Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ԶԱՆԱԶԱՆ


Արդեն կարող ենք հավաքական ձեւավորել

Երեւանում ավարտվեց գեղասահքի Հայաստանի բաց առաջնությունը, որին մասնակցեցին 8 երկրների 103 մարզիկ—մարզուհիներ։ Մասնակիցների թվում էր միջազգային որոշակի ճանաչում ունեցող իտալական Կարոլինա Մոշչենի—Անդրեա Ֆաբրի պարային զույգը, որը, մարզաձեւի հանրապետական ֆեդերացիայի նախագահ Մելանյա Ստեփանյանի խոսքերով, հնարավոր է, ներկայացնի Հայաստանը։ Այդ մասին ֆեդերացիայի ղեկավարը հայտնեց «ՀՀ»—ին տված հարցազրույցում։
—Առաջնությանը մասնակցած մեր մարզիկ—մարզուհիներից ովքե՞ր թողեցին առավել լավ տպավորություն։
—Արդեն 4 տարի է, ինչ ունենք մարզադպրոց։ Այդ ընթացքում երեխաները բավականին առաջընթաց են ապրել։ Խոսքս պատանիների եւ երիտասարդների մասին է։ Ըստ այդմ՝ արդեն համարձակորեն կարող ենք ձեռնամուխ լինել հավաքական թիմ կազմավորելուն, ինչը նախկինում արդյունքներից ելնելով՝ նպատակահարմար չէր։ Լավ արդյունքներ է ցույց տալիս նախկինում մեր անվանի գեղասահորդներից Արմեն Ասոյանի դուստրը՝ Մարինան։ Ճիշտ է, անցումային տարիքը զգացնել է տալիս, բայց 1—2 տարուց արդյունքները կկայունանան, եւ նրան կընդգրկենք հավաքականում՝ հնարավորություն ընձեռելով մասնակցելու միջազգային մրցումների։ Անչափ հեռանկարային է 9—ամյա Լիանա Ֆանարջյանը, որն այս առաջնությունում թեպետ որոշ գործոններով զիջեց ռուսաստանցի մասնակիցներին, բայց ընդհանուր առմամբ՝ լավագույնն է մեր երկրում։ Կան եւս մի քանի լավ երեխաներ։ Գիտեք, գեղասահքն առանձնահատուկ մարզաձեւ է, որում հարյուրավոր մասնակիցներից միայն մի քանիսը կարող են համապատասխանել ներկայացվող խիստ պահանջներին։ Այստեղ պակաս կարեւոր չեն նաեւ մարզիկի արտաքինը, հանդերձանքը եւ այլ գործոններ։ Ընդհանուր առմամբ՝ հայրենի գեղասահքում նկատելի տեղաշարժ կա։ Մեր երեխաներն արդեն երկակի տարրեր են կատարում, մրցակցությունը գնալով աճում է։
—Գեղասահքում առավել բարձր են գնահատվում ցատկերը։ Որքանո՞վ են մեր պատանի մարզիկ—մարզուհիները տիրապետում այդ տարրին։
—Բացառությամբ քառակի ցատկերի՝ մնացած ամեն ինչ անում են։ Քառակիներին առավել մոտ է Սլավիկ Հայրապետյանը, որն արդեն տիրապետում է 3,5 պտույտով ցատկերի եւ աշխատում է յուրացնել նաեւ այդ բարդ տարրը։ Եռակի տարրեր կատարում են հիմնականում արտերկրում պարապած մեր երեխաները։
—Ի դեպ, առաջնությանը ներկա էր մեր անվանի մասնագետներից Ռաֆայել Հարությունյանը, որը զարգացման առումով կարեւորեց լավագույն մասնագետների ներգրավելու անհրաժեշտությունը։ Որքանո՞վ է այդ խնդիրն արդիական հայրենի գեղասահքում։
—Մեր բոլոր մարզիչները բավականին պատրաստված են՝ խորհրդային դպրոց են անցել։ Իհարկե, մարզաձեւն անընդհատ զարգանում է, եւ մարզիչներին նորույթները ներկայացնելու կարիք է առաջանում։ Այդ նպատակով պարբերաբար կազմակերպում ենք դասընթացներ՝ հրավիրելով հիմնականում մեր հայրենակիցներին, որոնք այսօր լավագույններից են աշխարհում։ Այստեղ էին նաեւ Արի Զաքարյանը, Սարգիս Թեւանյանը։ Հիմա սեմինարներ է անցկացնում Հակոբ Մանուկյանը՝ ԱՄՆ—ից։
—Ի՞նչ նորություններ կհայտնեք մեր պարային զույգի մասին։
—Թինա Կարապետյանը մարզընկերոջ խնդիր ունի։ Եթե առաջիկայում այդ խնդիրը լուծվի, կշարունակենք ապավինել մեր հայրենակցուհուն եւ նրա նոր թիմակցին։ Հակառակ պարագայում հնարավոր է ներգրավենք իտալական Կարոլինա Մոշչենի—Անդրեա Ֆաբրի զույգին։ Կարոլինայի պապը հայ է. դրանից ելնելով նա դիմել էր Հայաստանը ներկայացնելու խնդրանքով։ Նրանք արդեն մասնակցեցին մեր առաջնությանը եւ հնարավոր է հետագայում ներկայացնեն Հայաստանը։ Դա պարզ կլինի մինչեւ հուլիսի 1—ը։
—Ինչո՞վ էր պայմանավորված Անաստասիա Գալուստյանի բացակայությունը։
—Նա բավականին լավ մարզավիճակում է, բայց չկարողացավ ներկայանալ, քանզի առաջնությունից անմիջապես առաջ վախճանվել էր նրա պապիկը։
—Ինչպե՞ս են մեր առաջատարները շարունակելու նախապատրաստությունը։
—Հունիսին անցկացնելու ենք ընդհանուր ֆիզիկական պատրաստականության 20—օրյա ուսումնամարզական հավաք, իսկ օգոստոսից արդեն կորոշենք միջազգային մրցաշարերի մասնակիցներին եւ ժամանակացույցը։

Հրայր ՆԱԶԱՐՅԱՆ

07-05-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO