Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ԱՅԼՔ...


ՊՎԾ-ն ուժային կառույցներից մեկում էլ ուսումնասիրություն կսկսի

Եվ ընտանեկան հարցերի էլ չի պատասխանի

Պետական վերահսկողական ծառայության ուսումնասիրությունները Երեւանի պետական բժշկական համալսարանում եւ քրեակատարողական հիմնարկներում ավարտական փուլում են։ Հետագայում ուժային կառույցներից մեկում արդեն ՊՎԾ—ն ուսումնասիրություն կսկսի։
Այս մասին գործադիրի երեկվա նիստից հետո լրագրողների հետ ճեպազրույցում տեղեկացրեց ՊՎԾ պետի ժամանակավոր պաշտոնակատար Արգիշտի Քյարամյանը։
Նա հավելեց նաեւ, որ ջրօգտագործող ընկերություններում ուսումնասիրությունները շարունակվում են. «Այս ոլորտում ուսումնասիրությունները արդյունք տվել են. երկու գործ կա հարուցված»։
ՊՎԾ—ն ուսումնասիրություններ չի՞ անում ԱԱԾ—ում։ Ի պատասխան բանախոսն արձագանքեց. «Հետագայում չեմ կարող ասել, թե որ ուժային կառույցում կնախաձեռնենք ուսումնասիրություն, բայց միանշանակ մեր այդ համապատասխան վարչությունը պետք է աշխատի»։
Լրագրողներիս, նախորդ շաբաթվա նիստից հետո նույն բանախոսին տված հարցերի օրինակով, կրկին հետաքրքրում էր՝ այնուամենայնիվ, ինչպես է հասցրել 28 տարեկանում 32 միլիոն դրամ եւ 48 հազար ամերիկյան դոլարի ունեցվածք ձեռք բերել։ «Ունեցվածքս ձեռք եմ բերել մինչ պաշտոնի անցնելը,–համառոտեց Ա. Քյարամյանը՝ միաժամանակ շեշտելով.–Դատախազությունում ծառայության եմ անցել 2016–ի հունիսին, 2017—ին ներկայացրել եմ հայտարարագիր, որում ներառել եմ քննարկման առարկա դարձած ողջ ունեցվածքս, այդ թվում շարժական եւ անշարժ գույք։ Այսինքն՝ իմ առաջին հայտարարագրում ես ամբողջությամբ ներառել եմ ունեցվածքս։ Մինչեւ հայտարարագրման ենթակա պաշտոն ստանձնելը ես ունեցել եմ այդքան գումար։ Իսկ հետագայում ներկայացված հայտարարագրերում էական փոփոխություն չի եղել»։
Քանի որ նախորդ շաբաթ նիստից հետո Քյարամյանն ասել էր լրագրողներին, թե չի ցանկանում իր ունեցվածքը քննարկել, լրագրողները տարակուսել էին՝ բարձրաստիճան պաշտոնատար անձն իրավունք ունի՞ այդպես ասելու։ Հաջորդ օրն իսկ ՊՎԾ ղեկավարի ժ/պ—ն պարզաբանում էր տարածել իր ֆ/բ էջում։ Քաղաքացու օրն էլ վարչապետ Նիկոլ Փաշինյանը ասել էր, թե Քյարամյանից կփորձի պարզաբանումներ ստանալ՝ որտեղից իրեն այդ գումարները։ Թե ինչ խոսակցություն է եղել Փաշինյանի ու Քյարամյանի միջեւ, վերջինս չասաց. «Իմ եւ վարչապետի միջեւ խոսակցությունը կամ վարչապետի կողմից ինձնից պարզաբանում պահանջելու հանգամանքը, կարծում եմ, հրապարակման ենթակա չէ։ Բացի այդ, մինչ վարչապետի հայտարարությունը ես արդեն պարզաբանում ներկայացրել էի (ֆ/բ գրառումը նկատի ունի,—Ա.Մ.)։ Եվ այդ պարզաբանմամբ որոշակի առումով ֆիքսվեց հայտարարագրված գումարների ծագումնաբանությունը»։
Կրկին հարց՝ որտեղի՞ց այդ ունեցվածքը։ Պատասխանը հետեւյալն էր. «Եթե հայտարարագրված ունեցվածքը չի ձեւավորվել աշխատանքային գործունեության ընթացքում, այլ ձեւավորվել է անձնական կյանքի այլ ոլորտներում, որը ներառում է անձնական կյանքը, կարծում եմ՝ այդ առումով այլեւս ասելու բան չունեմ»։
Մեկ այլ հարց՝ որտեղի՞ց իր կնոջը 26 մլն դրամ եւ 46 հազար ամերիկյան դոլար։ Քյարամյանը պարզաբանեց, թե շատ վաղ է ամուսնացել, քան որեւէ պետական պաշտոն ստանձնելը, եւ կինն այդ գումարներն ունեցել է ամուսնությունից առաջ։
Լրագրողներիս այլ հարց էլ էր հուզում. ի վերջո՝ Կոտայքի թեմի առաջնորդն իր հա՞յրն է, թե՞ ոչ։ Պարզվում է՝ ոչ, հայրը չէ։ Բայց չէ՞ որ մամուլում այլ տեղեկություններ շրջանառվեցին (որ հայրն է,—Ա. Մ.)։ «Եթե չեմ սխալվում՝ սրբազանը ներկայացրել է, որ մենք ազգականներ ենք։ Չեմ ցանկանում մեկնաբանել՝ չնայած որ կարող եմ հեշտությամբ հերքել։ Յուրաքանչյուր անձ, այդ թվում՝ պաշտոնատար, ունի անօտարելի իրավունքներ։ Ցանկացած անձ ունի ընտանեկան կյանքի գաղտնիության իրավունք։ Որպեսզի ճիշտ ընկալված լինեմ, ես հերքում եմ այդ լուրերը, բայց բարեկամ լինելը չեմ հերքում։ Ընտանեկան որեւէ հարցի այլեւս չեմ պատասխանելու, խնդրում եմ սա դիտել ընտանեկան կյանքի գաղտնիության սկզբունքի կարեւորության տեսանկյունից»,–հնչեց պատասխանը (թեմի առաջնորդն ասել է՝ հորեղբոր թոռն է,—Ա. Մ.)։
Հապա ի՞նչ է Քյարամյանի հոր անուն—ազգանունը։ Բանախոսը հրաժարվեց հանրայնացնել ու եզրափակեց զրույցը։
Արմենուհի ՄԵԼՔՈՆՅԱՆ

03-05-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO