Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

13.08.2020
ԱՇԽԱՐՀ


Շուրջ մեկ տարի ընդմիջումից հետո բախումները վերսկսվել են

Երեկ Գերմանիայի, Բելգիայի եւ Քուվեյթի պահանջով ՄԱԿ-ի անվտանգության խորհուրդը արտահերթ նիստ է գումարել Սիրիայի հյուսիս-արեւմտյան շրջաններում տիրող իրավիճակի օրակարգով։ Արդեն շուրջ 10 օր է, ինչ հիշյալ տարածքներում բախումներ են տեղի ունենում։ Դամասկոսը հայտարարել է, թե բանակն ի պատասխան «Թահրիր ալ Շամ»՝ նախկին «Ալ Նոսրա» ահաբեկչական կազմակերպության բանակի դիրքերի վրա հարձակումների, ռազմական գործողություններ է սկսել Համայի ու Իդլիբի արվարձաններում։ Սակայն ինչպես նշում են ռազմական փորձագետները, այս պահի դրությամբ, ընթացող գործողությունների նպատակը ավելի շուտ բանակցություններում Դամասկոսի ու Ռուսաստանի դիրքերի էլ ավելի ամրապնդումն է, քան թե Իդլիբի ազատագրումը։ Հաշվի առնելով, որ Իդլիբի ազատագրումը բավականին ծանր ու դժվարին է լինելու, քանի որ ահաբեկչական խմբերի տասնյակ հազարավոր զինյալներ պատրաստ են հանուն իրենց վերջին ռազմաբազայի կռվել մինչեւ վերջին շունչը, հետեւաբար, կարելի է ենթադրել, թե բախումները մարդկային ու նյութական որքան մեծ կորուստների պատճառ են դառնալու։ Ուստի տրամաբանական է, որ ներկա դրությամբ Դամասկոսը բախումների շարունակմանը հակված չլինի, թեեւ Իդլիբի վրա վերահսկողությունը խիստ կարեւոր է, ինչը կնշանակի վերահսկել երկրի ողջ տարածքը։
Բնականաբար, Իդլիբի վրա վերահսկողության հնարավոր կորուստը խիստ մտահոգում է Թուրքիային, որը բազմիցս նախազգուշացրել է, մտավախություն հայտնելով այդ երկրում փախստականների թվի ավելացման առնչությամբ։ Սա այն դեպքում, երբ վերսկսված բախումները գլխավորապես պայմանավորված են Իդլիբում Թուրքիայի ստանձնած պարտավորությունները չկատարելով, ինչի մասին տարբեր առիթներով իր դժգոհությունն է հայտնել Ռուսաստանը, որի օդուժն այժմ արդեն աջակցում է Սիրիայի բանակին։ Մինչդեռ առ այսօր Իդլիբի հարցում ձեռնպահ էր մնում, հաշվի առնելով Թուրքիայի հետ ձեռք բերված համաձայնությունը։
2017թ. հունվարին Ռուսաստանի, Իրանի եւ Թուրքիայի մասնակցությամբ Աստանայում տեղի ունեցած բանակցությունների արդյունքում հաջողվեց Սիրիայի 4 նահանգները «բախումնազերծ» գոտի հայտարարել եւ հակամարտ ուժերի միջեւ բախումները կասեցնելու շուրջ համաձայնության գալ, որոնք վերահսկելու էին մասնակից երկրները։ Թուրքիայի սահմանակից Իդլիբ նահանգի հրադադարի վերահսկողությունը հանձնվեց Թուրքիային, որտեղ վերջինս 12 դիտակետ է ստեղծել եւ տեղակայել 1300 զինվորական։ Հետագայում աջակցող ուժերի օգնությամբ Սիրիայի բանակին հաջողվել է վերահսկողություն հաստատել երեք «բախումնազերծ» գոտիների վրա, որտեղից ահաբեկչական կազմակերպությունների մարտիկները տեղափոխվել ու կուտակվել են Իդլիբում, որը փաստորեն հակաիշխանական ուժերի վերահսկողության տակ գտնվող միակ նահանգն է։ 2018թ. ամռանը կառավարական ուժերը ռուսական օդուժի օժանդակությամբ Իդլիբում ոչնչացնելով ահաբեկիչներին՝ վերահսկողություն սահմանեցին նաեւ այս նահանգի վրա։ Սակայն Թուրքիան խիստ դեմ էր այդ քայլին, ինչի հետեւանք Իդլիբի հարցը դարձավ օրակարգային, որին նվիրված թեհրանյան եռակողմ գագաթնաժողովը անցավ ապարդյուն։ Սակայն սեպտեմբերի 17—ին Ռուսաստանի եւ Թուրքիայի նախագահներ Պուտինի եւ Էրդողանի Սոչիի հանդիպմանը կողմերը համաձայնության եկան՝ Իդլիբում իշխանությունների եւ ընդդիմության վերահսկողության տակ գտնվող տարածքների միջեւ 15 կմ խորությամբ անվտանգության գոտի ստեղծելու վերաբերյալ, ինչը ողջունեց նաեւ Արեւմուտքը, որը խիստ դեմ էր Իդլիբի վրա հարձակվելուն։
Անկարան եւս ձգտում է բանակցություններում հանդես գալ ամուր դիրքերից, որոնք ըստ նախատեսվածի տեղի են ունենալու ընթացիկ տարվա հուլիսին, ուստի թեեւ Սիրիայում նոր ռազմական գործողություններ իրականացնելու մասին լռում է, բավարարվելով բախումների առնչությամբ նախազգուշացումներով, սակայն միաժամանակ աշխատում է այլ ճակատներում։ Մայիսի 15—ին ԱԳ նախարար Չաուշօղլուն Սիրիայի նոր սահմանադրության կոմիտե ձեւավորելու հարցի շուրջ բանակցել է ընդդիմության պատվիրակության նախագահ Նասր ալ Հարիրիի հետ։ Սահմանադրության կոմիտեի հարցը առաջիկա բանակցությունների օրակարգի գլխավոր հարցն է լինելու։
Միջազգային հանրությունը, մասնավորապես շահագրգիռ երկրները խնդրո առարկա կոմիտեի 150 անդամին ընտրելու հարցում, որը կազմված է լինելու ընդդիմության, իշխանությունների ու քաղաքացիական հասարակության ներկայացուցիչներից, լուրջ ջանքեր են գործադրում։ Հատկանշական է, որ քաղաքացիական հասարակության կողմից ներկայացված 6 թեկնածուին կողմ էր Ռուսաստանը, սակայն դեմ հանդես եկավ ՄԱԿ—ը, եւ թվում էր, թե տարաձայնությունները կշարունակվեն, սակայն ինչպես մայիսի սկզբներին հայտարարել է Սիրիայի հարցերով ՄԱԿ—ի բանագնաց Պեդերսենը, ՄԱԿ—ի անվտանգության խորհրդում համաձայնություն է ձեռք բերվել՝ նրանց թեկնածությունը չեղարկելու։ Այլ կերպ ասած՝ բախումները շարունակվելու են, որոնք նաեւ առաջիկա բանակցություններով են պայմանավորված, մյուս կողմից շահագրգիռ կողմերը ձգտում են դրանցում հանդես գալ առավել ուժեղ դիրքերից։

Էմմա ԲԵԳԻՋԱՆՅԱՆ

18-05-2019





01-08-2020
682 դեպքով հրդեհների թիվը նվազել է
Սակայն հրդեհավտանգ իրավիճակը կպահպանվի նաեւ օգոստոսին եւ սեպտեմբերին



01-08-2020
Ադրբեջանի էթնիկ քարտեզը
Հայկական տարրը տեւապես եղել է Կովկասի մշակութային շարժիչ ...


01-08-2020
Հայաստանում հաստատվել է COVID-19-ի 291 նոր դեպք․ ապաքինվել է 560, մահացել 11 քաղաքացի
Հայաստանում օգոստոսի 1-ի դրությամբ` հաստատվել է կորոնավիրուսային հիվանդության ընդհանուր ...


01-08-2020
Հուշապատում
Բինգյոլը... Սեւանի ափին

Սեւանա կղզին Իսահակյանի ամենասիրելի վայրերից ...


01-08-2020
«Ամենատխուր մարդը» կամ անազատության ազատությունը
Վերարժեւորելով Պերճ Զեյթունցյանին եւ նրա ինքնատիպ գործերից մեկը՝ ...


01-08-2020
Հայաստանի «Ինտերկապը» 30 տարեկան է
ՀԽՍՀ ֆիզիկական կուլտուրայի եւ սպորտի պետական կոմիտեի նախագահ Ռուբեն ...


01-08-2020
Կալիսիրի ակումբը՝ Շվեդիայի գավաթակիր
Շվեդիայի ֆուտբոլային գավաթը 8-րդ անգամ նվաճեց «Գյոթեբորգը»։ Ակումբակիցների հետ ...



01-08-2020
Հայաստանում մեկնարկում է հիմնարար բարեփոխումների գործընթաց
68-97 տոկոսով կբարձրացվեն ոստիկանության ...

01-08-2020
ՀԱԷԿ-ում ՊՆՎ-ն ըստ ժամանակացույցի է եւ առանց խոչընդոտների
Հայաստանն ատոմակայանի շահագործման եզակի ...

01-08-2020
Պատմության հետագծով
–1921 թ. օգոստոսի 1-ին ծնվել է Լիլի Չուգասզյանը՝ ...

01-08-2020
Ինֆանտինոն արդեն մեղադրյալ է
Համաշխարհային ֆուտբոլը հերթական ապտակը ստացավ. ...
USD
EURO
RUR
GEL
Եղանակը Երևանում
գիշերը +20... +22
ցերեկը +36... +38

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO