Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ՍՈՑԻՈՒՄ


Սոցիալական բնակարանաշինության գեղեցիկ օրինակ

Տեղի է ունեցել «Գրանդ Հոլդինգի» կառուցած բնակելի շենքի բացման արարողությունը

Երեկ Երեւանի Շենգավիթ վարչական շրջանում տեղի է ունեցել «Գրանդ Հոլդինգ» ընկերության կողմից կառուցված բնակելի շենքի բացման արարողությունը։ Շենքը կառուցվել է «Գրանդ Հոլդինգի» կազմի մեջ ընդգրկված ձեռնարկությունների աշխատակիցների բնակարանային խնդիրների լուծման համար։ Արարողությանը ներկա էին վարչապետ Նիկոլ Փաշինյանը, քաղաքապետ Հայկ Մարությանը, այլ պաշտոնյաներ։
Կառավարության ղեկավարը շրջել է շենքի բնակարաններում՝ ծանոթացել ստեղծված պայմաններին եւ շնորհավորել բնակարանամուտ տոնած քաղաքացիներին։
Բագրատունյաց 47/2 հասցեում գտնվող շենքում առկա են մեկից մինչեւ չորս սենյականոց 104 բնակարան եւ 92 ավտոկայանատեղի։ Շենքի շինարարության համար ծախսվել է մոտ 7 միլիոն դոլար։
Այնուհետեւ Նիկոլ Փաշինյանը Երեւանի քաղաքապետ Հայկ Մարությանի ուղեկցությամբ այցելել է նորակառույց շենքին հարակից անմխիթար վիճակում գտնվող շենքերից մեկը, զրուցել բնակիչների հետ։ Նիկոլ Փաշինյանի առաջարկությամբ առաջիկայում բնակիչներին կընդունի Շենգավիթ վարչական շրջանի ղեկավարը, ու կքննարկեն շենքի խնդիրների համատեղ լուծման հնարավորություններն ու տարբերակները։
Լրագրողների հետ զրույցում Երեւանի քաղաքապետ Հայկ Մարությանն ընդգծել է, որ որպես համայնքի ղեկավար ողջունում է Վարդանյանների ընտանիքի նախաձեռնությունը։ «Ես՝ որպես համայնքի ղեկավար շատ շնորհակալ եմ Վարդանյանների ընտանիքին, որ մեր համայնքի բնակիչներին այսպիսի հնարավորություն են տվել ինքնարժեքով, որակյալ բնակարաններ ձեռք բերել՝ 12 տարի մարման ժամկետով եւ առանց տոկոսադրույքի։ Սա հիանալի տարբերակ է, լավ նվեր է թե իրենց աշխատողների, թե մեր համայնքի բնակիչների համար։ Նորից եմ ասում՝ որպես համայնքի ղեկավար ես շատ շնորհակալ եմ այսպիսի նախաձեռնության համար, եւ կողջունենք նման նախաձեռնությունները»,–նշել է Մարությանը։ Նա վստահեցրել է, որ քաղաքային իշխանություններն իրենց լիազորությունների սահմաններում ամեն ինչով աջակցելու են նման նախաձեռնություններին։
Շենքի կառուցման գաղափարի եւ նախագծի հեղինակը երջանկահիշատակ Հրանտ Վարդանյանն է։ Այն կյանքի կոչեցին նրա որդիները՝ «Գրանդ Հոլդինգի» սեփականատերեր Միքայել եւ Կարեն Վարդանյանները։ Նախաձեռնության նպատակն է լուծել «Գրանդ Հոլդինգի» կազմի մեջ ընդգրկված ձեռնարկությունների աշխատակիցների բնակարանային խնդիրները։
«Գրանդ Հոլդինգի» սեփականատերերը եկամուտ չեն հետապնդել։ Հարմարավետ նորակառույցում բնակարանները տրամադրվել են ինքնարժեքով, առանց կանխավճարի եւ տոկոսադրույքի։ Բնակիչները բնակարանի գումարը պետք է մարեն 12 տարվա ընթացքում։ Ամսավճարը փոքր գումար է կազմում։ Բագրատունյաց 47/2 հասցեում գտնվող շենքի շինարարությունը սկսվել է 2015թ. ապրիլին եւ ավարտվել 2018թ. մայիսին։ Վերջին մեկ տարվա ընթացքում, բնակիչների ցանկությամբ, բնակարանների մեծ մասում կատարվել են ներքին հարդարման աշխատանքներ։ Շենքում առկա է մեկից մինչեւ չորս սենյականոց 104 բնակարան եւ 92 ավտոկայանատեղի։ Այն ունի 17 հարկ, որից 13—ը բնակելի հատվածն է, իսկ 3 հարկերը ծառայում են որպես ավտոկայանատեղի։ Կից կառուցվել է խաղահրապարակ։ Շենքի շինարարության համար «Գրանդ Հոլդինգը» ծախսել է մոտ 7 միլիոն ԱՄՆ դոլար։ Սա բիզնեսի կորպորատիվ պատասխանատվության շրջանակում սոցիալական բնակարանաշինության օրինակ է։

19-03-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO