Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ԱՇԽԱՐՀ


Լիբիայի շուրջ մշուշը խտանում է

Լիբիայում իրավիճակը մնում է բարդ։ Բախումները երկրի արեւելքում ու արեւմուտքում երկու զուգահեռ իշխանությունների միջեւ շարունակվում են։ Արեւելքում Էլ—Բուտնան նահանգի կենտրոն Տոբրուք մայրաքաղաքում իշխում է 2014թ. ընտրությունների արդյունքում ձեւավորված՝ հիմնականում աշխարհիկ ուժերից կազմված խորհրդարանը՝ «Միջլիս նավաբի» եւ 75—ամյա գեներալ Հաֆթարի գլխավորած «Ազգային բանակի» ուժերը, իսկ Արեւմուտքում՝ 2012թ. Լիբիայի հետհեղափոխական առաջին ընտրությունների արդյունքում ձեւավորված «Ազգային կոնգրեսը» եւ ազգային համաձայնության կառավարությունը գլխավորող վարչապետ Ֆաիզ Սարաջը ու նրան հարող ուժերը, որտեղ մեծամասնություն են կազմում իսլամականները։ Ի դեպ, ազգային համաձայնության կառավարությունը ձեւավորվել է Արեւելքի ու Արեւմուտքի փոխհամաձայնությամբ։ Այնուհետեւ միջազգային հանրությունը լուրջ ջանքեր էր գործադրում զուգահեռ գործող իշխանություններին միավորելու, սակայն կողմերի միջեւ բանակցությունները լուրջ ձեռքբերումներ չեն արձանագրել, ինչը թերեւս պայմանավորված է գեներալ Հաֆթարի հեռահար նպատակներով՝ վերահսկողություն սահմանել ողջ Լիբիայի վրա։ Եվ ահա, Տրիպոլիի վրա վերահսկողություն հաստատելու նպատակով վերջինս ռազմական գործողություններն է սկսել։ Առողջապահության համաշխարհային կազմակերպության տվյալների համաձայն՝ ապրիլի 14—ի դրությամբ Տրիպոլիի արվարձաններում տեղի ունեցած բախումների ընթացքում զոհվել է 121 մարդ եւ վիրավորվել՝ 561—ը։ Ընդ որում, ըստ միջազգային ԶԼՄ—ների, Հաֆթարը Տրիպոլիի մատույցներում կորցրել է մեկ բարձրաստիճան զինվորականի, ազգային համաձայնության ուժերը կործանել են մեկ ռազմական ինքնաթիռ։ Բացի այդ, 166 զինվոր էլ հանձնվել է կառավարական ուժերին։ ՄԱԿ—ն ու բազմաթիվ երկրներ որպես Լիբիայի օրինական իշխանություն են ճանաչում Տրիպոլիին։ «Իսլմական համագործակցություն» կազմակերպությունը եւս, հանդես գալով հայտարարությամբ, բախումների շարունակվելու առնչությամբ նախազգուշացրել է, որ դա կհանգեցնի խառնաշփոթի եւ կարգելակի հանուն ազգային համերաշխության ջանքերը։ Լիբիայում, Սուդանում ու Ալժիրում տեղի ունեցող հուզումները խիստ մտահոգել են Պարսից ծոցի արաբական երկրներին, որոնք մտավախություն ունեն «Արաբական գարուն» շարժումների 2—րդ ալիք սկսվելու առնչությամբ, ինչը, բացառված չէ, որ կսպառնա այդ երկրների կայունությանը։ Ինչպես նշել էինք, Հաֆթարը ձգտում է Եգիպտոսի օրինակով իշխանություն ձեւավորել Լիբիայում, ինչն ակնհայտ է դարձել։ Քանի որ Կահիրեն հովանավորում եւ զենք—զինամթերքով ապահովում է Հաֆթարի գլխավորած «Ազգային բանակին» եւ նրան է դիտում որպես ամենահզոր ուժը Լիբիայում, որը կարող է պայքարել իսլամականների դեմ։ Ահավասիկ, Հաֆթարը Կահիրեում հանդիպում է ունեցել Եգիպտոսի նախագահ Աբդ ալ ֆաթահ Սիսիի հետ, որի ընթացքում կողմերը քննարկել են Լիբիայում տիրող իրավիճակի հարցը, այս մասին գրել է եգիպտական «Ալ Ահրամ» օրաթերթը։ Եգիպտոսի նման դիրքորոշումը թերեւս սպասելի էր՝ հաշվի առնելով, որ «Ազգային կոնգրեսի» անդամների մեծամասնությունը իսլամականներ՝ «Մուսուլման եղբայրներ» կազմակերպության անդամներ են, որոնց Եգիպտոսն ահաբեկիչներ է համարում։ Հատկանշական է նաեւ, որ Արաբական Միացյալ Էմիրություններն ու Սաուդյան Արաբիան, որոնք դեմ են «Մուսուլման եղբայրներին», ինչպես նաեւ Ռուսաստանը հովանավորում են Արեւելքի անցման շրջանի կառավարությանը՝ Աբդուլա ալ Սանիի գլխավորությամբ, եւ ազգային բանակի հրամանատար գեներալ Հաֆթարին։ Մինչդեռ «Մուսուլման եղբայրներին» հովանավորող Թուրքիան ու Կատարը պաշտպանում են Տրիպոլիին, «Ազգային կոնգրեսին»։ Ինչպես տեսնում ենք, Լիբիայում եւս Ռուսաստանն ու Թուրքիան բարիկադի տարբեր կողմերում են, ինչպես եւ Սիրիայում։
Հաշվի առնելով, որ հակամարտ կողմերի միջեւ առկա են գաղափարական հակասություններ, ինչպես եւ օտարերկրյա, մասնավորապես տարածաշրջանի երկրների շահերի բախում Լիբիայում, օրինակ, արաբական աշխարհի երկու հզոր տերությունների՝ Սաուդյան Արաբիայի ու Եգիպտոսի շահերը չեն համընկում տարածաշրջանի այլ երկրների շահերին, ինչպիսին Թուրքիան է, կարել է ենթադրել,որ բախումները շարունակվելու են, բացառված չէ, որ զարգացումները կընթանան Սիրիայի ուղիով։ Մանավանդ որ Կահիրեն հազիվ թե իր հարեւանությամբ հանդուրժի «Մուսուլման եղբայրներին»։ Հատկանշական է, որ տարածաշրջանի մեկ այլ գերտերություն՝ Իրանը, թերեւս չեզոք դիրքորոշում որդեգրելով, կողմերին զսպվածության կոչ է արել։

Էմմա ԲԵԳԻՋԱՆՅԱՆ

16-04-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO