետք է իմանա Արցախի մասին,–համաժողովի ժամանակ ասել է ԱՄՆ Ջորջիա նահանգի Ներկայացուցիչների պալատի անդամ Դեբորա Բեյզմորը՝ շեշտելով, թե իր առաջին այցն է Արցախ, բայց ոչ վերջինը։–Ես հավատում եմ, որ ժողովուրդն անկախ լինելու իրավունք ունի, Արցախն ինքը պետք է որոշի իր ապագան։ Բոլոր նահանգները պետք է միասին գործեն, բոլորս միասին կկարողանանք շատ բան անել Ղարաբաղի համար։ Անհատապես շատ դժվար է փոփոխություններ կատարել, մենք բոլորս պետք է նույն ուղղությամբ աշխատենք»։
Համաժողովին տեսաուղերձներ են հղել ԱՄՆ մի խումբ կոնգրեսականներ ու սենատորներ։ Ապա միջոցառման մասնակիցների համար ցուցադրվել է «Արցախ» փաստավավերագրական ֆիլմը։ Քննարկումների ամփոփման արդյունքում համաժողովն ընդունել է հռչակագիր։
Ստեփանակերտ

12-10-2019





28-02-2020
Ապացուցիր, թե կարող ես
«Ապօրինի ծագում ունեցող գույքի բռնագանձման մասին» օրենքի նախագիծը ...


28-02-2020
Հայատյացություն, որ դրսեւորվեց սումգայիթյան «սցենարով»
Հիշում է սպանդից փրկված ծերունազարդ հայը

Դավիթ ՄԻՔԱՅԵԼՅԱՆ
d.miqayelyan@hhpress.am


32 ...


28-02-2020
Հնարավոր ամեն ինչ արվում է, որպեսզի վարակի ներթափանցումը Հայաստան կանխվի
Եթե որեւէ այլ ռեժիմի անցնելու անհրաժեշտություն լինի, կառավարությունը ...


28-02-2020
Եթե ժողովուրդն է որոշում, ապա ոչինչ անօրինական չէ
«ՀՀ»-ի հյուրն է արձակագիր Արա Նազարեթյանը

-Պարոն Նազարեթյան, ...


28-02-2020
Հայաստանը նախ պետք է դիտարկի իրեն նպատակահարմար լինելու հարցը
Ինքնուրույնությունն ու ինքնիշխանությունն են պետության եւ ժողովրդի հանդեպ ...


28-02-2020
Մաքսատուրքի բարձրացումը հետաձգվեց 647 անուն ապրանքի համար
Փոփոխությունն ավտոմեքենաներին չի վերաբերում

Արմենուհի ՄԵԼՔՈՆՅԱՆ
a.melqonyan@hhpress.am


Գործադիրը երեկվա նիստում ...


28-02-2020
Տեսչական մարմնի խնդիրը ոչ այնքան պատժելն է
Որքան դաշտը կարգավորելը եւ առկա խնդիրներին լուծումներ տալը




28-02-2020
Գյուղի 120 հեկտար վարելահողից 100-ը չի մշակվում
Այստեղ հիմնականում զարգացած է ...

28-02-2020
Խրիմյան Հայրիկի սոցիալ-փիլիսոփայական դիտարկումները
1. Համակեցության հրամայականը


28-02-2020
Թերլցում եւ իրացվող վառելիքի որակական անհամապատասխանություն
ՏՄՊՊՀ-ի դիտարկումները բազմաթիվ խնդիրներ ...

28-02-2020
5 երկիր ներկայացնող հայ ըմբիշներ՝ համաշխարհային սանդղակում
Հայաստանը եւ այլ երկրներ ներկայացնող 12 ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO