Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

05.07.2020
ՄԱՐԶԵՐ


«Հնարավորությունների տոնավաճառ»

Բաց հարթակ գործատուների եւ աշխատանք փնտրողների միջեւ

Երեկ Գյումրիում տեղի ունեցավ ՄԱԿ-ի Զարգացման ծրագրի «Ապագայի հմտություններ եւ աշխատատեղեր մարզաբնակ երիտասարդների համար» ծրագրի շրջանակներում «Հնարավորությունների տոնավաճառ» միջոցառումը։ Այս ծրագիրը ֆինանսավորվում է Ռուսաստանի Դաշնության կառավարության կողմից եւ իրականացվում ՀՀ տարածքային կառավարման եւ ենթակառուցվածքների նախարարության հետ համատեղ։ Ծրագրի նպատակն է՝ նոր մասնագիտություններ եւ հմտություններ ձեռք բերելու միջոցով Հայաստանի երիտասարդությանը նախապատրաստել աշխատաշուկային, այսինքն՝ այնպես անել, որ աշխատանքային տարիքի հասնող երիտասարդը տիրապետի որոշակի մասնագիտական հմտությունների եւ ինչ—որ չափով պատրաստ լինի մրցակցությանը։ «Հնարավորությունների տոնավաճառը» ծառայում է որպես բաց հարթակ գործատուների եւ աշխատանք փնտրողների միջեւ՝ նրանց հնարավորություն ընձեռելով սովորելու այն կարեւոր հմտությունները, որոնք անհրաժեշտ են, անկախ աշխատանքի բնույթից, աշխատաշուկայում հաջողակ լինելու համար։ Փաստորեն, դեռեւս աշխատանքային փորձ չունեցող երիտասարդները ինչ—որ չափով յուրացնում են նաեւ բիզնեսի տրամաբանությունը։
Գյումրիի տեխնոլոգիական կենտրոնում, որտեղ բացվել էր տոնավաճառը, բավականին մեծ բազմություն էր հավաքվել, գերակշռողը պատանիներն էին, որ եկել էին խմբերով, իրենց ավագ ուղեցույցների հետ։ Կային դպրոցներից (ավագ դասարաններ), քոլեջներից եկած խմբեր։ Իրենց արտադրածը ներկայացնող գործարարները կիսվում էին երիտասարդների հետ, պատասխանում նրանց հետաքրքրող հարցերին, միաժամանակ արտադրական «գաղտնիք» ներկայացնող պարզաբանումներ տալիս։
Տոնավաճառին զուգահեռ տարբեր լսարաններում մի շարք դասընթացներ անցկացվեցին այնպիսի թեմաներով, ինչպիսիք են քրաուդֆանդիզի արշավ կազմակերպելը, մեդիա գրագիտությունը եւ այլն։
ՄԱԶԾ մշտական ներկայացուցիչ Դմիտրի Մարիյասինը մեզ հետ զրույցում ասաց, որ այս միջոցառումը կարեւոր է երիտասարդների աշխատանքային կողմնորոշումը բարելավելու, գործատուների սպասելիքները կռահելու հմտություն ձեռք բերելու համար։ Երիտասարդները տարբեր դասընթացների ժամանակ ձեռք են բերում որոշակի հմտություններ՝ տեղեկատվական հմտություն, բիզնեսի վարման տեսանկյունից թվային տեխնոլոգիաների հմտություն, ինչը դեռեւս բավարար չէ Հայաստանի՝ իրենց ուսումնասիրած չորս մարզում առկա գործազուրկ երիտասարդության շրջանում։ Տարօրինակ է, որ մեծ թվով գործազուրկ երիտասարդներ կան, մինչդեռ գործատուները չեն կարողանում գտնել համապատասխան հմտություն ունեցող աշխատուժ։
Մարզպետ Տիգրան Պետրոսյանը նույնպես հաստատեց այն փաստը, որ Շիրակի մարզը գործազրկության ցուցանիշով աչքի ընկնող է, սակայն այս պահին զբաղվածության կենտրոնում առկա է 300 աշխատատեղ, որոնք չեն զբաղեցվում համապատասխան հմտությունների բացակայության պատճառով։ Այդ տեղերի պոտենցիալ տերերը երիտասարդներն են։ «Ես վստահ եմ, որ այս տեսակ հանդիպումները տալիս են գործառնական հմտություններ աշխատաշուկա մտնելու, փորձի պակասը լրացնելու, գործատուի ունեցած հնարավոր թյուրըմբռնումը փարատելու համար։ Շփումները բերելու են դրական արդյունքի»,–ասաց նա։
Օրվա գլխավոր միջոցառումը՝ «Ապագայի հմտություններ» խորագրով, կատարվեց կենտրոնի դահլիճում, որտեղ խոսնակի դերում հանդես եկան Դմիտրի Մարիյասինը, Տիգրան Պետրոսյանը եւ «ԱՅԲ» դպրոցի տնօրեն Արամ Մախչանյանը։ Նրանք իրենց կենսափորձով կիսվեցին երիտասարդ եւ պատանի ունկնդիրների հետ։
Պետրոս ՍԱՐՈՒԽԱՆՅԱՆ

13-11-2019





04-07-2020
Ջրերի որակի մոնիտորինգի նոր դիտացանց է առաջարկվում
Եվ մակերեւութային ջրերում էլ թունաքիմիկատների դիտարկման կարիք կա



04-07-2020
ՀՀ ոչ մի բուժհաստատություն չպետք է անմասն մնա համավարակի դեմ պայքարից
Մասնագետը հորդորում է մահճակալային ֆոնդն ավելացնել

ՀՀ-ում նոր ...


04-07-2020
Հայաստանում հաստատվել է COVID-19-ի 580 նոր դեպք, առողջացել է 451 քաղաքացի
Հայաստանում հուլիսի 4-ի ժամը 11:00-ի դրությամբ հաստատվել է կորոնավիրուսային ...


04-07-2020
Ծնողների օրհնության ուժը երեխաների կյանքում
Աստվածաշնչում բազմիցս կոչ է արվում աղոթել։ Դա չի նշանակում, ...


04-07-2020
ՀՀ ոչ մի բուժհաստատություն չպետք է անմասն մնա համավարակի դեմ պայքարից
Մասնագետը հորդորում է մահճակալային ֆոնդն ավելացնել

ՀՀ-ում նոր ...


04-07-2020
Պոեզիան՝ որպես աղոթք եւ հոգու ժամանակ
«Քի՜չ մըն ալ դեռ, ա՜հ, շողա՜, շողա՜, բարի՜ ...


04-07-2020
Ամենածիծաղելի ողբերգակը
«Ինձի ձեռ չտաս՝ Աստծուն կըսեմ...» («Հին օրերի երգը»)




04-07-2020
Կենսոլորտը պետք է պաշտպանվի
Մարդն ինչպես է հարաբերվում մայր բնության ...

04-07-2020
Մհեր Մկրտչյան փառահեղ լեգենդը
Նրա արվեստում որտեղ է վերջանում ...

04-07-2020
Էրդողանի հերթական ոտնձգությունը
Նրա ձգտումը՝ վերանայելու տաճարի ...

04-07-2020
Աննախադեպ կոռուպցիոն բացահայտում հայկական ֆուտբոլում
Նախօրեին Հայաստանի ֆուտբոլի ֆեդերացիայի գործկոմը ...
USD
EURO
RUR
GEL
Եղանակը Երևանում
գիշերը +17... +19
ցերեկը +30... +32

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO