Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

07.06.2020
ՄԱՐԶԵՐ


Վստահ ու լավատեսորեն

Զարգացման ծրագրերի շնորհիվ գրանցված հաջողությունները ոգեւորիչ են

Լոռի Բերդ խոշորացված համայնքի Բովաձոր, Մեդովկա բնակավայրերում, Տաշիր քաղաքում պետական աջակցությամբ եւ մասնավոր ներդրումներով իրականացվում են անասնապահության զարգացման ծրագրեր։ Դրանց ընթացքին ծանոթանալու նպատակով Լոռու մարզպետ Անդրեյ Ղուկասյանն այցելեց համայնքներ։
Բովաձորցի Սարգիս Մարիկյանը «Փոքր եւ միջին անասնաշենքի կառուցման (վերակառուցման) եւ դրանց տեխնոլոգիական ապահովման պետական աջակցության» ծրագրով կառուցում է պոլիէթիլենային տարբերակով անասնաշենք, որը նախատեսված է 45 գլուխ խոշոր եղջերավոր կենդանիների համար։ Առաջին փուլով նախատեսված աշխատանքներն ավարտված են, աջակցության մի մասը կառուցողն ստացել է։ Ավարտին մոտ է երկրորդ փուլը։ 35 մլն դրամ արժողությամբ ծրագրի շուրջ 50 տոկոսը փոխհատուցելու է պետությունը։ Անասնագլխաքանակը եւս գործարարին տրամադրվելու է պետական աջակցության ծրագրով։ Մարզի ղեկավարը տեղեկացավ եւ ողջունելի համարեց հատկապես այն, որ տնտեսավարողը չի բավարարվել եղածով եւ պատրաստվում է հիմնել նաեւ ջերմոցային տնտեսություն՝ օգտագործելով գոմաղբը, նպատակադրվել է ընդլայնել մշակովի ցանքատարածությունները եւ անասնագլխաքանակի համար կերային մշակաբույսեր աճեցնել։
Առաջընթացի մեջ է «Համակցված կերերի գործարան» ՓԲԸ—ին պատկանող Բովաձորի տոհմային թռչնաբուծական ֆերման, որը ստեղծվել է մասնավոր ներդրմամբ եւ գործում է ավելի քան 5 տարի։ Արտադրվում են ինկուբացիոն ձվեր, որոնք տեղափոխվում են ընկերությանը պատկանող Նուբարաշենի թռչնաֆաբրիկա, աճեցվում եւ սպառվում են՝ որպես «Էրեբունի» ապրանքանիշ։
Լոռի Բերդը, որի կազմում է Բովաձորը, համայնքի ղեկավար Արայիկ Ներսիսյանի վկայությամբ՝ շնորհիվ պետական աջակցության ծրագրերի, կարողացել է անցած երկու տարվա ընթացքում ընդլայնել մշակովի հողատարածքներն ավելի քան 400 հեկտարով։ Միայն Բովաձորում 360 հեկտար չմշակվող հողատարածքներ են եղել, այժմ դրանցից 200—ը մշակվում են։
–Համայնքում չպիտի լինեն չմշակվող հողատարածքներ,–վստահեցնում է համայնքի ղեկավարը եւ որպես համոզիչ փաստարկ՝ հավելում,–սուբվենցիոն ծրագրերով եւ Տարածքային զարգացման հիմնադրամի աջակցությամբ համայնքի տեխնիկական պարկը հագեցված է, նախորդ տարի տեղադրվել է հակակարկտային 6 կայան, այս տարի կտեղադրվեն եւս 9—ը։ Այս ամենը խթան է, որպեսզի ավելի շատ մարդիկ շահագրգռված լինեն մշակելու իրենց հողատարածքները։
Տաշիրում կառուցվում է նոր անասնաշենք, ուր ընթանում են երկրորդ փուլի աշխատանքները։ Գործն իրականացվում է եռակողմ ֆինանսավորմամբ՝ Շվեյցարիայի համադաշնության զարգացման եւ համագործակցության գործակալության եւ Ավստրիական զարգացման գործակալության «Անասնապահության զարգացում Հայաստանում՝ Հարավ—Հյուսիս» ծրագրով, պետական աջակցությամբ եւ մասնավոր ներդրմամբ։
2019 թ., երբ սեփականատերը որոշել էր ֆերմա հիմնել, մտածում էր ունենալ գոնե 20 գլուխ խոշոր եղջերավոր անասուն, ծրագրերի շնորհիվ հիմա նա՝ Վահրամ Մկրտչյանը, կարող է եռապատկել այդ թիվը։
Մեդովկայում Արմեն Ավետիսյանը ընտանեկան բիզնես է հիմնել դեռեւս 1993 թ.։ Սկզբում զբաղվել է միայն հողագործությամբ, արդեն շուրջ 20 տարի նաեւ՝ անասնապահությամբ։ Այժմ ֆերմերային լուրջ տնտեսություն ունի՝ շուրջ 450 գլուխ խոշոր եղջերավոր կենդանի, 250 գլուխ խոզ, մշակովի ցանքատարածություններ, հարուստ տեխնիկական պարկ։ Նա ավարտին է հասցրել նաեւ սպանդանոցի կառուցումը, որն առայժմ միակն է տարածաշրջանում։ Այստեղ կկազակերպեն ոչ միայն սեփական կենդանիների մորթը, այլեւ կընդունեն պատվերներ։
Մարզի ղեկավարը, պատրաստակամություն հայտնելով օգտակար լինելու ցանկացած հարցում, կարեւորեց փորձառու գյուղատնտեսների առաջավոր փորձը, որն ուսանելի է սկսնակների համար։ Գրանցված հաջողություններն, իրոք, ոգեւորիչ են։
Գագիկ ԱՆՏՈՆՅԱՆ
Լոռի

22-05-2020





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO