Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.11.2019
ԱՇԽԱՐՀ


Սիրիայում բոցավառվող տեսակի արգելված զենք է կիրառվել

Ո՞ր կողմն է գործադրել՝ ապացուցելը դժվար է լինելու

Թամարա ՄՈՒՐԱԴՅԱՆ
t.muradyan@hhpress.am


Թուրքիան Սիրիայի Սարի Քանիյա քաղաքի ուղղությամբ արգելված զենք է կիրառել։ Այդ մասին «ՀՀ»-ի հետ զրույցում նշեց թուրքագետ Կարեն Հովհաննիսյանը՝ ավելացնելով, որ խաղաղ բնակչություն է տուժել։ Թուրքագետի հետ մեր զրույցի պահի դրությամբ արգելված զենքի հետեւանքով քրդերի շրջանում զոհերի ու վիրավորների թվերի մասին ստույգ տեղեկատվություն չկար, բայց, ըստ նրա տեղեկատվության, զոհերի թվում հինգ կին է եղել, վիրավորների թիվն էլ գերազանցել է 2 տասնյակը։
Ընդհանուր առմամբ, ռազմական այդ գործողության հետեւանքով զոհերի ու վիրավորների թվի մասով թուրքական ու քրդական կողմերի տարածած տեղեկատվությունը չեն համընկնում։
Թվերի տարբերությունը, ըստ Կարեն Հովհաննիսյանի, մեծ է։ Ու դա բնական է համարում պատերազմող կողմերի համար՝ ապրիլյան պատերազմի օրինակը բերելով։ Այդ ժամանակ էլ ադրբեջանական կողմը հայտարարում էր, որ հայկական կողմն ավելի քան 1000 զոհ ունի։
Ինչեւէ, համացանցում արդեն բոլորին հասանելի են արգելված զենքի հետեւանքները ներկայացնող լուսանկարներ, որոնք հրապարակվել են քրդալեզու կայքերում։ Ըստ մեր զրուցակցի տեղեկությունների, զենքը բոցավառվող տեսակին է պատկանում, որը գործի դնելուց հետո այրվում է, ու ոչնչով հանգցնել հնարավոր չէ։ Հանգչում է՝ մինչեւ վերջ այրվելով։ «Այդ զենքը արգելված է միջազգային կոնվենցիաներով։ Անգամ արգելված է գործի դնել պատերազմի դաշտում՝ ոչ խաղաղ բնակչության շրջանում»,–փոխանցեց թուրքագետը։ Նա նշեց նաեւ, որ Սիրիայի դեմոկրատական ուժը բողոք է արտահայտել. «Իրաքյան Քրդստանի, այսպես ասած, կառավարությունը եւս միջազգային կառույցներին կոչ է արել ուշադրություն դարձնել միջազգային նորմերով արգելված զենք կիրառելու հանգամանքի վրա»։
Առհասարակ, արգելված զենքի գործադրման դեպքում, ինչպես նշում է Կ. Հովհաննիսյանը, քննություն է իրականացվում՝ պարզելու, օրինակ, ով է տվել հրամանը եւ այլն, իսկ պետության դեպքում որոշակի պատժամիջոցներ են կիրառվում։ Իսկ նշված դեպքի մասով նկատում է, որ որոշակի նրբություն կա, որից Թուրքիան միանշանակ փորձելու է օգտվել. «Թուրքիան գործում է ոչ միայնակ. Սիրիայի տարածքում այդ պետության հովանավորությունը վայելող ռազմական խմբավորումներ կան, որոնք կազմված են թուրքոմաններից եւ այն արաբներից, որոնք, ըստ էության, Սիրիայի իշխանության ընդդիմությունն են իրենց համարում։ Այդ առիթից օգտվելով՝ Թուրքիան հերքելու է զենքի՝ իր կողմից կիրառումը»։ Թուրքագետը կարծում է, որ դժվար է լինելու ապացուցելը՝ այն Թուրքիան է կիրառել, թե նշված խմբավորումները, բայց, իր տեղեկություններով, արգելված զենքը գործի է դրվել հենց թուրքական կողմից։
Իսկ ահա ԱՄՆ—ի վերջին գործողությունների մասով, Սպիտակ տունը հրապարակել է նախագահ Դոնալդ Թրամփի կողմից Թուրքիայի նախագահ Ռեջեփ Էրդողանին ուղղված գաղտնի նամակը, նաեւ պատվիրակություն է ուղարկվել Անկարա՝ զինադադարի պահանջով։ Կարեն Հովհաննիսյանն արձանագրում է. «ԱՄՆ ներկայացուցչի կողմից Անկարայում բանակցությունները խոսում են այն մասին, որ նրանք, իսկապես, մտադրություն ունեն Թուրքիայի եւ քրդերի միջեւ բանակցային միջնորդ լինելու եւ ցանկանում են քրդերին բանակցային դաշտ բերել, բայց դա քրդերի կողմից չի ընդունվում։ Նրանք Ասադի հետ որոշակի համաձայնության են եկել եւ գործում են դրա շրջանակներում։ Ինձ հայտնի փաստաթղթի համաձայն, քրդերը ռազմական համաձայնություն ունեն Ասադի հետ, ըստ որի՝ միասին Հյուսիսային Սիրիան թուրքերից մաքրելու են, եւ Թուրքիայի հետ սահմանի ողջ երկայնքով կանգնելու են Սիրիայի կառավարական բանակի ուժերը։ Իսկ արդեն ներքին անվտանգության հարցերով զբաղվելու է քրդամետ Սիրիայի դեմոկրատական ուժերի զինված ուժը»։ Շարունակելով՝ Կ. Հովհաննիսյանը նշում է նաեւ՝ հենց դա է պատճառը, որ քրդերն այս փուլում նաեւ ակնարկում են, որ իրենք ոչ մի տեսակ պայմանավորվածություն չեն ունենա ԱՄՆ—ի հետ, բացառությամբ այն պայմանավորվածության, ըստ որի իրենք համագործակցում են ԱՄՆ—ի հետ ԻՊ—ի զինյալների դեմ պայքարում։
Ինչ վերաբերում է Սպիտակ տան կողմից գաղտնի նամակի հրապարակմանը, թուրքագետն այդ քայլն այլեւս ուշացած է համարում։ Ասում է՝ գնացքը գնացել է, ու գործողություններն արդեն ընթացքի մեջ են ու շարժվում են այն ընթացքով, որը հոկտեմբերի 9—ին ծրագրվել է։
Թուրքիայի նախագահ Ռեջեփ Էրդողանի՝ Ռուսաստան կատարելիք այցից էլ, նրա դիտարկմամբ, ՌԴ նախագահ Վլադիմիր Պուտինն իրականում այն ակնկալիքներն ունի, որոնք ի սկզբանե ունեցեղ է Էրդողանի հետ քաղաքական տարբեր պայմանավորվածություններ ձեռք բերելիս։ Ասում է՝ Ռուսաստանը փորձելու է որոշակի ճնշումներով հասնել Թուրքիայի տարածքում ռազմական եւ տնտեսական ներկայություն ունենալուն, ինչին եւ ձգտում է Ռուսաստանը։ Իսկ ճնշումները, մասնագետի դիտարկմամբ, լինելու են հետեւյալ համապատկերի վրա՝ այս պահին Թուրքիան մերժված է աշխարհի պետությունների մեծամասնության կողմից։ Նա արձանագրում է, որ հոկտեմբերյան սպասվող այցը ակնկալիքների առումով Ռուսաստանի համար բարենպաստ պայմաններ է ունենալու։

18-10-2019





16-11-2019
Հայաստանի հավակնոտ հայտը ռազմարդյունաբերության ոլորտում
Ոլորտին հատկացվող գումարը հաջորդ տարի կկազմի 6.3 մլրդ ...


16-11-2019
Իրանի տնտեսարդյունաբերական ազատ եւ հատուկ գոտիները
Նպաստավոր պայմաններ են ապահովում հատկապես օտարերկրացի ներդրողների համար

Էմմա ...


16-11-2019
Ինչ ստացավ Անկարան Վաշինգտոնից եւ ինչ կստանա Մոսկվայից
Հայկական հարցը՝ միջազգային վերադասավորումների համապատկերում

Արմենուհի ՄԵԼՔՈՆՅԱՆ
a.melqonyan@hhpress.am


Մեր ենթադրությունների ...


16-11-2019
Ձկնարտադրությունից մինչեւ սեւ խավիար
Արցախի ձկնկիթն առաջին անգամ կարտահանվի Եվրոպա

Լուսինե ՆԱԶԱՐՅԱՆ
l.nazaryan@hhpress.am


Առաջնագծից ...


16-11-2019
ՊԵԿ-ը 253 միլիոն դրամի խախտում է արձանագրել
Կառույցն անցում է կատարում իրավախախտումների դեմ պայքարի նոր ...


 
16-11-2019
IPSE DIXIT
«Նախանձ» մենք համարում ենք մարդկային բնույթի այն ստորությունը, որը ...


 
16-11-2019
Հորդորակ
Հայերեն ընդունելի համարժեքներ ունեցող օտար բառերից խուսափելու մասին




16-11-2019
Ինչն է գրավում զբոսաշրջիկներին մեր երկրում
Քննարկման փուլում է ոլորտի զարգացման ...

16-11-2019
Մանկապարտեզների ու դպրոցների սնունդը
Ի՞նչ խնդիրներ կան, որո՞նք են չիմացության ...

16-11-2019
Հայաստանում աճում է սուսերամարտի նկատմամբ հետաքրքրությունը
Հանգստյան օրերին Նորագավիթի սուսերամարտի ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO