Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

15.11.2019
ԱՇԽԱՐՀ


Լարվածություն, որը մտահոգում է միջազգային հանրությանը

Վերջին օրերին Վաշինգտոն-Թեհրան փոխադարձ մեղադրանքների փոխհրաձգություններն էլ ավելի սուր բնույթ են կրել, խիստ մտահոգել են միջազգային հանրությանը։
ՄԱԿ-ը, մտահոգություն հայտնելով ԱՄՆ-Իրան փոխհարաբերություններում լարվածության մեծացման եւ սուր «լեզվակռվի» առնչությամբ, կողմերին հորդորել է հանդարտություն ու զսպվածություն դրսեւորելով հեռու մնալ լարվածությանը նպաստող քայլերից։ ՄԱԿ-ի գլխավոր քարտուղարի խոսնակ Ստե ֆանի Դըյարիկը մայիսի 20-ին շեշտելով, թե ստեղծված իրավիճակը խիստ մտահոգել է գլխավոր քարտուղարին, նշել է, որ ՄԱԿ-ը պահանջել է զերծ մնալ խիստ, անավասարակշիռ հայտարարություններից, որոնք կողմերին հասցրել են բախումների շեմին։ Նա հավելել է, որ ՄԱԿ—ը կողմերի հետ բանակցում է, ջանքեր գործադրում իրավիճակը հանդարտեցնելու ուղղությամբ։
ԱՄՆ—ը, Իրանի դեմ տնտեսական տարաբնույթ սահմանափակումներին զուգահեռ, այդ երկրին մեղադրում է նաեւ Միջին Արեւելքում տեղի ունեցած դեպքերի համար։ Պետքարտուղար Մայք Պոմպեոն նախօրեին պաշտոնապես Թեհրանին ամբաստանել է Արաբական Միացյալ Էմիրությունների Ֆուջեյրա նավահանգստում 4 նավթատարի վրա հարձակումների համար, որոնք տեղի են ունեցել մայիսի 12—ին։ Այն դեպքում, երբ առ այսօր որեւէ անձ կամ կազմակերպություն չի ստանձնել դրա պատասխանատվությունը։ Իսկ Բաղադի «Կանաչ» թաղամասում՝ ԱՄՆ դեսպանության մոտակայքում, հրթիռի պայթյունից քիչ անց, ԱՄՆ նախագահ Դոնալդ Թրամփն սպառնաց ոչնչացնել Իրանին։
Մինչդեռ Իրաքի իրանամետ դիրքորոշում ունեցող շիա ուժերն ու հայտնի քաղաքական գործիչները խիստ դատապարտել են պայթյունը, շեշտել, թե դեմ են Իրան—ԱՄՆ պատերազմին՝ նախազգուշացրելով Իրաքը ռազմադաշտի վերածելու առնչությամբ։ Հատկանշական է, որ Իրանի դեմ ճնշումները մեծացնելով, Թրամփը միաժամանակ Թեհրանին առաջարկել է բանակցել ԱՄՆ—ի հետ եւ հույս է հատնել, որ դա շուտով տեղի կունենա։ Սակայն նման պայմաններում բանակցությունները թերեւս անհավանական են, քանի որ ոչ միայն Իրանի նախագահն ու ԱԳ նախարարն են դեմ արտահայտվել ստեղծված պայմաններում բանակցություններին, այլեւ երկրի ռազմաքաղաքական առաջին դեմք հանդիսացող հեղափոխության առաջնորդը, որի տեսակետները երկրի արտաքին քաղաքականության հարցում վճռորոշ են։
ԱՄՆ—Իրան փոխհարաբերությունների գերլարվածությունը մեղմելու եւ հնարավոր բախումը կանխելու նպատակով՝ ՄԱԿ—ից զատ ջանքեր են գործադրում նաեւ այլ երկրներ։ Քանի որ երկու երկրների միջեւ դիվանագիտական կապերը խզվել են դեռեւս 1979թ. նոյեմբերին, ուստի նրանց միջեւ երկխոսությունը հիմնականում տեղի է ունենում միջնորդ երկրների աջակցությամբ, իսկ այդ դերում հաճախ է հանդես եկել Օմանը։ Մայիսի 20—ին վերջինիս ԱԳ նախարարը չհայտարարված այցով ժամանել է Թեհրան, սակայն դրա նպատակի ու պատճառների մասին որեւէ տեղեկություն հայտնի չէ։ Հետեւաբար, մեկնաբանները չեն բացառում, որ դա միջնորդական առաքելություն է եղել։ Նշենք նաեւ, որ դեռեւս մայիսի 9—ին Ճապոնիայի կառավարության առաջին քարտուղար Յասուտուշի Նիշիմուրան հայտարարել էր, որ Տոկիոն հույս ունի, որ միջնորդելով՝ Իրանի ու ԱՄՆ—ի միջեւ կկարողանա պահպանել Իրանի ու գերտերությունների միջեւ ստորագրված համաձայնությունը, որի կողմնակիցն է Ճապոնիան։
Եվ, ահա, միջնորդական առաքելությամբ հանդես է եկել Իրաքը, որտեղ քաղաքական գործիչներն ու կազմակերպությունները խիստ մտահոգություն են հայտնել Իրան-ԱՄՆ հնարավոր բախումների առնչությամբ՝ շեշտելով, թե զարգացումների այդօրինակ ընթացքից այդ երկիրը լինելու է ամենաշատ տուժողներից։ Նախօրեին Իրաքի վարչապետ Ադել Աբդուլմահդին, չմանրամասնելով, հայտարարել է, որ ԱՄՆ-ի եւ Իրանի միջեւ լարվածությունը կասեցնելու նպատակով պատվիրակություններ է գործուղել Թեհրան ու Վաշինգտոն։ Միաժամանակ ընդգծել է, որ Իրաքում անխտիր բոլոր քաղաքական ուժերը դեմ են Իրան-ԱՄՆ հնարավոր բախումներին։ Այս առնչությամբ հավելենք նաեւ, որ Իրաքի խորհրդարանի կարեւոր խմբակցություններից մեկի՝ «Ազգային իմաստության», առաջնորդ Աամար ալ Հաքիմը դեռեւս մայիսի 19-ին հայտարարել էր, թե Իրաքն ի զորու է, կարող է եւ պետք է միջնորդի դեր կատարի Իրանի ու ԱՄՆ-ի միջեւ։ Նա, իրավիճակը Պարսից ծոցում պայթյունավտանգ գնահատելով, նախազգուշացրել է դրա անկանխատեսելի հետեւանքների մասին՝ ընդհուպ չբացառելով Երրորդ համաշխարհային պատերազմի բռնկումը։ Ի դեպ, Հաքիմը դրանից մի քանի օր առաջ հանդիպում էր ունեցել Բաղդադում ԱՄՆ գործերի ժամանակավոր հավատարմատարի հետ, ինչի ընթացքում կողմերը քննարկել են տարածաշրջանային մարտահրավերների, անվտանգության ու կայունության հարցերը։
Էմմա ԲԵԳԻՋԱՆՅԱՆ

23-05-2019





15-11-2019
Հետկանչի ինստիտուտի ներդրման անհրաժեշտությունը
Որքանով այն կնպաստի ուղիղ ժողովրդավարության ամրապնդմանը

Լուսինե ՄԽԻԹԱՐՅԱՆ
l.mkhitaryan@hhpress.am


Արդարադատության ...


15-11-2019
Նոր դասագրքերի հիմքում կդրվի քննական մտածողություն
Ո՞ր ուղղությամբ է փոխվում կրթական համակարգը

Լիանա ՍԱՐԳՍՅԱՆ
l.sargsyan@hhpress.am


Վերջին ...


15-11-2019
Հայոց գրականության երկու դարը եւ իր մեկնաբանը
Ակադեմիկոս Սերգեյ Սարինյանի ցանկությունների ցանկությունն էր՝ գրականագիտությունը տեսնել ...


15-11-2019
Դեռ ոչինչ պարզ չէ, երբ դիվանագիտությունը դրական ու լայն ժպիտով է
Սա պետք է դադար համարել եւ շարունակել պայքարը ...


15-11-2019
45.8 մլն եվրոյի վարկ՝ պակասուրդի ֆինանսավորմանը
Գործադիրը հավանություն տվեց համաձայնագրի ստորագրմանը

Արմենուհի ՄԵԼՔՈՆՅԱՆ
a.melqonyan@hhpress.am

Գործադիրը երեկվա ...


15-11-2019
Արտոնություններ ալյուրի եւ հագուստի արտադրության համար
Գործադիրը կայացրեց համապատասխան որոշումները

Արմենուհի ՄԵԼՔՈՆՅԱՆ
a.melqonyan@hhpress.am


«Պրոյեկտ ինտեր-ինվեստ» ընկերության ...


15-11-2019
Հայ քաղաքացիների ապագան Հայաստանում է
Աջակցություն կտրամադրվի Գերմանիայից կամավոր վերադարձած մեր հայրենակիցներին

Գերմանիայում ...



15-11-2019
Ադամ Սահակյանի անվան դպրոց՝ Արցախի Տանձուտում
Ազատագրված հողի վրա ապրող յուրաքանչյուր ...

15-11-2019
Անտրամաբանական պահանջներից մինչեւ «հուսադրող» մերժում
Աշխատատեղի մասին հայտարարությունը միշտ ...

15-11-2019
Հայաստանում առկա բարձր տնտեսական տրամադրությունը հույս է տալիս, որ 2020-ին կմեծացնենք տնտեսական աճի տեմպերը
Վարչապետ Նիկոլ Փաշինյանը մասնակցել է ...

15-11-2019
Երեկ պարտվեցինք, սպասենք այսօրվան
Մինչ Հայաստանի ֆուտբոլի ազգային հավաքականն ...
USD
EURO
RUR
GEL
Եղանակը Երևանում
գիշերը +18... +20
ցերեկը +25... +27

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO