Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.07.2020
ՄՇԱԿՈՒՅԹ


Թանգարանի գիտական բաժինն անցել է աշխատանքի

Չի գործելու միայն ցուցադրության հատվածը

ԿԳՄՍ նախարարի հրամանով, Եղիշե Չարենցի անվան գրականության եւ արվեստի թանգարանը օրեր առաջ անցավ բնականոն աշխատանքի։ Թանգարանի տնօրեն Կարո Վարդանյանը «Հայաստանի Հանրապետություն» օրաթերթի հետ զրույցում ասաց, որ գործում է բացառապես գիտական բաժինը, ցուցասրահները փակ են։
«Մեզ համար մտահոգիչ էր այն, որ երկու ամիս շարունակ չէին մշակվում արխիվները, գիտական աշխատանքը կաթվածահար էր եղել։ Թանգարանի կանոնադրական թիվ մեկ գործառույթը արխիվների մշակումն է։ Այլ բան է, որ վերջին տարիներին բարի անուն վաստակեցինք մեր մշակութային միջոցառումներով»,–նշում է Կ. Վարդանյանը։ Թանգարանի տնօրենը մտահոգված է՝ թանգարանի ցուցասրահների տոմսերի վաճառքից գոյացած գումարը փակում էր կառույցի ծախսերի մի մասը։ Տոմսերի վաճառքով էին ձեռք բերում արխիվային տուփերը, ծրարները. «Սա լուրջ աշխատանք է, ամեն փաստաթուղթ իր կրիչը պետք է ունենա։ Անհրաժեշտ նվազագույնը պետությունն ապահովում է, մնացյալը ինքդ պետք է ստեղծես։ Իսկ մեր գործունեության շրջանակները որքան ընդլայնվում են, նույնքան ծախսն ավելանում է. էլէկտրաէներգիա, գազ, ինտերներտ։ Այս խնդիրները դեռեւս լուծվում են անցած տարվա տոմսերի վաճառքի միջոցներով»։
Կ. Վարդանյանն ասում է՝ այս տարվա մասով չգիտի, թե երբ կվերականգնվեն այցելուների հոսքերը։ Այդ միջոցներով էին ապահովում նաեւ գիտական բաժինների բնականոն աշխատանքը։ Ցուցադրական հատվածը բացելու մասին դեռեւս խոսք չկա, այցելուներ չեն ընդունելու, դահլիճը փակ է։ «Սա ոչ թե խնդիր է, այլ մեզ նման կառուցների համար՝ ողբերգություն։ Արտաբյուջետային միջոցներով առաջնային շատ հարցեր էին լուծվում։ Թանգարանն ունի 5 մասնաճյուղ իրենց անհամար խնդիրներով՝ ջեռուցման համակարգ, տանիք, այգիներ, որոնք ամենօրյա խնամք են պահանջում։ Այս խնդիրները նույնպես լուծվում են անցած տարվա տոմսերի վաճառքի միջոցներով»։ Տնօրենը նկատում է՝ այս տարի ակնկալիքներ չունեն զբոսաշրջիկների մասով։
Գրականության եւ արվեստի թանգարանի հիմնական այցելուները եղել են դպրոցականներն ու բուհի ուսանողները։ Ցուցադրության հատվածը, մասնավորապես, գրականությանը նվիրված երկու սրահի հայեցակարգը մշակվել է՝ ձեռքի տակ ունենալով հանրակրթական դպրոցների եւ բուհերի բանասիրական բաժինների գրականության ծրագրերը. «Վերջին երեք հարյուր տարիների գրական գործիչները ներկայացված են, եւ բուհերի ուսանողները ցուցադրությունը դիտում են ոչ միայն որպես գեղագիտական ցուցադրություն, այլ նաեւ որպես օժանդակ ձեռնարկ։ Երբ դասերը սկսվեն, պիտի փորձենք վերականգնել հիմնական այցելուների հոսքը։ Չի կարելի մեր թանգարանը դիտարկել մյուս թանգարանների նման։ Գրականության եւ արվեստի թանգարանի գործի բնույթը ավելի մոտ է մատենադարանին եւ ազգային արխիվին»։
Այս պահին թանգարանի մոտ 25 աշխատակից վերադարձել է բնականոն աշխատանքի։ Նրանց թվում են՝ գիտաշխատողները, ֆոնդապահները, սպասարկող կազմը։ Կորոնավիրուսով պայմանավորված՝ բազմամարդ հավաքները դեռեւս արգելվում են, ինչպե՞ս է թանգարանում երկու տասնյակից ավելի աշխատակից աշխատում հարցին ի պատասխան Կ. Վարդանյանն ասաց. «Մայր թանգարանում 45 հոգի են՝ հաշվապահություն, սպասարկող կազմը, 4 գիտական բաժին՝ գրականություն, թատրոն, կինո, երաժշտություն, յուրաքանչյուր բաժնում 3—4 հոգի եւ համապատասխանաբար 4 ֆոնդ, ամեն ֆոնդում էլ՝ 2 ֆոնդապահ։ Աշխատանքի են հրավիրվել գիտական բաժինների եւ ֆոնդերի աշխատակիցները։ Ցուցասրահները փակ են, եւ այդ հատվածի աշխատակիցները դեռեւս չեն աշխատում։ Ամեն սենյակում առավելագույնը երկու կամ երեք հոգի են։ Մենք խնդիր ունենք պարետատան կողմից սահմանված անվտանգության միջոցներն ապահովելու առումով, ինչը մինչ այս պահը մեր ուժերի ներածին չափով արել ենք։ Կառավարությունը նվազագույն ծախսերը միշտ ապահովել է եւ հիմա էլ է ապահովում։ Համավարակի ամիսներին էլ ենք վարձատրվել նույն չափով, շենքերի պահպանման ծախսերի հիմնական մասը պետությունն ապահովում է»։
Ցուցասրահները բացելու անհրաժեշտություն Կ. Վարդանյանը տեսնում է, բայց ասում է՝ այցելու չի գա, եթե գա էլ՝ չեն ընդունի։ «Նրանց եւ մեր առողջության մասին ենք մտահոգվում։ Ցավալին այն է, որ մեզ համար հաճելի աշխույժ կենդանի մթնոլորտը չկա։ Գործը կարանտինի օրերին մեր այցելուներին ցույց ենք տալիս օնլայն հարթակում՝ նկարների եւ գրառումների միջոցով»,–եզրափակեց գրականության եւ արվեստի թանգարանի տնօրենը։
Լիանա ՍԱՐԳՍՅԱՆ
l.sargsyan@hhpress.am

30-05-2020





14-07-2020
Բարձր դրույքաչափով մաքսատուրք վճարածը կկարողանա հետ ստանալ ավելի փոխանցած գումարը
Հունիսի 12-ից ուժի մեջ մտած որոշումը հետադարձ ուժ ...


14-07-2020
Հանրակրթության նոր չափորոշիչներով առաջնայնություն է տրվում կրթության բովանդակությանը
Տարրական դասարաններում մեկական շաբաթով կերկարացվեն գարնանային եւ աշնանային ...


14-07-2020
Հայաստանում հաստատվել է COVID-19-ի 339 նոր դեպք․ ապաքինվել է 864, մահացել 8 քաղաքացի
Հայաստանում հուլիսի 14-ին հաստատվել է կորոնավիրուսային հիվանդության ընդհանուր ...


14-07-2020
Ես արարում եմ, որովհետեւ տեսել եմ, թե ինչպես է արարում Հայրը
Ճշմարիտ, ճշմարիտ ասում եմ ձեզ, թէ Որդին իրանից կարող ...


14-07-2020
ՀՀ Ազգային հերոս Թաթուլ Կրպեյանի եւ Գետաշենի ինքնապաշտպանության մասին մենագրության հետքերով
Նոյեմբերի 23-ին Փարիզի Հայկական մշակույթի տանը կայացավ գրքիս ...


14-07-2020
Մայթեզրերն ավտոշուկա, վարձույթի շուկա կազմակերպելու համար չեն
Հարցը կկարգավորվի օրենսդրական նախաձեռնությամբ

Օրենսդրորեն սահմանվելու են տրանսպորտային ...


14-07-2020
Էռնեստ Հեմինգուեյ
Երջանկության եւ ողբերգության առասպելը

1961 թ. հուլիսի 2-ին ...



14-07-2020
Իսկը «թուրքեցի» սպանություններ
«Գթասրտություն դրսեւորելու կարիք չկա։ ...

14-07-2020
«Գ. Գաբրիելյանը հայ մանկագրության մեջ իր հավասարը չունի...»
Նա բարձրացրել է ժանրը՝ հասցնելով ...

14-07-2020
Համարակալված կենդանիները նաեւ անձնագիր կունենան
Խթանվում է խոշոր եղջերավոր անասունների ...

14-07-2020
Հայաստանի հավաքականը 1/8 եզրափակիչում
Հայաստանի տղամարդկանց ազգային հավաքականը, ...
USD
EURO
RUR
GEL
Եղանակը Երևանում
գիշերը +19... +21
ցերեկը +32... +34

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO