Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

30.10.2020
ՏՆՏԵՍՈՒԹՅՈՒՆ


Այս տարի առաջին անգամ Մարմարիկի ջրամբարը լիովին լցվել է

55 մ բարձրությամբ պատվար, 24 միլիոն խմ ընդհանուր ծավալ եւ 23 միլիոն խմ օգտակար ծավալ ունեցող Մարմարիկի ջրամբարն այս տարի առաջին անգամ ամբողջովին լցվել է։
Սա կարեւոր փաստ է այն պարզ հանգամանքով պայմանավորված, որ Մարմարիկի ջրամբարն իր նշանակությամբ՝ «Ջրի ազգային ծրագրի մասին» օրենքով դասվում է պետական նշանակության օբյեկտների ցանկում (ջրամբարի վերականգնմանն օժանդակել է Համաշխարհային բանկի կողմից ֆինանսավորվող «Պատվարների անվտանգության ծրագիրը»)։
Փաստի կարեւորության համար մեկ այլ հանգամանք էլ ընդգծենք. խորհրդային Հայաստանում առաջին իսկ շահագործումից հետո վթարված կառույցը մեկ էլ գործեց անկախ Հայաստանում։ 1975թ. շահագործման հանձնելուց հետո, առաջին ջրալցման ժամանակ, դեռեւս ամբողջ ծավալով չլցված, ջրամբարը վթարվեց. պատվարի ներքին շեպը, ապա եւ մոտ 500 հազար խմ բնահող սահեցին դեպի ստորին բիեֆը։ Այստեղ էլ ավարտվեց ջրամբարի պատմության խորհրդային շրջանը։ Իսկ անկախ Հայաստանում տնտեսության վերականգնման հրամայականով, օրակարգ մտավ նաեւ Մարմարիկի ջրամբարի վերականգնման հարցը։ Պատվարների անվտանգության ծրագրի (2000—2009 թթ.) շրջանակում 2003—2004 թթ. իրականացված հետազոտություններն ի հայտ բերեցին, որ ջրամբարը պոտենցիալ վտանգի աղբյուր է ներկայացնում պատվարի ստորին հոսանքներում ապրող մոտ 142. 000 մարդկանց համար (տվյալը ջրային կոմիտեինն է)։ Ջրամբարի կառուցվածքներից ամենավտանգավորը շինարարական թունելն էր։ Այն գործում էր մոտ 35 տարի, թեեւ նախագծված էր որպես ժամանակավոր աշխատող կառուցվածք՝ 5—6 տարվա ծառայության ժամկետով։ Շինարարական թունելի ներսում ցանկացած փլուզման դեպքում ջուրը կկուտակվեր ջրամբարում եւ կթափվեր պատվարի վրայով՝ առաջացնելով վերջինիս լվացումը։ Մարմարիկի պատվարի վերականգնման պատճառներից առաջնայինը անվտանգության նկատառումներն էին։
Ինչեւէ, նախագծային աշխատանքները 2005թ. սկսվեցին, շինարարությունը՝ 2006թ.։ Պատվարը վերականգնվեց 2011թ.։ Մարմարիկի ջրամբարի առաջին ջրալցումը սկսվել է 2013թ. մարտին։ Թունելի ամրացման ու թունելում նոր ճնշումային ջրթող խողովակաշարի մոնտաժման աշխատանքներն ավարտվել են 2014թ., եւ ջրամբարի ջրալցումը վերսկսվել է 2014թ. մարտին։
Հիմա՝ փորձենք բացատրել, թե ինչ է նշանակում՝ այս տարի առաջին անգամ ջրամբարն ամբողջովին լցվել է։
Ըստ ջրային կոմիտեի՝ համաձայն առաջին ջրալցման գործընթացի նախագծի՝ ջրամբարն ամբողջ ծավալով պետք է լցվեր 4 տարում՝ 4 փուլով։ Ջրամբարում կուտակվող ջրի յուրաքանչյուր փուլի համար սահմանված ջրի հորիզոնին հասցնելուց հետո կուտակված ջուրը չպետք է օգտագործվեր, այն պետք է պահվեր ջրի անփոփոխ հորիզոնով որոշակի ժամանակ, որից հետո իրականացվեր հաջորդ փուլը, ինչը եւ տարեցտարի արվել է։ Ջրամբարի վերականգնումից հետո Մարմարիկի ջրամբարում 2013—2018թթ. առավելագույն կուտակված ջրի ծավալները եղել են. 2013թ. մայիսի 31—ին՝ 10.45 մլն խմ, 2014թ. հունիսի 27—ին՝ 17.28 մլն խմ, 2015թ. հուլիսի 4—ին՝ 21.26 մլն խմ, 2016թ. մայիսի 31—ին՝ 19.97 մլն խմ, 2017թ. հունիսի 23—24—ին՝ 21.69 մլն խմ եւ 2018թ. հունիսի 6—ին՝ 10.808 մլն խմ։
Եվ վերջապես՝ 2019թ. մայիսի 27—ին ջրամբարն առաջին անգամ լցվել է ամբողջ ծավալով՝ մոտ 24 մլն խմ, եւ սկսել է աշխատել հեղեղային ջրթող կառուցվածքը, որով ջրամբար մուտք գործող հեղեղային ջրերն անվնաս ու ապահով տեղափոխվել են ներքին բիեֆ՝ գետահուն։
Մարմարիկի ջրամբարի շահագործման շնորհիվ Սեւանա լճից ջրի բացթողումները տարեկան 23 միլիոն խմ—ով նվազել են (Մարմարիկի ջրամբարի տնտեսական այլ օգուտների մասին առիթով կխոսենք)։

Արմենուհի ՄԵԼՔՈՆՅԱՆ

07-06-2019





29-10-2020
Արեւելյան նուրբ զրույցներ՝ արաբական աշխարհի հետ
Խորհրդային հայտնի «Անապատի սպիտակ արեւը» կինոֆիլմի բազում թեւավոր արտահայտություններից ...


29-10-2020
Հայը կռվում է շատերի համար, իսկ նրանց լռությունը սոսկ ինքնասպանություն է
Թուրքիան նետվում է Միջին Ասիա՝ պանթուրանական ծրագրերի հետեւից



29-10-2020
Ռուսաստանը Թուրքիայում, ի վերջո, կկառուցի՞ ատոմակայան
Ի՞նչ է ենթադրում «Akkuyu» ԱԷԿ նախագծային ընկերությունից «Ինտեր ՌԱՕ»-ի ...


29-10-2020
Թուրքական ռազմական ներկայությունը Հարավային Կովկասում եւ Ռուսաստանի համբերությունը
Լեռնային Ղարաբաղի հակամարտության գոտում պատերազմը նոր ձեւեր է ընդունում: ...


29-10-2020
Սե՞ր, թե՞ բարեկամություն...
Սկիզμը՝ նախորդիվ

Յակոբ Սամսոնովիչը նաեւ դարդիման էր, չափազանց ...


29-10-2020
Ով ինչ է անում եւ ինչ կարող է անել այսօր
Հասարակության դիմադրողականության ընկալումների ու դրսեւորումների մասին

Արվեստի ...


29-10-2020
«Եւ նա բռնեց այն վիշապին, այն առաջի օձին, որ է Բանսարկուն եւ սատանան, եւ կապեց նորան հազար տարի»
Յոթերորդ սկավառակի դատարկման ժամանակը եկավ, ինչը մեծ ողբի ավարտման ...



29-10-2020
ՌԴ-ն տարածաշրջանում միշտ եղել է կայունություն հաստատող պետություն
Ռուսաստանը տարածաշրջանում կայունություն ...

29-10-2020
Ջալալ Հարությունյանին շնորհվել է «Արցախի հերոս» բարձրագույն կոչում
Արցախի Հանրապետության նախագահ Արայիկ ...

29-10-2020
Բարեգործական համերգ՝ նվիրված Արցախին
Եվրոպայում ճանաչում վայելող մի շարք հայ արտիստներ, ...

29-10-2020
ՀԱԳՄ-ն կաջակցի զբաղվածությամբ ապահովմանը
Ադրբեջանա-թուրքական ռազմական ագրեսիայի հետեւանքով ...
USD
EURO
RUR
GEL
Եղանակը Երևանում
գիշերը +16... +19
ցերեկը +24... +26

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO