Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ՆԵՐՔԻՆ ԿՅԱՆՔ


Ում է խանգարում ՊՎԾ պետը

Դավիթ Սանասարյանը կասկածների մասին չի հնչեցնում

Պետական վերահսկողական ծառայությունն ավարտել է երկու՝ Արմավիրի եւ Էջմիածնի ՋՕԸ—երի մոտ իրականացվող ուսումնասիրությունը։ Երկուսի մոտ էլ հայտնաբերվել են ավելի քան 1 միլիարդ դրամի խախտումներ։ Ուսումնասիրությունները 2014—2018թթ. կտրվածքով են։ Երկուսի մասով ընդհանուր առմամբ վերականգնման է ենթակա ավելի քան 2 միլիարդ դրամի գումար։ Այս մասին լրագրողների հետ զրույցում երեկ տեղեկացրեց ՊՎԾ պետ Դավիթ Սանասարյանը։
Լրագրողները, սակայն, այս թեմային կանգ չառան։ Նրանց հետաքրքրողը ՊՎԾ պետի հետ կապված քրեական գործի մանրամասներն էին։ «Այո, ես հարցաքննվել եմ»,—լրագրողների հարցապնդումներին ի պատասխան միանգամից նշեց նա՝ հավելելով, որ քրգործի մանրամասների մասին չի կարող խոսել, քանզի նման պարտավորություն ունի։ Բայց, ըստ նրա, դա չի նշանակում, որ պետք է ինֆորմացիայի արտահոսք լինի եւ ինքը չկարողանա համապատասխան տեղեկատվություն տալ, չի թողնելու, որ իր համբավի վրա որեւէ բիծ անեն, քանզի այդ համբավը «ձեռք է բերվել տասնյակ տարիների պայքարի արդյունքում, սկզբունքային ու ազնիվ ապրելու արդյունքում»։ Հետո էլ շեշտեց, որ ինչ նախաքննական մարմին ուզում է լինի, ինչ ցուցմունք տվող ուզում է լինի, չեն կարող դրա վրա խազ քաշել։
Արդյոք որպես կասկածյա՞լ է հարցաքննվել։ Պարզվում է՝ հարցաքննվել է, առերեսվել է, ասել է այն, ինչ իրեն հայտնի է։ Իսկ կարգավիճակի վերաբերյալ հարցերը հորդորեց տալ ԱԱԾ—ին։
Դավիթ Սանասարյանը չասաց, թե ով եւ ինչ ցուցմունք է տվել իր դեմ։ «Բայց մի բան հստակ կարող եմ ասել,–շարունակեց նա,–որ որեւիցե մեկը, որեւիցե կառույց չի կարող ինձ որեւէ կոռուպցիոն երեւույթի հետ կապել, քանի որ ես սկզբունքորեն մերժում եմ ցանկացած կոռուպցիոն երեւույթ»։ Եվ այս անգամ էլ նշեց իր մշտական արտահայտությունը. «Ինձ հեգնողներին էլ ասեմ, որ գերեզմանում էլ լինեմ՝ պայքարելու եմ կոռուպցիայի դեմ»։
Ո՞ւմ է խանգարում ՊՎԾ պետը։ «Չեմ կարող ասել՝ ում եմ խանգարում, բայց մի բան հստակ հասկանում եմ՝ տարբեր շրջանակներում արծարծվող թեմաներից։ Այսինքն՝ փորձ են անում ստեղծել մի իրավիճակ, որից էմոցիոնալ շարժվելով՝ ես պետք է դուրս գամ երկրի վարչապետի դեմ։ Նման բան չի կարող լինել, ես վստահում եմ վարչապետին, դրա համար եմ այստեղ։ Չի կարող այնպիսի բան լինել, որ վարչապետը կոնկրետ իմ նկատմամբ քաղաքական հետապնդման ինչ—որ պատվեր է տվել։ Ես այս պահին նման բան բացառում եմ։ Թե որ մարմիններն ինչ կուզենան, առհասարակ, ես հավաստիացնում եմ՝ ՊՎԾ—ն ունի նման ֆունկցիաներ, որ շատերի ոտքերը կարող է տրորել։ Իհարկե, օրենքի շրջանակներում։ Եվ այս պարագայում շատերը չեն ցանկանա, որ սկզբունքային մարդ լինի, մաքուր մարդ լինի, երբեւիցե որեւիցե գործարքների մեջ չմտած մարդ լինի։ Բայց դա իրենց գործն է, ես չեմ ուզում իմ կասկածների մասին հնչեցնել։ Երբ որ կտեսնեմ, որ սա համակարգային բնույթ ունի, ես դրան ակնհայտ կպատասխանեմ»,–հնչեց արձագանքը։
Խնդրո առարկայի շուրջ խոսե՞լ է վարչապետի հետ։ «Իմ մտահոգությունները կիսել եմ վարչապետի հետ, բայց նա չի խառնվում նախաքննությանը,–ասաց բանախոսը։ Ու եզրափակեց.–Սա օրենքի պահանջ է, եւ վարչապետը պետք է հետեւի կոնկրետ գործընթացների։ Եթե վարչապետը մեկ վայրկյան չվստահի ինձ, ես անձեռնմխելի չեմ, այդ վայրկյանից վարչապետն ինձ կազատի պաշտոնից։ Եթե ես որեւիցե վայրկյան չվստահեմ վարչապետին, ես ինքս դիմում կգրեմ ու դուրս կգամ»։
Արմենուհի ՄԵԼՔՈՆՅԱՆ

19-04-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO