Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

19.06.2019
ՍՈՑԻՈՒՄ


Անկանխիկ վճարումները՝ ընդդեմ ստվերի

Պատգամավորն առաջարկում է աշխատավարձերի վճարման նոր տարբերակ

ՀՀ Ազգային ժողովի «Իմ քայլը» խմբակցության պատգամավոր Գեւորգ Պապոյանը Հայաստանում անկանխիկ վճարումները զարգացնելու եւ ստվերային շրջանառությունը կրճատելու նպատակով մշակել է նոր օրենսդրական նախաձեռնություն։ Նա առաջարկում է 10—ից ավելի աշխատող ունեցող գործատուների համար սահմանել նոր նորմ՝ աշխատավարձի վճարումները կատարել անկանխիկ եղանակով։ Մեզ հետ զրույցում պատգամավորը ներկայացրեց նախաձեռնության նպատակը եւ դրա արդյունքում սպասելիքները։
«Հայաստանի Հանրապետության աշխատանքային օրենսգրքում լրացում կատարելու մասին օրենքի նախագծով երկու հիմնական նպատակ է դրվում։ Առաջինը ստվերային շրջանառության վերացումն է, իսկ երկրորդը՝ անկանխիկ վճարումների մշակույթի ներմուծումը։ Երկրորդ նպատակի իրագործումն աստիճանաբար կբերի ստվերային շրջանառության նվազման։ Օրինակ, եթե առեւտուր անելիս վճարում ենք անկանխիկ՝ քարտերի միջոցով, ապա 100 տոկոսով վստահ ենք, որ դա արձանագրվում է։ Եվ եթե դրանից բխող հարկային պարտավորություններ են առաջանում, ապա, բնականաբար, կազմակերպությունները չեն կարող դա թաքցնել։ Իսկ եթե կանխիկով ենք կատարում գործարքը, խնդիրներ են առաջանում, եթե ՀԴՄ կտրոն չեն տրամադրում։ Նպատակն է, որ ոչ թե ժամանակի ընթացքում գնանք կոշտ վարչարարության, այսինքն՝ մարդկանց տուգանենք, որ ՀԴՄ կտրոն տան, որ ստվերը դուրս գա, այլ մարդիկ իրենց անկանխիկ վճարումների միջոցով մեծամասամբ ստվերը դուրս բերեն»,—ներկայացրեց Պապոյանը։
Փոփոխությունը միտված չէ գործատուների դեմ. պատգամավորը վստահեցրեց, որ օրենքի նախագիծը մշակել է հանուն ստվերի կրճատման, խոսել է բազմաթիվ գործատուների, ՓՄՁ—ների աջակցության հիմնադրամի հետ, գործատուների համար որեւէ նոր ծախս չի առաջանում։
«10 եւ ավելի աշխատող ունեցող ընկերությունները քիչ թե շատ նորմալ ընկերություններ են եւ ունեն բանկային հաշիվ, հետեւաբար նրանց համար լրացուցիչ ծախս չի առաջանում»,—ասաց Պապոյանը։ Միեւնույն ժամանակ, պատգամավորը վստահ չէ, որ այս փոփոխությամբ իրական աշխատավարձերի չափերը լիովին կերեւան. հնարավոր է լինեն գործատուներ, որոնք աշխատավարձի մի մասը կվճարեն քարտով, մյուսը՝ կանխիկ։ «Սակայն այդ դեպքում գոնե կլուծվի մյուս նպատակը։ Աշխատակիցն, այնուամենայնիվ, կունենա բանկային քարտ եւ աշխատավարձի այդ հատվածը կարող է օգտագործել անկանխիկ, կսովորի անկանխիկ վճարելու մշակույթին»,–նշեց նա։
Դիտարկմանը, որ գյուղական շատ բնակավայրերում կարող են դժվարություններ առաջանալ բանկոմատների քիչ լինելու պատճառով, երբեմն նաեւ դրանցից օգտվել չկարողանալու պատճառով՝ Պապոյանն ասաց, որ պատրաստ է քննարկել այդ հարցը։ «Օրինակ, կարելի է այդ պահանջը սկզբում պարտադիր դարձնել Երեւանում, հետո կամաց—կամաց մյուս շրջաններում»,—նշեց պատգամավորն ու հավելեց, որ դիտարկվում է նաեւ այդ հնարավորությունը։ Սակայն նա նկատեց, որ շատ գյուղական համայնքներում՝ դպրոցներում, մշակույթի տներում, մանկապարտեզներում, որտեղ 100—ից ավելի աշխատակիցներ կան, աշխատավարձը ստանում են անկանխիկ եղանակով։ Եթե բանկոմատների հասանելիության խնդիրը կա, ապա կա նաեւ այդ մարդկանց համար։ Նրա կարծիքով՝ եթե օրինագիծն ուժի մեջ մտնի, բանկերի համար էլ տնտեսապես նպատակահարմար կլինի թեկուզ խոշոր գյուղերում բանկոմատ ունենալ։
Նախագծի հեղինակը պատրաստվում է նաեւ գլխադասային հանձնաժողովի նիստում առաջարկել, որ հաշմանդամություն ունեցող անձանց աշխատավարձը, այնուամենայնիվ, տրվի կանխիկ կամ՝ ըստ ցանկության։ Պապոյանը մեկ անգամ եւս շեշտեց՝ նախագծի նպատակն է անցնել առանց ստվերի Հայաստանի։ «Եթե կրճատում ենք ստվերը, նշանակում է, որ հարկերը մեծանում են, դա էլ նշանակում է թոշակների, աշխատավարձերի բարձրացում եւ այլն։ Նպատակն է ունենալ անկանխիկ վճարումների կատարման մշակույթը՝ մինիմալ անհարմարություն պատճառելով քաղաքացիներին»,—եզրափակեց Պապոյանը։
Աննա ԳՐԻԳՈՐՅԱՆ

07-06-2019





19-06-2019
Ադրբեջանական կողմը հարվածներ է ուղղում նաեւ Ռուսաստանին
ՀՀ ԱԺ պատվիրակները ՆԱՏՕ-ի ԽՎ-ում հանդես կգան սեփական ...


19-06-2019
Փոքր, աննշան, բայց կարեւոր քայլերով
Բանակցային գործընթացը նվազեցնում է առճակատման ռիսկերը

Լուսինե ՄԽԻԹԱՐՅԱՆ
l.mkhitaryan@hhpress.am


ԵԱՀԿ ...


19-06-2019
Առաջին հերթին՝ որպես համազգային վստահության ինստիտուտ
ՀՀ նախագահի ելույթը հիմնադրամի հոգաբարձուների խորհրդի եւ տեղական ...


19-06-2019
Հիմնադրամը պետք է դառնա մեր համազգային բյուջեն
Նիկոլ Փաշինյանի ելույթը «Հայաստան» համահայկական հիմնադրամի 28-րդ համատեղ ...


19-06-2019
Ատամնաբուժարան, բուժկետ, աղի քարանձավ
Մարի Իզմիրլյանի անվան մանկատունը նոր շունչ է ստանում



19-06-2019
Ի՞նչ են գրում, ինչպե՞ս են գրում
Ժամանակակից գրականության դիմապատկերի ուրվագծերը

Լիանա ՍԱՐԳՍՅԱՆ
l.sargsyan@hhpress.am


Երիտասարդ ստեղծագործողները վերջին ...


19-06-2019
Հերթը հաջորդինն է
Օտար լեզուների քննական արդյունքները հայտնի են

Թամարա ՄՈՒՐԱԴՅԱՆ
t.muradyan@hhpress.am


Հունիսի ...



19-06-2019
Լեւոն Անանյան
Ոչ միայն մարդկային, այլեւ ...

19-06-2019
Դել Բոսկեն գաղտնիքներ չբացեց
Մանկապատանեկան մարզադպրոցների զարգացում, ուժեղ ...

19-06-2019
Նիկոլ Փաշինյանը հյուրընկալել է անվանի գիտնական Ռեյմոնդ Դամադյանին
Վարչապետ Նիկոլ Փաշինյանը հյուրընկալել է հայազգի ...

19-06-2019
Ներկայացվել է ՊԵԿ 2020-2024 թթ. ռազմավարական գործունեության ծրագրի նախագիծը
Վարչապետ Նիկոլ Փաշինյանի մոտ փոխվարչապետների, ...
USD
EURO
RUR
GEL
Եղանակը Երևանում
գիշերը +17... +19
ցերեկը +28... +30

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO