Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.08.2020
ԿՐԹՈՒԹՅՈՒՆ


Հանրակրթության նոր չափորոշիչները միտված են քննական մտածողության զարգացմանը

Հաջորդ ուսումնական տարում այն կփորձարկվի հանրապետության մարզերից մեկում

Լուսինե ՄԽԻԹԱՐՅԱՆ
l.mkhitaryan@hhpress.am


ՀՀ կրթության, գիտության, մշակույթի եւ սպորտի նախարարության կողմից այս տարի սկսվել է hանրակրթության պետական չափորոշիչների վերանայման գործընթացը։ Վերջին անգամ STEM (բնագիտական, ճարտարագիտական առարկաներ, ՏՀՏ/համակարգչային գիտություններ, մաթեմատիկա, աշխարհագրություն) եւ հումանիտար առարկաների պետական չափորոշիչներն ու ծրագրերը վերանայվել էին 15 տարի առաջ։
Նախարարության պաշտոնական կայքից տեղեկանում ենք, որ ԵՄ ֆինանսավորմամբ իրականացվող «Հայաստանում ԵՄ—ն՝ նորարարության համար» ծրագրի շրջանակում փոփոխվում են 1—12 դասարաններում դասավանդվող STEM առարկայական ծրագրերը, 5—12 դասարանների դասավանդման եւ ուսումնառության նյութերը, գնահատման համակարգը, ինչպես նաեւ ներդրվում են առարկաների դասավանդման նոր եւ ժամանակակից մոտեցումներ։ Ծրագրի գործընկեր կազմակերպություններն են՝ Համաշխարհային բանկը, Եվրոպայի խորհուրդը, ԱՄՆ միջազգային զարգացման գործակալությունը (USAID), ՄԱԿ—ի մանկական հիմնադրամը։
2020 թվականի սեպտեմբերին վերանայված չափորոշիչները փորձնական կկիրառվեն հանրապետության մեկ մարզում, իսկ ռեսուրսների առկայության դեպքում՝ 2 մարզում։
ՀՀ ԿԳՄՍ նախարար Արայիկ Հարությունյանը ամփոփելով մինչ օրս տեղի ունեցած գործընթացը, նշել էր, որ նպատակն է բարելավել առարկաների որակը, կրճատել սովորողների ծանրաբեռնվածությունը, առանձնահատուկ ուշադրություն հատկացնել հայագիտությանը եւ բնագիտական առարկաներին, իսկ ուսումնական պլանները դարձնել առավել ճկուն։
ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահի տեղակալ Հովհաննես Հովհաննիսյանը «ՀՀ»—ի հետ զրույցում նշեց, որ նոր չափորոշիչները միտված են ուսուցման նոր մեթոդաբանություն ստեղծելուն եւ ամենակարեւորը՝ երեխաների մոտ քննական մտածողության զարգացմանը, որպեսզի երեխան ոչ թե մեխանիկորեն յուրացնի այն, ինչ իրեն մատուցել են, այլ քննադատաբար մոտենա երեւույթներին։ «Երեխաների համար ուսման պրոցեսը պետք է հետաքրքիր լինի։ Նման դեպքերում նրանք հիմնականում չեն էլ գիտակցում, թե ինչպես են սովորում։ Ուսման այդ մոդելին ականատես եղա Ֆինլանդիայում։ Այնտեղ երեխաներին ազատություն է տրված, նրանց ուսուցման մեթոդաբանությունը բոլորովին այլ էր եւ էապես տարբերվում էր մեր մեթոդաբանությունից»,–ասաց նա։
Չափորոշիչների փոփոխությանն արդեն կհաջորդի դասագրքերի փոփոխությունը։ Պատգամավորի խոսքով, տարիներ շարունակ խոսվում է դասագրքերի վատ որակից, բայց հաշվի չի առնվում, որ դասագիրքը գրվում է չափորոշիչների հիման վրա, հետեւաբար, լավ չափորոշիչի առկայության դեպքում կգրվեն լավ դասագրքեր։ Նոր դասագրքեր ստեղծելու գործընթացը բավականին երկարատեւ է, քանի որ բոլոր առարկաների գծով է տեղի ունենալու։ Թեեւ գործընթացն, ըստ զրուցակցիս, մի քիչ ուշացած է, բայց, այնուամենայնիվ, ողջունելի է, որ այդ ուղղությամբ արդեն իսկ չափորոշիչներ կան։ Նշենք, որ չափորոշիչների վերանայման նպատակով նախարարությունը հայտարարել էր ազգային փորձագետների մրցույթ։ Հանրակրթության պետական չափորոշիչի մշակման աշխատանքային խումբը սկսել է գործել այս տարվա հուլիսից, որում ներգրավված է եղել 15 մասնագետ։ Նախագիծը պատրաստ է եղել սեպտեմբերին եւ քննարկվել է նախարարությունում, իսկ արդեն հոկտեմբերին տեղի է ունեցել ոլորտային 8 քննարկում։
Անդրադառնալով այն հարցին, թե ծանրաբեռնվածության կրճատումը չի հանգեցնի, արդյոք, ստացած գիտելիքի կրճատման, պատգամավորը վստահեցրեց, որ այդպես չի լինի. հումանիտար բլոկի առարկաները դիտարկելիս, օրինակ՝ պատմությունն այնքան է հագեցած թվերով, անուններով եւ փաստերով, որ միեւնույն է երեխան դա չի ընկալում։ «Դասագրքերն ակնհայտորեն ակադեմիական են։ Նույնիսկ բուհ ավարտողն այնքան գիտելիք չի ունենում, որքան ներառված է որոշ դասագրքերում։ Մենք շեշտը դնում ենք թվերի, փաստերի վրա, սակայն դա չէ առաջնայինը, այլ այն, որ ներկայացվեն տարբեր տեսակետներ, եւ քննարկումների արդյունքում երեխաները կարողանան զարգացնել իրենց միտքը եւ համապատասխան հետեւություններ անեն։ Ամբողջը միտված պետք է լինի մտածողության զարգացմանը»,–պարզաբանեց Հովհաննիսյանը։
Նոր չափորոշիչներով աշխատելու համար անհրաժեշտ է, որպեսզի ուսուցիչներն անցնեն անհրաժեշտ վերապատրաստում, մինչդեռ ներկայումս Կրթության ազգային ինստիտուտը լուծարված է։ Պատգամավորի խոսքով, տարիներ շարունակ ուսուցիչները վերապատրաստվել են, սակայն արդյունավետության մասին դժվար է ասել, թե բարձր մակարդակի վրա է եղել։ Ոլորտը կարգավորելու նպատակով առաջարկում է նոր կազմակերպություններ ընտրել, որոնք ճիշտ մեթոդաբանությամբ կվերապատրաստեն ուսուցիչներին։ «Այստեղ կարեւորը գաղափարն է. եթե ուսուցչին ասենք, որ երեխայի մեջ զարգացնի ազատ մտածելու ունակությունը, ապա, հավատացեք, շատ ուսուցիչների մոտ փոփոխություններ կլինեն։ Մյուս կողմից, ուսուցիչների մոտ էլ է տեղի ունենում սերնդափոխություն, նոր սերունդ է գալիս նոր մտածողությամբ»,–ասաց նա՝ նկատելով, որ կրթությունն այն ոլորտն է, որտեղ մեկ—երկու տարում կտրուկ եւ նշանակալի փոփոխություններ հնարավոր չէ ակնկալել։
Կրթական լավ համակարգերը կարճ ժամանակում չեն ստեղծվել։ Կարեւորն այն է, որ պետությունը գիտակցի այս ոլորտում մեծ գումարներ ներդնելու անհրաժեշտության մասին։ Պատգամավորի համոզմամբ, կրթության վրա կատարվածը ոչ թե ծախս է, այլ ներդրում եւ պետք է մեծ գումարներ ծախսել ցանկալի արդյունքն ունենալու համար։

13-12-2019





01-08-2020
682 դեպքով հրդեհների թիվը նվազել է
Սակայն հրդեհավտանգ իրավիճակը կպահպանվի նաեւ օգոստոսին եւ սեպտեմբերին



01-08-2020
Ադրբեջանի էթնիկ քարտեզը
Հայկական տարրը տեւապես եղել է Կովկասի մշակութային շարժիչ ...


01-08-2020
Հայաստանում հաստատվել է COVID-19-ի 291 նոր դեպք․ ապաքինվել է 560, մահացել 11 քաղաքացի
Հայաստանում օգոստոսի 1-ի դրությամբ` հաստատվել է կորոնավիրուսային հիվանդության ընդհանուր ...


01-08-2020
Հուշապատում
Բինգյոլը... Սեւանի ափին

Սեւանա կղզին Իսահակյանի ամենասիրելի վայրերից ...


01-08-2020
«Ամենատխուր մարդը» կամ անազատության ազատությունը
Վերարժեւորելով Պերճ Զեյթունցյանին եւ նրա ինքնատիպ գործերից մեկը՝ ...


01-08-2020
Հայաստանի «Ինտերկապը» 30 տարեկան է
ՀԽՍՀ ֆիզիկական կուլտուրայի եւ սպորտի պետական կոմիտեի նախագահ Ռուբեն ...


01-08-2020
Կալիսիրի ակումբը՝ Շվեդիայի գավաթակիր
Շվեդիայի ֆուտբոլային գավաթը 8-րդ անգամ նվաճեց «Գյոթեբորգը»։ Ակումբակիցների հետ ...



01-08-2020
Հայաստանում մեկնարկում է հիմնարար բարեփոխումների գործընթաց
68-97 տոկոսով կբարձրացվեն ոստիկանության ...

01-08-2020
ՀԱԷԿ-ում ՊՆՎ-ն ըստ ժամանակացույցի է եւ առանց խոչընդոտների
Հայաստանն ատոմակայանի շահագործման եզակի ...

01-08-2020
Պատմության հետագծով
–1921 թ. օգոստոսի 1-ին ծնվել է Լիլի Չուգասզյանը՝ ...

01-08-2020
Ինֆանտինոն արդեն մեղադրյալ է
Համաշխարհային ֆուտբոլը հերթական ապտակը ստացավ. ...
USD
EURO
RUR
GEL
Եղանակը Երևանում
գիշերը +20... +22
ցերեկը +36... +38

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO