Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

02.04.2020
ԼՂՀ


Անհետաձգելի միջոցառումներ Քաշաթաղի շրջանում

Արցախում գործող տեղեկատվական օպերատիվ շտաբի տվյալներով, Արցախում նոր կորոնավիրուսի տարածման դեպք չկա։ Մարտի 24-ին այս մասին հայտարարել է Արցախի Հանրապետության առողջապահության նախարար Արայիկ Բազրյանը եւ հավելել. «ԱՄՆ-ից բժշկական պարագաների որոշ խմբաքանակ են ուղարկել ՀՀ եւ դրանց մի մասը տրամադրել են մեզ, որոնք այսօր կպահեստավորեն։ Անցակետերում էլ ավելի ենք խստացնում հսկողությունը, եւ ամենօրյա աշխատանքների մեջ, ըստ իրավիճակի, հնարավոր են որոշակի փոփոխություններ. հաշվի ենք առնում նաեւ քաղաքացիների հորդորները»։ Նախարարի հրամանով՝ հանրապետության բոլոր բուժհիմնարկներում պետք է լինեն առանձնացված բաժանմունքներ, եւ Շուշիի հիվանդանոցը որպես առանձին բուժմիավորում է ծառայելու։
Նոր կորոնավիրուսի տարածումը կանխարգելելու նպատակով Քաշաթաղի շրջանում իրականացվում են մի շարք համալիր աշխատանքներ։ ՀՀ—ից շրջան մտնող երեք հիմնական ճանապարհին գործում են բուժսանիտարական հսկիչ հենակետեր, որտեղ հերթապահում են Քաշաթաղի շրջանային բուժմիավորման բուժքույրերը՝ ԱՀ ոստիկանության եւ արտակարգ իրավիճակների պետական ծառայության աշխատակիցների օժանդակությամբ։ Սյունիքի մարզից Քաշաթաղի շրջան մտնող մնացած ճանապարհները փակ են։ Ըստ Քաշաթաղի շրջվարչակազմի աշխատակազմի ղեկավար Դավիթ Դավթյանի տեղեկացման՝ նոր կորոնավիրուսի տարածումից խուսափելու նպատակով շրջվարչակազմի ենթակայությամբ գործող բաժինների ու վարչությունների ընդհանուր 110—ից ավելի աշխատակիցներից ընդամենը տասնհինգ տոկոսն է աշխատավայրում (պատասխանատուներ, հավաքարարներ, պահակներ), մնացածն աշխատում են տնից։
Շրջվարչակազմն ունի երկու մասնաշենք, սրանց հարեւանությամբ է քաղաքապետարանի եւ այլ կառույցների մեկ այլ շենք։ Շենքերի տարածքներն ախտահանվում են օրվա ընթացքում։ Աշխատավայրում բոլոր բաժիններին հատկացվել է ախտահանիչ «Ալկոգել» նյութ. ախտահանվում են դռների բռնակները, իրականացվում այլ կանխարգելիչ միջոցառումներ։ Շաբաթվա որոշ օրերի շրջանի համայնքներից Բերձոր եկող ուղեւորատար մեքենաներն ախտահանվում են ժամանելուց հետո եւ մեկնելուց առաջ։ Չեն գործում հանրակրթական ու այլ դպրոցները, քաղաքային գրադարանը, երկրագիտական թանգարանը։ Շրջկենտրոնի խանութների վաճառողները գնորդներին սպասարկում են դիմակներով եւ ձեռնոցներով։ Խանութներում սննդի պակաս չկա։ Համայնքապետարանների հետ աշխատանքը հիմնականում կատարվում է հեռավար։
Գարնանացանի աշխատանքներն սկսվել են, եւ բնակիչներն զբաղված են իրենց աշխատանքներով։ ԱՀ առողջապահության «Համաճարակաբանության եւ հիգիենայի կենտրոն» ՊՈԱԿ—ի Քաշաթաղի շրջանի ՀՀԲ տնօրեն Ռենա Ավանեսյանը տեղեկացրեց՝ նախարարի հրամանով փետրվարի վերջին, կապված սուր վարակիչ հիվանդությունների եւ գրիպի տարածման հետ, քլորամին եւ քլորակիր են բաժանել շրջանի բոլոր դպրոցներին եւ մանկապարտեզներին՝ ախտահանում կատարելու նպատակով։ Համապատասխան ախտահանիչ նյութեր են հատկացրել նաեւ շրջվարչակազմին, քաղաքապետարանին, Բերձորում գործող մի շարք կազմակերպությունների։ Բացատրել են՝ ինչպես կատարվեն ախտահանման աշխատանքները։ Իրենց կողմից կատարվել են ախտահանման աշխատանքներ ոստիկանությունում, բանկերում եւ այլ հիմնարկություններում։
Մարտի 24—ին այցելել են Երեխաների խնամքի եւ պաշտպանության Բերձորի թիվ երկու գիշերօթիկ հաստատություն, դասախոսություն անցկացրել երեխաների, աշխատակիցների հետ, հատկացրել ախտահանիչ նյութեր՝ «Ալկոգել», քլորամին, քլորակիր։ Նույն օրը եղել է այց Բերձորի հարեւան Քարեգահ գյուղ, որտեղ կա Լեշմանյոզ հիվանդության օջախ, որն իրենց աշխատակիցների կողմից ախտահանվել է։ Մարտի 18—ից իրենց աշխատակիցները Քաշաթաղի շրջանային բուժմիավորման բուժքույրերի հետ հերթապահում են Աղավնոյի բուժսանիտարական անցակետում։ Վերահսկում են առեւտրային կետերի, բանկերի աշխատանքը, ինչպես են աշխատակիցները ներկայանում աշխատանքի։ Բերձորի քաղաքապետարանի կողմից օրը երկու անգամ ախտահանվում է ներքաղաքային ուղեւորատար ավտոբուսը։
Զոհրաբ ԸՌՔՈՅԱՆ

26-03-2020





02-04-2020
Արցախում ապրիլի 14-ին կանցկացվի նախագահի ընտրության երկրորդ փուլ
ԱՀ համապետական ընտրությունները՝ դիտորդների գնահատմամբ

Նախօրեին մինչեւ ...


02-04-2020
Հաճընցին էլի նույն մարտիկն է՝ պատրաստ կյանքը դնելու հայրենիքի զոհասեղանին
Հաճընի ութամսյա հերոսամարտի 100-ամյակի առթիվ

1920 թ. մարտի ...


02-04-2020
Խրիմյան Հայրիկի սոցիալ-փիլիսոփայական դիտարկումները
4. «Ինքնաշխատ յառաջադիմութիւն»

Մարդոյն կոչումն եւ գործ
շատ մեծ է ...


02-04-2020
Օրվա զարկերակ
Սարդարապատի ճակատամարտից մինչեւ... կորոնավիրուս

Ապրիլյան քառօրյայի ժամանակ հարյուրավոր ...


02-04-2020
Ֆինանսական աջակցություն են ստանում վերջին մեկ տարում Հայաստանում գործող տնտեսավարողները
Առաջնայնություն է տրվում արտադրության միջոցների եւ պարենի ներմուծմանը



02-04-2020
Աշխարհավարակի սոցիա–տնտեսական սանիտարիան
COVID-19-ը անվերապահորեն կփոխի աշխարհը եւ իր լոկալ ու ...


02-04-2020
Հեռավար կրթությո՞ւն, թե՞ առցանց դասախոսություն
Ինչ առանձնահատկություններ ունի կրթության այս եղանակը

Հայաստանում արտակարգ ...



02-04-2020
Հայաստանը ձեռք է բերել 23 օդերեւութաբանական գերժամանակակից ավտոմատ կայան
Այս ոլորտի տեղեկատվությունը հասանելի ...

02-04-2020
Մարդկությունը կշահի միայն միասնականության շնորհիվ
Ինչպիսին կլինի աշխարհը կորոնավիրուսից ...

02-04-2020
Արցախում ընտրությունները մրցակցային էին
Ժողովրդի մեջ ընտրությամբ փոփոխության ...

02-04-2020
Տոկիոյի օլիմպիադան վերջնականապես վտանգված է
Համաճարակի պայմաններում, երբ թվում է մարդկությունը ...
USD
EURO
RUR
GEL
Եղանակը Երևանում
գիշերը +3... +5
ցերեկը +15... +17

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO