Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

10.07.2020
ԶԱՆԱԶԱՆ


Հաջողության բանաձեւը՝ համբերատարություն եւ կարգապահություն

Երեւանի Հրանտ Շահինյանի անվան մարմնամարզության օլիմպիական մանկապատանեկան մարզադպրոցում երեկ պայքարի էին դուրս եկել 11-17 տարեկան մարմնամարզիկներն ու մարմնամարզուհիները։
Հայ առաջին օլիմպիական չեմպիոն Հրանտ Շահինյանի անվան հուշամրցաշարում տղաների մրցապայքարն ընթացել է 5 գործիքի՝ օղակների, նժույգթափերի, հենացատկի, զուգափայտերի, պտտաձողի վրա եւ ազատ վարժությունում, իսկ աղջիկներինը՝ զուգափայտերի, հենացատկի, հավասարակշռության գերանի եւ ազատ վարժություններում։ Մրցումներին հետեւել է Հայաստանի սպորտային մարմնամարզության տղամարդկանց հավաքականի գլխավոր մարզիչ Հակոբ Սերոբյանը։
«Նման մրցաշարերի մասնակցելով՝ պատանիները մեծ փորձ են ձեռք բերում եւ հղկվում են։ Այս մրցումներն օգնում են լավ պատրաստվել միջազգային մրցաշարերին, իսկ հետո նաեւ՝ Եվրոպայի ու աշխարհի առաջնություններին։ Երբ մարմնամարզիկը միանգամից մասնակցում է, օրինակ, Եվրոպայի առաջնության, ներքուստ վախ է ունենում։ Մրցաշարն ապացուցեց, որ լավ երեխաներ կան, բայց նրանք պետք է գիտակցեն, որ մարմնամարզությունում հաջողությունների հասնելու համար պետք է լինեն անչափ համբերատար եւ կարգապահ»,–ասել է Հ. Սերոբյանը՝ կարեւորելով մրցաշարը մարմնամարզության մրցունակ սերունդ ապահովելու առումով։
Հավաքականի գլխավոր մարզիչն ընդգծել է՝ մրցաշարը կազմակերպել են երիտասարդական միջազգային ծրագրով, որը տարիքային սահմանափակում չունի։
«Փոքրերին թույլատրում ենք պայքարել մեծերի հետ եւ տեսնում ենք, օրինակ, 11 տարեկան տղան կարողանում է մրցանակակիր դառնալ։ Մրցաշարը կազմակերպել ենք միջազգային ծրագրով, որպեսզի փոքրերն աստիճանաբար սովորեն, թե ինչպես են պայքարելու միջազգային մրցաշարերում։ Նման ձեւաչափը կարեւոր է նաեւ մարզիչների համար, ովքեր պետք է կարողանան իրենց սաներին պատրաստել հնարավորինս գրագետ վարժությունների, իսկ դրա համար անհրաժեշտ է շատ լավ ծանոթ լինել միջազգային ծրագրին»,–ասել է նա՝ հույս հայտնելով, որ առաջիկայում մրցաշարը կդառնա միջազգային։ Մարզիչը նշել է՝ այս տարի նույնիսկ այլ երկրներից մասնակցության ցանկություն են հայտնել, սակայն այժմ մարզադահլիճի հնարավորությունները թույլ չեն տալիս ընդարձակել հուշամրցաշարի աշխարհագրությունը։
Տղաների բազմամարտում առաջին մրցանակակիր դարձած Գագիկ Խաչիկյանը, որն արդեն 12 տարի զբաղվում է մարմնամարզությամբ, նշել է՝ Հ. Շահինյանի հուշամրցաշարը փոքր, բայց կարեւոր քայլ է օլիմպիական խաղերի չեմպիոն դառնալու ճանապարհին։
«Մասնակցությունիցս գոհ եմ, լավ էի պատրաստվել։ Իհարկե, միջազգային մրցաշարերի հետ համեմատած՝ ավելի հանգիստ էի, բայց դրսում էլ կարողանում ենք հաղթահարել լարվածությունը։ Մարմնամարզությունում ամենամեծ նպատակս օլիմպիական խաղերի չեմպիոն դառնալն է, իսկ նման մրցումներն օգնում են աստիճանաբար պատրաստվել դրան»,–ասել է նա։
Օրվա մրցանակակիրներից Ինեսա Ջաղինյանի համար եւս մրցաշարի արդյունքները ոգեւորիչ են։
«Արդեն 9 տարի է՝ զբաղվում եմ մարմնամարզությամբ։ Ինձ համար այս կարգի մրցաշարերը կարեւոր են, արդյունքները՝ ոգեւորիչ։ Շարունակելու եմ մարզվել լավ արդյունքների հասնելու համար»,–շեշտել է Ինեսան։
Տղաների մրցումներին մասնակցել է 17 մարմնամարզիկ։ Մրցանակակիր են դարձել.
Ազատ վարժություն
1. Նորայր Հովհաննիսյան
2. Համլետ Մանուկյան
3. Գագիկ Խաչիկյան
Նժույգթափեր
1. Գագիկ Խաչիկյան
2. Հայկ Նազարյան
3. Նորայր Հովհաննիսյան
Օղակներ
1. Գագիկ Խաչիկյան
2. Նորայր Հովհաննիսյան
3. Հովհաննես Հակոբյան
Հենացատկ
1. Համլետ Մանուկյան
2. Գագիկ Խաչիկյան
3. Դավիթ Պետրոսյան
Զուգափայտեր
1. Գագիկ Խաչիկյան
2. Նորայր Հովհաննիսյան
3. Մամիկոն Խաչատրյան
Պտտաձող
1. Գագիկ Խաչիկյան
2. Վահե Մաղաքյան
3. Սիմոն Ասատրյան եւ Նարեկ Տերտերյան
Բազմամարտ
1. Գագիկ Խաչիկյան
2. Նորայր Հովհաննիսյան
3. Դավիթ Պետրոսյան։

Աղջիկների մրցումներին մասնակցել է 21 մարմնամարզուհի։ Մրցանակակիր են դարձել՝
Հենացատկ
1. Մարիետա Բուչախչյան
2. Ինեսա Ջաղինյան
3. Մարիետա Մարտիրոսյան
Հավասարակշռության գերան
1. Ինեսա Ջաղինյան
2. Անի Խաչատրյան
3. Մարիետա Բուչախչյան
Զուգափայտեր
1. Մանե Պողոսյան
2. Տաթեւ Մկրտչյան
3. Ինեսա Ջաղինյան
Ազատ վարժություն
1. Աննա Մանթաշյան
2. Մանե Պողոսյան եւ Ինեսա Ջաղինյան
3. Մարիետա Բուչախչյան
Բազմամարտ
1. Ինեսա Ջաղինյան
2. Մարիետա Բուչախչյան
3. Մանե Պողոսյան։

14-11-2019





10-07-2020
«Լիճք» ենթակայանի ամբողջական վերակառուցումն անհրաժեշտություն է
Այն նաեւ Արցախի էներգետիկ անվտանգության հետ կապված կարեւոր ...


10-07-2020
Գյուղոլորտի ապագա կադրերը՝ Շուշիի տեխնոլոգիական համալսարանից
Ուսուցում՝ նաեւ լսարանից դուրս, «գործնական դաշտում»

Շուշիի տեխնոլոգիական ...


10-07-2020
Հայաստանում հաստատվել է COVID-19-ի 557 նոր դեպք․ապաքինվել է ևս 709, մահացել 11 քաղաքացի
Հայաստանում հուլիսի 10-ի դրությամբ հաստատվել է կորոնավիրուսային հիվանդության ընդհանուր ...


10-07-2020
Ժառանգելու են ե՛ւ գենետիկ, ե՛ւ հոգեւոր, ե՛ւ նյութական արժեքները
Այն, ինչ այսօր պատկանում է մեզ՝ ծնողներիս, վաղը պատկանելու ...


10-07-2020
«Առողջ անդամները հոսանքին հակառակ են ծնվում»
Կամ որտե՞ղ փնտրենք Ռուբեն Հախվերդյանին

Երգիչ-երգահանի հետ «ՀՀ»-ն ...


10-07-2020
Ազգի եւ մարդկության բարերարը
Ալեք Մանուկյանը տաժանակիր աշխատանքից հետո հայոց լեզվի դասընթացներ ...


10-07-2020
Պետությունը պատասխանատվություն է ստանձնում
Զոհված զինծառայողների ընտանիքների անդամներն անվճար սովորելու հնարավորություն կունենան




10-07-2020
«Թուֆենկյանը»՝ Քաշաթաղի շրջանին
«Ազատագրված տարածքները պիտի բնակեցվեն, ...

10-07-2020
«Դերասանուհին, որը դերասանություն չի անում...»
«Նա երբեք չի ստել, չի կեղծել, նրա ոչ մի ...

10-07-2020
Տուֆով սալարկումն ընդօրինակելի է
Անցած տարի սուբվենցիոն միջոցներով Ջրաշեն ...

10-07-2020
Ալոյանը կվիճարկի աշխարհի չեմպիոնի կոչումը
Ռուսաստանցի Միխայիլ Ալոյանը հոկտեմբերի 15-ին ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO