Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

01.06.2020
ԶԱՆԱԶԱՆ


Ռազմական խաղերում Հայաստանն ունի 1 մեդալ

Եվս մի քանիսի ակնկալիք

Չինաստանի Ուխան քաղաքում ընթացող Ռազմական 7-րդ խաղերում Հայաստանին առաջին եւ առայժմ միակ մեդալը բերեց ազատ ոճի ըմբիշ Մհեր Մարկոսյանը։ Մրցանակակիր դառնալու հնարավորություն ունեն նաեւ մեր բոլոր երեք մարմնամարզիկները։ Այս մրցումներում Հայաստանը ներկայացված է մարզական կողմնորոշման, ձյուդոյի, սպորտային մարմնամարզության եւ ըմբշամարտի մրցումներում։
20—ամյա Մարկոսյանը 86 կգ քաշային կարգում մեկնարկեց Շրի Լանկայի պատվիրակ Սուրեշ Վարունակուլասուրիայի նկատմամբ 10 միավորի առավելությամբ հաղթանակով, սակայն հաջորդ իսկ գոտեմարտում պարտվեց Գերմանիայի զինուժը ներկայացնող Ահմեդ Դուդարովին, որը հետագայում դարձավ արծաթե մեդալակիր։ Իսկ Մարկոսյանն արդեն սփոփիչ գոտեմարտերում հաջորդաբար գերազանցեց կամերունցի Սեդրիկ Աբոսոլոյին եւ մոնղոլ Յուտումեն Օրգոդոլին ու կանգնեց պատվո պատվանդանի երրորդ աստիճանին։
Նույն հարգի մեդալ նվաճելուն մոտ էր նաեւ ձյուդոյի Եվրոպայի անցյալ տարվա չեմպիոն Ֆերդինանդ Կարապետյանը։ Մինչեւ 73 կգ քաշային կարգում նա հաջորդաբար պարտության մատնելով քաթարցի Մոհամեդ Ռեբահիին, բահրեյնցի Հուսեմ Խալֆաուին եւ բելառուս Վադիմ Շոկային՝ հասավ կիսաեզրափակիչ, որում զիջեց չինացի Սայինջիրիգալային։ Ներգրավվելով սփոփիչ գոտեմարտերում՝ մեր մարզիկը բրոնզե մեդալի համար հավասար պայքարում պարտվեց ռուսաստանցի Արմեն Աղայանին եւ բավարարվեց 5—րդ տեղով։ Նույն մարզաձեւի մինչեւ 100 կգ քաշային կարգում Արտյոմ Սարգսյանը հենց մեկնարկում պարտվելով բրազիլացի Լեոնարդո Գոնսալեսին՝ դուրս մնաց հետագա պայքարից։ Նրա մրցակիցը դարձավ բրոնզե մեդալակիր։
Հարուստ մարզավարով վերադառնալու լավ հնարավորություն ունեն հայ մարմնամարզիկները։ Հարություն Մերդինյանը, որը բոլորովին վերջերս աշխարհի առաջնությունում 13—րդ տեղն էր գրավել նժույգթափի վրա վարժությունում, հիմա նույն մրցաձեւում վաստակելով 13,733 միավոր՝ 6—րդ արդյունքով անցել է եզրափակիչ փուլ։ Մրցանակային իրական հավակնություններ ունեն նաեւ Արթուր Ավետիսյանը եւ Վահագն Դավթյանը, որոնք օղակների վրա վարժության որակավորման փուլում իրենց հաշվին գրանցելով համապատասխանաբար 14,433 եւ 14,166 միավոր՝ 3—րդ եւ 6—րդ դիրքերից կշարունակեն պայքարը մեդալների համար։
Ազատ ոճի ըմբշամարտում ձեռնունայն մնաց 65 կգ քաշային Վարդգես Կարապետյանը, որը 20 մասնակիցների պայքարում հանգրվանեց 8—րդ հորիզոնականին։ Նա հաղթեց կամերունցի Մբուգու Մոնտիին, ապա պարտվեց թուրք Սելահատին Կիլիկսալայանին։ Նույն մարզաձեւում Ռազմիկ Սիմոնյանը (74 կգ), պարտվելով առաջին իսկ գոտեմարտում, 22 մասնակիցների հաշվարկում 16—րդն էր։
Մարզական կողմնորոշման մրցումներում Յուրա Մանասյանը, Յուրի Մխիթարյանը եւ Հարություն Յախանյանը երկար մրցատարածությունում գրանցեցին համապատասխանաբար 140—րդ, 146—րդ եւ 147—րդ արդյունքը, իսկ միջինում հաստատվեցին 150—րդից ցածր հորիզոնականներին։
Այսօր մրցագորգ դուրս կգան հունահռոմեական ոճի ըմբիշներ Տիգրան Մինասյանը (60 կգ), Շանթ Խաչատրյանը (67 կգ), Վարուժան Գրիգորյանը (77 կգ) եւ Դավիթ Հովասափյանը (130 կգ)։
Մինչեւ հոկտեմբերի 27—ը շարունակվող այս մրցումների ծրագրում ընդգրկված են 27 օլիմպիական եւ ռազմակիրառական մարզաձեւեր։ Մասնակցում են 109 երկրի ավելի քան 9300 մարզիկներ, ինչը այս մրցումները մասսայականությամբ մոտեցնում է օլիմպիական խաղերին։
Հրայր ՆԱԶԱՐՅԱՆ

23-10-2019





30-05-2020
Հայաստանում ներդրվում է համայնքային միասնական էլեկտրոնային կառավարման հարթակ
Կբարձրացվեն ՏԻՄ-երի աշխատանքների արդյունավետությունը եւ թափանցիկությունը

Ֆիզիկական եւ ...


30-05-2020
«Հայը լինի իր երկրին մեջ տերը, Հայը լինի իր ազատության տերը»
Դրոն հայոց պատմության էջերը հարստացրել է հաղթանակներով

Հայ ...


30-05-2020
Հայաստանում հաստատվել է COVID-19-ի 251 նոր դեպք, առողջացել է ևս 20 պացիենտ
Հայաստանում մայիսի 30-ի, ժամը 11:00-ի դրությամբ հաստատվել է կորոնավիրուսային ...


30-05-2020
Ո՞րն է ճշմարտությունը։ Աստծո խոսքը
Ի՞նչը կարող է մեզ ազատագրել։ Աստծո խոսքը։ Ե՞րբ է ...


30-05-2020
Առանց կուսակցությունների զարգացման չկա ժողովրդավարություն
Ի՞նչ փոփոխություններ են նախատեսվում ՏԻՄ ընտրություններում

4000 եւ ...


30-05-2020
Թանգարանի գիտական բաժինն անցել է աշխատանքի
Չի գործելու միայն ցուցադրության հատվածը

ԿԳՄՍ նախարարի հրամանով, ...


30-05-2020
Երեխաներին գնահատել է պետք գիտելիքով
Անցումը նոր համակարգին կնպաստի ինքնակրթության զարգացմանը

ՀՀ կրթության, ...



30-05-2020
«Մենք միակ ժողովուրդն ենք, որի գիրն ու կրոնը զուտ ազգային երեւույթներ են»
Ֆրանսահայ պատմաբան Կլոդ Մութաֆյանի հետ «ՀՀ»—ն ...

30-05-2020
Կարմիր գիրքը՝ բնական սահմանների խախտման ուղղակի ցուցիչ
Եվ համավարակի այս օրերին՝ բնության հետ ...

30-05-2020
Նորընտիր խորհրդարան-կառավարություն համագործակցությո՞ւն, թե՞…
2020 թ. փետրվարի 21-ին Իրանում տեղի ունեցան խորհրդարանի ...

30-05-2020
Չեմպիոնների չեմպիոնը կարող է որոշվել միասնական մրցաշարում
ՈւԵՖԱ-ն շարունակում է ուսումնասիրել եվրագավաթների ...
USD
EURO
RUR
GEL
Եղանակը Երևանում
գիշերը +12... +14
ցերեկը +27... +29

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO