Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ԿՐԹՈՒԹՅՈՒՆ


Մանկապարտեզների առցանց գրանցման համակարգը շուտով կգործի

Փոխքաղաքապետը բացառում է ծանոթ-բարեկամների միջոցով գրանցման սկզբունքը

Երեւանում գործող 160 մանկապարտեզներ հաճախում է 30 հազար 373 երեխա։ Երեւանի քաղաքապետարանի «Մանկապարտեզ» էլեկտրոնային կառավարման համակարգում 8730 հերթագրված երեխա կա, որից 6972—ը՝ տարիքային խմբերին համապատասխան։ Մեզ հետ զրույցում Երեւանի քաղաքապետի տեղակալ Սերգեյ Հարությունյանն ասաց, որ թվերն ամեն օր փոխվում են։ Նա նշեց, որ առցանց հերթագրման համակարգը դեռեւս չի գործում եւ պաշտոնապես հասանելի չէ ծնողներին, բայց թեստային ռեժիմում որոշ գրանցումներ արվել են։ «Այնտեղ տվյալների պաշտպանության հետ կապված խնդիրներ կան, որոնք ուզում ենք ավելի պաշտպանված դարձնել, քանի որ դրանք անձնական տվյալներ են։ Մոտ ժամանակներս այդ ամենը կհղկվի, եւ ինչպես մենք հայտարարել ենք, գրեթե առանց շեղումների կունենանք օնլայն հարթակը»,–ասաց նա։
Փոխքաղաքապետը նշեց, որ հերթագրման առցանց համակարգը հնարավորություն կտա ծնողին առանց տնից բացակայելու բալիկին հերթագրելու հնարավորություն ունենալ։ «Ընդամենը պետք է համակարգչով ընտրել մանկապարտեզը, գրանցվել, հերթագրել բալիկին, ստանալ գաղտնանիշը։ Կայքում քաղաքացիները տեսնելու են միայն իրենց բալիկի անուն—ազգանունը, մնացած բոլոր հերթագրված երեխաների տվյալները փակ են, բայց իրենք տեսնելու են իրենց երեխայի հերթը տվյալ մանկապարտեզի հերթագրման մեջ»,—նշեց նա։
Սերգեյ Հարությունյանի խոսքով՝ շատ են խոսակցություններն այն մասին, որ նախկինում եղել է ծանոթ—բարեկամ հերթն առաջ տալու սովորույթ, հիմա կայքը բաց է եւ թափանցիկ, մարդկային գործոնի միջամտությունն էլ բացակայում է։ «Մեր ծնողները կարող են ամենօրյա ռեժիմով մուտք գործել համակարգ եւ հետեւել իրենց հերթին, եւ եթե ինչ—ինչ խնդիրներ լինեն, ծնողը կարող է իր դժգոհությունը բարձրաձայնել։ Կայքը փակ համակարգ է»,—վստահեցրեց փոխքաղաքապետը։
Նա ընդգծեց, որ հերթը կարող է առաջ տարվել բացառապես այն երեխաների դեպքում, որոնք ունեն արտահերթի հնարավորություն։ «Իրենք կայքում էլ են երեւում տարբերվող գույնով։ Նրանք երեխաներ են, որոնք ունեն արտոնություններ»,–ասաց նա։ Մանկապարտեզներն անվճար դարձնելու որոշումից հետո զինծառայողների, սիրիահայ ընտանիքների, երկկողմանի ծնողազուրկների, բազմազավակ ընտանիքների, որոնք ունեն 4 եւ ավելի անչափահաս երեխաներ, երկվորյակ, եռյակ եւ ավելի երեխաների, ազատամարտիկների եւ զոհված ազատամարտիկների ընտանիքների երեխաների համար սահմանվել են արտոնություններ։
Ինչ վերաբերում է մեր այն հարցին, որ շատ երեխաներ հերթագրվում են, սակայն իրենց հերթն այդպես էլ չի հասնում, Հարությունյանն ասաց, որ դա տարիների ծանրացած խնդիր է, որին պատմության մեջ առաջին անգամ Երեւանի քաղաքապետ Հայկ Մարությանի հատուկ որոշմամբ այս տարի ինչ—որ չափով լուծում է տրվել։ «Երբեւիցե նման բան չի եղել։ Հերթում սպասող 1000 երեխա 2019 թվականի ընթացքում հնարավորություն կունենա մանկապարտեզ հաճախելու»,–ասաց փոխքաղաքապետը՝ հավելելով, որ խնդիրը համալիր է եւ մանկապարտեզներ կան, որոնք ոչ նպատակային տրված էին վարձակալության այլ կառույցների, եւ հիմա դրանք հետ են վերցվում, կան մանկապարտեզներ, որոնք ի վիճակի են ընդունել նոր խմբեր, բայց ֆինանսական խնդիրներ ունեն, մանկապարտեզներ էլ կան, որոնք ունեն տեղեր, բայց վերանորոգման կարիք ունեն։ Այդ խնդիրները լուծելով հնարավորություն կստեղծվի ավելի մեծ թվով երեխաների ընդունելու։ Մեր զրուցակիցը վստահեցրեց, որ կա կամք, ցանկություն, նպատակ, եւ ամեն ինչ իրականացվելու է փուլ առ փուլ խնդիրները լուծելով։
Սերգեյ Հարությունյանը ուրախությամբ նշեց, որ մայրաքաղաքի մանկապարտեզների աշխատակիցների աշխատավարձերի բարձրացման գործընթացը շարունակական փուլում է։ Նա հավաստիացրեց, որ դա միանգամից չի կարող լինել, սակայն հստակ հանձնարարականը կա, եւ մանկապարտեզներում աշխատավարձերն ավելանալու են 20 տոկոսով։
Խմբասենյակներում տեսախցիկների տեղադրման հետ կապված էլ քաղաքապետարանը տարբեր մոտեցումներ ունի։ Տարբեր նամակներ ստացել են, սակայն եթե ինչ—որ մի կազմակերպություն էլ ստանձնի այդ պարտավորությունը, ծնողները պետք է վճարեն դրա համար։
«Մանկապարտեզների բարեկարգման գործընթացը շարունակական բնույթ է կրում։ Մենք դա անում ենք եւ շարունակելու ենք անել»,–հավելեց նա։
Երեւանի ավագանու «Իմ քայլը» խմբակցության մի քանի անդամներ նախաձեռնել են մանկապարտեզների աշխատանքի բարելավման համալիր ծրագրի մշակում, որի շրջանակներում սկսել են նախադպրոցական տարիքի երեխաների ծնողների հետ հանդիպումների շարք՝ նախադպրոցական կրթության վերաբերյալ հարցեր քննարկելու համար։ Ծնողների հետ մասնավորապես քննարկվում են մանկապարտեզների օրվա ռեժիմի, օրվա տեւողության, սննդակարգի, կրթադաստիարակչական միջոցառումների, աշխատակազմի, երեխայի լավագույն շահի եւ համայնք—ծնող համագործակցության հետ կապված հարցեր։
«Իմ քայլը» խմբակցությունից Աննա Ջավախյանը մեզ հետ զրույցում նշեց, որ հանդիպումներ նախատեսվում են բոլոր վարչական շրջաններում։ «Ծնողները հիմնականում բարձրաձայնում են հերթագրման հետ կապված խնդիրները, աշխատաժամանակի հետ կապված հարցեր, եւ այլն»,–ասաց նա՝ հավելելով, որ հանդիպումների արդյունքների հիման վրա «Իմ քայլը» խմբակցությունը հանդես կգա նախաձեռնությամբ։
Անի ԴԱՆԻԵԼՅԱՆ

21-03-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO