Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

02.07.2020
ՆԵՐՔԻՆ ԿՅԱՆՔ


Ո՞րն է ոսկե միջինը

Դատական համակարգի խնդիրների լուծման փնտրտուքները շարունակվում են

«Վարչական ու սնանկության դատարանները մասնագիտացված դատարաններ են։ Մենք ունենք մասնագիտացված դատարաններ ստեղծելու հնարավորություն։ Իսկ հակակոռուպցիոն դատարանը, ենթադրվում է, որ քննելու է կոռուպցիոն հանցագործությունները»,—«ՀՀ»—ի հետ զրույցում նկատեց ԱԺ պետական—իրավական հարցերի մշտական հանձնաժողովի անդամ Սիսակ Գաբրիելյանը՝ անդրադառնալով ՀՀ վարչապետի երեկ հնչեցրած՝ հակակոռուպցիոն դատարան ստեղծելու մասին մտքին։
Նրա կարծիքով, մասնագիտացված դատարանի ստեղծումը կլուծի նաեւ բեռնաթափման խնդիրը։ «Բոլորս էլ հասկանում ենք, որ հատկապես հեղափոխությունից հետո հայցերը, դիմումները իրավապահ մարմիններում ավելացել են, որովհետեւ հասարակության շրջանում վստահությունն է ավելացել։ Հասկանում են, որ նախկին գործոնները չկան, եւ սկսում են նոր դիմումներ ներկայացնել։ Դրանք ծանրաբեռնել են դատարանների գործը։ Այսօր, օրինակ, դատավարություններ կան, որոնց հաջորդ նիստը կարող է տեղի ունենալ 2 ամիս հետո։ Ինքնս այս պահին դեռ տուժողի կարգավիճակում եմ՝ լրագրողական գործունեության տարիներին բռնության ենթարկվելու գործով։ Իմ նիստը տեղի է ունենում, ենթադրենք, 2 կամ 3 ամիսը մեկ։ Երբ դատավորից հետաքրքրվում ես՝ ինչու ավելի արագ չի լինում, պարզապես ցույց է տալիս մատյան ասվածն ու ընդգծում ծանրաբեռնվածությունը։ Այնպես որ, ստեղծվելիք կոռուպցիոն դատարանն այդ մասով, կարծում եմ, նաեւ կթեթեւացնի»,—նշեց պատգամավորը՝ խոսելով նաեւ դատավորների աշխատավարձի բարձրացման մասին։
Ասում է՝ իր գնահատականը հետեւյալն է՝ եթե մարդը կաշառակեր է, աշխատավարձը շատ քիչ դերակատարություն ունի։ Բայց միաժամանակ ընդգծում է՝ չի կարելի բացառել նաեւ, որ աշխատավարձը էական նշանակություն ունի։
Նա առաջ է քաշում նաեւ մեկ այլ տարբերակ՝ դատավորներին տրվող այլ երաշխիքներ. «Օրինակ, կարող են լինել պարզապես դատավորի ընտանիքի անդամներին տրվող սոցիալական երաշխիքներ։ Այսինքն՝ տրամաբանական կետի պետք է գանք, որ հասկանանք՝ դա այն ոսկե միջի՞նն է, որ դատավորը իրեն արժանապատիվ կզգա ստացած աշխատավարձով, եւ որով հնարավորինս կմեղմվեն կոռուպցիոն երեւույթները»։
Ի պատասխան հարցի, թե ինչու է երբեմն զանգվածային ընկալման մեջ հոլովվում այն միտքը, որ երկրի ղեկավարը միջամտում է դատական գործերին, եւ ոլորտում որեւէ որոշման դեպքում վեկտորներն ուղղվում են վարչապետի ուղղությամբ՝ մեր զրուցակիցն ասաց. «Ես շփվում եմ մարդկանց հետ, եւ այս թեման մի քանի ծալքեր ունի՝ մի մասը, եթե ոչ հասարակության մեծամասնությունը, ասում է՝ բայց ինչո՞ւ վարչապետը չի խառնվում, թող լավ էլ խառնվի։ Բա ինչո՞ւ ենք ընտրել։ Թող վարչապետն ասի՝ սրան էլ բռնեն, նրան էլ բռնեն։ Քննադատության դեպքում մի կողմը չի ընկալում, որ վարչապետը չի միջամտում, մյուս կողմն էլ ընկալում է, բայց ընդունելի չէ իր համար»։
Երկրորդ տարբերակի դեպքում, Ս. Գաբրիելյանը նշում է, որ անելիքը հստակ է։ Մարդկանց իրավագիտակցությունն է պետք բարձրացնել. «Կլինի Նիկոլ Փաշինյանը, թե մեկ այլ վարչապետ, միեւնույնն է, ընդունելի չէ, չարիք է պետության համար, եթե մեկ անձը պետք է որոշի, թե դատավորներն ում պատժեն, ում չպատժեն»։
Գաբրիելյանը նկատում է՝ անելիքը շատ է, ու դրա լավագույն դրսեւորումը դատարանները բարեփոխելն է, դատավորներին հեղինակավոր դարձնելն է, որպեսզի դատարանում հայցվորի կամ պատասխանողի կարգավիճակ ունեցող քաղաքացիները զգան՝ իրենց գործը քննող դատավորը ոչ թե պատժող կամ կաշառակեր անձնավորություն է, այլ գործը քննող մարդ է, որը վեճն է քննում։
«Դա շատ բարդ ճանապարհ է, բայց լավ է, որ վարչապետը կամ որեւէ մեկ այլ անձնավորություն չի խառնվում դատական գործերին ու այդ մասին բացահայտ հայտարարվում է։ Գուցե դժգոհություններ են լինում՝ ինչու չեք խառնվում, ձեզ ընտրել ենք, դուք էլ պետք է ասեք, բայց նաեւ վարկանիշի կորստի հաշվին, ամեն ինչ պետք է անել, որպեսզի կայանա այնպիսի դատական համակարգ, որը բացարձակապես անկախ կլինի թե՛ վարչապետից, թե՛ Ազգային ժողովից եւ թե՛ գումարային շահից կամ քաղաքական կապեր ունեցող անձնավորություններից»,—ընդգծեց իշխող ուժի ներկայացուցիչը։
Թամարա ՄՈՒՐԱԴՅԱՆ

06-06-2019





02-07-2020
Առարկայական բանակցությունները հնարավոր են միայն խաղաղ պայմաններում
Հայկական օրակարգն ընդունելի է միջազգային գործընկերների համար

Նախօրեին ...


02-07-2020
Հայկական եւ ռուսական կողմերը միջուկային էներգետիկայի ոլորտում բնականոն աշխատում են
Սկսվում է մեծածավալ պլանային նախազգուշական վերանորոգումը

Հայկական ատոմակայանի ...


02-07-2020
Հայաստանում հաստատվել է COVID-19-ի 593 նոր դեպք․ ապաքինվել է 473, մահացել 6 քաղաքացի
Հայաստանում հուլիսի 2-ի ժամը 11:00-ի դրությամբ հաստատվել է կորոնավիրուսային ...


02-07-2020
Աստծուն հաճելի է քո մեջ տեսնել…
Աստված կամենում է, որ դու ունենաս ամուր հավատք։ Դու ...


02-07-2020
Եթե չպահպանենք կանոնները
Ապա համավարակը հաղթահարելը կդառնա գրեթե անհնար

«Հայաստանի Հանրապետություն» ...


02-07-2020
Ղեւոնդ Ալիշան 200
Աննման առաքինությունը

«Ծագե՜, Հայ հանճար, փայլե՛ բյուր բոցեր,
Իմանան ազգեր,
Թե ...


02-07-2020
Հայաստանում ծխելու դեմ պայքարն առանձնակի կարեւորություն ունի
Պետությունը ծխախոտ արտադրողներին կստիպի իրազեկել դրանց վնասակարության մասին ...



02-07-2020
2019 թ. արձանագրված 7.6 տոկոս տնտեսական աճը լավ պաշար է 2020-ի համար
Գործադիրն իր գործողություններով ...

02-07-2020
Էռնեստ Հեմինգուեյն ու հայերը
«Այստեղ վիճել են Հեմինգուեյն ու ...

02-07-2020
Անգելա Մերկելը կղեկավարի ԵՄ-ն
Եվրոպական երկրների կառավարությունների ...

02-07-2020
Մխիթարյանը մնում է «Ռոմայում». ի՞նչ կփոխվի մրցաշրջանի ավարտին
Իտալական «Ռոման» պաշտոնապես հայտարարել է Հենրիխ ...
USD
EURO
RUR
GEL
Եղանակը Երևանում
գիշերը +17... +19
ցերեկը +31... +33

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO