Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

29.02.2020
ԿՐԹՈՒԹՅՈՒՆ


Ինչպե՞ս է լուծվելու զրոյից վեց տարեկան երեխաների զբաղվածության հարցը

Լիանա ՍԱՐԳՍՅԱՆ
l.sargsyan@hhpress.am


Ազգային ժողովում ընթանում է հերթական քառօրյա նստաշրջանը։ Օրենսդիրը կքննարկի նաեւ կառավարության ներկայացրած «Նախադպրոցական կրթության մասին» ՀՀ օրենքում փոփոխություններ կատարելու մասին նախագծը։
Բազմիցս նշվել է, որ նախադպրոցական կրթության ոլորտը կարգավորման խնդիր ունի։ Նախորդ օրենքը չի բավարարում պահանջներին, եւ առաջ է գալիս նոր օրենսդրական նախաձեռնության անհրաժեշտություն։ Նախադպրոցական կրթության մասին այս օրենքը, ԱԺ «Իմ քայլը» խմբակցության անդամ Հովհաննես Հովհաննիսյանի խոսքով, բավական երկար ժամանակ մշակվել եւ քննարկվել է. «Տեղյակ եմ, որ արդեն մի քանի տարի քննարկվում է հասարակական սեկտորի ներկայացուցիչների եւ տարբեր շահագրգիռ անձանց հետ։ Այս իմաստով, կարելի է ասել, այն եզակի օրենքներից է, որը բավականին լավ մշակված է։ Նախագծի շուրջ ոլորտի տարբեր շահառուներ տվել են իրենց համաձայնությունն ու եկել են կոնսենսուսի»։
Օրենքը կարգավորում է մի շարք խնդիրներ, մասնավորապես՝ ներառականության հարցը նախադպրոցական կրթության մեջ։ Այն սահմանում է զրոյից վեց տարեկան երեխաների խնամքը, ինչը ենթադրում է, որ ժամանակին գործած մսուրները պետք է նորից վերականգնվեն։ Հ. Հովհաննիսյանի խոսքով՝ սույն օրենքի նախագծով նաեւ հնարավորություն կտրվի մանկապարտեզներին գործելու հավելյալ վճարի դիմաց, ինչն, ի դեպ, Երեւանում այժմ իրականացվում է։ Օրենքի կարգավորումով կդրվի նաեւ զարգացման կենտրոնների լիցենզավորման հարցը։ «Հիմնական հարցերից է նաեւ, այսպես կոչված, զարգացման կենտրոնների խնդրի լուծումը։ Զարգացման կենտրոնները, որոնք գործում են մանկապարտեզների անվան տակ, չունեն լիցենզավորում, եւ պետական գերատեսչությունը որեւէ գործառույթ չունի նրանց նկատմամբ։ Եթե այս հաստատություններն իրականացնում են նախադպրոցական կրթություն, ապա պետք է գան լիցենզավորման։ Օրենքի նախագծում կան որոշակի բացեր այն իմաստով, որ գուցե նույն այդ զարգացման կենտրոնները չիրականացնեն նախադպրոցական կրթություն, սակայն մեկ կամ երկու ժամով լուծեն երեխայի զբաղվածության հարցը։ Այս խնդիրը հանձնաժողովում բավական մանրակրկիտ քննարկել ենք։ Որոշվեց օրենքի նախագծին դրական եզրակացություն տալ, բայց այն պայմանով, որ առաջին եւ երկրորդ ընթերցումների ժամանակ բոլոր հարցեին տրվեն պատասխաններ։ Կքննարկվի այս նստաշրջանում»,–նշեց պատգամավորը՝ ընդգծելով, որ սա կկարգավորի օրենսդրական դաշտը, բայց բուն մանկապարտեզների վիճակը կբարելավվի ֆինանսական հոսքերի առկայության դեպքում միայն։
Նրա խոսքով՝ օրենքի անհրաժեշտությունը եկել է այն հիմնական խնդիրներից, որ վեր են հանվել տարբեր շրջանների մանկապարտեզներում. «Բազմաթիվ խնդիրերներ են ներառվել օրենքում»։ Շատ համայնքներ չունեն մանկապարտեզներ, եւ դա, Հ. Հովհաննիսյանի դիտարկմամբ, եւս խնդիր է։ Երեւանում եւ շրջաններում սուբվենցիոն ծրագրերով բավականին շատ մանկապարտեզներ են վերանորոգվել եւ բացվել։ Օրինակ է բերում ՅՈՒՆԻՍԵՖ—ի այլընտրանքային նախադպրոցական հաստատությունների մոդելը, որն, ըստ նրա, այս խնդիրը որոշ չափով կարգավորում է։ ՅՈՒՆԻՍԵՖ—ի մշակած մանկապարտեզի այլընտրանքային մոդելը, որը փորձարկվել է Սյունիքի եւ Լոռու մարզերում, երեքից մինչեւ հինգ ժամանոց ծրագիր է, որտեղ շեշտը դրված է երեխայի զարգացման, սոցիալ—հոգեբանական հմտությունների կատարելագործման վրա, եւ չկա սննդի ու քնի բաղադրիչը։ Փորձարկված ծրագիրը բավականին հաջող է եղել, ծախսարդյունավետ, ինչի շնորհիվ էլ գտել է իր տեղը ՀՀ ԿԳՄՍ նախարարության կողմից մշակված նախադպրոցական ծառայությունների մատուցման այլընտրանքային մոդելների ցանկում։ Այնուհետեւ, հենվելով առկա փորձի վրա եւ հաշվի առնելով խոշորացված համայնքների առանձնահատկությունները, մոդելը լրամշակվել եւ բարեփոխված բովանդակությամբ գործարկվել է նաեւ Լոռու մարզի Թումանյան խոշորացված համայնքի 4 գյուղական բնակավայրում։
«Տարբեր եղանակներով, քիչ գումարով հնարավոր է հասնել դրան։ Այս խնդիրն ամրագրված է նաեւ կառավարության ծրագրում։ Այնտեղ հստակ նշված է, որ պետք է հասնել երեխաների զբաղվածության որոշակի տոկոսի»,–նկատեց պատգամավորը։ Խնդիր է նաեւ մասնագետների, որակյալ կադրերի հարցը։ Համայնքներում երբեմն չեն լինում մասնագետներ եւ շատ հաճախ նրանց փոխարինելու են գալիս բարձրագույն կրթություն չստացած, բայց վերապատրաստում անցած անձինք։ «Այս խնդիրը կա ոչ միայն նախադպրոցական, այլեւ առհասարակ կրթության ոլորտում։ Որակյալ կադրերի հարցը բոլոր տեղերում առկա է, բայց լուծելի հարց է։ Մանկապարտեզների դաստիարակների պարագայում համապատասխան ֆինանսավորման դեպքում հնարավոր է վերապատրաստում անել։ Այս հարցը եւս կառավարության եւ Ազգային ժողովի օրակարգում է»,–հավելեց Հ. Հովհաննիսյանը։

22-01-2020





28-02-2020
Ապացուցիր, թե կարող ես
«Ապօրինի ծագում ունեցող գույքի բռնագանձման մասին» օրենքի նախագիծը ...


28-02-2020
Հայատյացություն, որ դրսեւորվեց սումգայիթյան «սցենարով»
Հիշում է սպանդից փրկված ծերունազարդ հայը

Դավիթ ՄԻՔԱՅԵԼՅԱՆ
d.miqayelyan@hhpress.am


32 ...


28-02-2020
Հնարավոր ամեն ինչ արվում է, որպեսզի վարակի ներթափանցումը Հայաստան կանխվի
Եթե որեւէ այլ ռեժիմի անցնելու անհրաժեշտություն լինի, կառավարությունը ...


28-02-2020
Եթե ժողովուրդն է որոշում, ապա ոչինչ անօրինական չէ
«ՀՀ»-ի հյուրն է արձակագիր Արա Նազարեթյանը

-Պարոն Նազարեթյան, ...


28-02-2020
Հայաստանը նախ պետք է դիտարկի իրեն նպատակահարմար լինելու հարցը
Ինքնուրույնությունն ու ինքնիշխանությունն են պետության եւ ժողովրդի հանդեպ ...


28-02-2020
Մաքսատուրքի բարձրացումը հետաձգվեց 647 անուն ապրանքի համար
Փոփոխությունն ավտոմեքենաներին չի վերաբերում

Արմենուհի ՄԵԼՔՈՆՅԱՆ
a.melqonyan@hhpress.am


Գործադիրը երեկվա նիստում ...


28-02-2020
Տեսչական մարմնի խնդիրը ոչ այնքան պատժելն է
Որքան դաշտը կարգավորելը եւ առկա խնդիրներին լուծումներ տալը




28-02-2020
Գյուղի 120 հեկտար վարելահողից 100-ը չի մշակվում
Այստեղ հիմնականում զարգացած է ...

28-02-2020
Խրիմյան Հայրիկի սոցիալ-փիլիսոփայական դիտարկումները
1. Համակեցության հրամայականը


28-02-2020
Թերլցում եւ իրացվող վառելիքի որակական անհամապատասխանություն
ՏՄՊՊՀ-ի դիտարկումները բազմաթիվ խնդիրներ ...

28-02-2020
5 երկիր ներկայացնող հայ ըմբիշներ՝ համաշխարհային սանդղակում
Հայաստանը եւ այլ երկրներ ներկայացնող 12 ...
USD
EURO
RUR
GEL
Եղանակը Երևանում
գիշերը -1... -3
ցերեկը 0... +2

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO