Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

28.01.2021
ՀԱՍԱՐԱԿՈՒԹՅՈՒՆ


Առաքիչի մեքենան

Սկզբում գրեցի վերնագիրն ու մի պահ ընկա հիշողությունների գիրկը...
«Երբ դեղին բեռնատարը կջրի փողոցները»- շարադրության հենց վերնագիրն էր գրավել ակնոցավոր ծյոծյաների ու թղթապանակով ձյաձյաների ուշադրությունը, իսկ ես պատմում էի ջրի մեքենայի մասին։ Այո, այո, այն մեքենայի, որի արձակած ջրի շիթը մեկին զովություն էր պարգեւում, մյուսի տրամադրությունը գցում՝ կարեւոր, գործնական հանդիպումից առաջ ջրելով նրան մինչեւ ոսկորները... Իսկ նրանք անողոք էին ու փնթփնթան... Չէ, դեռ ուղեղս չեն ջրել, մեքենայի մասին չեմ, այլ՝ վարորդի, ով փնփնթում էր մայթեզրին կայանած ամեն մի մեքենայի տիրոջ վրա, որովհետեւ էդ մասը լավ չէր մաքրվելու, քաղաքի սիրուն զգեստի մի կտորն էդքան հատվածով կեղտաբիծ էր ունենալու։
Ինչքան «մեքենաներ» կային... Բա «Հացի ավտոն» հիշո՞ւմ եք։ Մեեե՜ծ, քառակուսի թափքով «ԶԻԼ» էր, մետաղյա թափքի վրա էլ ցորենի հատիկներ էին նկարած ու վրան գրված՝ «ՀԱՑ»։ Էս մեքենան էն հերթերի ժամանակ ավելի սպասված էր լինում, քան, օրինակ, շտապօգնության մեքենան հիվանդին դարման հասցնելիս։ Երբ «հացի մեքենան» գալիս էր, աժիոտաժ էր, հրմշտոց... Դարակներին մնացած ու մի քիչ էլ չորացած հացերը մի կողմ էին մղվում՝ իրենց տեղը զիջելու թարմ թխված անուշաբույր «մատնաքաշին», «Հրազդանին», «բուխանկին»... Հացի խանութն էլ էր առանձին։ Հիմիկվա մեծ սուպերմարկետում մի անկյունում ծվարած, արեւմտյան ապրանքատեսականու գույնզգույն փաթեթավորումներից շլացած մի փոքրիկ բաժին չէր, խանութ էր, մեծ խանութ, որտեղից միշտ բուրում էր անուշաբույր թարմ թխված հացը... Ու հաստատ հացի ավտոյի վարորդն էլ գիտեր, թե ինչքան են իրեն սպասում, ինչքան կարեւոր է այն ապրանքը, որ նա տանում է իր թափքում։
Էսքանը հասցրեցի տեսնել հուշերումս, կարմիր լույսն էլ ճիշտ էդքան վառվեց ու դեռ չէր հասցրել վառվել դեղինը, երբ «Բոշ Լյովիկի» հերթական գլուխգործոցը ռենտգենի ապարատի նման պատռելով ականջաթաղանթս՝ մտավ բոլոր մկանային հյուսվածքներիս մեջ ու.. Լավ, ուղղակի ասեմ՝ «արթնացրեց»։ Դեռ դիդիիիիիթը չէր մարել, երբ տակից. «Արա, իիիիիինչ ես քնել ռուլին, քշի՛, արա, դեմիցս յան տուր, արաաաա, ով ա քեզի պռավա ծախե, արա...», ու դեռ չէի հասցրել պատուհանս իջեցնեմ, որ բարեհամբույր ժպիտով նրան բարի լույս մաղթեմ, ոտքը դրեց գազին ու ինձ վազանցելով, խլացուցիչը պատառոտելով՝ հեռացավ...
Մի քանի օր որոշել էի մեր ընկերության առաքանին ինքս տեղ հասցնել։ Այնպես ստացվեց, որ օնլայն խանութից, որ հիմնել ենք ընտանիքով, սկսեցին օգտվել ընկերներս. ցրտերն արդեն ընկել էին, ու մենք էլ տաքացուցիչների համար լավ գներ էինք առաջարկում։ Ես էլ, օգտակարը հաճելիի հետ համատեղելու հաստատակամ որոշմամբ, համ որոշեցի ինքս առաքել, որ տեսնեմ, թե ինչ գործընթացներով է անցնում յուրաքանչյուր աշխատակից, համ էլ պատվիրատու ընկերներիս ժպիտը կտեսնեմ, մեկ—երկու բառ կփոխանակեմ, կշփվենք, մինչեւ տաքացուցիչը փորձարկման ռեժիմում կսկսի ջերմացնել նրանց բնակարանը, գրասենյակը...
Պատվեր, մատակարար, մեքենա, երթեւեկություն, խցանում, զանգ, պատվիրատու, անհանգստություն, ինձ տեսնող ու զարմացող ժպիտ, բացատրություն, մեքենա, խցանում գրասենյակ... վերջում հայելի։ Նայեցի ու հասկացա, որ կարեւոր գործ եմ անում։ Որ մարդիկ ամիսներով խնայած գումարով ինչ—որ մեծ բան են գնում, ու դու նրանց պիտի հասցնես իրենց ապրանքը։ Ու թե ժամանակին պաղպաղակ առաքող տրիցիկլի վարորդը 20 կոպեկով երեխայի ժպիտով էր «Պարգեւատրվում», ես էլ ուրախանում էի իմ պատվիրատուների ժպիտներից ու շնորհակալական խոսքերից, հիշում նրանցից յուրաքանչյուրին, նրանց բողոքները, մտածում ծառայությունը լավացնելու մասին։
Տիդի՛թ։ Կարճ էր, բայց ծանոթ։ Բայց դեռ լուսացույցին էլ չենք հասել... Դրա համար զարմացա։ Բայց, ախր, շատ ծանոթ էր։ Էլի մի կարճ տիդիթ ու սեւ ջիպի բաց պատուհանից անհասկանալի ծամածռությամբ, կարմիր թշերով ու տոլմա քթով մի կլոր դեմք Շրեկի կատվի հայտնի հայացքով վրաս նայելով՝ «Ախպերս, մտնեմ էլի, ցավդ տանեմ, վռազ եմ... Թույլ կտա՞ս»։
Բայց էս ձայնը, ախր, հիշեցի, հաաաա, բոշ Լ—ի «լիգիրովկա» արած սիգնալն էլ էր տպավորվել, ու թեկուզ կարճ տիդիթից միանգամից ճանաչեցի... Համարներն էլ, չգիտես ինչու, մտապահել էի։
Ասացի. «Խնդրեմ, մտեք, վարորդական իրավունքի վկայականս քննությամբ եմ ստացել։ Մի 20 տարի առաջ»։ Դեմքի ծամածռությունները, որ փորձում էին մեղավոր ժպիտ պատկերել, հիմա էլ բութ շատակերի գլխավոր դերը ստանձնեցին. «Էտի որն ա... Պռավե՞ն, հա, բայց ընչի ասացիր, ախպերս։ Դու մի քիչ որ յան տաս ու ոտդ կախ քցես, ես կմտնեմ, էսի լավ ռազվառոտ ունի, էսի յաշիկ ա»... (Դեմքը հիմա էլ «Հպարտ ինքնահավանություն» էր խաղում)։ Ասաց ու ոտքը ինքնամոռաց դրեց գազի սեղմակին, մտավ... Ու նորից՝ խլացուցիչի ձայնը։
Բայց զգացի՞ք։ «Մեր ախպերը» մեր աչքի առաջ մի քանի ժամվա մեջ մի քանի կերպար ունեցավ, մի քանի դեր խաղաց։ Շատակեր հաստլիկից մինչեւ հպարտ բթության տիպար...  Բայց, ախր, նա չէր փոխվել, այլ՝ ես, ուղղակի «Առաքիչի մեքենան» արդեն աշխատավայրի պարկինգում էր, իսկ ես մտքերով ընկած տուն էի բարձրանում մեր տան ընտանեկան ամենագնացով։ Կամ «մեր ախպոր» լեզվով ասած՝ ջփով...
Վաղն էլ եմ քշելու ու էլի առաքելու եմ, թե էլի մեր ճանապարհները խաչվեն, էլի նույն կերպ ասելու եմ՝ անցե՛ք, խնդրեմ, երեւի ձեր ճանապարհն ու ժամանակն ավելի կարեւոր են, ձեզ սպասող «ախպերներ» կան, իսկ ինձ՝ ընդամենը իր պատվերին սրտատրոփ սպասող հաճախորդ։

Էրիկ ԱՆԹԱՌԱՆՅԱՆ

21-11-2019





27-01-2021
Իրական սեփականատերերի բացահայտումն ու խնդիրները
ՏՄՊՊՀ-ն համալիր ուսումնասիրել է հանքարդյունաբերության ոլորտը

Որ Հայաստանի ...


27-01-2021
Վաշինգտոնն ու Մոսկվան տրամագծորեն հակառակ հայացքներ ունեն
Մի շարք քաղաքական ուղղություններում

Այն, որ ԱՄՆ-ի նորընտիր ...


27-01-2021
Անե՞ծք, թե՞ օգուտ
«Հյուսիսային հոսք-2» նախագիծը մասնատում է Եվրոպան

Գերմանական «Handelsblatt»-ը ...


27-01-2021
Կփլուզվի՞, արդյոք, դեռ վերջնականապես չկայացած «Ջրային գերտերությունը»
Երաշտը եւ վատնումները Թուքիային զրկում են իր երազանքների նախագծերից


27-01-2021
Հայ ռազմագերիների վերադարձի հարցը՝ ԵԽԽՎ օրակարգի լուսանցքում
Ադրբեջանն այս անգամ եւս չի ենթարկվում պատասխանատվության

Ստրասբուրգում ...


27-01-2021
«Ես Հայաստանի հողի ամեն թիզին սիրահարված եմ…»
Իսկ նրա երաժշտությանն ամենքն են սիրահարված

«Հայի համար ...


27-01-2021
Առակաց խորհուրդ. Քրիստոսի առակները
Սողոմոն արքան միայն նմանակն էր մեր Վարդապետ Քրիստոսի. «Հարաւի ...



27-01-2021
Փաշինյանն անթույլատրելի է համարում դատական համակարգի քաղաքականացման փորձերը
ՀՀ վարչապետ Նիկոլ Փաշինյանն անընդունելի է համարում ...

27-01-2021
Արմեն Սարգսյանի առողջական վիճակում առկա է դրական դինամիկա
Նոր տիպի կորոնավիրուսով վարակված ՀՀ նախագահ Արմեն ...

27-01-2021
Բյուջեն սոցիալական ուղղվածություն ունի
Աջակցության ծրագրերը կշարունակեն օրակարգում մնալ ...

27-01-2021
Շրջակա միջավայրի նախարարն անդրադարձել է Ամուլսարի խնդրին
ՀՀ շրջակա միջավայրի նախարարությունը Ամուլսարի ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO