Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

16.06.2019
ՄԱՐԶԵՐ


Արենիում բացվեց հյուրաբակ-հյուրատունը

Այն դառնալու է զբոսաշրջության զարգացման խթանիչ

Երեկ Վայոց ձորի մարզի Արենի գյուղում ինքնատիպ իրարանցում էր. կատարվեց գաստրոբակի (հյուրաբակ) հանդիսավոր բացումը, որին ներկա էին ՀՀ տարածքային կառավարման եւ զարգացման նախարար Սուրեն Պապիկյանը, Հայաստանում Ռւսաստանի Դաշնության դեսպանության արտակարգ դեսպանորդ եւ լիազոր նախարար Ալեքսեյ Սինեգուբովը, Հայաստանում ՄԱԿ—ի զարգացման ծրագրի մշտական ներկայացուցիչ Դմիտրի Մարիասինը եւ պաշտոնական այլ անձինք։
Ծրագիրը, որի նպատակը Հայաստանում զբոսաշրջության զարգացումը խթանելն է եւ գյուղական բնակչության՝ զբոսաշրջությանը հնարավորինս մերձենալը՝ հավելյալ եկամուտ ստանալու ճանապարհով, ֆինանսավորվում է ՌԴ—ի կողմից եւ իրականացվում ՄԱԶԾ—ի եւ ՀՀ տարածքային կառավարման եւ զարգացման նախարարության միջոցով։ Այն իրականացվում է «Ինտեգրված գյուղական զբոսաշրջության զարգացում» ծրագրի շրջանակում։ Արենիում բացվածը ընտանեկան բիզնեսի հետաքրքիր կառույց է, որի նպատակը զբոսաշրջիկներին միջանկյալ ծառայություն մատուցելն է, այն է՝ զբոսաշրջիկներին հրամցնել ոչ միայն Վայոց ձորի խորհրդանիշը դարձած «Արենի» գինու տնայնագործական արտադրանքը, այլեւ տարածաշրջանում ավանդական դարձած սննդամթերքի լայն տեսականին՝ սեփական արտադրությամբ։ Նկատի առնելով այն հանգամանքը, որ Արենի համայնքը գտնվում է զբոսաշրջային «թեժ» երթուղիներից մեկի վրա, մասնավորապես՝ օրեցօր հանրահայտ դարձող Արենիի Թռչունների քարանձավի եւ Նորավանքի հարեւանությամբ, այն վստահությունը կա, որ նորաբաց գաստրոբակը լիովին արդարացնելու է ծրագրի կազմակերպիչների հույսերը։ Ի դեպ, մինչեւ կառույցի բացումը, հյուրերը եղան Արենիի Թռչունների քարանձավում, որտեղ ծանոթացան հազարամյակների տարիք ունեցող վայրի հնագիտական պատմությանը, այնտեղ բնակություն հաստատած հնադարյան մարդու ծիսական կենցաղին ու սովորույթներին, դրանց թվում նաեւ այն փաստերին, որ գինեգործությունը Հայաստանի տարածքում հազարամյակների պատմություն ունի։
ՄԱԶԾ փորձագետ Լուսինե Բալայանը տեղեկացրեց, որ իրենք գինեգործների միության մասնագետների հետ փորձել են ստեղծել միասնական մի համալիր, որտեղ կլինի որակյալ տնական գինի, համապատասխան արտադրական եւ համտեսի սրահներ, որտեղ տանտերերը վստահորեն կարող են ընդունել զբոսաշրջիկներին։ Հյուրաբակը հիմնել է Ստեփանյանների ընտանիքը։ Հինգ հոգանոց ամբողջ ընտանիքն է ներգրավված այս նախաձեռնության մեջ։ Ծրագիրը նրանց տրամադրել է համապատասխան սարքավորումներ, սակայն գինու արտադրության գործընթացի մի զգալի մասը ձեռքով է կատարվում, որպեսզի մարդու եռանդը, ոգին ներդրվի գինու արարման աշխատանքում։ Այստեղ պատրաստվում է միայն խաղողի «Արենի» եւ «Ոսկեհատ» սորտերից մաքուր գինի։
«Սա լուրջ ու կարեւոր նախադեպ է։ Հայաստանի գյուղական համայնքներն իրենց աշխարհագրական դիրքով, իրենց լոկալ մշակույթով, ավանդույթներով, ընդհանրություն ունենալով հանդերձ, տարբերվում են, եւ բնականաբար ամեն համայնքում այսպիսի հնարավորություն ունենալը, որտեղ զբոսաշրջիկը կարող է գալ եւ տեսնել այդ բնորոշ գիծը, ջերմությունը, հյուրընկալությունը, կարող է ունենալ տնտեսական լրջագույն էֆեկտ։ Դա ոգեշնչելու է նաեւ հարեւան գյուղերին, ինչը կարող է դառնալ տարածական, դառնալ բրենդ։ Կարծում եմ՝ այստեղ մեկ անգամ եկողը կուզենա մշտապես գալ։ Ես ինքս, Արենի գալու պարագայում, կլինեմ այստեղի հյուրը»,–ասաց նախարար Սուրեն Պապիկյանը։
«Զբոսաշրջային այս ուղղությունը շատ պահանջված է Հայաստանում, սակայն զբոսաշրջիկներից շատերն անցնում են՝ շրջանցելով այս գյուղը, լավագույն դեպքում կանգ են առնում ճանապարհի վրա գինի գնելու համար, ինչը չունի անհրաժեշտ եկամտաբերություն, իսկ այս կարգի գաստրոբակերըը էապես կարող են բարելավել գյուղաբնակ մարդկանց եկամուտները։ Կոնկրետ այս դեպքում ընտանիքի եկամտի մեծացման լավ հնարավորություններ ենք ստեղծել»,–ասաց Դմիտրի Մարիասինը՝ ավելացնելով, որ տեղանքի գրավչությունը նույնպես կարեւոր է, որ երկիրը տեսնելու եկած անծանոթը հաճույք ստանա մի քանի րոպե այս կարգի վայրում նստելու համար։ Ըստ նրա, Ստեփանյանների տունը շատ հարմար է այդ առումով։ Մեր հարցին՝ արդյոք կատարված աշխատանքը գոհացուցի՞չ է, խիստ դրական պատասխանեց. «Այո, շատ լավ ստացվեց։ Ի դեպ, ամեն գաստրոբակ յուրովի հետաքրքիր է եւ տարբերվում է նախորդից։ Մենք կաղապարով չենք շարժվում, օգնում ենք բացահայտել տեղական կոլորիտը։ Շատ լավ են ստացվել նաեւ արտադրական եւ համտեսի սրահները, հիանալի տեսարան է բացվում դեպի այգի։ Իսկ գինին համեղ էր»։
Շահառուն՝ Հայկ Ստեփանյանը, որն ընտանիքի երիտասարդ անդամն է, գոհ է կատարվածից. «Ծրագիրն օգնեց ձեռք բերելու որակյալ գինի պատրաստելու համար անհրաժեշտ բոլոր սարքավորումները, արտադրական եւ համտեսի սրահները նորոգեցինք... Հիմա կարող ենք միաժամանակ ընդունել եւ սպասարկել քառասուն այցելուի։ Խաղողը քաղում ենք մեր այգիներից, մեր այգուց են նաեւ մրգերի չրերը, պահածոները, մուրաբաները։ Մերն է առաջարկվող մեղրը, այս մեղուներից է,–ցույց է տալիս այգում դրված փեթակները,–մինչ այդ էլ զբաղվել եմ գինեգործությանբ, պապենական զբաղմունք է եղել մեր ընտանիքում, սակայն հնարավորությունները փոքր էին, ՄԱԿ—ի ծրագրի աջակցությամբ հիմա ունեմ լիարժեք գործ անելու հնարավորություն։ Համոզված եմ, որ շահույթ ստանալու ենք»։
Մի քանի խոսք կատարված աշխատանքի արդյունքի մասին։ Արտադրական եւ համտեսի սրահները գտնվում են երկհարկանի տան առաջին հարկում։ Ընդարձակ այդ տարածքները հիմնովին նորոգվել են, դարձել գրավիչ։ Այգուն նայող բաց պատշգամբը լրացնում է հաճելի մթնոլորտի հնարավոր բացը։ Իսկ մատուցվող ճաշակելիքը կարող է շարժել ցանկացած սրճարանի նախանձը։ Այստեղ ամեն ինչ կա, եւ այդ ամենը պատրաստվում է ընտանիքի հնարավորություններով եւ ձեռքով։
Պետրոս ՍԱՐՈՒԽԱՆՅԱՆ

18-04-2019





15-06-2019
Հանրային վերահսկողությունը՝ կանխարգելիչ եւս մեկ միջոց
Քաղաքացու արձանագրած ճանապարհային կանոնների խախտումներին կտրվի իրավական գնահատական

Լուսինե ...


15-06-2019
Տավարի մսի մաքսատուրքը 61.5 տոկոսով նվազել է, գառի մսինը՝ սառեցվել
Ինչ կտա ՀՀ-ին ԵԱՏՄ-ԻԻՀ ազատ առեւտրի գոտու ստեղծման ...


15-06-2019
Շների, շնատերերի եւ Ծիծեռնակաբերդի զբոսայգու մասին
Գաղտնիք չէ, որ մեր մայրաքաղաքում վերջերս թափառող շները շատացել ...


15-06-2019
Խորհրդարանական մշակույթի ժողովրդավարացման հիմնախնդիրները՝ արժեբանական չափման ներքո
Հարցազրույց քաղաքական գիտությունների դոկտոր Մարիամ Մարգարյանի հետ

Խորհրդարանական ...


15-06-2019
Կանխարգելե՞լ, թե՞ գնալ հետեւանքները վերացնելու ճանապարհով
Օրինագիծը միտված է սպառողների իրավունքների պաշտպանությանը

Լուսինե ՄԽԻԹԱՐՅԱՆ
l.mkhitaryan@hhpress.am


«Շատ ...


15-06-2019
Դանիիլ Խարմս. «Պատահարներ» շարքից
«Մի պառավ չափազանց հետաքրքրությամբ դուրս նայեց պատուհանից, ցած ընկավ ...


15-06-2019
Հովհաննես Մելքոնյան
Իրեն, ինչպես շատերը, ես նույնպես Ռուբենիչ էի ասում. ու ...



15-06-2019
Նոր շունչ տիկնիկագործությանը
Թբիլիսիում բացվել է հայկական տիկնիկային ...

15-06-2019
Շախմատի արքան
Հունիսի 17-ին Տիգրան Պետրոսյանը կդառնար 90 ...

15-06-2019
Մեծագույն խնդիրը գիրք հրատարակելն է
Ծաղկաձորում քննարկվել են երիտասարդ ...

15-06-2019
Պետական պահպանության կարիք կա
Մարտունի-Եղեգնաձոր ճանապարհն անցնում է Գեղհովիտ ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO