Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

14.11.2019
ԶԱՆԱԶԱՆ


Մեր գրոսմայստերները նոր հաջողություններ են գրանցել

Հայ շախմատիստները շարունակում են երկրպագուներին ուրախացնել արգասաբեր ելույթներով՝ մրցանակային տեղեր գրավելով միջազգային պաշտոնական առաջնություններում եւ պարզապես մրցաշարերում։ Նրանց վերջին ելույթների պատկերն ամփոփել ենք ներկայացվող անդրադարձում։
Սկսենք, բնականաբար, աշխարհի պատանեկան առաջնությունից, որի ավագ տարիքային խմբում պատվո պատվանդանին կանգնեցին միանգամից երկու հայորդիներ։ Մինչեւ 18 տարեկանների մրցաշարում արծաթե եւ բրոնզե մեդալներ նվաճեցին Շանթ Սարգսյանը եւ Արթուր Դավթյանը։ Նրանցից առաջինը հաղթեց 11 պարտիաներից 6—ում, իսկ հինգն էլ ավարտեց ոչ—ոքի։ Սարգսյանին կես միավոր բաժանեց չեմպիոն դարձած հնդիկ գրոսմայստեր Պրագնանանդհայից, որի հետ Շանթը խաղաղ դաշն էր կնքել 7—րդ տուրում։ Ընդ որում՝ մեր գրոսմայստերը կարող էր եւ չեմպիոն դառնալ, եթե վերջին տուրում հաղթեր չեմպիոնի հայրենակից Արջուն Կալյանին։ Այդ դեպքում նա ինքնատիպ նվաճում կգրանցեր՝ հաջորդաբար դառնալով տարբեր տարիքային խմբերում աշխարհի չեմպիոն։ Ինչպես հայտնի է, անցյալ տարի Շանթն իրեն հավասարը չէր ունեցել մինչեւ 16 տարեկանների համաշխարհային ստուգատեսում։
Նշանակալի է նաեւ Դավթյանի հաջողությունը, որն իր հերթրին կես միավորով հետ մնաց Սարգսյանից։ Արթուրը նույնպես տարավ 6 հաղթանակ, սակայն մնացած հինգ պարտիաներից մեկում պարտվեց՝ արդեն նշված Կալյանին։
Ի դեպ, Սարգսյանն ու Դավթյանը, ինչպես նաեւ նրանց ընկերակցած Արամ Հակոբյանն ու Մարիամ Ավետիսյանը երեկ մեկնարկեցին դարձյալ Հնդկաստանում անցկացվող մինչեւ 20 տարեկանների առաջնությունում։
Աղջիկների եւ տղաների տարիքային մյուս խմբերում ներկայացած մեր 6 այլ մասնակիցներից առավել բարձր դասվեց Աստղիկ Հակոբյանը, որը մինչեւ 14 տարեկանների առաջնությունում 11 հնարավորից վաստակելով 7 միավոր՝ հանգրվանեց 12—րդ հորիզոնականին։ Մրցանակային եռյակում հայտնվելու համար նրան չբավարարեց 1 նիշ։ Հայ մյուս մասնակիցները շատ ավելի համեստ արդյունքներ գրանցեցին. Արսեն Դավթյանը եւ Ալեքս Սահակյանը 14 տարեկանների մրցաշարում գրավեցին համապատասխանաբար 24—րդ եւ 44—րդ տեղերը, 16—ամյա Մամիկոն Ղարիբյանը եւ Սրբուհի Սարգսյանը՝ 29—րդն ու 49—րդն էին, իսկ 18—ամյա Աննա Խաչատրյանը՝ 32—րդը։
Իսկ ահա բրիտանական Մեն կղզում շարունակվում է շվեյցարական մրցակարգով անցկացվող խոշոր միջազգային մրցաշարը, որի մասնակիցները պատկառելի մրցանակային հիմնադրամից բացի վիճարկում են նաեւ տղամարդկանց աշխարհի չեմպիոնի կոչման հավակնորդների մրցաշարի միակ ուղեգիրը։ Հինգ տուրից հետո մեր 8 գրոսմայստերներից առավել բարձր արդյունք ունեն Լեւոն Արոնյանը եւ Վլադիմիր Հակոբյանը, որոնք 3,5 միավորով 8—21—րդ հորիզոնականները բաժանողների խմբում ընթանում են 16—րդ եւ 18—րդ տեղերում։ 3—ական նիշ ունեն Գաբրիել Սարգսյանը եւ Ռոբերտ Հովհաննիսյանը, 2,5՝ Հրանտ Մելքումյանը, 1,5—ական Կարեն Մովսիսյանը, Էլինա Դանիելյանը եւ Սերգեյ Մովսիսյանը։
Այդ ընթացքում գրոսմայստեր Կարեն Գրիգորյանը դարձյալ 100 տոկոսանոց արդյունք է գրանցել Պորտուգալիայում։ Այս անգամ նա առանց միավորների կորստի է ավարտել Մարքես դե Պոմբալին նվիրված 10—րդ միջազգային մրցաշարը, որին մասնակցում էին 7 երկրի 61 շախմատիստներ։ Մեր հայրենակիցը 7 հանդիպումներում առավելության է հասել պորտուգալացի, արգենտինացի եւ իտալացի մրցակիցների նկատմամբ ու երկրորդ տեղը գրաված արգենտինացի գրոսմայստեր Դանիել Կամպորայից առաջ անցել 1,5 միավորով։ Տեղին է հիշեցնել, որ այս տարի նույն երկրում տեղի ունեցած մեկ այլ մրցաշարում Գրիգորյանը 9 հնարավորից վաստակել էր նույնքան միավոր։
Մեր մյուս գրոսմայստեր Տիգրան Հարությունյանն էլ հաղթողից կես միավորի տարբերությամբ երկրորդ մրցանակին է արժանացել Ղազախստանի Ալմաթի քաղաքում ավարտված մրցաշարում, որում պայքարի էին բռնվել 10 երկրների ներկայացուցիչներ։ Հայ շախմատիստն իր հաշվին գրանցելով 6 հաղթանակ, 1 ոչ—ոքի եւ 2 պարտություն՝ վաստակեց 6,5 միավոր։ Իսկ գլխավոր մրցանակը բաժին հասավ բրազիլացի գրոսմայստեր Ալեքսանդր Ֆիերին։

Հրայր ՆԱԶԱՐՅԱՆ

16-10-2019





14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Էրդողանի այցը ԱՄՆ հազիվ թե լուրջ ձեռքբերումներ արձանագրի
Թուրքիայի նախագահը Թրամփին կվերադարձնի «վիրավորական» նամակը

Էմմա ԲԵԳԻՋԱՆՅԱՆ
e.begijanyan@hhpress.am


Թուրքիայի ...


14-11-2019
Մենք հարյուր մեկ տարեկան ենք…
Հետաքրքիր մանրամասներ «Արմենպրես» գործակալության «ծննդի» եւ առաջին քայլերի ...


14-11-2019
Առանցքային օրենքի քննարկում տարածքային կառավարման ոլորտում
Նախագիծը մշակվել է հանրային լայն քննարկումների արդյունքում

Լուսինե ՄԽԻԹԱՐՅԱՆ
l.mkhitaryan@hhpress.am




14-11-2019
Բանակցություններ, որ վճռական են որոշ երկրների հետագա քայլերի համար
Տարածաշրջանում հակամարտությունների շղթայական կապ կա

Արմենուհի ՄԵԼՔՈՆՅԱՆ
a.melqonyan@hhpress.am


Երեկվանից ուշադրության ...


14-11-2019
Հստակեցվում են նոր ջրամբարներ կառուցելու հիմնավորումները
Ֆինանսական գնահատականները կտրվեն առանձին-առանձին

Արմենուհի ՄԵԼՔՈՆՅԱՆ
a.melqonyan@hhpress.am


Տարածքային կառավարման եւ ...


14-11-2019
Քիմիան էլ անհրաժեշտություն չէ՞
«Մեռնող» մասնագիտությունների «վերակենդանացման» ուղղությունները

Թամարա ՄՈՒՐԱԴՅԱՆ
t.muradyan@hhpress.am


Մի շարք մասնագիտություններ ...



14-11-2019
Ծանր լույսը
Նեղվելով իր անհատականության ...

14-11-2019
Հայ բժշկագիտության նորագույն նվաճումը
Բարեհաջող է ընթացել նաեւ լյարդի երկրորդ ...

14-11-2019
Վարդապետի քնարերգությունը Վ. Արծրունու մեկնաբանությամբ
Կոմիտասի ծննդյան 100-ամյակին նվիրված ...

14-11-2019
Հաջողության բանաձեւը՝ համբերատարություն եւ կարգապահություն
Երեւանի Հրանտ Շահինյանի անվան ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO