Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.11.2019
ՏՆՏԵՍՈՒԹՅՈՒՆ


Ֆինանսական վարձակալությամբ՝ նաեւ կաղնեփայտե տարաներ

Էկոնոմիկայի նախարարությունը լիզինգի ծրագրում լրացում է առաջարկում

Արմենուհի ՄԵԼՔՈՆՅԱՆ
a.melqonyan@hhpress.am


Ագրոպարենային ոլորտի սարքավորումների ֆինանսական վարձակալության (լիզինգ) մասով փոփոխություն է լինելու։
Համենայնդեպս, էկոնոմիկայի նախարարությունը քննարկման է դրել (մինչեւ հոկտեմբերի 26—ը) այդ ֆինանսական վարձակալության պետական աջակցության ծրագրի հավելվածում լրացումը։ Եվ ակնկալում է, որ դրանից հետո կավելանան թե՛ ֆինվարձակալության ծրագրից օտվող շահառուների թիվը եւ թե՛ ձեռքբերվող սարքավորումների քանակը։
Բանն այն է, որ այս ծրագիրը մեկնարկել է 2018թ. հուլիսից, եւ հիմնական նպատակն այն էր, որ ագրոպարենային ոլորտի տնտեսավարողներին մատչելի պայմաններով, մասնավորապես՝ ֆինանսական վարձակալության մեխանիզմների կիրառմամբ սարքավորումներ մատակարարվեն։ 2019թ. մարտին կառավարության որոշմամբ ծրագրում փոփոխություն եղավ. ձեռք բերվող սարքավորումների արժեքի 230 մլն դրամ վերին շեմը բարձրացավ՝ հասնելով մինչեւ 450 մլն դրամի։ Բացի այդ՝ ավելացվեց ծրագրի ընդգրկման շրջանակը կաթի տեղափոխման իզոթերմիկ ցիստերներով։ Եվ կառավարության 2014թ. դեկտեմբերի որոշմամբ հաստատված սոցիալական աջակցություն ստացող սահմանամերձ բնակավայրերի տարածքներում գործունեություն իրականացնող տնտեսավարողների համար լիզինգի տոկոսադրույքի սուբսիդավորումը իրականացվելու է 11 տոկոսային կետով, որպեսզի լիզինգառուի կողմից վճարվող լիզինգի տարեկան տոկոսադրույքը կազմի 0 տոկոս։
Մեկ ամիս անց՝ 2019թ. ապրիլին ագրոպարենային ոլորտի սարքավորումների ֆինանսական վարձակալության պետական աջակցության ծրագրում էլի փոփոխություն եղավ. ըստ որի՝ ծրագրից օգտվելու հնարավորություն տրվեց նաեւ գյուղացիական տնտեսություններին։
Ծրագրում մի փոփոխություն էլ եղավ 2019թ. օգոստոսին։ Սրա համաձայն էլ Արարատյան հարթավայրի արտեզյան ավազանի ջրային պաշարների վերականգնման, արդյունավետ օգտագործման ու կառավարման նպատակով ձկնաբուծությամբ զբաղվող տնտեսավարողների կողմից ջրային ռեսուրսների այլընտրանքային օգտագործման ապահովման համար ձեռքբերվող սարքավորումների համար անհրաժեշտ 20 տոկոս կանխավճարի 50 տոկոսը, բայց ոչ ավելի 6 մլն դրամը սուբսիդավորվում է։
Եվ, ի դեպ, ծրագրին մասնակցելու համաձայնություն են տվել «ԱԳԲԱ լիզինգ» վարկային կազմակերպությունը, «Հայաստանի զարգացման եւ ներդրումների կորպորացիա» ունիվերսալ վարկային կազմակերպությունը (նախկին՝ «ՓՄՁ ներդրումներ» ՈՒՎԿ ՓԲԸ), «Քարդ ԱգրոԿրեդիտ» ՈՒՎԿ—ն, «Արմսվիսբանկ», «Կոնվերսբանկ», «Ամերիաբանկ» ՓԲԸ—ները եւ «Հայէկոնոմբանկ» ԲԲԸ—ն։
Հիմա՝ ինչի են հանգեցրել ծրագրում փոփոխությունները։
Էկոնոմիկայի նախարարության տվյալներով՝ 2019թ. սեպտեմբերի 17—ի դրությամբ ծրագրի շրջանակներում առեւտրային բանկերի կողմից ընդունվել են 81 տնտեսավարողի լիզինգի տրամադրման հայտեր՝ շուրջ 4.8 մլրդ դրամի չափով, որոնցից 2019թ. օգոստոսի 31—ի դրությամբ հաստատվել է 67 հայտ՝ 1.4 մլրդ դրամի չափով, իսկ սուբսիդավորման ենթակա գումարը կազմել է 15.3 մլն դրամ։
Այսքանից հետո մնում է հասկանալ, թե այդ պետական ծրագրում ի՞նչ փոփոխություն է հիմա՛ առաջարկում նախարարությունը։
Վերջինիս պնդմամբ, ագրոպարենային, մասնավորապես՝ գինեգործության ոլորտում գործող բազմաթիվ տնտեսավարող սուբյեկտներ բազմիցս դիմել են իրենց եւ նշել, որ տնտեսությունների բնականոն գործունեությունն ապահովելու, մթերվող հումքի ծավալներն ավելացնելու եւ պահպանելու, արտադրական հզորություններն ու արտահանման ծավալներն ավելացնելու նպատակով անհրաժեշտ են հումքի պահման մետաղյա տարողություններ, ինչպես նաեւ գինեգործության ոլորտում օգտագործվող կաղնեփայտե տարաներ։ Սակայն դրանք ձեռքբերելու դժվարություններ կան՝ պայմանավորված ֆինանսական սուղ հնարավորություններով եւ տրամադրվող վարկային միջոցների բարձր տոկոսադրույքներով։
Ու որպեսզի այս խնդիրը լուծվի, առաջարկվում է լիզինգի պետական աջակցության ծրագրում լրացում անել, որով գինեգործության ոլորտում գործող տնտեսավարողները լիզինգով կկարողանան ձեռք բերել հիմնական միջոց հաշվառվող հումքի պահման մետաղյա տարողությունները եւ կաղնեփայտե տարաները։
Հավելենք, որ գյուղի եւ գյուղատնտեսության 2010—2020թթ. կայուն զարգացման ռազմավարությամբ նախատեսվել է բարելավել գյուղատնտեսական հումքի վերամշակման գործընթացը։ Ինչը նաեւ պարենային անվտանգությանն է նպաստելու։

15-10-2019





14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Էրդողանի այցը ԱՄՆ հազիվ թե լուրջ ձեռքբերումներ արձանագրի
Թուրքիայի նախագահը Թրամփին կվերադարձնի «վիրավորական» նամակը

Էմմա ԲԵԳԻՋԱՆՅԱՆ
e.begijanyan@hhpress.am


Թուրքիայի ...


14-11-2019
Մենք հարյուր մեկ տարեկան ենք…
Հետաքրքիր մանրամասներ «Արմենպրես» գործակալության «ծննդի» եւ առաջին քայլերի ...


14-11-2019
Առանցքային օրենքի քննարկում տարածքային կառավարման ոլորտում
Նախագիծը մշակվել է հանրային լայն քննարկումների արդյունքում

Լուսինե ՄԽԻԹԱՐՅԱՆ
l.mkhitaryan@hhpress.am




14-11-2019
Բանակցություններ, որ վճռական են որոշ երկրների հետագա քայլերի համար
Տարածաշրջանում հակամարտությունների շղթայական կապ կա

Արմենուհի ՄԵԼՔՈՆՅԱՆ
a.melqonyan@hhpress.am


Երեկվանից ուշադրության ...


14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Քիմիան էլ անհրաժեշտություն չէ՞
«Մեռնող» մասնագիտությունների «վերակենդանացման» ուղղությունները

Թամարա ՄՈՒՐԱԴՅԱՆ
t.muradyan@hhpress.am


Մի շարք մասնագիտություններ ...



14-11-2019
Ծանր լույսը
Նեղվելով իր անհատականության ...

14-11-2019
Հայ բժշկագիտության նորագույն նվաճումը
Բարեհաջող է ընթացել նաեւ լյարդի երկրորդ ...

14-11-2019
Վարդապետի քնարերգությունը Վ. Արծրունու մեկնաբանությամբ
Կոմիտասի ծննդյան 100-ամյակին նվիրված ...

14-11-2019
Հաջողության բանաձեւը՝ համբերատարություն եւ կարգապահություն
Երեւանի Հրանտ Շահինյանի անվան ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO