Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

06.06.2020
ԶԱՆԱԶԱՆ


Տիտղոսները երբեք չեն հոգնեցնում

«Ալաշկերտ» ֆուտբոլային ակումբը մայիսի 8—ին կայացած եզրափակիչ խաղում 1։0 հաշվով հաղթելով Վանաձորի «Լոռիին»՝ առաջին անգամ նվաճեց Հայաստանի գավաթը։ Թիմի գլխավոր մարզիչ Աբրահամ Խաշմանյանը «ՀՀ»—ին տված հարցազրույցում առանձնակի կարեւորեց այս հաջողությունը եւ հավաստիացրեց, որ մինչեւ վերջ պայքարելու են նաեւ երկրի չեմպիոնի կոչումը պաշտպանելու համար։
—Շնորհավորում ենք առաջին անգամ այս մրցանակը նվաճելու կապակցությամբ։ Ինչպիսի՞ հույզեր է առաջացնում այդ ձեռքբերումը։
—Շնորհակալ եմ։ Բնականաբար, շատ ուրախ ենք վերջապես Հայաստանի գավաթակիր դառնալու համար։ Շատ կարեւոր է, որ թիմը նվաճեց հերթական տիտղոսը։
—Հաշվի առնելով, որ ազգային առաջնությունում ձեր թիմն ընթանում է 4—րդ տեղում՝ սա նաեւ դիրքերը բարելավելու հոգեբանական խթան կլինի։
—Անշուշտ, քանի որ առաջնությունը դեռ շարունակվում է, ու տակավին դժվար է ասել, թե ինչպես կհանգուցալուծվի չեմպիոնի կոչման համար պայքարը։ Առաջին քառյակը կազմող թիմերի ցուցանիշներն այնքան խիտ են, որ անհնար է ենթադրել, թե վերջնարդյունքում նրանք ինչ հերթականությամբ կդասավորվեն մրցաշարային աղյուսակում։ Այս հաջողությունը կարեւոր է նաեւ այն առումով, որ միանգամից եվրագավաթին մասնակցելու իրավունք ստացանք։
—Ինչպե՞ս եք գնահատում եզրափակիչ խաղի ընթացքը։
—Գավաթային եզրափակիչները հազվադեպ չեն լինում ծանր։ Հանդիպման կարգավիճակն է տրամադրում անզիջում պայքարի։ Բացի այդ՝ հաշվետու խաղը շատ մեծ հետաքրքրություն եւ իրարանցում էր առաջացրել՝ հատկապես մեր մրցակցի ճամբարում։ Մի ամբողջ մարզ անհամբեր սպասում էր այդ խաղին, տարբեր ոլորտի մարդիկ սոցցանցերում ավելի էին բորբոքում հետաքրքրությունը սպասվող հանդիպման նկատմամբ եւ պատահական չէ, որ մարզադաշտում մեծ թվով երկրպագուներ էին հավաքվել։ Կարծում եմ, նման խաղերում կարեւոր նշանակություն ունի թիմի փորձը եւ նրա նախապատրաստությամբ զբաղվող մարդկանց հմտություններն ու գիտելիքները։ Մեզ հաջողվեց հստակ եւ ճիշտ պատրաստվել եզրափակիչ հանդիպմանը։
—Ամենից առաջ ինչի՞ն էիք ուշադրություն դարձրել վճռական խաղին պատրաստվելիս։
—Կարծում եմ, ցանկացած պրոֆեսիոնալ մարզիչ առաջին հերթին պետք է ուշադրություն դարձնի մրցակցի խաղին՝ առանձնացնելով նրա ուժեղ եւ թույլ կողմերը։ Մենք նույնպես վերլուծական աշխատանք էինք կատարել. իմ կարծիքով, մեր հաղթանակը տրամաբանական էր, քանի որ շատ ճիշտ էինք պատրաստվել։
—Մտավախություն չունե՞ք, որ գավաթը նվաճելու էյֆորիան Հայաստանի առաջնության ավարտից 5 տուր առաջ ձեր ֆուտբոլիստներին կարող է շեղել չեմպիոնի կոչումը պաշտպանելու նպատակից։
—Մեր թիմը միշտ հավակնոտ է եղել, ինչը ապացուցել է բազմիցս։ Երբեք չենք բավարարվել ձեռք բերածով ու միշտ ձգտել ենք նոր հաղթանակների։ Տիտղոսները երբեք չեն հոգնեցնում։ Հակառակը՝ դրանք խթանում են գրոհելու մյուս բարձունքները։ Թեպետ, Հայաստանում մեր ակումբն արդեն նվաճել է բոլոր գլխավոր մրցանակները, բայց տակավին ձգտում ենք առավելագույնին։
—Այսինքն՝ տրամադրվում եք դո՞ւբլ ձեւակերպելու։
—Արդեն ասացի, որ շատ բարձր ամբիցիաներ ունենք։ Իհարկե, մինչեւ վերջ պայքարելու ենք ոսկե մեդալների համար, բայց արդյունքը միայն մեզնից կախված չէ։ Չեմպիոնական արշավին մասնակցում է եւս երեք հավասարազոր թիմ, որոնք այս պահին որոշակի առավելություններ ունեն թե՛ միավորների, թե՛ խաղերի առումով։ Ամեն դեպքում, անելու ենք առավելագույնը։
—Առաջնությանը գրեթե անմիջապես հաջորդելու է Եվրոպայի լիգայի որակավորման մրցաշարը։ Պատրաստվո՞ւմ եք համալրել թիմը եւ արդյոք արդեն նշմարել եք հավանական նորեկներին։
—Բնականաբար կա նման մտադրություն։ Հիմա այդ հարցով զբաղվում են այլ մարդիկ։ Կետային ընտրության միջոցով կորոշենք, թե որ դիրքերն ենք ցանկանում ուժեղացնել եւ կներկայացնենք նրանց։ Շատ բան պարզ կլինի մրցաշրջանի ավարտին։

Հրայր ՆԱԶԱՐՅԱՆ

11-05-2019





06-06-2020
Երբ խոսում ենք գույքահարկի կտրուկ բարձրանալու մասին
Պետք է իրական պատկերը հասկանանք եւ զգացմունքային դաշտից ...


06-06-2020
Նա դարձել է մեր փոքր լինելու առասպելի մեծ հերքում
Դարձել է մեր փոքր ժողովրդին մեծերի հետ չափելու ...


06-06-2020
Հայաստանում հաստատվել է COVID-19-ի 547 նոր դեպք, առողջացել է 207, մահացել՝ 7 քաղաքացի
Հայաստանում հունիսի 6-ին, ժամը 11:00-ի դրությամբ հաստատվել է կորոնավիրուսային ...


06-06-2020
«Ուրախ սիրտը օգտակար է, ինչպէս դեղ...»
Առօրյա կյանքում հաճախ ենք հանդիպում անցանկալի երեւույթների, իրողությունների, որոնք ...


06-06-2020
Գլոբալացու՞մ, թե՞ ազգային ինքնության պահպանում
Արդի ժամանակաշրջանում մարդկության զարգացման հիմնական առանձնահատկությունը գլոբալիզացիայի որդեգրումն է։ ...


06-06-2020
Բնակապահովման խնդիրն ամբողջությամբ կլուծվի
Երկրաշարժի հետեւանքով անօթեւան մնացած ընտանիքներին բնակարանով ապահովելու նպատակով Լոռու ...


06-06-2020
Լիբիան Էրդողանի համար կդառնա՞ փրկօղակ
Թուրքիայում իշխող «Արդարություն եւ զարգացում» կուսակցության (AKP) եւ նախագահ ...



06-06-2020
Փաստահավաք հանձնաժողովը լինելու է անկախ, ինքնավար մարմին
Անցումային արդարադատության հիմքում՝ ...

06-06-2020
Համայնքը կզբաղվի իր բնակիչների էկոլոգիական կրթության հարցերով
Նոր լիազորություններ են տրվում տեղական ...

06-06-2020
Թուրքիան Ռուսաստանից մոտ 1 մլրդ դոլարի տեխնիկա է պատվիրել
Եթե նախկինում իրավիճակը բարդ էր, ապա այժմ ...

06-06-2020
Առաջին միլիարդատերը Ռոնալդուն է
Թուրինի «Յուվենթուսի» պորտուգալացի հարձակվող ...
USD
EURO
RUR
GEL
Եղանակը Երևանում
գիշերը +13... +15
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO