Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ՆԵՐՔԻՆ ԿՅԱՆՔ


Ծածուկ ծառայությունը արդյունավետ մեթոդ է

Եվ, ըստ ԱԺ պատգամավորի, պետք է շարունակել կիրառել

Ճանապարհային ոստիկանությունը վերջին օրերին իրականացնում է նաեւ ծածուկ ծառայություն՝ անկարգ վարորդներին «սանձելու» նպատակով։ Երթեւեկությունը վերահսկվում է գունագրաֆիկ երանգավորում չունեցող, առանց գրառումների եւ տարբերիչ նշանների ավտոմեքենաներով։
Ճանապարհապարեկային ծառայությունը տասնամյակներ ի վեր ունի ծածուկ ծառայություն իրականացնելու լիազորություն եւ երբեմն նույնիսկ պարտավոր է իրականացնել այդպիսի ծառայություն։ Դեռեւս խորհրդային շրջանում ներքին գործերի նախարարի հրամանով ամրագրված էին ծածուկ ծառայության իրականացման կարգը, ձեւերը։
Վերջին անգամ 2006 թ. կառավարության որոշմամբ կրկին ամրագրվեցին ծառայության իրականացման կարգը եւ ձեւերը։ Այս մասին «Հայաստանի Հանրապետություն» օրաթերթի հետ զրույցում ասաց ԱԺ «Իմ քայլը» խմբակցության անդամ Արմեն Խաչատրյանը՝ շեշտելով, որ ծածուկ ծառայությունը լրացուցիչ միջոց է երթեւեկության վերահսկողությունն առավել արդյունավետ դարձնելու նպատակով։
«Այսօր դրա արդարացի պահանջը կա։ Օրինակ՝ մերժելի, անընդունելի արարքներ են տեղի ունենում քաղաքի ինչ—որ հատվածում, եւ մինչ ճանապարհային ոստիկանությունը իր գունագրաֆիկ երանգավորում ունեցող մեքենայով, փարոսիկներով կժամանի դեպքի վայր, օրինախախտներն այլեւս այդտեղ չեն լինում, փախչում են։ Բա լավ, ո՞նց պայքարենք նրանց դեմ»,–ՃՈ ծածուկ ծառայության շուրջ ծագած հասարակական դժգոհություններին ի պատասխան ասաց Ա. Խաչատրյանը։ Պատգամավորը շեշտում է՝ ճանապարհային ոստիկանությունը երբեմն նույնիսկ պարտավոր է իրականացնել այսպիսի ծառայություն։ Ըստ նրա՝ անկարգ վարորդների մի խումբ կա, որ քաղաքում թույլ է տալիս բավականին լուրջ խախտումներ, անկարգություններ, խուլիգանական դրսեւորումներին մոտ արարքներ՝ օգտվելով այն հանգամանքից, որ օրվա ոչ բոլոր ժամերին են ոստիկանները կարողանում ծառայություն իրականացնել։
«Այս երեւույթներն առաջացրել են քաղաքացիների դժգոհությունը։ Գիշերվա ժամերին Երեւանում չգիտես ինչեր են կազմակերպում, երթեւեկում են անհասկանալի արագությամբ՝ ստեղծելով վթարային իրավիճակներ, ինչը շատ հաճախ բերում է մահվան ելքով դեպքերի։ Թիրախավորված են հենց այսպիսի խուլիգանական արարքներով աչքի ընկնող վարորդները»,–ընդգծեց Ա. Խաչատրյանը։ Պատգամավորն անհիմն է համարում ծածուկ ծառայության շուրջ նման քննարկումներն ու դժգոհությունները։ Ոստիկանական ուժերը, նրա համոզմամբ, պրոֆեսիոնալ են եւ գիտեն, թե պայքարի ինչ ձեւ ընտրեն։ Որքան ժամանակ է պետք ՃՈ—ին, որպեսզի գնահատի՝ արդյունավե՞տ է, արդյոք, ծածուկ ծառայության իրականացումը։ Այս հարցին ի պատասխան, նա ասաց. «Բոլոր միջոցառումներն իրականացնելիս վերլուծություններ են անում։ Եթե վերլուծությունը ցույց տվեց, որ այդպիսի վարորդներն արդեն քիչ են, դեպքերը նվազագույնի են հասել, եւ անհրաժեշտություն չկա այլեւս այս ծառայության, կամ նրանց մեծ մասն արդեն տուգանքի է ենթարկվել եւ հետագայում նման խախտումներ չի կատարում, այլեւս կարիք չի լինի։ Եթե օրինազանցությունները շարունակվեն, կշարունակվի նաեւ ծածուկ ծառայությունը։ Սա շատ արդյունավետ մեթոդ է եւ անընդհատ պետք է կիրառել։ Որեւէ նորմալ վարորդ մտահոգվելու բան չունի։ Ծառայությունն էլ բխում է հենց այդ լավ վարորդների շահերից»։ Ա. Խաչատրյանը շեշտում է՝ եթե նույնիսկ ոստիկանը ծառայողական մեքենայով չէ, պարզապես կանգնած է կանգառում, խախտում տեսնելիս պարտավոր է արձանագրել. «Սա նույնպես մեխանիկորեն դառնում է ծածուկ։ Ցանկացած ոստիկան պարտավոր է նման դեպքերին արձագանքել»։
Հարցին՝ այդ խուլիգանական դրսեւորումները ոմանց կողմից անհարգալից վերաբերմո՞ւնք են ոստիկանության աշխատակիցների նկատմամբ, թե՞, այնուամենայնիվ, դրանք նախկինում էլ են եղել, Ա. Խաչատրյանն արձանագրեց՝ նախկինում միշտ եղել են այսպիսի դրսեւորումներ. «Այս օրինազանցությունների դեմ պայքարի այսպիսի մեթոդներ նախկինում էլ են կիրառվել, լուսանկարահանվել են, տեսանկարահանվել, վարույթներ են իրականացվել։ Միշտ եղել են եւ լինելու են։ Ճանապարհային ոստիկանությունը պետք է լինի զգոն եւ թույլ չտա, որ այս դեպքերը «աճեն»։
Լիանա ՍԱՐԳՍՅԱՆ
l.sargsyan@hhpress.am

23-05-2020





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO