Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

19.07.2019
ՄՇԱԿՈՒՅԹ


Կմրցեն սեւ ու սպիտակ ստեղները

Երեսուն դաշնակահար տասներկու երկրից՝ Խաչատրյանի 15-րդ հոբելյանական մրցույթում

Արամ Խաչատրյանի ժառանգությունը ամբողջ աշխարհում ճանաչելի դարձնելու նպատակով 15 տարի շարունակ կոմպոզիտորի ծննդյան օրը՝ հունիսի 6-ին, Երեւանում մեկնարկում է նրա անվան միջազգային երաժշտական մրցույթը, որին այս տարի մասնակցելու է երեսուն երաժիշտ տասներկու երկրից։ Մրցույթում, որը կանցկացվի մինչեւ հունիսի 14-ը, Խաչատրյանի եւ այլ ստեղծագործողների գործերն են ներկայացնելու դաշնակահարները։
«Մրցույթը նշում է իր 15-ամյա հոբելյանը, եւ այս տարի այն անցկացվելու է դաշնակահարների համար. դա շատ խորհրդանշական է, որովհետեւ 2003 թվականին անդրանիկ մրցույթին նույնպես դաշնակահարներն էին մրցում։
Ընտրվել է 30 մասնակից 12 երկրից։ Մեզ բազմաթիվ երիտասարդ ստեղծագործողներ են դիմել։ Առավելագույնը 24 երաժիշտ պետք է անցներ, բայց ընտրությունն այնքան մեծ էր, որ երեսունին ուժերը մեր հարթակում չափելու հնարավորություն ընձեռեցինք։ Ըստ իս՝ բավականին թեժ մրցակցություն է սպասվում»,—մեզ հետ զրույցում նշեց «Արամ Խաչատրյան—մրցույթ» մշակութային հիմնադրամի գործադիր տնօրեն Աննա Տեր–Հովակիմյանը։
Նրա խոսքով՝ տարիների ընթացքում մրցույթն ընդլայնում է իր աշխարհագրությունը։ «Ընդգրկվել են Չինաստանից, Հայաստանից, Ռուսաստանից, Ուկրաինայից, ԱՄՆ—ից, Հյուսիսային Կորեայից, Թայլանդից եւ այլ երկրներից երաժիշտներ, որոնք ներկայացնում են տարբեր կատարողական դպրոցներ։ Յուրաքանչյուր տարի անհամբեր սպասում ենք մասնակիցների հենց Խաչատրյանի գործերի կատարումներին, քանի որ մրցույթի նպատակը Խաչատրյանի ստեղծագործությունները հանրահռչակելն է»,—ընդգծեց Տեր—Հովակիմյանը։
Հիմնադրամի գործադիր տնօրենը նշեց՝ ցանկանում են, որ Արամ Խաչատրյանի կոնցերտները համալրեն երիտասարդ եւ շնորհալի կատարողների երկացանկն ու հարատեւ կյանք ունենան համաշխարհային երաժշտական ասպարեզում։
Նրա հավաստիացմամբ՝ միջազգային հարթակում կան երաժիշտներ, որոնց նվագացանկում մշտապես առկա են մեծն կոմպոզիտորի ստեղծագործությունները։ Նրանցից են Արամ Խաչատրյանի անվան 8—րդ միջազգային մրցույթի Գրան պրիի մրցանակակիր ջութակահար Ֆյոդոր Ռուդինը, թավջութակահար Նարեկ Հախնազարյանը, որն իր համաշխարհային հաղթարշավը սկսել է հենց 2006 թվականին Խաչատրյանի մրցույթի հաղթանակից եւ այլք։
«Ուրախալի է, որ Ֆյոդոր Ռուդինն այժմ հանրահռչակված նվագախմբերից մեկի՝ Վիեննայի ֆիլհարմոնիկի կոնցերտմայստերն է։ Դա մեծ հաջողություն է նրա համար։ Խաչատրյանի մրցույթի բոլոր դափնեկիրները հետագայում մասնակցում են այլ միջազգային մրցույթների, մրցանակների արժանանում, բարձունքներ գրավում։ Դա եւս ապացուցում է, որ Խաչատրյանի մրցույթի ժյուրին ճիշտ որոշումներ է կայացնում»,—շեշտեց Տեր—Հովակիմյանը։
Մրցույթի ժյուրիի նախագահն այս տարի դաշնակահար, դիրիժոր Վահագն Պապյանն է։ Նա ելույթներ է ունենում աշխարհի լավագույն համերգասրահներում լավագույն նվագախմբերի հետ։ Ժյուրիում ընդգրկված են բարձրակարգ երաժիշտներ Ռուսաստանից, Իսրայելից, Չինաստանից, Բելառուսից, Շվեդիայից։
«Մրցույթի անցկացման ձեւաչափը երբեք չի փոխվում։ Այն կմեկնարկի Արամ Խաչատրյանի ծննդյան օրը՝ հունիսի 6—ին, «Արամ Խաչատրյան» համերգասրահում։ Բացմանը Հայաստանի պետական սիմֆոնիկ նվագախմբի հետ (գեղարվեստական ղեկավար եւ գլխավոր դիրիժոր՝ Սերգեյ Սմբատյան) հանդես կգա միջազգային ճանաչում ունեցող դաշնակահար, որի անունը ես դեռ չեմ ասի։ Թող անակնկալ լինի։ Բացման համերգին ելույթ է ունենալու նաեւ Խաչատրյանի դաշնամուրային տրիոն, որը կկատարի հատուկ մրցույթի համար Գեորգ Պելեսիցի կողմից գրված ստեղծագործություն՝ դաշնամուրային տրիոյի եւ սիմֆոնիկ նվագախմբի համար։
Ինչպես նախորդ, այնպես էլ այս տարի մրցույթը կանցկացվի երեք փուլով։ Հունիսի 7—–10—ին Երեւանի Չայկովսկու անվան միջնակարգ երաժշտական մասնագիտական դպրոցի Տատյանա Հայրապետյանի անվան դահլիճում կանցկացվեն առաջին եւ երկրորդ փուլերը, իսկ երրորդ փուլը տեղի կունենա հունիսի 12—ին եւ 13—ին «Արամ Խաչատրյան» համերգասրահում՝ մրցույթի պաշտոնական նվագախումբ Հայաստանի պետական սիմֆոնիկ նվագախմբի նվագակցությամբ։ Հունիսի 14—ին կիմանանք հաղթողների անունները»,—ասաց նա։
Մրցույթի 2—րդ եւ 3—րդ փուլերում դաշնակահարների պարտադիր կատարման ծրագրում ընդգրկված են Արամ Խաչատրյանի ստեղծագործությունները։
Մրցույթի առաջին մրցանակակիրը կստանա դրամական պարգեւ՝ 15000 ԱՄՆ դոլարին համարժեք դրամ, 2—րդ տեղը զբաղեցրած երաժիշտը կարժանանա 10000 ԱՄՆ դոլարին համարժեք դրամ մրցանակի, իսկ երրորդ մրցանակակիրը՝ 5000 ԱՄՆ դոլարին համարժեք դրամ պարգեւավճարի։ Կշնորհվեն նաեւ մի շարք հատուկ մրցանակներ։
Անժելա ՀԱՄԲԱՐՁՈՒՄՅԱՆ

30-04-2019





18-07-2019
Եվրամիության դռները փակվում են Թուրքիայի առջեւ
Այդ երկրի գործողությունները սպառնում են Եվրոպայի էներգետիկ անվտանգությանը

Լուսինե ...


18-07-2019
Դադիվանքում 100 մետր երկայնքով հենապատ է կառուցվում
Վերականգնման ի՞նչ աշխատանքներ են ընթանում վանական համալիրում

Լիանա ...


18-07-2019
Առաջնորդ եւ կառավարիչ
Կառավարումը գործունեության այն տեսակն է, երբ կառավարողի նպատակադրումը իրականացվում ...


18-07-2019
Պոլ Վալերին եւ «Ինտելեկտի մաթեմատիկան»
Շեքսպիրի առիթով. «Ինքնին նա ոչինչ էր»

Թադեւոս ԽԱՉԱՏՐՅԱՆ
t.khachatryan@hhpress.am


«Ի՞նչն ...


18-07-2019
Նպատակը պետական գնումների համակարգը ճկուն դարձնելն է
Այն կպահպանի արդար մրցակցության սկզբունքը եւ զերծ կլինի ...


18-07-2019
Քննարկել են Հայաստան-Վատիկան կապերի զարգացման հարցեր
Վարչապետ Նիկոլ Փաշինյանը երեկ ընդունել է Հայաստանում Սուրբ աթոռի ...



18-07-2019
Զգեստը՝ տեղական բրենդի
Աննա Հակոբյանը հայկականը ներկայացնում է ...

18-07-2019
Ինչ պատկեր է նկարել սեյսմիկ խոցելիության գնահատումը
Մեր դպրոցների ֆիզիկական վիճակը՝ ըստ ...

18-07-2019
Ըմբիշները մոտենում են որոշիչ հանգրվանի
Աշնանը կայանալիք աշխարհի առաջնությանը Հայաստանի ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO