Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

02.07.2020
ԼՂՀ


Անհրաժեշտ են հավաքածուների ցուցադրման լիարժեք պայմաններ

Քննարկումներ՝ թանգարանային գործի առավել արդյունավետ կազմակերպման տեսլականով

Հանրապետությունում հաշվառված թանգարանների գործունեությունը խոչընդոտող խնդիրներն են գլխավորապես հանրային քննարկումների առարկա դարձել «Արմատներ» կենտրոնում, որին մասնակցում էին Շուշիի, Ստեփանակերտի, Հադրութի, ինչպես նաեւ Տիգրանակերտի եւ Նիկոլ Դումանի թանգարանների տնօրենները, հասարակական կազմակերպությունների ներկայացուցիչներ։ Քննարկումների արդյունքում, որին ներկա էր մշակույթի, երիտասարդության հարցերի եւ զբոսաշրջության փոխնախարար Մելանյա Բալայանը, հնչեցվել են մի շարք առաջարկություններ, կարծիքներ եւ մտահոգություններ՝ միտված Արցախում թանգարանային գործի առավել արդյունավետ կազմակերպմանը։
Մելանյա Բալայանի կարծիքով, 1939 թվականից Արցախում գործող թանգարանները դեռեւս ամբողջությամբ չեն համալրվել անհրաժեշտ նմուշներով, իրենց գործառույթներն իրականացնելու բավարար պայմաններ չունեն։ «Թանգարանների շենքային վատթարագույն պայմաններում գիտականորեն հիմնված նույնիսկ լավագույն ցուցադրությունը հնարավոր չէ իրականացնել,–նշեց նա՝ գտնելով, որ դա է թանգարան—հասարակություն կապի խաթարման հիմնական պատճառը։ «Որքան էլ թանգարանները որպես կրթական կենտրոններ անփոխարինելի լինեն, մեկ է՝ իրեղեն ապացույցն անգամ պետք է մատուցվի հետաքրքիր ցուցադրությունների, գիտական բարձր մակարդակի, նորագույն տեխնոլոգիաների եւ, որ ամենակարեւորն է, շենքային բավարար պայմաններում»,— համոզված է փոխնախարարը, որը երկար տարիներ գլխավորել է Արցախի պետական, պատմաերկրագիտական թանգարանի աշխատանքները։ Նա հույս հայտնեց, որ պատմության պետական թանգարանի նոր շենքի շինարարությունը շուտով ավարտին կհասցվի եւ «հնարավորություն կընձեռվի ապահովել մշակույթ—հասարակություն ակտիվ հաղորդակցությունը»։
Ազգային ժողովի գիտության, կրթության, մշակույթի, երիտասարդության եւ սպորտի հարցերի մշտական հանձնաժողովի փորձագետ Սիրանուշ Սարգսյանը մտահոգություն հայտնեց, որ գյուղական դպրոցների աշակերտները գրեթե զրկված են մշակույթից։ «Նրանք հնարավորություն չունեն այցելել թանգարան, եւ քաղաքաբնակ աշակերտների համեմատ տարբերությունն ակնառու է»։ Նա առաջարկեց ԿԳՍ նախարարության տարեկան բյուջեում համապատասխան միջոցներ նախատեսել՝ ամեն տարի գոնե մի քանի գյուղական դպրոցի աշակերտների ընդգրկմամբ արվեստի կենտրոններ այցեր ապահովելու համար, ինչը կնպաստի գյուղական դպրոց—թանգարան կապի ամրապնդմանը։
Կիսելով փորձագետի կարծիքը՝ Շուշիի կերպարվեստի պետական թանգարանի տնօրեն, արվեստագիտության թեկնածու Լուսինե Գասպարյանը շեշտեց. «Երեխաները դպրոցում արվեստին, մշակույթին լիարժեք չեն ծանոթանում։ Երաժշտության եւ նկարչության դասաժամերի հաշվին, որպես կանոն, լրացվում են «բաց թողնված» մաթեմատիկայի կամ պատմության դասերը։ Շուշիի կերպարվեստի թանգարանը փորձում է լրացնել այդ բացը՝ կրթական բազմաթիվ ծրագրեր կազմակերպելով։
Բերդաքաղաքի եւ Ստեփանակերտի դպրոցների դասղեկական ժամերը մեր հրավերով անցկացվում են թանգարաններում։ Դրան զուգահեռ տարին երկու անգամ նախաձեռնում ենք նաեւ «Պատանի բնագետ» ինտելեկտուալ խաղը, որին մասնակցում են ինչպես Շուշիի, Ստեփանակերտի, այնպես էլ գյուղերի առանձին դպրոցների թիմեր»։ Լ. Գասպարյանի հավաստմամբ, Շուշիի պատկերասրահի նախաձեռնությամբ եւ հովանավորների միջոցներով նախաձեռնվել է «Արի գնանք թանգարան» ծրագիրը, որը Արցախի տարբեր շրջաններում ապրող դպրոցահասակ երեխաներին ապահովելու է մշակութային հագեցած օր։
Քննարկումներին իր տեսակետը հնչեցրեց նաեւ «Զբոսաշրջության զարգացման գործակալություն» կազմակերպության ղեկավար Սերգեյ Շահվերդյանը։ Նրա համոզմամբ, թանգարանների նկատմամբ պետության վերաբերմունքը պետք է խորքային փոփոխության ենթարկվի. «Թանգարանը գիտական ուսումնասիրության կենտրոն է՝ տարաբնույթ բաժիններով, իսկ պետության կողմից սահմանված՝ մեր թանգարանների հաստիքային համակարգը ենթադրում է միայն ցուցանմուշների պահպանման եւ ցուցադրման ֆունկցիաներ։ Որքան էլ որ Արցախի պատմության պետական թանգարանի նորակառույց շենքը շքեղ լինի, մինչեւ պետության մոտեցումները չփոխվեն, մայր թանգարանը շարունակելու է ընդամենը ցուցասրահների հավաքածու հանդիսանալ այցելուների համար»։
Դավիթ ՄԻՔԱՅԵԼՅԱՆ
Ստեփանակերտ
Լուսանկարը՝ Ռ. ՍԱՐԳՍՅԱՆԻ

08-06-2019





02-07-2020
Առարկայական բանակցությունները հնարավոր են միայն խաղաղ պայմաններում
Հայկական օրակարգն ընդունելի է միջազգային գործընկերների համար

Նախօրեին ...


02-07-2020
Հայկական եւ ռուսական կողմերը միջուկային էներգետիկայի ոլորտում բնականոն աշխատում են
Սկսվում է մեծածավալ պլանային նախազգուշական վերանորոգումը

Հայկական ատոմակայանի ...


02-07-2020
Հայաստանում հաստատվել է COVID-19-ի 593 նոր դեպք․ ապաքինվել է 473, մահացել 6 քաղաքացի
Հայաստանում հուլիսի 2-ի ժամը 11:00-ի դրությամբ հաստատվել է կորոնավիրուսային ...


02-07-2020
Աստծուն հաճելի է քո մեջ տեսնել…
Աստված կամենում է, որ դու ունենաս ամուր հավատք։ Դու ...


02-07-2020
Եթե չպահպանենք կանոնները
Ապա համավարակը հաղթահարելը կդառնա գրեթե անհնար

«Հայաստանի Հանրապետություն» ...


02-07-2020
Ղեւոնդ Ալիշան 200
Աննման առաքինությունը

«Ծագե՜, Հայ հանճար, փայլե՛ բյուր բոցեր,
Իմանան ազգեր,
Թե ...


02-07-2020
Հայաստանում ծխելու դեմ պայքարն առանձնակի կարեւորություն ունի
Պետությունը ծխախոտ արտադրողներին կստիպի իրազեկել դրանց վնասակարության մասին ...



02-07-2020
2019 թ. արձանագրված 7.6 տոկոս տնտեսական աճը լավ պաշար է 2020-ի համար
Գործադիրն իր գործողություններով ...

02-07-2020
Էռնեստ Հեմինգուեյն ու հայերը
«Այստեղ վիճել են Հեմինգուեյն ու ...

02-07-2020
Անգելա Մերկելը կղեկավարի ԵՄ-ն
Եվրոպական երկրների կառավարությունների ...

02-07-2020
Մխիթարյանը մնում է «Ռոմայում». ի՞նչ կփոխվի մրցաշրջանի ավարտին
Իտալական «Ռոման» պաշտոնապես հայտարարել է Հենրիխ ...
USD
EURO
RUR
GEL
Եղանակը Երևանում
գիշերը +17... +19
ցերեկը +31... +33

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO