Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.11.2019
ԼՂՀ


Բարեկարգվել է մոտ 140 կմ ճանապարհահատված

Արցախի Քաշաթաղի շրջանում բնակչությանը հուզող հիմնական խնդիրներից է ճանապարհաշինությունը։ Շրջկենտրոն Բերձորի հետ կապը համայնքներից մի քանի ուղղությամբ է, եւ բոլորում ճանապարհների հիմնական հատվածն ասֆալտապատ չէ։ Ուստի յուրաքանչյուր տարի անհրաժեշտություն է առաջանում հիմնանորոգել, բարեկարգել միջհամայնքային ճանապարհներն ու ներբնակավայրայինները։
Անցած տարի այս օրերին ավարտվեց Բերձորից Քարվաճառ տանող ճանապարհը՝ հասնելով մինչեւ Թութխուն գետի ավազան։ Այս տարվա սկզբից մինչ օրս շրջանի մի քանի ուղղություններում «Քաշաթաղի ջրամատակարարում» ՓԲ ընկերության տեխնիկական միջոցներն են աշխատում եւ առավել դյուրընթանալի դարձնում ոչ ասֆալտապատ ճանապարհները։
Արդեն ավարտին է հասցվել Աղավնո գետի հովտի ճանապարհահատվածը՝ ձգվելով Աղավնո գյուղից մինչեւ Մոշաթաղի գյուղական համայնքի Բերդիկ գյուղ՝ մոտ 25 կմ։ Ամռան ընթացքում «Քաշաթաղի ջրամատակարարում» ՓԲԸ մղաններ ու այլ տեխնիկաներ աշխատեցին Սյունիքի մարզի Խնձորեսկ գյուղի մոտակայքից եւ բարեկարգեցին մինչեւ Քաշաթաղի շրջանի Տիգրանավան գյուղ հասնող ճանապարհահատվածը։ Նորոգվեց նաեւ Հակարի գետի վրա գտնվող կամուրջը։ 2019—ի գարնան սկզբից սկսվեց Բերձոր—Իշխանաձոր մոտ 60 կմ ճանապարհի հիմնանորոգումը։
Շրջկենտրոնից դեպի հարավային թեւ տանող այս ճանապարհի բարեկարգ լինելը շատ է կարեւորվում։ Նույն ճանապարհն է հասնում արաքսամերձ Կովսական, Միջնավան քաղաքներ եւ Ողջիի, Որոտանի ու Հակարիի ավազանների այլ բնակավայրեր։ Ներկա դրությամբ բարեկարգվել է մոտ 50 կմ հատված՝ հասնելով Այգեկ գյուղական համայնք։ Գլխավոր ճանապարհին զուգահեռ՝ բարեկարգվել են նաեւ Հակարիի մերձափնյա մի քանի գյուղերի (Հակարի, Վուրգավան, Ուռեկան, Տիգրանավան, Այգեհովիտ) ներքին ճանապարհները։ Աշխատանքները շարունակվում են այս ուղղությամբ։ Նշված գլխավոր ճանապարհին հաճախ փոխարինում է Սարատակից մինչեւ Ծաղկաբերդ տանող երկրորդական ճանապարհը, որը ձգվում է Հակարիի աջակողմյան հատվածով։ Նշված ճանապարհը նույնպես արդեն բարեկարգ է։
Ճանապարհաշինարարներն այս հատվածում մեծ աշխատանք կատարեցին՝ որոշ տեղ փոխելով Հակարիի հունը (գետի վարարումների ժամանակ ճանապարհը դառնում էր անանցանելի)։ Ծաղկաբերդի հարավարեւմտյան կողմում՝ մոտ 3 կմ հեռու ժայռակերտ ձորի մեջ է Քրոնքի միջնադարյան վանքը։ Սրբատան ճանապարհը վաղուց էր բացվել եւ տարիների ընթացքում դարձել դժվարանց։ Վերջերս «Քաշաթաղի ջրամատակարարումի» ճանապարհաշինարարներն այն նույնպես դարձրեցին անցանելի։ Աղավնոյի հովտում մոտ 1 ամսվա ընթացքում հիմնանորոգվեց Ծիծեռնավանքից դեպի Սյունիքի մարզի Խնածախ հասնող ճանապարհը, որն անցնում է միջնադարյան պատմամշակութային հուշարձաններով հարուստ ձորակի ափով։ Արդեն մի քանի օր է՝ ինչ սկսվել է Ներքին Սուսից Մոշաթաղի գյուղական համայնքի Արվական գյուղ տանող մոտ 25 կմ ճանապարհը, որն անցնում է Հակարիի եւ նրա արեւելյան վտակ Հոչանցի աջակողմյան տարածքով։
«Քաշաթաղի ջրամատակարարում» ՓԲԸ տնօրեն Կարեն Աբրահամյանի հետ այցելեցինք ճանապարհաշինարարներին։ Մի քանի կմ հատված արդեն հարթեցվել է։ Մղանավար Վալերի Ավետիսյանը ճանապարհների բարեկարգման մեծ փորձ ունի եւ այստեղ նույնպես իր գործին էր։ ՓԲԸ տնօրենը ծանոթացավ կատարված աշխատանքներին, տվեց հանձնարարականներ։ Վերադարձանք Ներքին Սուս գյուղով, որի ներքին ճանապարհը նույնպես վերջերս է բարեկարգվել։ Կ. Աբրահամյանը տեղեկացրեց՝ ճանապարհաշինական աշխատանքները ֆինանսավորվում են Արցախի կառավարության կողմից։
Ընդհանուր 11 տեխնիկական միջոցներ՝ 2 մղան, 2 էքսկավատոր, 2 հարթեցնող մեքենա եւ 5 բեռնատար են աշխատում 2 տեղամասում։ Հույս հայտնեց, որ կհասցնեն բարեկարգել Ներքին Սուս—Արվական ճանապարհը եւ Հոչանց, Սոնասար, Մշենի, Արվական բնակավայրերի ներքին ճանապարհները։ Նախատեսած է նաեւ սկսել Խնձորեսկից Քաշաթաղի շրջանի Որոտան տանող ռազմավարական ճանապարհի «Խաչքար» կոչվող խաչմերուկից Որոտան, այնուհետեւ Հայկազյան եւ Իշխանաձոր հասնող հատվածի բարեկարգումը։ Հավելեց նաեւ՝ ճանապարհաշինությանը զուգահեռ՝ տարվա ընթացքում հիմնանորոգման աշխատանքներ են կատարել շրջանի ոռոգման գլխավոր ջրատարների վրա, կատարել շինարարական այլ աշխատանքներ։

Զոհրաբ ԸՌՔՈՅԱՆ

15-10-2019





14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Էրդողանի այցը ԱՄՆ հազիվ թե լուրջ ձեռքբերումներ արձանագրի
Թուրքիայի նախագահը Թրամփին կվերադարձնի «վիրավորական» նամակը

Էմմա ԲԵԳԻՋԱՆՅԱՆ
e.begijanyan@hhpress.am


Թուրքիայի ...


14-11-2019
Մենք հարյուր մեկ տարեկան ենք…
Հետաքրքիր մանրամասներ «Արմենպրես» գործակալության «ծննդի» եւ առաջին քայլերի ...


14-11-2019
Առանցքային օրենքի քննարկում տարածքային կառավարման ոլորտում
Նախագիծը մշակվել է հանրային լայն քննարկումների արդյունքում

Լուսինե ՄԽԻԹԱՐՅԱՆ
l.mkhitaryan@hhpress.am




14-11-2019
Բանակցություններ, որ վճռական են որոշ երկրների հետագա քայլերի համար
Տարածաշրջանում հակամարտությունների շղթայական կապ կա

Արմենուհի ՄԵԼՔՈՆՅԱՆ
a.melqonyan@hhpress.am


Երեկվանից ուշադրության ...


14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Քիմիան էլ անհրաժեշտություն չէ՞
«Մեռնող» մասնագիտությունների «վերակենդանացման» ուղղությունները

Թամարա ՄՈՒՐԱԴՅԱՆ
t.muradyan@hhpress.am


Մի շարք մասնագիտություններ ...



14-11-2019
Ծանր լույսը
Նեղվելով իր անհատականության ...

14-11-2019
Հայ բժշկագիտության նորագույն նվաճումը
Բարեհաջող է ընթացել նաեւ լյարդի երկրորդ ...

14-11-2019
Վարդապետի քնարերգությունը Վ. Արծրունու մեկնաբանությամբ
Կոմիտասի ծննդյան 100-ամյակին նվիրված ...

14-11-2019
Հաջողության բանաձեւը՝ համբերատարություն եւ կարգապահություն
Երեւանի Հրանտ Շահինյանի անվան ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO