Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.10.2019
ԳԻՏՈՒԹՅՈՒՆ


Հայաստանի պատուհանը Բաշկիրիայում

Զինուրովի նոր գիրքը՝ ընդդեմ կեղծ պատմագրության

ՀՀ ԱԺ նիստերի դահլիճին կից սրահում երեկ տեղի ունեցավ բաշկիր հեղինակ, հայագետ, իրավագիտության դոկտոր Ռաֆայիլ Զինուրովի «Ակնարկներ ռուսալեզու պատմագրությունում Հայաստանի նոր եւ նորագույն պատմության» խորագրով գրքի շնորհանդեսը։ Գիրքը լույս է տեսել Ուֆայում անցած տարի։
ՀՀ ԳԱԱ պատմության ինստիտուտի տնօրեն Աշոտ Մելքոնյանի խոսքով՝ այս աշխատությունը կարեւոր է նրանով, որ անդրադառնում է հայոց պատմության հանգուցային հարցերի վերաբերյալ ռուս պատմագրության արձագանքներին, մասնավորապես Հայկական հարցին, Հայոց ցեղասպանությանը, հայ—թուրքական, հայ—ռուսական հարաբերություններին եւ այլն։ Արժեքավոր աշխատությունը գրվել է նորագույն ժամանակաշրջանի կարեւորագույն հարցերին խորապես տիրապետելուց հետո միայն։ «Կարող են լինել մարդիկ, որոնք արմատապես կարող են փոխել մի ամբողջ ժողովրդի մասին քո կարծրատիպային պատկերացումները։ Զինուրովի մասին խոսելիս նրա կերպարի մեջ խտացված պատկերացնում եմ ամբողջ բաշկիր ժողովրդին։ Նա չի կարող խոսել պանթուրքիզմի մասին, քանի որ գրում է դրա դեմ եւ գալիս է մեկ անգամ եւս ապացուցելու, որ համաթուրանականությունը, համաթրքությունը բացարձակապես կապ չունեն թուրքալեզու ժողովուրդների շահերի հետ»,–ասաց Մելքոնյանը։
Գրքի շնորհանդեսը կազմակերպվել էր ՀՀ ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի եւ «Դիալոգ» հասարակական կազմակերպության կողմից՝ «Լորիս Մելիքով» բանավեճի ֆորումի շրջանակներում։ Այս տարվա ապրիլից հայագետը ստանձնել է «Դիալոգ» կազմակերպության համանախագահի պաշտոնը։
«Դիալոգ» հասարակական կազմակերպության նախագահ Յուրի Նավոյանն ընդգծեց, որ հեղինակը շարունակում է Ռուսաստանում հայագիտության լավագույն ավանդույթները, իսկ նրա աշխատությունն ամբողջական վերլուծություն է, որը ներկայացնում է կայսրական Ռուսաստանի, խորհրդային եւ հետխորհրդային շրջանի բոլոր աղբյուրների տեսությունը, ինչպես նաեւ հայ պատմագրության միջազգային կողմերը, թուրքական եւ ադրբեջանական պատմագիրների բոլոր ուսումնասիրությունները։ «Գիտական արժեք ներկայացնելուց զատ, Զինուրովի աշխատությունը նաեւ պատմական կեղծարարության դեմ պայքարի լավագույն միջոցներից մեկն է։ Եթե հաշվի առնենք, որ վերջերս մայիսին Ալիեւը կոչ էր անում մահմեդական պետություններին եւ ժողովուրդներին համախմբվել Հայաստանի եւ հայության դեմ, ապա Զինուրովը միայն իր օրինակով ցույց է տալիս, որ այդ թվացյալ միությունը ճեղքված է այսպիսի որակյալ աշխատություններով։ Նման հայտարարություններին հակադրվում են մնայուն եւ արժեքավոր ուսումնասիրություններով, քաղաքական կարճատեւ կարգախոսներին՝ խորքային ուսումնասիրություններով»,–ասաց նա։
ՀՀ ԳԱԱ ինստիտուտի առաջատար գիտաշխատող, պատմական գիտությունների դոկտոր, պրոֆեսոր Վալերի Թունյանը «ՀՀ»—ի հետ զրույցում նշեց, որ Զինուրովը խիստ կարեւոր աշխատանք է կատարել, քանի որ տարբեր հեղինակների կողմից հակահայկական ալիքը շարունակվում է, մինչդեռ Զինուրովն իր անկեղծ աշխատանքով մի քանի կարեւոր հարցեր է լուծում։ Առաջինը՝ սկսեց ձեւակերպել Ռուսաստանի Դաշնությունում հայագիտության արդի ֆոնդը, երկրորդը՝ նա մեծ գիտական ներուժ, քաղաքական, մշակութային ազդեցություն ունի, որը պիտանի է հայագիտության զարգացման համար, երրորդը՝ Զինուրովն իր հանրապետությունում թույլ չի տալիս հակահայկական տրամադրություններ, եւ վերջապես՝ որպես անհատականություն կանգնած է մեր կողքին եւ հետեւողականորեն շարունակում է իր հայանպաստ գործունեությունը։
Հեղինակը մեզ հետ զրույցում ասաց, որ իր հաջորդ գիրքը նվիրված է լինելու Հայաստանի առաջին Հանրապետությանը։ «Առաջին հանրապետության ժամանակահատվածը շատ հետաքրքիր է։ Հայաստանը փոքր երկիր է։ Ուզում եմ գրել, թե ինչպես են օտարվել հայկական հողերը»,–նշեց Զինուրովը։ Հաջորդ նախագիծը բոլոր հայ ֆիդայինների քանդակների ստեղծումն է, որոնք ցանկանում է ներկայացնել Երեւանում կազմակերպվելիք ցուցահանդեսում։ Արդեն իսկ պատրաստ են մի քանիսի քանդակները։ «Իմ սիրելի հերոսը Գարեգին Նժդեհն է, հետո Արաբոն, Գեւորգ Չաուշը։ Բոլորին էլ սիրում եմ, ցավոք, նրանք կարծես մոռացության են մատնվել»,–ասաց բաշկիր պետական— քաղաքական գործիչը։
Ռաֆայիլ Զինուրովի նախորդ աշխատությունը «Հայաստան՝ հազարամյակների ուղի…» եռահատորյակն է, որտեղ չափածո շարադրանքով ներկայացրել է հայոց պատմությունը՝ ի մի բերելով մեր պատմությանը վերաբերող ռուսալեզու բոլոր աղբյուրները, ինչպես նաեւ օգտվելով Մովսես Խորենացու, Կորյունի, Եղիշեի պատմություններից եւ մի շարք այլ աղբյուրներից։ Նա անդրադարձել է Հայաստանի մասին պատմական ճշմարտությանը՝ հնագույն ժամանակներից մինչեւ մեր օրերը։ Եռահատոր աշխատությունը գրելու ընթացքում էլ սովորել է հայերեն գրել—կարդալ։
Լուսինե ՄԽԻԹԱՐՅԱՆ

08-06-2019





17-10-2019
Էթնիկ զտումների քաղաքականությունը շարունակվում է
«Թուրք զինվորները դեռ ծարավ են արյան...»

Արմենուհի ՄԵԼՔՈՆՅԱՆ
a.melqonyan@hhpress.am


Չնայած ...


17-10-2019
Երբ դժվար իրացվող գույքը էժան էլ չի վաճառվում
Օտարման ինչ փուլեր է առաջարկում պետգույքի կառավարման կոմիտեն

Արմենուհի ...


17-10-2019
Գայթակղությունները բազում էին, իսկ ինքը մենակ էր
Տիգրանը պատրանքներ չուներ, այլ ստեղծում էր պատրանքներ
 
Թադեւոս ԽԱՉԱՏՐՅԱՆ
t.khachatryan@hhpress.am




17-10-2019
Սիրիահայերի հնարավոր վերադարձը Հայաստան կանխատեսելի է
Ամեն ինչ արվելու է մեր հայրենակիցների պատշաճ ընդունելության ...


17-10-2019
Թարգմանությունը՝ որպես մշակույթ եւ լեզվի մարզանք
Հայ ժողովուրդն իրավամբ պարծենալու տեղ ունի աշխարհում

Հայ ...


17-10-2019
Անհրաժեշտ փորձ ձեռք բերելու հրաշալի հարթակ
«Գիտական աստիճաններ. դեպի եվրոպական ստանդարտներ»

Լիանա ՍԱՐԳՍՅԱՆ
l.sargsyan@hhpress.am


Բարձրագույն կրթության ...


17-10-2019
«Երբ ասում ենք ինովացիա, առաջին հերթին պետք է նկատի ունենանք մտքի, մտածողության ինովացիա, որը եւ իրականում փոխում է աշխարհը»
Վարչապետը մասնակցել է «Գլոբալ ինովացիոն ֆորումի» բացմանը

Վարչապետ ...



17-10-2019
Համանախագահները հանդիպել են Արցախի ղեկավարի հետ
Երեւանյան քննարկումները շարունակվել են ...

17-10-2019
Աղջիկ չունենալու վատ սովորույթը տեղի է տալիս
Հայաստանը դեռեւս սեռով պայմանավորված ...

17-10-2019
...Ասադը նույնպես վայելում է ՌԴ նախագահի աջակցությունը
Թուրքիայի նախագահը Մոսկվա է գնալու՝ ...

17-10-2019
Հաջողությունը պետք է վաստակել
Հայաստանի ֆուտբոլի ազգային հավաքականը, ...
USD
EURO
RUR
GEL
Եղանակը Երևանում
գիշերը +20... +22
ցերեկը +26... +28

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO