Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

13.12.2019
ԶԱՆԱԶԱՆ


Մարզիչը պատրաստվում է վերադառնալ

2015 թվականի վերջին պայմանավորված խաղեր կազմակերպելու մեղադրանքով ձեռբակալված Երեւանի «Ուլիս» ակումբի այն ժամանակվա գլխավոր մարզիչ Գագիկ Սիմոնյանը վերադառնում է ֆուտբոլային աշխատանքի։ Այդ մասին մարզիչն ինքը հայտնեց երեկվա ասուլիսում, նշելով, որ իր նկատմամբ հարուցված քրեական գործը կարճվել է, իսկ Հայաստանի ֆուտբոլի ֆեդերացիան պատրաստվում է վերականգնել նրա մասնագիտական արտոնագիրը։
Վերջին իրադարձությունները Գագիկ Սիմոնյանը կարեւորում է նախեւառաջ իր սասանված հեղինակությունը վերականգնելու տեսանկյունից։ «Ուրախ եմ, որ վերջապես արդարությունը հաղթեց, եւ կարողացա ապացուցել, որ ընդհանրապես չեմ առնչվել այդ ամենին։ Դրանով կարողացա ընկերներիս, ընտանիքիս, ինձ ճանաչողներին ապացուցել իմ անմեղությունը եւ մաքուր խղճով վերադառնալ ֆուտբոլ։ Այս ողջ պատմությունը տեւեց 3 տարի 5 ամիս, որի ընթացքում ամեն ինչ արեցի, որպեսզի ապացուցեմ իմ անմեղությունը։ Միայն ինքս գիտեմ, թե ինչ դժվարությունների միջով եմ անցել այդ ընթացքում։ Հասել էի կիսախելագարության աստիճանի»,–խոստովանեց նա։
Բանախոսը տեղեկացրեց, որ գործի կարճումից հետո Հայաստանի ֆուտբոլի ֆեդերացիան նույնպես վերանայել է դիրքորոշումն իր նկատմամբ։ «Մայիսի 24—ին ֆեդերացիայում հանդիպելով Արմեն Մելիքբեկյանին ու Արմեն Նիկողոսյանին՝ կոնկրետ ասացի, որ լիցենզիայիս հարցը չլուծելու դեպքում հացադուլ կսկսեմ շենքի առաջին հարկում։ Նույն օրը երեկոյան կարճատեւ զրույց ունեցա ֆեդերացիայի նախագահ Արթուր Վանեցյանի հետ։ Ասացի, որ ազգային անվտանգությունում իմ դեմ ցանկացած ապացույցի առկայության դեպքում պատրաստ եմ ստորագրել եւ գնալ 5 տարի նստել, որովհետեւ առնվազն այդքան պատժաժամկետ է նախատեսված։ Շնորհակալ եմ ֆեդերացիայի նախագահին, որ մեկ շաբաթից ինձ զանգահարեցին եւ ասացին, որ նրա կարգադրությամբ ինձ կտրամադրվի լիցենզիա»,–պատմեց մարզիչը։
Միաժամանակ, նա չհերքեց, որ խաղադրույքներ իրականում կատարվել են, բայց ոչ թե 1—3 հազար դոլարի շրջանառությամբ, ինչպես հայտարարվել էր նախկինում, այլ դրանց ծավալը հասել է շուրջ 2,5 մլն դոլարի։ «Այդ խաղադրույքները կատարվել էին այլ երկրներում։ Բայց, ՀՖՖ—ին ՈւԵՖԱ—ի հասցեագրված նամակում նշված է եղել 4—5 թիմի անուն։ Այդ դեպքում ինչու ամեն ինչ բարդվեց ինձ վրա։ Հիմա խիղճս հանգիստ է, բայց ավելի հանգիստ կլինի, եթե իմանամ, թե իրականում ով է կանգնած այդ ամենի հետեւում։ Եթե խաղադրույքներ կատարեի, ապա, հավատացեք, մի քանի ամսում 2—3 միլիոն դոլար կաշխատեի»,–հայտնեց Սիմոնյանը։
Ի դեպ, նշվեց, որ գործով անցնող մյուս մեղադրյալների («Ուլիս—2»—ի երկու ֆուտբոլիստների եւ ադմինիստրատորի) վերաբերյալ արդարացման վճիռ չի կայացվել, բայց նրանք նույնպես ազատության մեջ են։ «Դատարանն ինձ չի արդարացրել, այլ կարճել է գործը։ Մինչ այդ արդեն զրուցել էի Մելիքբեկյանի եւ ֆեդերացիայի փաստաբանի հետ, որպեսզի հասկանամ. արդյոք կարճման դեպքում կարո՞ղ եմ վերականգնել արտոնագիրս, թե՞ պետք է հասնեմ արդարացման վճռի։ Հնարավոր է, հասնելով արդարացման՝ նաեւ փոխհատուցում ստանայի, բայց այդ քայլին չեմ գնացել, որ շուտ պրծնեմ այս ամենից, քանի որ գործը կփոխանցվեր այլ ատյան եւ կձգձգվեր»,–պարզաբանեց Սիմոնյանը։
Այնուհանդերձ, նա մտադիր է մինչեւ վերջ պարզել գործի ստույգ հանգամանքները. «Իմ ուզածն այն է, որ պատժվեն իրական մեղավորները եւ ամեն ինչ անելու եմ դրա համար։ ՀՖՖ նախագահին բացատրել եմ, թե որտեղից, ինչ եւ ինչպես է եղել, իսկ մնացածը, կարծում եմ, իրենց որոշելիքն է»։
Սիմոնյանը տեղեկացրեց նաեւ, որ արդեն առաջարկ ունի Երեւանի «Արարատից»։ Գործը դեռ բանակցային փուլում է, սակայն մոտ է դրական հանգուցալուծմանը։ Առայժմ նրա արտոնագիրը միայն «Ա» կարգի է, ինչը ենթադրում է, որ մարզիչը չի կարող գլխավորել թիմը, բայց կարող է աշխատել օգնականի կարգավիճակով։ «Ճիշտ է, լիցենզիաս թույլ չի տալիս աշխատելու որպես գլխավոր մարզիչ, բայց պատրաստ եմ ամեն կերպ օգնելու թիմին՝ հասնելու ամենաբարձր որակների եւ մակարդակի։ Պայքարելու եմ, ամեն ինչ անելու եմ, որ ազատվեմ այս պիտակից։ Չեմ հպարտանում, որ արդարացվել եմ։ Կհպարտանամ, եթե թիմս չեմպիոն դառնա։ Ինքս մաքսիմալիստ եմ ու պայքարելու եմ մինչեւ վերջ»,–ամփոփեց մարզիչը։
Հավելենք, որ Գագիկ Սիմոնյանը 2015 թվականի դեկտեմբերի 24—ին կալանավորվել էր ՀՀ քրեական օրենսգրքի 201 հոդվածի հիման վրա։ Դրանից 6 ամիս անց ազատ էր արձակվել, սակայն դատավարությունը շարունակվում էր։
Ասուլիսին մասնակցում էր նաեւ ֆուտբոլային մեկնաբան Խաչիկ Չախոյանը, որը նշեց. «Մյուս մեղադրյալների մասով արդարացման որոշման մասին տեղեկություն չունեմ։ Միգուցե նրանք որոշել են չպայքարել իրենց անվան համար, որովհետեւ մեղավոր են։ Վերջապես եղել է հետաքննություն եւ ապացուցվել է, որ առաջին խմբի թիմում իրոք կատարվել են խաղադրույքներ։ Սիմոնյանի պարագայում կան հակառակ փաստարկները»։

Հրայր ՆԱԶԱՐՅԱՆ

31-05-2019





13-12-2019
Արդարացվա՞ծ է, արդյոք, պետության կողմից 131.4 մլն եվրո գումարի վարկ վերցնելը
Որ ուղղություններով կծախսվեն բյուջետային աջակցության համար տրամադրված գումարները

Լուսինե ...


13-12-2019
Ի՞նչ են փաստում վերջին միասնական քննությունները
Աշխատանք կատարելու անհրաժեշտություն կա հատկապես միջնակարգ դպրոցներում

Թամարա ՄՈՒՐԱԴՅԱՆ
t.muradyan@hhpress.am




13-12-2019
Աշխարհի վերաձեւման ընթացքը կփոփոխի նաեւ միջազգային կառույցները
Հայկական դիվանագիտության անելիքները՝ ԱՄՆ-ՌԴ հակամարտ եւ ԵՄ չեզոք ...


13-12-2019
Կրկին արտոնություններ ու կրկին միլիոնների
Արմենուհի ՄԵԼՔՈՆՅԱՆ
a.melqonyan@hhpress.am


«ԷՅ ԲԻ ՍԻ Տեքստիլ» սահմանափակ պատասխանատվությամբ ընկերությանը ...


13-12-2019
Կգար հայրենիք, եթե կարողանար ապրել այստեղ իր արվեստով
Լիանա ՍԱՐԳՍՅԱՆ
l.sargsyan@hhpress.am


Մեր հայրենակից, ֆրանսահայ ճանաչված տենոր Ռուբեն Էլբակյանը, ...


13-12-2019
Արեւելքի եւ հայ արվեստի մերձեցման գաղտնիքները
ՀԱՊ-ում բացվեց «Արեւելքը եւ հայ արվեստը» ցուցահանդեսը

Լիանա ՍԱՐԳՍՅԱՆ
l.sargsyan@hhpress.am



13-12-2019
Հանրակրթության նոր չափորոշիչները միտված են քննական մտածողության զարգացմանը
Հաջորդ ուսումնական տարում այն կփորձարկվի հանրապետության մարզերից մեկում

Լուսինե ...



13-12-2019
Բակունցն ընդունեց թումանյանական դավանանքը
Այն է՝ լեզվի գործին հաստատ ազգային դրոշմ ...

13-12-2019
Տարեվերջին մեդալները համալրվում են
Մրցաշրջանի վերջին օրերին հայ մարզիկները ...

13-12-2019
Զինծառայությունից խուսափածներին ժամկետ տրվեց մինչեւ դեկտեմբերի 31-ը
Պարտքը կատարածները չպետք է անարդար ...

13-12-2019
Առանց մեղադրական դատավճռի
Ապօրինի ծագում ունեցող գույքի ...
USD
EURO
RUR
GEL
Եղանակը Երևանում
գիշերը +1... +3
ցերեկը +7... +9

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO