Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

19.01.2021
ԱՅԼՔ...


Նոր կենդանիներ Վարշավայի կենդանաբանական այգուց

Մեկնարկեց կենդանասերների հերթական տարեշրջանը

Երեւանի կենդանաբանական այգին մայիսի առաջին օրը տոնեց սեզոնի բացումը։ Ինչպես եւ նախորդ տարիներին, այցելուները բազմաթիվ էին։ Նույնիսկ հերթեր էին գոյացել տոմսարկղի մոտ, շտապում էին փոքրիկներին րոպե առաջ ներս տանել՝ այգում նոր կենդանիների եւ թռչնատեսակներին ծանոթանալու ակնկալիքով։ Այդ օրն էլ այգում կարծես ոչինչ չէր փոխվել, որքան էլ քաղաքում ժամանցային վայրերի աճն է նկատելի, այդուհանդերձ, ինչպես մանկահասակների, այդպես էլ մեծահասակների ավանդաբար սիրելի վայրն է մնում Երեւանի կենդանաբանական այգին, եւ մայիսի մեկը սովորաբար հենց խորհրդանշում է այգու տարեշրջանի բացումը։
Սողուններ, կաթնասուններ, գիշատիչներ ու թռչուններ. կենդանական աշխարհի նույն ներկայացուցիչներն են դիմավորողները, իսկ այգին որոշ չափով բարեկարգվել է։ Կանաչապատ տարածքն է ավելացել, այդ թվում՝ հանգստի տաղավարները, վերակառուցվել եւ արդիականացվել է հիմալայան արջերի պահպանման գոտին, ճաղավանդակները դարձել են ապակեպատ, աչքի համար ավելի քաղաքակիրթ ու անվտանգ։ Երեւանի քաղաքապետարանի 2013—2015 թթ. այգու բարեկարգման ծրագրի առաջին փուլով ամբողջովին վերափոխվել է նաեւ տոմսարկղի մուտքն ու վայրը։ Հին մուտքն արդեն նախամուտք է դարձել, որից մինչեւ գլխավոր անցակետ մուտքը եւս բարեկարգվել է։
Հանգստի գոտին համալրվել է նոր նստարաններով, վերահսկողությունն է մեծացել այգու եւ կենդանիների խնամքի նկատմամբ։ Նախկինի պես անվտանգության աշխատակիցները չէին թույլատրում կենդանիներին դրսից բերված սննդով կերակրել, սակայն ներսում վաճառվող կերակրատեսակներով երեխաները կարողանում էին իրենց զվարճանք պարգեւել։ Մի բուռ ժպիտ ու անհոգ մանկության երբեմնի ակնթարթները ակնհայտորեն դեռ այս վայրում պահպանվել են։ Երաժշտություն, պարեր, պաղպաղակ, մանկական ատրակցիոններ. այս ամենը շարունակում է խինդ ու ծիծաղ պարգեւել մանուկներին։
Ինչպիսի՞ն է տարին լինելու կենդանաբանական այգու համար, ի՞նչ ծրագրեր կան. տնօրեն Ռուբեն Խաչատրյանը «ՀՀ»—ի հետ զրույցում մանրամասնեց։
«Տարին առանձնապես հատկանշական չէ այգու համար, սակայն դրվել են որոշ մեծ նախագծերի հիմքեր։ Արդեն ճանապարհին են նոր ջրլող թռչնատեսակներ, մանր կապիկները, սողունները, եւ առաջիկայում նախատեսվում է այգու ամբողջ ձախակողմյան հատվածում նոր ազատավանդակներ կառուցել, որպեսզի թռչուններն ու մարդիկ նույն տարածքում լինեն միաժամանակ եւ տեսնեն կապիկներին ոչ միայն վանդակներում, այլեւ ապակեպատ կառուցապատված, ինչպես հիմալայան արջերինը։ Քաղաքաբնակ երեխաները միշտ չէ, որ հնարավորություն ունեն շփվելու կենդանիների հետ, եւ մեր նպատակն է հասանելի դարձնել նրանց համար թռչունների եւ կենդանիների հետ շփումը։ Բանակցություններ են տարվում նաեւ ամուրյան վագրերի երիտասարդ զույգեր ներկրելու ուղղությամբ։ Կատարվելու են նախագծային ախատանքներ, նոր շինարարություն»,–ասաց նա։
«Այգում բարեկարգման աշխատանքները շարունակական բնույթ կկրեն»,–նշեց տնօրենը՝ հավելելով, որ հետեւողականորեն փորձելու են փոխել այգու դեմքը։
«Օրինակ՝ գետաձին ամենամեծ կաթնասունն է, շատ վատ ձմեռային պայմաններում է ապրում, որոշ վանդակներ պետք է վերակառուցվեն, հները՝ ձեւափոխվեն։ Որպես խնդիր մնում է ընդհանուր տարածքի ցանկապատումը, որը պարտադիր պայման է բոլոր այգիների համար»,–նշեց Ռուբեն Խաչատրյանը։
Ինչպես վերը նշեցինք, Վարշավայի կենդանաբանական այգուց Երեւանի կենդանաբանական այգին կստանա նվիրատվություն թռչնատեսակներ եւ փոքր կապիկներ, որոնք շուտով կհամալրվեն արդեն եղած բոլոր ցուցադրություններում։ Նախորդ տարի այգու կենդանիների ցուցադրություններում արդեն համալրում է տեղի ունեցել։ Թբիլիսիի կենդանաբանական այգուց մեկ վագրաձի եւ մեկ ուղտայծ է ներկրվել, ինչը պայմանավորված է եղել կենդանիների հավաքածուն համալրելու պահանջով։ Կենդանիների նոր ցեղատեսակների առումով այգու տնօրինությունը սննդակարգի եւ անհրաժեշտ պայմանների պահպանման խնդիր չունի։ Առհասարակ, ցանկացած կենդանու Հայաստան տեղափոխելուց հաշվի են առնվում բնակլիմայական պայմանների առկայությունը եւ տվյալ կենդանու կենսաբանական առանձնահատկությունը։
Ինչ վերաբերում է այգում նոր ժամանցային գոտիների կամ ատրակցիոների կառուցմանը, ապա այգու տնօրենը տեղեկացրեց, որ որոշ տարածքներ աճուրդի փուլում են։ Նախատեսում են, որ կգործի միասնական օպերատոր, որը կկարողանա մեծ ներդրումների շնորհիվ ավելի հետաքրքիր ձեւաչափով ծառայություններ մատուցել։
Ինչ վերաբերում է վերջին շրջանում կենդանաբանական այգում կենդանիների հաճախ հանդիպող անկման դեպքերին, ապա Ռուբեն Խաչատրյանն իր հիմնավորումն ունի, բոլոր կենդանիները ծերանում եւ սատկում են, բացի այդ, նաեւ հիվանդանում անբուժելի հիվանդությամբ։ Իսկ այս կապակցությամբ տնօրենի հրաժարականը պահանջող ցույցերն ու դժգոհությունները եւ իրեն ուղղված մեղադրանքները տնօրենը համարում է հերյուրանք։
«Կենդանիների անկման գծով գործընթացը քննչական մարմնում է, եւ արդյունքները շուտով պարզ կլինեն»,–ասաց կենդանաբանական այգու տնօրենը։
Լուսինե ՆԱԶԱՐՅԱՆ

03-05-2019





19-01-2021
Բաշխման էլեկտրական ցանցերում տեխնոլոգիական կորուստները կնվազեն
Ինչ է նախատեսված 10-ամյա ներդրումային ծրագրով

Հայաստանի էլեկտրական ...


19-01-2021
Մեծ Բրիտանիան նոր «Մեծ խաղ» է նախաձեռնել
Լոնդոնը Թուրքիային դարձրել է իր զենքը սեփական շահերի առաջխաղացման ...


19-01-2021
«Իմ մահը պիտի ըլլա ոտքի վրա…»
Նա քաջ գիտակցում էր, թե ինչ է նշանակում հայ ...


19-01-2021
Նվազեցվում են ՊԵԿ աշխատակից-հարկատու շփումները
Ներդրվում է վարչական իրավախախտումների վերաբերյալ վարույթների էլեկտրոնային կառավարման համակարգ


19-01-2021
Թուրքիան չի հրաժարվում սպառնալիքի լեզվով խոսելուց
Կարսում նախատեսվում են թուրք-ադրբեջանական համատեղ զորավարժություններ

Հայաստանին սահմանակից ...


19-01-2021
Հայաստանի բազմաբնակարան շենքերի երեք տոկոսից ավելին անբավարար վիճակում է
Կառավարման մարմինները բնակֆոնդի պահպանման գործառույթներ պետք է իրականացնեն


19-01-2021
Սուրբ Հոգու պարգեւները
«Պարգեւները զանազան են, բայց Հոգին նոյնն է: Եւ պաշտօնները ...



19-01-2021
Կստանձնի ՀՀ վարչապետի աշխատակազմի ղեկավարի պաշտոնը
ՀՀ վարչապետ Նիկոլ Փաշինյանի որոշմամբ այսուհետ ...

19-01-2021
Քննարկման է ներկայացվել հակակոռուպցիոն կոմիտե ստեղծելու նախագիծ
Կառավարությունը ՀՀ Ազգային ժողովի քննարկմանն է ...

19-01-2021
Հոբելյանը կնշվի համերգային ծրագրերով
ԽՍՀՄ ժողովրդական արտիստ, պետական մրցանակների ...

19-01-2021
Այս տարի էլ հաղթեց Հովիկ Հայրապետյանը
Արցախցի գրոսմայստեր Հովիկ Հայրապետյանը երկրորդ ...
USD
EURO
RUR
GEL
Եղանակը Երևանում
գիշերը -1... +1
ցերեկը +1... +4

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO