Հանրապետություն
Հասարակություն
Ներքին կյանք
Արտաքին քաղաքականություն
Տնտեսություն
Սոցիում
Մշակույթ
Գիտություն
Կրթություն
Առողջապահություն
 
Պաշտոնական
Նախագահ
Ազգային ժողով
Կառավարություն
ԱԳՆ
ՊՆ
Մայր Աթոռ
Այլք...
 
Երևան
Մարզեր
ԼՂՀ
Աշխարհ
Զանազան

17.09.2019
ԵՐԵՎԱՆ


Նոր լիցք՝ երկկողմ կապերին

Մայրաքաղաքը ուսումնասիրելու է աղբահանության եւ հասարակական տրանսպորտի պետերբուրգյան փորձը

Լիանա ՍԱՐԳՍՅԱՆ
l.sargsyan@hhpress.am


«Երեւանի օրերը Սանկտ Պետերբուրգում» ամենամյա միջոցառումներին մասնակցելու նպատակով՝ օրերս Երեւանի քաղաքապետ Հայկ Մարությանի գլխավորած պատվիրակությունը պաշտոնական այցով մեկնել էր Սանկտ Պետերբուրգ։ Մարությանը այցի շրջանակներում հանդիպել էր նաեւ Ս. Պետերբուրգի նահանգապետի ժամանակավոր պաշտոնակատար Ալեքսանդր Բեգլովի հետ։
Քաղաքապետի մամուլի խոսնակ Հակոբ Կարապետյանն այս առիթով «ՀՀ»—ի թղթակցի հետ զրույցում ասաց, որ հանդիպմանը քննարկվել են երկու քաղաքների հետագա համագործակցությանն առնչվող բազմաթիվ հարցեր։ Այս համատեքստում պաշտոնյաները կարեւորել են առեւտրատնտեսական եւ հումանիտար կապերի ընդլայնումը։ «Քույր քաղաքներ հանդիսացող Երեւանի եւ Պետերբուրգի միջեւ բավական սերտ կապեր կան՝ նախորդ տարիներից ձեւավորված։ Այնտեղի հայ համայնքը շատ ակտիվ է։ Տարբեր տվյալներով այսօր 25—50 հազար հայեր են ապրում Սանկտ Պետերբուրգում եւ հարակից վայրերում։ Մշակութային այս երկու քաղաքների միջեւ, երկկողմ համագործակցության տեսանկյունից, մասնավորապես շատ են կարեւորվում բժշկության, կրթության, մշակութային ոլորտներին առնչվող հարցերը»,—մանրամասնեց Կարապետյանը։ Հանդիպմանը Ալեքսանդր Բեգլովն ասել է, որ երկու կողմերի հարաբերությունների ներուժը զարգացման եւ ընդլայնման լայն հնարավորություններ ունի։
Ըստ Կարապետյանի՝ նա հեռանկարային ուղղություններից է համարել, մասնավորապես, համագործակցությունը առողջապահության եւ դեղագործության ոլորտներում. «Բեգլովը նաեւ ասաց, որ քաղաքը մտադիր է մեծացնել գյուղատնտեսական արտադրանքի մատակարարումը Հայաստանից դեպի Սանկտ Պետերբուրգի առեւտրային ցանցեր։ Կարեւորելով քաղաքային իշխանության ջանքերը գործընկերային հարաբերությունների ընդլայնման ու ամրապնդման հարցում՝ Երեւանի քաղաքապետը համոզմունք հայտնեց, որ Ս. Պետերբուրգում անցկացվող Երեւանի օրերը նոր լիցք կհաղորդեն երկկողմանի հարաբերություններին։ Հայկ Մարությանը նախանշել է այն ուղղությունները, որոնք փոխադարձ հետաքրքրություն են ներկայացնում»,—ասաց քաղաքապետի մամուլի խոսնակը՝ միաժամանակ տեղեկացնելով, որ Երեւանը մտադիր է ուսումնասիրել Պետերբուրգի փորձը հասարակական տրանսպորտի եւ աղբահանության ոլորտներում։ Այցի շրջանակներում պատվիրակությունը եղել է նաեւ Էրմիտաժում, հանդիպել պետական թանգարանի տնօրեն Միխայիլ Պիատրովսկու հետ։ Վերջինս կարեւորել է երկու քաղաքների համագործակցությունը՝ թանգարանների զարգացման ու հանրահռչակման հարցում։ «Պիատրովսկին կարեւորեց «Էրեբունի» պատմահնագիտական արգելոց—թանգարանի գործունեությունը, «Կարմիր բլուր» հնավայրը շինարարական աղբից մաքրելու եւ զբոսաշրջային կենտրոն դարձնելու քայլերը։ Հույս հայտնեց, որ այս աշխուժացումը կնպաստի նաեւ գիտական ոլորտի աշխուժացմանը»,—տեղեկացրեց Կարապետյանը։
Այլ օրակարգ են ունեցել Երեւանի քաղաքապետի պատվիրակության կազմում ՌԴ հյուսիսային մայրաքաղաք այցելած ավագանու «Բարգավաճ Հայաստան», «Իմ քայլը» եւ «Լույս» խմբակցությունների անդամները։ Նրանք հանդիպում են ունեցել Սանկտ Պետերբուրգի օրենսդիր մարմնում՝ քաղաքային դումայում, որտեղ կողմերի միջեւ պայմանավորվածություն է ձեռք բերվել համակողմանիորեն քննարկելու երկուստեք համագործակցության հնարավոր ձեւաչափերը։ Մշակութային միջոցառումների շրջանակում Ա. Ա. Բրյանցեւի անվան պատանի հանդիսատեսի թատրոնում կայացել է Նարինե Գրիգորյանի «Իմ ընտանիքն իմ ճամպրուկում է» ինքնակենսագրական մենաներկայացումը։ «Կապելլա» համերգասրահում Երեւանի «Թումո» ստեղծարար տեխնոլոգիաների կենտրոնի «ԹմբաԹա» երիտասարդական ժողովրդական ռոք խմբի անդամները կատարել են հայկական ժողովրդական երաժշտության հիման վրա մշակված, ռոքի եւ փորձարարական երաժշտության հետ համադրված ստեղծագործություններ։ Ինչպես նշեց Կարապետյանը՝ Երեւանի օրերի միջոցառումների ծրագիրը ամփոփվել է քաղաքապետ Մարությանի անունից կազմակերպված պաշտոնական ընդունելությամբ, որին մասնակցել են Ալեքսանդր Բեգլովը, կառավարության անդամներ, գիտության, արվեստի եւ մշակույթի գործիչներ, հայ համայնքի ներկայացուցիչներ։

25-06-2019





14-09-2019
Սուրբ Խաչն ուրախության տոն է
Իսկ ննջեցյալների գերեզմաններին այցելում են հաջորդ օրը

Թամարա ՄՈՒՐԱԴՅԱՆ
t.muradyan@hhpress.am




14-09-2019
Պետությունը կաջակցի ջերմատնային տնտեսություն կառուցողներին
Ծրագիրը քննարկման փուլում է

Արմենուհի ՄԵԼՔՈՆՅԱՆ
a.melqonyan@hhpress.am


Էկոնոմիկայի նախարարությունը մի ...


14-09-2019
«Պապական խոսքի» վարքակարգավորիչ ներուժը
Հայոց առածանին, որպես անձի, խմբի եւ հանրության վարվելակերպի նմուշների ...


 
14-09-2019
Միայն գիտակցելով անցյալը
Մենք կարող ենք երաշխավորել ազատության ապագան

Դրանով հանդերձ ...


14-09-2019
Ձգտումները ժողովրդավարական են...
Վաղը ժողովրդավարության համաշխարհային օրն է

Լիանա ՍԱՐԳՍՅԱՆ
l.sargsyan@hhpress.am


2007թ. աշնանը ...


14-09-2019
Եղել է դեպք, երբ փաստաբանը վարակվել է բանտարկյալից
Կստեղծվեն հատուկ պայմաններ բանտարկյալներին այցելողների համար

Լիանա ՍԱՐԳՍՅԱՆ
l.sargsyan@hhpress.am


Ազգային ...


14-09-2019
Պետությունը կաջակցի ջերմատնային տնտեսություն կառուցողներին
Ծրագիրը քննարկման փուլում է

Արմենուհի ՄԵԼՔՈՆՅԱՆ
a.melqonyan@hhpress.am


Էկոնոմիկայի նախարարությունը մի ...



14-09-2019
Թումանյանն ու Կոմիտասը «պաշտում» էին միմյանց
Նրանք հանդիպել են կյանքի տարբեր ...

14-09-2019
Մշակութային, գիտակրթական կենտրոն դառնալու հայտ
Արցախում անցկացվել է հայագիտական ...

14-09-2019
Շահագրգիռ քննարկումներ՝ օրենսդրական փոփոխությունների շուրջ
Նախարարը հանդիպել է քաղաքացիական ...

14-09-2019
Մարմնամարզիկները պատրաստ են արդարացնելու սպասելիքները
Սպորտային մարմնամարզության աշխարհի առաջնության ...
USD
EURO
RUR
GEL
Եղանակը Երևանում
գիշերը +20... +22
ցերեկը +37... +39

Մեր մասին
Կապ
   Արխիվ

© 2006 Copyright Hayastany Hanrapetutyun daily © 2006 Design and development by WEBMAKER STUDIO