Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ԱՅԼՔ...


Անտուն կենդանիների մասին օրենք է մշակվում

Քրեական պատասխանատվություն՝ կենդանու նկատմամբ դաժան վերաբերմունքի համար

Անտուն կենդանիների նկատմամբ առանձնակի դաժան վերաբերմունքի համար պետության կողմից համարժեք պատժաչափեր կսահմանվեն, ընդհուպ մինչեւ քրեական պատասխանատվություն։ Ազգային ժողովում մշակվում է կենդանիների նկատմամբ պատասխանատու վերաբերմունքի մասին օրենքի նոր նախագիծ, որը մոտ երկու ամսից շրջանառության մեջ կդրվի։
«ՀՀ»—ի հետ զրույցում այս մասին ասաց ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի «Իմ քայլը» խմբակցության անդամ Մերի Գալստյանը՝ անդրադառնալով հանձնաժողովին կից ստեղծված կենդանիների պաշտպանության հարցերով աշխատանքային խմբի անելիքներին։ Քանի որ կենդանական աշխարհի մասին ՀՀ օրենքը վերաբերում է բացառապես վայրի կենդանիներին, հետեւաբար, թափառող շների, անտուն կենդանիների հետ կապված որեւէ կարգավորում կամ պահանջ, Գալստյանի խոսքով, անհնար է սահմանել վերոնշյալ օրենքում։ Կենդանիների նկատմամբ պատասխանատու վերաբերմունքի մասին օրենքի այս նոր նախագիծը համալիր եւ ամբողջական կերպով կսահմանի կենդանիների նկատմամբ պատասխանատու վերաբերմունքի սկզբունքները, պահանջները, կենդանիների նկատմամբ դաժան վերաբերմունքի տեսակները, վերահսկողություն իրականացնող պետական կառույցներին եւ նրանց լիազորությունների շրջանակները։ Կսահմանվեն նաեւ կենդանիների նկատմամբ արգելված գործողությունների եւ դաժան վերաբերմունքի համար համարժեք պատժաչափերը։ Օրենքի նախագծով հստակ նշվելու է, թե ինչ ասել է կենդանու բարեկեցություն, տեսակին, կյանքին համապատասխան պայմանների ապահովում, որպեսզի կենդանին կենսագործունեության լիարժեք հնարավորություններ ունենա։ «Բացառվելու է կենդանիների նկատմամբ առանձնակի դաժան վերաբերմունքը»,—ընդգծեց պատգամավորը։ Ըստ նրա՝ հաշվի առնելով օրենսդրական բացերն ու հակասությունները՝ անհրաժեշտ է հիմնավոր ձեւով սահմանել կենդանիների նկատմամբ դաժան վերաբերմունք ասվածը, դրա տեսակներն ու կատեգորիաները, ինչպես նաեւ այդ արարքների համար պատժամիջոցների շրջանակը։ Այսօր բացակայում են լիազոր մարմիններին վերապահվող գործառույթները, թե ում պետք է դիմել, օրինակ, դաժան վերաբերմունքի պարագայում կամ կենդանիների նկատմամբ արգելված գործողություններ նկատելիս։
Նոր օրենքով թեեւ հստակեցվելու են վերահսկող եւ լիազոր մարմինները, այդուհանդերձ, կարեւորվելու է նաեւ հանրային վերահսկողության գործոնը։ «Հանրային վերահսկողությունը շատ կարեւոր գործիք է, որը կարող է իրականացնել յուրաքանչյուր քաղաքացի, ինչպես նաեւ ոլորտում գործող հասարակական կազմակերպությունները։ Հանրային վերահսկողության մեջ բոլորս մեր դերն ու պարտավորությունն ունենք, այն է՝ որեւէ իրավախախտում տեսնելիս կամ կենդանու նկատմամբ արգելված գործողությունների դեպք արձանագրելիս անմիջապես ահազանգել համապատասխան պետական կառույցներ, հասարակական կազմակերպություններ կամ ոստիկանություն։ Օրենքի նախագծով վերահսկողություն իրականացնող մարմինները տարբեր դեպքերի ժամանակ կարող են տարբեր լինել։ Օրինակ՝ առանձնակի դաժան վերաբերմունքի համար միգուցե ոստիկանություն դիմեն, տնային պայմաններում կենդանիների պահման պահանջների եւ կանոնների խախտման դեպքում՝ բնապահպանական տեսչական մարմին։ Այդ լիազոր մարմինների ցանկը օրենքի նախագծով սահմանվելու է, որպեսզի քաղաքացին իմանա՝ որ դեպքում ում դիմի»,—մանրամասնեց Գալստյանը։ Իսկ ի՞նչ ասել է կենդանիների նկատմամբ դաժան վերաբերմունք։ Պատգամավորի պարզաբանմամբ՝ դաժան վերաբերմունք կդիտարկվեն կենդանու առողջությանը կամ կենսագործունեությանը վնաս հասցնող դեպքերը, սպանությունը, լուրջ վիրահատական գործողություններ իրականացնելն առանց ցավազրկող դեղորայքի, շնամարտերը, կենդանիներին սադրելը մեկը մյուսի նկատմամբ կամ կենդանիների նկատմամբ այնպիսի վիրահատական միջամտություններ կատարելը, որը չի վերաբերում իր տեսակին եւ այլն. «Այս մասով շատ մեծ ուսումնասիրություն ենք արել։ Նախագծի առաջնային, նախնական տարբերակն արդեն պատրաստ է, պայմանավորված խնդիրների կարգավորման հրատապությամբ, հանրային պահանջով՝ հնարավորինս շուտ, մեկ կամ երկու ամսվա ընթացքում օրենքը կդրվի շրջանառության մեջ»։ Կարեւորվում է նաեւ կենդանիների համար ապաստարաններ ստեղծելու հարցը։ Գալստյանի տեղեկացմամբ՝ քննարկումներ պետք է լինեն շահագրգիռ կողմերի հետ՝ մասսայական ապաստարաններ ունենալու հեռանկարների մասին։
Լիանա ՍԱՐԳՍՅԱՆ

03-05-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO