Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

02.07.2020
ՍՈՑԻՈՒՄ


Առաջին փոքր քայլը նշմարվում է

Նվազագույն աշխատավարձը կարող է սահմանվել 63 հազար դրամ

ՀՀ Ազգային ժողովի «Իմ քայլը» խմբակցության պատգամավորներ Վարազդատ Կարապետյանն ու Բաբկեն Թունյանն առաջարկում են ամսական նվազագույն աշխատավարձը բարձրացնել 8 հազար դրամով՝ 55 հազար դրամի փոխարեն սահմանելով 63 հազար։ Սա նվազագույն աշխատավարձը կմոտեցնի նվազագույն սպառողական զամբյուղին։
Մեզ հետ զրույցում Վարազդատ Կարապետյանը ներկայացրեց արդեն շրջանառության մեջ դրված «Նվազագույն ամսական աշխատավարձի մասին» ՀՀ օրենքում փոփոխություններ կատարելու մասին օրենքի նախագծի նպատակն ու մանրամասները։
«Այդ 8 հազարն էական բան չի փոխելու շատ ընտանիքների համար, բայց գոնե աշխատավարձը մոտեցնում ենք նվազագույն սպառողական զամբյուղին, որ մարդն աշխատավարձով գոնե ինքն իրեն կարողանա նվազագույն կենսամակարդակ ապահովել։ Երբ նախընտրական հանդիպումներ էինք ունենում մարզերում, համայնքային ոչ առեւտրային կազմակերպությունների աշխատողների հետ, ամենակարեւոր բարձրացվող հարցը նվազագույն աշխատավարձի չափն էր։ Այդ հանդիպումների արդյունքում, նաեւ այն պատճառով, որ ստվերից ավելի շատ աշխատատեղեր են դուրս գալիս, որն ուղեկցվում է իրական աշխատավարձի չափն արտացոլելով, մենք հասկացանք, որ ժամանակն է նվազագույն ամսական աշխատավարձը բարձրացնել»,—ասաց Կարապետյանը։
Նախագծի նախնական տարբերակում քննարկել են նվազագույն աշխատավարձի չափը հասցնել մինչեւ 65 հազար դրամի, սակայն ինչպես Կարապետյանը նշեց՝ նման բարձրացման դեպքում փոխվելու էին գործակիցներ, այս իսկ պատճառով ընտրվեց 63 հազարի տարբերակը։ Կարապետյանի խոսքով՝ դա ընդամենն առաջին փոքր քայլն է։ Կարծում է, որ նվազագույն աշխատավարձը առաջիկա 4—5 տարիների ընթացքում պետք է առնվազն 120 հազար դրամ լինի, եւ այդ ուղղությամբ պատրաստվում է անընդհատ աշխատանք կատարել։
ՊԵԿ—ի տրամադրած տեղեկանքի համաձայն՝ 2019—ի մարտի դրությամբ հանրապետությունում մինչեւ 81 հազար 820 դրամ՝ ներառյալ հարկերը, աշխատավարձ ստացող լրիվ աշխատաժամանակով աշխատակիցների թիվը չի գերազանցում 45 հազարը, որից պետական ապարատում աշխատողներինը՝ 8 հազար 400, իսկ համայնքային ոչ առեւտրային կազմակերպություններում՝ 6 հազար։ Նախագծի ընդունման արդյունքում այդ մարդկանց աշխատավարձերը կբարձրանան միջինը 6 հազար 270 դրամով։ Փոփոխություններն իրականացնելու համար պետական բյուջեից կպահանջվի տարեկան շուրջ 840 մլն դրամի հավելյալ ծախս, իսկ համայնքների բյուջեից 392 մլն դրամի։ Ընդհանուր առմամբ, աշխատավարձին հատկացվող միջոցները մասնավոր եւ պետական հատվածներում կկազմեն շուրջ 3.46 մլրդ դրամ։
Պատգամավորի հավաստիացմամբ, սակայն, փոփոխությունն էական ազդեցություն չի ունենա պետական բյուջեի վրա։ «Բյուջետային համակարգից աշխատավարձ ստացող մարդկանց աշխատավարձը բարձրացնում ենք, բայց մասնավոր հատվածը եւս բարձրացնելու է աշխատավարձերը։ Եվ եկամտային հարկի ավելի մուտքագրումներով կփակվի պետական բյուջեի ծախսը»,—նշեց նա։
Պետական եւ մասնավոր հատվածներում աշխատավարձի բարձրացումը կկազմի 3.46 մլրդ դրամ, որից որպես եկամտային հարկ պետական գանձարան կվերադառնա 0.8 մլրդ դրամ՝ այնքան, որքան կկազմի պետական հատկացումը։ Բարձրացման արդյունքում կկրճատվի նաեւ պետական ու մասնավոր հատվածների աշխատավարձերի տարբերությունը։
Անդրադառնալով համայնքային բյուջեի վրա լրացուցիչ ծախսին՝ Կարապետյանը նշեց, որ վաղուց արդեն անհրաժեշտ է, որ մարդիկ համայնքներում նորմալ վարձատրվեն։ «Համայնքապետերը պետք է հրաժարվեն վատ պրակտիկայից՝ նվազագույն աշխատավարձով պահել աշխատողներ, որոնք հետագայում ընտրություններին պետք է ձայն ապահովեին։ Եվ նվազագույն աշխատավարձի աստիճանական աճը նաեւ ուղեկցվելու է այդ գործընթացով, որ ՏԻՄ—ը հասկանա՝ ավելի լավ է պահել մեկ նորմալ մասնագետ»,—նշեց նա։
Առաջարկվող նախագծով կավելանան նաեւ ժամավճարները։ Աշխատաժամանակի նորմալ՝ շաբաթը 40 ժամ տեւողության դեպքում մեկ ժամը կլինի 375 դրամ, իսկ կրճատ՝ 36 եւ 24 ժամ տեւողության դեպքում ժամը համապատասխանաբար 420 եւ 630 դրամ։
Կարապետյանը նշեց՝ եթե նախագիծը քննարկվի եւ ընդունվի, նվազագույն աշխատավարձի չափը բարձրացնելու նախաձեռնությամբ հանդես կգան ամեն տարի։ Նրա կարծիքով՝ նույնիսկ կգա ժամանակ, երբ նվազագույն աշխատավարձի չափ սահմանելու նպատակայնությունը կկորչի, քանի որ տնտեսության մեջ գնալով արտադրողականությունն ու աշխատավարձերն աճում են։ Սակայն այս պահին գտնում է, որ սոցիալական արդարության տեսանկյունից նպատակահարմար է բարձրացնել նվազագույն աշխատավարձի չափը։
Աննա ԳՐԻԳՈՐՅԱՆ

24-05-2019





02-07-2020
Առարկայական բանակցությունները հնարավոր են միայն խաղաղ պայմաններում
Հայկական օրակարգն ընդունելի է միջազգային գործընկերների համար

Նախօրեին ...


02-07-2020
Հայկական եւ ռուսական կողմերը միջուկային էներգետիկայի ոլորտում բնականոն աշխատում են
Սկսվում է մեծածավալ պլանային նախազգուշական վերանորոգումը

Հայկական ատոմակայանի ...


02-07-2020
Հայաստանում հաստատվել է COVID-19-ի 593 նոր դեպք․ ապաքինվել է 473, մահացել 6 քաղաքացի
Հայաստանում հուլիսի 2-ի ժամը 11:00-ի դրությամբ հաստատվել է կորոնավիրուսային ...


02-07-2020
Աստծուն հաճելի է քո մեջ տեսնել…
Աստված կամենում է, որ դու ունենաս ամուր հավատք։ Դու ...


02-07-2020
Եթե չպահպանենք կանոնները
Ապա համավարակը հաղթահարելը կդառնա գրեթե անհնար

«Հայաստանի Հանրապետություն» ...


02-07-2020
Ղեւոնդ Ալիշան 200
Աննման առաքինությունը

«Ծագե՜, Հայ հանճար, փայլե՛ բյուր բոցեր,
Իմանան ազգեր,
Թե ...


02-07-2020
Հայաստանում ծխելու դեմ պայքարն առանձնակի կարեւորություն ունի
Պետությունը ծխախոտ արտադրողներին կստիպի իրազեկել դրանց վնասակարության մասին ...



02-07-2020
2019 թ. արձանագրված 7.6 տոկոս տնտեսական աճը լավ պաշար է 2020-ի համար
Գործադիրն իր գործողություններով ...

02-07-2020
Էռնեստ Հեմինգուեյն ու հայերը
«Այստեղ վիճել են Հեմինգուեյն ու ...

02-07-2020
Անգելա Մերկելը կղեկավարի ԵՄ-ն
Եվրոպական երկրների կառավարությունների ...

02-07-2020
Մխիթարյանը մնում է «Ռոմայում». ի՞նչ կփոխվի մրցաշրջանի ավարտին
Իտալական «Ռոման» պաշտոնապես հայտարարել է Հենրիխ ...
USD
EURO
RUR
GEL
Եղանակը Երևանում
գիշերը +17... +19
ցերեկը +31... +33

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO