Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

30.10.2020
ԿՐԹՈՒԹՅՈՒՆ


Հայաստանը մասնակցում է TIMSS-ին

Բացահայտվում են կրթական խնդիրներ

Մաթեմատիկայի եւ բնագիտական առարկաների առաջադիմության միտումները ուսումնասիրվում են նաեւ Հայաստանում, կամ՝ մեր երկիրը TIMSS ծրագրի մասնակիցներից է։
TIMSS—ը 4—րդ եւ 8—րդ դասարանների երեխաների շրջանում չորս տարին մեկ անցկացվող հետազոտություն է՝ վերոնշյալ առարկաներից։ Հայաստանն առաջին անգամ մասնակցել է 2003—ին, հետո 2007թ., 2011թ., 2015թ.։ Հիմա էլ ընթանում են TIMSS 2019 աշխատանքները։ Փուլը քառամյա է։ TIMSS 2019—ը մեկնարկել է 2016—ին։ Կավարտվի մյուս տարի։ Այս տարի հիմնական փուլն է։ Ներառված 150 դպրոցներում քննությունն ավարտվել է։ Մասնակից երկրների համապատասխան բազան ներկայացնելուց հետո կսկսվի վերլուծությունը։ Իսկ 2020թ. ավարտին վերջնական արդյունքները կներկայացվեն հաստափոր գրքի տեսքով։
«Հետազոտության իմաստը մասնակից երկրի կրթական համակարգի թերությունները հայտնաբերելը, առավելությունները մատնանշելն է՝ համեմատության մեջ մասնակից մյուս երկրների հետ։ Իսկ մասնակից երկրների թիվը շուրջ 70 է»,–«ՀՀ»—ի հետ զրույցում ասաց ԳԹԿ փոխտնօրեն Արսեն Բաղդասարյանը։
ԳԹԿ փոխտնօրենի խոսքերով՝ բոլորը երկրի զբաղեցրած տեղով են հետաքրքրվում, բայց նախաձեռնության իմաստը դա չէ։ «Իմաստը ոչ թե ուրիշներին հաղթելն է, այլ նպատակ ունի... Օրինակ, երկրաչափությունից, ասում է՝ նորմալ է, հանրահաշվից վատ է, բնագիտությունն այսպես է, ֆիզիկան այնպես է։
Մեր պարագայում բնագիտական առարկաները մեզ մոտ խնդիր են։ Այդ առարկաների նկատմամբ հետաքրքրությունը պակասել է։ Նկատում ենք նաեւ, որ խնդիրների ձեւակերպումը մեր երեխաների համար անսովոր է»,–ասում է նա ու այդուհանդերձ նշում, որ մի քանի տարի միջին դիրքեր ենք զբաղեցրել, հիմա միջինից ավելի ցածր դիրքում ենք մյուս երկրների համեմատ։ Բաղդասարյանը միաժամանակ ընդգծում է, որ, օրինակ, Նորվեգիան ցածր տեղ է զբաղեցնում, ու տեղի իմաստով դա նրանց չի մտահոգում։ Ասում է՝ հասկանում են, որ դա ազդանշան է, որ ինչ—որ բան լավ չէ։ Սկսում են միջոցներ ձեռնարկել. «Սա դիագնոստիկա է, թերություններն է ցույց տալիս եւ շտկելով համակարգն առաջ է գնում»։
Իսկ թե մեր պարագայում արդյունքները որեւէ փոփոխություն ենթադրո՞ւմ են՝ Արսեն Բաղդասարյանը պատասխանում է, որ կրթական ծրագրերը նախատեսում են վերանայել. «Չէի ասի՝ միայն TIMSS—ի արդյունքների պատճառով, բայց նաեւ դրանք հաշվի առնելով։ Ես այսպես եմ հասկանում, որ միտումը ոնց որ թե խիստ ակադեմիականից առավել կիրառական, ավելի ստեղծագործ մտածելակերպի կողմն է գնում»։
Նա նկատում է, որ ծրագրում ներառված խնդիրները մի փոքր կյանքին են մոտեցված, իրավիճակային առաջադրանքներ են։ Մինչդեռ մեր աշակերտներն ավելի, այսպես ասած, ակադեմիական առաջադրանքների են սովոր՝ լուծել հավասարումը, պարզեցնել եւ այլն. «Իսկ դրանք շատ դեպքերում դասական իմաստով առաջադրանք չեն, որ սկսես լուծել։ Կարող է լինել նմանօրինակ հարց՝ երբ ավտոբուսում ինչ—որ մեկը հազա, ի՞նչ միջոց կձեռնարկես, որպեսզի դու էլ չհիվանդանաս։ Երեխաները սպասում են, ասենք, «x» լինի՝ տեղադրեն, մինչդեռ պետք է գրել, ենթադրենք, ավտոբուսից պետք է իջնել, ու խնդիրը լուծված է։ Չեն պատկերացնում, որ այդքան պարզ կարող է լինել։ Իսկ որտեղ հավասարումներ կան, մերոնք լավ էլ լուծում են»։
Մյուս կողմից էլ հետեւյալ խնդրի մասին է խոսում՝ միջառարկայական կապերը քարացած են եղել։ Ինչպես մեր զրուցակիցն է նկատում՝ ամեն առարկա իր նյութն է ուսումնասիրել, ու շատ դեպքերում կապերը չեն եղել, որ դա ուսումնասիրվում է, որպեսզի տվյալ իրավիճակում կիրառվի։
Թամարա ՄՈՒՐԱԴՅԱՆ

30-05-2019





29-10-2020
Արեւելյան նուրբ զրույցներ՝ արաբական աշխարհի հետ
Խորհրդային հայտնի «Անապատի սպիտակ արեւը» կինոֆիլմի բազում թեւավոր արտահայտություններից ...


29-10-2020
Հայը կռվում է շատերի համար, իսկ նրանց լռությունը սոսկ ինքնասպանություն է
Թուրքիան նետվում է Միջին Ասիա՝ պանթուրանական ծրագրերի հետեւից



29-10-2020
Ռուսաստանը Թուրքիայում, ի վերջո, կկառուցի՞ ատոմակայան
Ի՞նչ է ենթադրում «Akkuyu» ԱԷԿ նախագծային ընկերությունից «Ինտեր ՌԱՕ»-ի ...


29-10-2020
Թուրքական ռազմական ներկայությունը Հարավային Կովկասում եւ Ռուսաստանի համբերությունը
Լեռնային Ղարաբաղի հակամարտության գոտում պատերազմը նոր ձեւեր է ընդունում: ...


29-10-2020
Սե՞ր, թե՞ բարեկամություն...
Սկիզμը՝ նախորդիվ

Յակոբ Սամսոնովիչը նաեւ դարդիման էր, չափազանց ...


29-10-2020
Ով ինչ է անում եւ ինչ կարող է անել այսօր
Հասարակության դիմադրողականության ընկալումների ու դրսեւորումների մասին

Արվեստի ...


29-10-2020
«Եւ նա բռնեց այն վիշապին, այն առաջի օձին, որ է Բանսարկուն եւ սատանան, եւ կապեց նորան հազար տարի»
Յոթերորդ սկավառակի դատարկման ժամանակը եկավ, ինչը մեծ ողբի ավարտման ...



29-10-2020
ՌԴ-ն տարածաշրջանում միշտ եղել է կայունություն հաստատող պետություն
Ռուսաստանը տարածաշրջանում կայունություն ...

29-10-2020
Ջալալ Հարությունյանին շնորհվել է «Արցախի հերոս» բարձրագույն կոչում
Արցախի Հանրապետության նախագահ Արայիկ ...

29-10-2020
Բարեգործական համերգ՝ նվիրված Արցախին
Եվրոպայում ճանաչում վայելող մի շարք հայ արտիստներ, ...

29-10-2020
ՀԱԳՄ-ն կաջակցի զբաղվածությամբ ապահովմանը
Ադրբեջանա-թուրքական ռազմական ագրեսիայի հետեւանքով ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO