Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

13.08.2020
ՏՆՏԵՍՈՒԹՅՈՒՆ


Կենսական նշանակության 450 կմ ճանապարհ կվերանորոգվի

Ծրագիրը երկարաձգվում է մինչեւ 2021թ. վերջ

Կառավարության երեկվա նիստի չզեկուցվող հարցերի շարքում կար մեկը, որ վերաբերում էր մեր երկրի համար կենսական նշանակության ճանապարհային ցանցին։ Հավանության արժանացավ այդ ցանցի բարելավման ծրագրի լրացուցիչ ֆինանսավորման վարկային համաձայնագրի թիվ 2 փոփոխության ստորագրման առաջարկը։ Ֆինանսների նախարարը պետք է կազմակերպի միջազգային պայմանագրի ստորագրումը։ Ընդհանուր հարցը տարածքային կառավարման եւ ենթակառուցվածքների նախարար Սուրեն Պապիկյանի գործառույթում է։
Ու քանի որ խոսքը ճանապարհային ցանցի մասին է, մեզ հետաքրքիր էր Հակոբ Արշակյանի կարծիքը, ով կառավարության կառուցվածքային փոփոխություններից առաջ տրանսպորտի, կապի եւ տեղեկատվական տեխնոլոգիաների նախարարն էր (այժմ՝ բարձր տեխնոլոգիական արդյունաբերության նախարարը)։
Նա «Կենսական նշանակության ճանապարհային ցանցի բարելավման ծրագրի լրացուցիչ ֆինանսավորում» վարկային համաձայնագրի թիվ 2 փոփոխության» նախագծի մասին եզրակացություն էր տվել, որտեղ նշել էր, որ փոփոխության անհրաժեշտությունը պայմանավորված է ցանցի բարելավման ծրագրի 2—րդ լրացուցիչ ֆինանսավորման համար վարկի ներգրավմամբ։
Կենսական նշանակության ճանապարհային ցանցի բարելավման ծրագրի լրացուցիչ ֆինանսավորում ծրագիրը սկսվել է 2015թ.։ Այդ ժամանակից մինչեւ 2019թ. մարտ ամիսը վերականգնվել են շուրջ 102 կմ ընդհանուր երկարությամբ կենսական նշանակության ճանապարհներ։ 2019թ. հայտարարվել է ծրագրի 3—րդ տարվա վերականգնման ենթակա ճանապարհների շինարարության մրցույթը։
Հակոբ Արշակյանի եզրակացության համաձայն, նոր ծրագիրը հետապնդելու է նույն նպատակը, ինչ գործողը, սակայն կատարվում են որոշ փոփոխություններ ու լրացումներ։ Օրինակ՝ ծրագիրը կշարունակի պահպանել ներկայիս երկու բաղադրիչները, սակայն կընդլայնվի՝ ներառելով 3—րդ՝ արտակարգ իրավիճակներում արձագանքման բաղադրիչը։
Ծրագրի փակման ժամկետն էլ կփոխվի՝ 2019թ. դեկտեմբերի 30—ից կերկարաձգվի մինչեւ 2021թ. դեկտեմբերի 30—ը։ Վերականգնվող ճանապարհների ընդհանուր երկարությունը նախատեսվել է 450 կմ։
Նաեւ որոշակի փոփոխություններ են եղել ճանապարհային երթեւեկության անվտանգության ծրագրի իրականացում բաժնում՝ ներառելով ճանապարհային ոստիկանության անձնակազմի համար ճանապարհային անվտանգության կառավարման մասով տեխնիկական աջակցության եւ վերապատրաստման ծրագրերի տրամադրման հանձնառությունը։
Ֆինանսների նախարար Ատոմ Ջանջուղազյանը խոսել է լրացուցիչ ֆինանսավորման վարկային համաձայնագրի թիվ 2 փոփոխությամբ պայմանավորված՝ Հայաստանի վրա դրվող ֆինանսական պարտավորությունների մասին։ Ըստ այդմ, «Հայաստանի համար առկա են ֆինանսական պարտավորություններ նախատեսող դրույթներ պարտավորության վճարների գծով՝ վարկի չմասհանված գումարի տարեկան 0.25 տոկոս դրույքաչափով»։
ԱԳ նախարարի տեղակալ Գրիգոր Հովհաննիսյանի եզրակացությունից էլ տեղեկանում ենք, որ ԱԳՆ—ն դեմ չէ այդ փոփոխությանը, քանզի ծրագրի շարունակականությունը ապահովելու նպատակով է։
Ծրագրով նախատեսվել էր Հայաստանին տրամադրել 40 մլն դոլարի չափով վարկ՝ ընտրված կենսական նշանակության ճանապարհները բարելավելու համար։
Արմենուհի ՄԵԼՔՈՆՅԱՆ

07-06-2019





01-08-2020
682 դեպքով հրդեհների թիվը նվազել է
Սակայն հրդեհավտանգ իրավիճակը կպահպանվի նաեւ օգոստոսին եւ սեպտեմբերին



01-08-2020
Ադրբեջանի էթնիկ քարտեզը
Հայկական տարրը տեւապես եղել է Կովկասի մշակութային շարժիչ ...


01-08-2020
Հայաստանում հաստատվել է COVID-19-ի 291 նոր դեպք․ ապաքինվել է 560, մահացել 11 քաղաքացի
Հայաստանում օգոստոսի 1-ի դրությամբ` հաստատվել է կորոնավիրուսային հիվանդության ընդհանուր ...


01-08-2020
Հուշապատում
Բինգյոլը... Սեւանի ափին

Սեւանա կղզին Իսահակյանի ամենասիրելի վայրերից ...


01-08-2020
«Ամենատխուր մարդը» կամ անազատության ազատությունը
Վերարժեւորելով Պերճ Զեյթունցյանին եւ նրա ինքնատիպ գործերից մեկը՝ ...


01-08-2020
Հայաստանի «Ինտերկապը» 30 տարեկան է
ՀԽՍՀ ֆիզիկական կուլտուրայի եւ սպորտի պետական կոմիտեի նախագահ Ռուբեն ...


01-08-2020
Կալիսիրի ակումբը՝ Շվեդիայի գավաթակիր
Շվեդիայի ֆուտբոլային գավաթը 8-րդ անգամ նվաճեց «Գյոթեբորգը»։ Ակումբակիցների հետ ...



01-08-2020
Հայաստանում մեկնարկում է հիմնարար բարեփոխումների գործընթաց
68-97 տոկոսով կբարձրացվեն ոստիկանության ...

01-08-2020
ՀԱԷԿ-ում ՊՆՎ-ն ըստ ժամանակացույցի է եւ առանց խոչընդոտների
Հայաստանն ատոմակայանի շահագործման եզակի ...

01-08-2020
Պատմության հետագծով
–1921 թ. օգոստոսի 1-ին ծնվել է Լիլի Չուգասզյանը՝ ...

01-08-2020
Ինֆանտինոն արդեն մեղադրյալ է
Համաշխարհային ֆուտբոլը հերթական ապտակը ստացավ. ...
USD
EURO
RUR
GEL
Եղանակը Երևանում
գիշերը +20... +22
ցերեկը +36... +38

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO