Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

20.08.2019
ԼՂՀ


Պատրաստվել է աշխարհի ամենամեծ ժենգյալով հացը

Հաթերքում սկզբնավորված փառատոնը դառնում է ավանդական

Պատմական Հաթերք գյուղում անցկացված ժենգյալով հացի 2-րդ փառատոնը, որ հավակնում է դառնալ ավանդական, գեղագիտական դրսեւորումների, մասնակիցների եւ տաղավարների թվաքանակով զգալիորեն գերազանցում էր նախորդ տարում կազմակերպված միջոցառման մակարդակը։ Այն նախաձեռնել էր «Էկոտուրիզմն Արցախում» հասարակական կազմակերպությունը՝ ԱՀ մշակույթի, երիտասարդության հարցերի եւ զբոսաշրջության նախարարության եւ Մարտակերտի շրջվարչակազմի աջակցությամբ։
«Փառատոնի նպատակն է հանրահռչակել ոչ նյութական մշակութային ժառանգության արժեքների պահպանումը, արմատավորել հարգանք ազգային ավանդույթների եւ սովորությունների, ազգագրական առանձնահատկությունների նկատմամբ, աշխարհին ճանաչելի դարձնել պատմական հուշարձաններով հարուստ Հաթերքի բնակավայրը, նրա անկրկնելի բնությունը եւ ստեղծարար, աշխատասեր մարդկանց, նպաստել էկոտուրիզմի զարգացմանն Արցախում»,–լրագրողների հետ ճեպազրույցի ժամանակ ասաց նախաձեռնող խմբի ղեկավար Սամվել Միրզախանյանը։
Միջոցառմանը ներկա էին պետական այրեր, համայնքների ղեկավարներ, հյուրեր Հայաստանից, մեծաթիվ զբոսաշրջիկներ՝ արտերկրից։ Ավելի քան 120 տաղավարներում հանրապետության ամենատարբեր բնակավայրերից շուրջ 500 ներկայացուցիչներ էին ներկայացել արցախյան խոհանոցի այցեքարտը համարվող համեղ ուտեստի փառատոնին, եւ նրանցից յուրաքանչյուրը ջանք էր թափում արժանապատվորեն հյուրասիրել ներկաներին, մասնավորապես՝ օտարերկրյա զբոսաշրջիկներին, որոնք ախորժակով համտես էին անում ժենգյալով հացը եւ փորձում գուշակել, թե Արցախում բուրումնավետ կանաչեղենի քանի տեսակ է աճում։ Նրանք միաժամանակ հնարավորություն ունեցան ծանոթանալու խորհրդանշական ուտեստի պատրաստման գաղտնիքներին եւ նրբություններին։ Դե, իհարկե, տաղավարներում էլ հյուրընկալություն էր կազմակերպվել, եւ սեղանները ծանրաբեռնված էին էկոլոգիապես մաքուր գյուղմթերքներով։ Հատկապես անպակաս էին թոնրահացն ու լավաշը, պանիրն ու թերթերուկը, ածիկն ու կորկուտը եւ փախլավան, թոնրի գաթան, խորովածը, ազգային մյուս ուտեստները՝ բազմատեսակ գինիներով եւ մրգահյութերով։
Փառատոնին առանձնակի շուք էին հաղորդում գեղարվեստական կոլեկտիվների ելույթները, որոնք ժամանել էին ինչպես Ստեփանակերտից, այնպես էլ Հայաստանից։ Միջոցառման ընթացքում անպակաս էին ազգագրական, հայրենասիրական երգերն ու պարերը, հյութեղ երաժշտությունը, որ հնչում էին ամենատարբեր համույթների կատարմամբ։ Իսկ ՀՀ վաստակավոր արտիստուհի Շուշան Պետրոսյանի եւ «Արցախի ձայներ» համույթի մենակատար Միքայել Գրիգորյանի (Միշայի) հրաշալի ելույթները կախարդել էին բոլորին։
Օրվա միջոցառումը նախորդից առանձնանում էր նրանով, որ Հադրութի արցախյան խոհանոցի հմուտ տիրուհիները պատրաստեցին աշխարհի ամենահսկա ժենգյալով հացը, որը պարունակում է կանաչեղենի 25 տեսակ եւ 3 մետր երկարություն ունի։
Ազգային այդ յուրահատուկ ուտեստով հադրութցիները հավակնում են գրանցվել Գինեսի գրքում:
Դավիթ ՄԻՔԱՅԵԼՅԱՆ
Ստեփանակերտ
Լուսանկարը՝ Ռ. ՍԱՐԳՍՅԱՆԻ

15-05-2019





01-08-2019
Ինչպե՞ս դառնալ ներդրող
Բնակելի շենքի կառուցապատման գործընթացից կարելի է շահույթ ստանալ ...


01-08-2019
«Աշխարհս առանց իշխանութեան չի կառավարուիր»
Մկրտիչ Ա Վանեցի Ամենայն հայոց կաթողիկոսը (1820–1907) համոզված էր, ...


01-08-2019
Հնարավոր չէ առանց պատժվելու այլասերել բառերը
Թադեւոս ԽԱՉԱՏՐՅԱՆ
t.khachatryan@hhpress.am


Կամյուին կարելի է համարել 20-րդ դարի ...


01-08-2019
Արեւայրուք ստանալ բակում «բուրդ չփխելո՞վ», թե՞ լողափին
Հանգստի ամեն տեսակ էլ կարող է լավագույնը լինել

Թամարա ...


01-08-2019
Թավշյա հեղափոխությունը բացառապես ներքին խնդիր էր
ՀՀ ԱԳ նախարար Զոհրաբ Մնացականյանի հարցազրույցը Մարշալի հիմնադրամին



01-08-2019
Թարմ մսի սպանդանոցային ծագման պահանջ՝ այսօրվանից
Տեսչական մարմինը մշտադիտարկում է սկսում հանրային սննդի կետերում

Արմենուհի ...


01-08-2019
Ժամանակ ու սերունդներ կապող մարդ-մշակույթ էր
ՀՀ ժողովրդական արտիստ, բեմադրիչ Երվանդ Ղազանչյանի վախճանը մեծ ...



01-08-2019
Եղիշե Չարենցը պաշտում էր Արեւելքը
Վաղը բանաստեղծի տուն-թանգարանում կբացվի ...

01-08-2019
Այվազովսկուց մինչեւ Սալվադոր Դալի
Ի՞նչ են սովորում ՀԱՊ-ի ամառային ...

01-08-2019
Արոտների ջրարբիացումից՝ ճանապարհների վերակառուցում
Ի՞նչ խնդիրներ են լուծվում Ամասիա ...

01-08-2019
Մեդալներն արդեն նշմարվում են
Եվրոպայի երիտասարդական առաջնությանը ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO