Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

19.06.2019
ԼՂՀ


Նաեւ հանգիստ՝ բերդաքաղաք Շուշիում

«Կոնիֆա»-ի ֆուտբոլիստները հիացած են արցախյան հյուրասիրությամբ

Ֆուտբոլային խաղերի ընդմիջման առիթը երեկ արդյունավետ եւ նպատակասլաց են օգտագործել «Կոնիֆա—2019»—ի առաջնության մասնակից թիմերը՝ նախընտրելով իրենց հանգիստն անցկացնել բերդաքաղաք Շուշիում։ Նրանք այցելել են եկեղեցիներ, ծանոթացել քաղաքի տեսարժան վայրերին ու պատմական հուշարձաններին, շրջել նորոգ ու բարեկարգ փողոցներով ու զրուցել բնակիչների հետ, հետաքրքրվել Շուշիի անցյալով ու ներկայով։
Հյուրերին հատկապես հետաքրքրել է «Քանդակների քաղաքը», ուր ամեն տարի անցկացվում է քանդակագործների միջազգային սիմպոզիում, եւ լավագույն ստեղծագործություններն իրենց մշտական տեղն են գտնում առանձնացված հարթակում։ Ու եթե այստեղ նրանց ավելի շատ գրավել են ճանաչված արվեստագետ Ռոբերտ Ասկարյանի քանդակները, ապա կերպարվեստի թանգարանում հարուստ հավաքածուի մեջ մարզիկների ուշադրությունն առավելապես սեւեռվել է երջանկահիշատակ տաղանդավոր գեղանկարիչ Սամվել Գաբրիելյանի կտավների («Մայրը», «Հրեշտակը», «Ոտնահարված սրբությունը» եւ այլն) վրա։ Թանգարանի պատմության հավաքածուի մասին հյուրերին տեղեկություններ է հաղորդել թանգարանի տնօրեն, արվեստագիտության թեկնածու Լուսինե Գասպարյանը։
Ճեպազրույցի ժամանակ կիսելով հարուստ ցուցանմուշներից ստացած իր տպավորությունները, Աբխազիայի հավաքականի սպորտային մեկնաբան Ալխաս Մանարգիսն իր հիացմունքն է հայտնել թանգարանում ցուցադրվող քանդակների եւ կտավների բարձրարվեստ գործերի նկատմամբ՝ ընդգծելով, թե «հայկական նկարչական արվեստը միշտ էլ աչքի է ընկել երեւույթների, բնաշխարհի գեղագիտական յուրահատուկ ընկալումներով ու կենսափիլիսոփայությամբ եւ էներգիա հաղորդել արվեստասերներին»։ Նրա հավաստմամբ, նման զգացումներ է ինքն ունեցել՝ դիտելով հինգ տասնյակից ավելի գեղանկարիչների եւ քանդակագործների ստեղծագործությունները։ «Այս օրերին ես եւ ընկերներս բազմաթիվ շփումներ ունեցանք մարդկանց հետ ու ավելի համոզվեցինք, որ արցախցիները բարի ու մարդամոտ, աշխատասեր եւ հյուրասեր են անչափ։ Շատ են սիրում իրենց հայրենիքը, հրաշքների երկիր Արցախը, որի ազատագրության համար իրենց կյանքն են զոհել հազարավոր հայորդիներ,–ասաց Ա. Մանարգիսը։–Ամեն ինչ մեզ համար հոգեհարազատ է, ու այստեղ, իրոք, զգում ենք բարեկամների շրջապատում, ինչպես սեփական օջախում»։
Աբխազիայի օլիմպիական կոմիտեի նախագահ Վալերի Աշբան իր հիացմունքն արտահայտելով առաջնության հանդիսավոր բացման արարողության, աննախադեպ տոնախմբությունների վերաբերյալ, նշեց, թե չնայած արցախցիները միջազգային նմանատիպ մարզական մեծածավալ միջոցառում կազմակերպելու փորձ չունեն, սակայն հաջողվել է հրաշալի տոն կազմակերպել. «Մրցաշարի մասով եւս ամեն ինչ գերազանց է ծրագրված։ Գոհ են թե՛ ֆուտբոլիստները եւ թե՛ երկրպագուները, որոնց ակտիվ մասնակցությունը խաղերին ոգեւորություն է հաղորդում մարզիկներին։ Հայերն ու աբխազները բարեկամ ժողովուրդներ են, եւ գիտենք, թե ինչպիսի զրկանքներ եւ կորուստներ է կրել Արցախի բնակչությունը։ Տեւական խաղաղություն եւ բարգավաճում եմ մաղթում իմ բարեկամ արցախցիներին։ Իսկ Շուշի մտադիր եմ էլի այցելել, հերթական անգամ արդեն ընտանիքով»։
Բերդաքաղաքից ստացած տպավորությունները չթաքցրեց նաեւ Պադանիայի ֆուտբոլի հավաքականի անդամ Անդրե Ռուտեն, ում հավաստմամբ, «Շուշի այցելողը կերազեր եւս մի անգամ բարձունքին թիկնած քաղաք այցելել եւ հմայվել նրա հրաշալիքներով»։ Արցախին հրաժեշտ տալուց առաջ նա ցանկություն հայտնեց նաեւ մի անգամ «Հունոտի կիրճ» իջնել ընկերների հետ եւ վայելել «Հովանոցների» ու տեսարժան մյուս վայրերի անկրկնելի գեղեցկությունը։ Բարձունքից ընկերների հետ դիտելով կիրճը, նա առաջարկեց հիշատակի համար միասին լուսանկարվել։ Եվ ուրախ բացականչություններ լսվեցին. «Լոխ լավա»։
Շուշիում հյուրընկալողների շարքում էր նաեւ Եվրոպայի անկախ ֆուտբոլային ասոցիացիաների կոնֆեդերացիայի նախագահ Պեր Անդերս Բլինդը, ով խոստովանեց, թե իրենք «սովորաբար նման առաջնություններ չեն կազմակերպում այն տարածաշրջաններում, որտեղ պատերազմի վտանգ կա, եւ կարող են հարցեր առաջանալ»։ Սակայն խանդավառված եկել են Արցախ՝ ակնկալելով տեւական խաղաղություն եւ կայունություն։ «Այստեղ մենք միմիայն լավատես, իրենց լուսավոր ապագային հավատացող մարդիկ տեսանք։ «Կոնիֆան» միավորող խաղաղասեր կազմակերպություն է, ու Արցախում գնահատում են այդ արժեքները, պայքարում ազատության եւ անկախության համար»,– ասաց նա։
Զովն ընկել էր արդեն, երբ բերդաքաղաքից ներքեւ՝ պապենական թթենու այգում, արցախյան խոհանոցի համեղ ճաշատեսակներով եւ հյութերով տոնական սեղան բացվեց հյուրերի պատվին եւ բաժակ բարձրացվեց խաղաղության համար։
Դավիթ ՄԻՔԱՅԵԼՅԱՆ
Ստեփանակերտ

07-06-2019





19-06-2019
Ադրբեջանական կողմը հարվածներ է ուղղում նաեւ Ռուսաստանին
ՀՀ ԱԺ պատվիրակները ՆԱՏՕ-ի ԽՎ-ում հանդես կգան սեփական ...


19-06-2019
Փոքր, աննշան, բայց կարեւոր քայլերով
Բանակցային գործընթացը նվազեցնում է առճակատման ռիսկերը

Լուսինե ՄԽԻԹԱՐՅԱՆ
l.mkhitaryan@hhpress.am


ԵԱՀԿ ...


19-06-2019
Առաջին հերթին՝ որպես համազգային վստահության ինստիտուտ
ՀՀ նախագահի ելույթը հիմնադրամի հոգաբարձուների խորհրդի եւ տեղական ...


19-06-2019
Հիմնադրամը պետք է դառնա մեր համազգային բյուջեն
Նիկոլ Փաշինյանի ելույթը «Հայաստան» համահայկական հիմնադրամի 28-րդ համատեղ ...


19-06-2019
Ատամնաբուժարան, բուժկետ, աղի քարանձավ
Մարի Իզմիրլյանի անվան մանկատունը նոր շունչ է ստանում



19-06-2019
Ի՞նչ են գրում, ինչպե՞ս են գրում
Ժամանակակից գրականության դիմապատկերի ուրվագծերը

Լիանա ՍԱՐԳՍՅԱՆ
l.sargsyan@hhpress.am


Երիտասարդ ստեղծագործողները վերջին ...


19-06-2019
Հերթը հաջորդինն է
Օտար լեզուների քննական արդյունքները հայտնի են

Թամարա ՄՈՒՐԱԴՅԱՆ
t.muradyan@hhpress.am


Հունիսի ...



19-06-2019
Լեւոն Անանյան
Ոչ միայն մարդկային, այլեւ ...

19-06-2019
Դել Բոսկեն գաղտնիքներ չբացեց
Մանկապատանեկան մարզադպրոցների զարգացում, ուժեղ ...

19-06-2019
Նիկոլ Փաշինյանը հյուրընկալել է անվանի գիտնական Ռեյմոնդ Դամադյանին
Վարչապետ Նիկոլ Փաշինյանը հյուրընկալել է հայազգի ...

19-06-2019
Ներկայացվել է ՊԵԿ 2020-2024 թթ. ռազմավարական գործունեության ծրագրի նախագիծը
Վարչապետ Նիկոլ Փաշինյանի մոտ փոխվարչապետների, ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO